16:44

Ng Diak a Ngodech el Dios

Mla e ra Elder Dallin H. Oaks

Chelechad e ra Teruich me a Terung el Apostol

Kid kede mengull aike el ngii a soad el tekoi me a omeruul el dengai el mo ruchei er a Demad er a Babeluades el ngii a kmal kired el mengull er ngii?

A ika el Teruich el Llach a mle bebil er a llach el rechedal a Kristiano me a re jewish a ulemerang. Ng uliak a chedam el Dios el mo e ra rengelkel el mla e ra Israel lokui a propet Moses, a kot el ngii a teblo el llach a ochotii a rael ma ungil teletael ma omeruul. Se el kot, ea Rubak a milellach, “Ng di ngak el tang cho mongull ngii e diak angodech el chelid.” (Exodus 20:3). Betok el rak ruriul, ea Jesus a uleker, “Ngera sel kmal kot el ngar bab el llach?” Ngii a ulenger, “Bo le betik a rengum er a Rubak el Dios er kau er a rengum el rokir,ma klengar er kau el rokir, ma uldesuem el rokir” (Mateus 22:36–37).

A ongeru el llach e ra chelsel a Teruich el Llechul a Dios a ochotii el kmo ng diak a ngodech el dios e ochotii el mer kid el ngelekel a Rubak el Dios el kmo ngera se el kmal klou a ultutelel. “Ng diak moruul a bleob, el chedum me a lechub okesiul” a ngar a eanged me a lechub eng ngara chutem me a lechub e ng ngar a ralm er eungel a chutem (Exodus 20:4). A ongeru llach a dochelii, “Ng diak bo mongull malechub e bo mosiou er tir” (Exodus 20:5).Ng betook el bekelbedengel a bleob, el sel denguu er chelechal taem eng kmal klou a ultutelel. Jehovah a millekoi, “Ele ngak el Rubak el Dios er kau a bechecherirs el Dios, … el chubechub el mo er tirkel … betik a rengrir er ngak, e oltirakl a llechuk” (Exodus 20:5–6). A belkul tia el bechecherirs a mla merael me chemolt. Ng tekoi ra Hebrew el belkul a kmo “ng kmal lulis el mo mekngit a rengul ma lechub eng chelam a rengul” (Exodus 20:5; footnote b). Kede tomelii a rengul a Demad el Dios sel “dosus el mo” me a lechub “mesiou” e ra ngidi el chelid—se el sekum eng ngar ngii a kot el teletael doruul er ngii. ¹

I.

Ngera “bebil e ra omeruul” el “do nguull” me a lechub e “mla meruul” el kired a rechad—ng direk el mora rechad e ra ikelesa—er chelcha el taem? Komomdasu aikai kid el teletael, el ngii a betook el kaisisiu e ra chelsel tial beluulechad:

Siukang me a uldelid el teletael er a telungalek
Meruul a tekoi el diak de temall a rengrir a rechad
Soad el mo kot er a urered
Kloklel a bedenged
Soal a rengud lomilil
Klisiich, deruchall malechub a chetengakl

Alesekum eng diak ra ika el a melutk el kired, eng locha sebeched el masch a bebil el kired. A llach a lemuut el kmal klou a belkul ra okesiu. A nger a diak el dil bol ra ike el ngii a doruul me a lechub eng kuk di ngerachel. A ker el mengai e ra ongeru el llach el “Ngera se el ngii a kot el moktek?” Kid kede mengull e ra ngii di el ngerang me a lechub eng kuk tirke el ngii a dengai el mo ruchei e ra Demad e ra Babeluades el ngii a kmal kired el mengull er ngii? Ke de mla obes el kmo a Osobel el ngii a ulisechakl er kid el mo oubeltik el reng el mor Ngii, e mo oltirakl a llechul? (mesaJohanes 14:15). Malsekum eng mo uaisei, eia ika el ngercheled ng kuk di me mengesang e mengeuid er kid a ng diak a rengud me a mekngit el lomeruul a kmal klou e ra chelchal sils.

II.

Mer kid a re chedal Uriul-klebesei el Santo, A llechul a Dios uldimukl e ra moktek er Ngii el mer e ra rengelkel—se el klou el moktek er ngii e ra diak a ulebengelel el klengar. Tia el moktek, a bebil e ra taem eng okedongall el “tara klou el moktek e ra deurreng” (Alma 42:8), a mesaod e ra ucheled me a ngarmedad el merkid a rengelkel a Dios—ke de mlar el mei, ngerang me ke de ngar tiang, e ke de mor ker. Ng smodii a teletael e ra uchelel me a teleletelel a klechad, luldimukl e ra Llechul a Dios, ma ike el usbechelel a Osobel, ma sel ngii a rolel a klechad ma diak a ulebengelel telungalek. Alsekum e a Ruriul-klebesei el Santo, el tir oba a kloumedengei, ng diak mo ruul a ngerachel el ngii a debekikl er ngii el kid a mo mesiou ra rengodech el chelid.

A moktek ra uldesuel a Dios el mora rengelkel a mesterir a Ruriul-klebesei el Santo a ungil uldasu e ra chelebechiil me a telungalk. Kede ungil el medengei el kmo a ikelesia a ulak loiak a telungalek. A kloumedengei er kid a omuchel lobengterir a redemad me a redelad e ra babeluades, me se el ngaruchei el ngii a bo dodengelii a mui el diak a ulebengelel klengar, el ngii a dodengelii el sebechel dubech e ra telungalek. Kede medengei el kmo a chebechiil er a sechal me a redil a klou a ultutelel el uchul a kedmeklel tial uldesuel a Dios. Kid a medengei el kmo a chelbechiil a mo kudmeklii e meskid a klengar e ra beluulechad e mo mengedmokl er tia el telungalek el mo e ra diak a ulebengelel klengar. Ke de belechoel lomdasu el kmo a chelbechiil a kutmeklii tial teletael e mesemechokl e ra rengalek el mo sebecherir el mo telor tia el moktek ra chedam el Dios el tir a mo olab a klisiich el ngar e ra chelsel. Ke de ungil medengei el kmo a se el ngii a moktek e klou a ultutelel el klalou el ngar tial beluulechad me a babeluades ar rengelked ma ike el ngar e ra chelsel a delengchekled.

III.

Ng klemedengei er kid el kirel a diak a ulebengelel moktek er a telungalek a uchul, eng mekngit a rengud er a di meral el mo riou el iidisel a cheroll me a chebechiil er a betok el beluu er Ngebard el reksi er a siukang er tir a Kristiano me a re Jewish. A roungerachel a chais a melekoi ikakid:

A Merikel er chelechang a kot el ngariou a cheroll er ngii er chelchal taem,² a betook el beluu er a European Union me a bebil ra beluu e ra beluulechad ea klecheroll ak kmal ngar riou el muut el kmal ngar riou er sel ngii a idisir a rechad. ³ Tiang a tomall a beluu me a delengchokl.
Nga e ra Merikel, e a basent e ra rengeasek el rekrir a ngara 18 el mo 29 el tir a bechiil a mla merael el me riou el ngara 59 el basent e ra rak e ra 1960 el mo 20 el basent er rak e ra 2010. ⁴ Se el cherengelel me a rekrir tirke el tir a ketengir el bechiil a ngarbab er chelecha el taem: 26 el mora redil me a 29 el mora resechal. ⁵
Ngara bek el beluu me a teletelel a delengchokl (kot) chelsel a telungalek e ra chelebechiil ea chedil me a chedam me a rengalk a mla merael el mo diak ungil llach e ra chelsel, (ongerung) a mo melemolem e ra skulel ruchei e ra chelebechiil me a lechub eng ng omekeroul e ra rengalek a mla merael el mo klou el uldasu e ra betook el ngeasek el redil, me a (ongedei) teletael el ngii a mora chedam meng mal merael mo diak.

Ngara tial teletael eke de omdasu, kid a omdasu el kmo tia el telbilel a Dios a mora rokui el ngelekel ea Dios a kmal betik a rengul e ra rengelkel, e ra bek el beluu.⁶A kot el bliongel e ra Babier e ra Mormon a melkoi el kmo a Rubak el Dios “me a klisiichem me a klungiolel a rengum, me a klechubchub er kau a rokui el ngar er a beluulechad.” (1 Nephi1:14). A uriul e ra tia el bliongel eng melkoi “Ng kel oitii a rengul el mo e ra [diak a ulebengelel klengar el me er ngak] e mededais el mora rebek el chad” kid el rokui a ngar ngii a techeled el mo sorir a rebebil e diak a obes” (2 Nephi 26:27–28). Me a le uaisei, ea chedaol llechukl a osisecheklid el kmo kid a ngercheled el mo ungil e chubechub (oubeltikelreng) el mo e ra rebek el chad (Mesa 1 Thesalonika 3:12;1 Johanes 3:17; D&C 121:45).

IV.

Ke de kmal mengull a bebil e ra klechelid e ra klaumerang er tir me a rechedal me tirke el direk el tir a betook el diak loumerang e ra Dios. Ke de medengei el kmo ngokiu a klisichel a Dios e ra omelilt, eng betook er kid a oumerang el kuk kakerous el teletael, eng di kede kmal loureng me tir bol longull e ra ikelesia er kid me direk el bo lodengei el kmo a klaumerang er kid a klakakerous e ra bebil e ra uldasu me a teletael el mor tir. A ta er a teletael, kede omerang el kmo, kid a uldimukl er se el Ngii a moktek ra uldasu el mo ra diak a ulebengelel klengar, el Dios a mla rulii a diak a ulebengelel teletael el kmo a klausechelei e ra sechal me a redil a kmal kirel di mekedmokl er a chelsel a chebechiil.

A klisiich el ngii a omeob e ra rengalk a ta er a kot el klou el klisiich el Dios a mla nguu el mesterir a rengelkel. Tia el teletael a ulesbech el llechul a Dios el mora Adam me a Eve (mesa Genesis 1:28), eng di a ta er a kmal klou a ultutelel el llechul a le bileskid meng diak doiit a llechul (mesaExodus 20:14;1 Thesalonika 4:3). Ng melkoi el kmo tia el llach e ra klikiid el teletael e ra deleboes a mesaod el kirel a mo ungil mera uldesued e ra teletael el lomeob ra rengalk el mo rulii el mor tia el moktek ra Rubak el Dios. A diak el bechili el sechal ma redil, a melemall er tial klisiich el ngii a diak lungil e omtok e ra moktek er a Dios el mora diak a ulebengelel klengar el mo er a Rengelekel.

A uchul meng meklou a ultutelel el llach e ra klikiid e ra teletael e ra deleboes a ouchais er se el iaksok el derirelii e ra chelsel a chebechiil el ngii a okiu a Adam me a Eve e mla melemolem el me lemuut er chelcha el taem. Ng ngungiil, leng betook er kid el kakerous el ikelesa a kongei er kid e ra teletael me a ike el ngii a meklou a ultutele el kirel a chebechiil, a bebil e ra tekoi e ra ikelesia me a bebebil e ra rechad a kmal lomdasu el kmo ng kmal lungil el mera beluu.

A klamedengei er kid el kirel a chedam el Dios e ra moktek er ngii el mer Ngii el ngelkel ⁷ a ouchais el kmo ngera me kid a mekngit a rengud e ra rebetok el ngalek el mechell e ra chelsel a diak el lungil el keltmokl el chelebechiil—chelechang el taem eng 41 el basent er a cheroll e ra Merikel⁸—me a betook el diak el bechiil el tmak el kiei el diak el chelebechill a di meral mo klou el melemuut er chelchal taem. Okeim el rak e ra mla memong, eng kmal dim le ke kere el basent e mekesai el diak el bechiil chad a dmak el kiei. Elechang, betook e ra rediak el bechiil chad a tamk el kiei e meral mo 60 el basent e ra chelebechiil. ⁹ma rengeasek el ngalek er chelechal taem a kmo a lak debechiil e dobeteterir tirka el ngalk eng “ng kmal lungil teletael.” ¹⁰

V.

Ngar ngii a rebetook el loldubech me a beluu el sorir el lodubech el mo melodech er tial teletael el Dios a mellach er kid e ra teletael e ra kausechelei e ra chelsel a chelbechil me a moktek er tia el chelebechil a mo oungalek. Tia el teletael a mla mengodech e ra bebil e ra beluu e ra beluulechad el sebechir el mo bechil el losisiu-sechal ma sechal me a redil me a redil. Malechub e te cheleuid el sorir el mo mengodech er tia tebechedir aike el klekakerous e ra sechal me a redil a ngar ngii a belkuul el demad e ra babeluades a mileskid el kirel mo keltmokl el mo mechir tia el moktek e ra Dios e ra diak a ulebengelel klengar.

A klaumedengei er kid e ra moktek e ra Dios me a Llechul a mla meskiid a diak a ulebengelel el teletael el diak el di sebechel el mengodech me a lechub eng dikid el mengodech a teletelel. Me a leuaisei ea bebil e ra ikelesia me a lechub eng cheldebechel a kmal sebechir el ngmodech a llecherir me a lechub eng teletelir el mo lmuut e ra osisechakl, a llechud a okesiu e ra klemerang el ngara Dios el ngii a diak el mengodech.

Se el teruich me a cherung el tebechelel a klaumerang a kmo a klaumerang el ngii a mla meketmokl el kirel a beluu a kmal “olengesenges, e meruul e oltirakl a llach.” Eng di llechul a chad a diak el sebechel el mo ungil e ra llechul a Dios el ngii a mla remull. Ng telbiil el mo ra ngarbab el teletael—el mo oubeltik el reng e mo mesiou e ra Dios—a kmal di mo ior er kid ng llechul el mora meral teletael el blekerdeled. Ng diuaia, ke de kiei el ngar e ra ungil llach el ngii a kmo ng diak a laoekreng me a lechub eng mekngit el lomeruul el di osisiu el mora ikel llach el ngii a mla metemall ngara cheungel a llechul a rechad. Meng ngosisiu el ngii a—ngii a domekedong “osisiu—el sechal ma sechal el bechiil.” Ngar ita el teletael, eng kmal klou a belkul el mora diak a ulebengelel el telungalk, kede kmal loltirakl e ra ngarbab el llechul a Dios. Kede ngara cheungel a deruchelel, el ngii a de bla de yaksok, el mo oubeltik el reng el mo e ra Dios e oltirakl a llechul e mo diak dolemolem el telat a btelud el mor riou el mo oltirakl e mesiou e ra ngi dil ngerang—luldimukl ike el ngii a merael mo merael a chisel tekoi omeruul er chelchal taem.

Ea bo de uaise, eke de bai di kid el mengeuid er kid me a bebil, a mer kid el ngii a klou el uldasu, el mo chuarm e ra klou el klengit, me a lechub eng mor ngii a kora metetoech e ra chelsel a klechelid er kid. Mal sekum eng uaisei, ak kumdasu el kmo ng kired el mo melbedebek e ra kot el meklou a ultutelel—el kid a mo mesiou e ra Dios—e mo, uai tirke el di mla kot el chedal a ikelesia el mlo chuarm e ra ringel eng di te di milemolem el ngii a kmal di osisiu el ringel a blo er ngii.

A osisecheklel a President Thomas S. Monson, el dillii e ra lolekoi el ngara chelsel a Church News, a melkoi el kirel tial teletael. Elechal klou el longdibel ea luich ma euid el rak e ra mla memong, eng kmal lulmeklatk: “Me mebol klou a rengud el mo torob aike el ngii a omesiunged el diak lungil lomeruul, se el klisiich el ngii a dobang el melilt e meruul e oltirakl a osisechakl. Diak de medakt, me a diak el lungil lomeruul, e denguu a klikm e ra Demad e ra Babeluades el kmo ng ngungil. Mo diak de medakt e mo sebeched el mo ungil e de mekedung el ngar ngii e ra rengud el uaia chad el loba duchelreng eng di melasem el meruul a ungil lomeruul. Ea chad el ngii a medakt el meruul a lomedasu eng ngungil le bebil e ra rechad a kmong diak el lungil me a lechub e tocherchur er ngii. Bo modengei a rebek el chad a ngar ngii a dektir, eng di tirke el mo chemau a dektir el loba duuch el reng a diak el medakt. ¹¹

A kmeluluuch me lak el luchul ika el kuk diak el meral meringel el mengemeiai e ra klechad le bol chelsengkid me a lechub e dobes aike el ngii a meklou a ultutelel el llach me a ike el ngii a meklou a ultutelel el ngercheled ng kmal kired el ngmai el mesa a Ulemeob me a Osobel. Ng kmal kired el diak de blad dosarch a rengud el kirel a tekoi me a lechub eng omeruul er tial el beluulechad el ngii a soad el meruul e mo oltirakl e ra rechad (mesa D&C 121:35) e dobes e ra diak e ulebengelel el roled. Kid a ungil medengelii a moktek e ra Dios el mor kid a rengelkel—ng kid a mla remuul a yaksok el mo oltirakl er ngii—el deledaes a ngercheled. Ng kmal diak el kired el lobes er se el ngii a kmal klou a ultutelel el ngar e ra rengud, el ngii a mo oltirakl e ra diak a ulebengelel el klengar. ¹² e se el ngii a kot el ngercheled—a mo diak a ngii di el chelid el dosiou er ngii me a lechub eng ngii di el ngera el doltirakl er ngii el ngii a mo ruchei e ra l Dios el ngii a Chedam me a Ngelkel el, Osobel, el Jesus Kristo.

Mei me a Dios le ngesukid el mo medengelii a kot el klou a ultutelel e bo dekoudengei lobengterir a rebebil se el dedak el losiik el ngar a ta el ungil uldasu me a tabesul rael, Ak meluluuch loba ngklel a Jesus Kristo, amen.