O Le Igoa o Lana Ekalesia

O loo i ai le uiga i tua atu o le igoa na tuuina mai e Iesu Keriso i Lana Ekalesia.

la’u ekalesia

Ekalesia—o se vaega o tagata o e talitonu i mea lava e tasi ma tapuai faatasi. O lenei Ekalesia e ia Iesu Keriso. Sa Ia amataina. O Ia e taitaia. O Lana lava.

e ta’ua

Ua ta’u mai e Iesu Keriso ia i tatou mea e finagalo o Ia ia faaigoa ai e tagata Lana Ekalesia. O le mea lena e tatau ona tatou valaauina—ma le mea e tatau ona tatou fai atu ma le agalelei i isi e valaau ai. O lenei igoa na sau mai ia Iesu Keriso.

aso e gata ai

Aso e gata ai—o aso o loo tatou ola ai; o le taimi a o le’i oo i le Afio Mai Faalua o Iesu Keriso. Ua toe aumai e Iesu Keriso Lana Ekalesia i le lalolagi mo le taimi mulimuli lenei. O le a fesoasoani e saunia ai le lalolagi mo Lona Afio Faalua Mai.

O Le Ekalesia a Iesu Keriso

(Tagai “o la’u ekalesia.”) O le vaega muamua lenei o le igoa na faaigoa ai e le Faaola i Lana Ekalesia. Ua ia ta’ua “O Le Ekalesia” ona sa Ia faatulagaina. Ma ua Ia tuuina i ai Lona suafa.

Aso e gata ai

(Tagai “aso e gata ai.”) O le isi lenei vaega o le igoa o le Ekalesia. O loo faaali mai ai o le Ekalesia lenei sa Ia toe aumaia i nei aso, e le o le mea lea na Ia amataina i le taimi na tuanai.

Au Paia

O le Au Paia—o se upu o lona uiga “o tagata e paia.” O le vaega mulimuli lenei o le igoa o le Ekalesia. O loo talanoa e uiga i tagata o le Ekalesia. E mafai e Iesu Keriso ona faamamāina i tatou ma mama. Ma ua Ia tuuina mai ia i tatou le Agaga Paia e faamalosia i tatou a o tatou taumafai e fai le mea ua Ia poloaiina ai i tatou. Afai tatou te faatuatua ia te Ia ma taumafai pea, Na te faia i tatou ia paia. Na te faia i tatou o ni Tagata Paia.