Report sang Departamento sang Odit sang Simbahan, 2014
Sa Unang Pangulohan sang Ang Simbahan ni JesuCristo sang Mga Santos sa Ulihing Mga Adlaw
Pinalangga nga mga Brethren: Bilang gintalana sang bugna sa seksyon 120 sang Doctrine and Covenants, ang Council on the Disposition of Tithes—nga ginalakipan sang Unang Pangulohan, sang Korum sang Napulogduha ka Mga Apostoles, kag sang Pangulohang Bishopric—nagatugot sa paggasto sang mga pundo sang Simbahan. Ang mga organisasyon sang Simbahan nagagasto sang mga pundo suno sa gin-aprobahan nga mga budget, mga sulundon, kag mga paagi.
Ang Departamento sang Odit sang Simbahan, nga ginalakipan sang may kredensyal nga mga propesyonal kag hilway sa tanan nga mga departamento sang Simbahan, may responsibilidad sa pag-odit para sa tuyò nga maghatag sang rasonable nga pagpasalig parte sa pagbaton sang mga pundo, mga paggasto, kag sa pag-amlig sang mga pagkabutang sang Simbahan.
Suno sa mga odit nga ginhimo, ang Departamento sang Odit sang Simbahan nagahatag sang opinyon nga, sa tanan nga kabug-osan sang mga talaksan, ang mga amot nga nabaton, mga paggasto nga ginhimo, kag ang mga pagkabutang sang Simbahan para sa anyo nga 2014 gintala kag gindumalahan suno sa gin-aprobahan nga mga budget sang Simbahan, mga sulundon, kag mga pamaagi sa pangkuwenta. Ang Simbahan nagasunod sa mga pamaagi nga ginatudlo sa mga katapo sini subong sang paggasto sa sulod sang budget, paglikaw sa utang, kag pagsupot sa tion sang pagkinahanglan.
Matinahuron nga gintugyan,
Departamento sang Odit sang Simbahan
Kevin R. Jergensen
Direktor sang Pagdumala