Mat Daro, Kewal Vishwaas Rakh
Pradhaan Dieter F. Uchtdorf dwara
Pratham Adhyakshta ke Dusre Salaahkaar
Jab hum vishwaas karna, pashchataap ke liye apne vishwaas ko badhana, aur hamare Uddhaarkarta, Ishu Maseeh ke jaisa jeena chunte hai, hum apne dhaarmik aankhon se akalpanik chamak ko dekhte hai.
Babylon aur Daniel
Chab-bis sao varsh pehle, Babylon duniya ka sabse taqatwar desh tha. Ek pracheen itihaasak ne Babylon shahar ko ghere huwe deewaar ko 300 feet (90 m) uncha aur 80 feet (25m) mota kaha tha. Usne likha, “Koi anye shahar isse aalishaan nahin hai… .”1
Apne samay mein, Babylon duniya ka shiksha, kanoon, aur darshanshaastra ka mukhye kendra tha. Unka mukaabla koi aur sena nahin kar sakta tha. Usne Egypt ke shakti ko chakna chur kiya tha. Usne Assyria ke pramukh shahar, Ninevah par kabza, nasht, aur khaali kiya. Usne aasaani se Jerusalem ko le liya aur Israel ke sabse behtar aur gunwaan bachchon ko Babylon le gaya Raaja Nebuchadnezzar ki sewa karne.
In bandiyon mein se ek jawaan ladka tha Daniel. Kayi vidhwaan log yeh vishwaas karte hai ki Daniel 12 aur 17 varsh ki umra ka tha us samay. Yeh sochiye, mere priye jawaan Aaronic Purohiti rakhnewaalon: Daniel tumhari hi umra ka tha hoga jab use raja ke darbaar le jaaya gaya sansaarik Babylon ke bhaasha, kanoon, dharm, aur vigyaan ko seekhne ke liye.
Kya tum kalpana kar sakte ho ki kaisa laga hoga apne ghar se zabardasti liye jaana, 500miles (800km) chalke ek ajnabi shahar jaana, aur apne hi dushmanon ke dharam siddhaant ko seekhna?
Daniel ko Jehovah ka chela jaisa badha kiya gaya tha. Woh Abraham, Isaac, aur Jacob ke Parmeshwar mein vishwaas aur uski bhakti karta tha. Usne bhavishyevaktaaon ke shabdon ka adhyan kiya tha, aur woh jaanta tha ki Parmeshwar manushye se milta hai.
Magar ab, ek bahut chote umra mein, woh Babylon mein ek kaedi-chaatra tha. Uspar bahut dabao pada hoga apne puraane dharam ko chodkar aur Babylon ke vishwaas ko apnaane ke liye. Magar woh apne vishwaas ke prati imaandaar raha—vachan aur karam mein.
Aap mein se kayi log jaante hai kaisa lagta hai ek aprasidh sachchaai ka bachaao karna. Aaj ke Internet slang mein, hum “flamed” hone ki baat karte hai unse jinhe hamara baat bura lage. Magar Daniel sirf janta ki hasi ka khatra nahi jhel raha tha. Babylon mein, jo log dhaarmik adhikaariyon ke khilaaf jaate the—achchi tarah—samajhte the “flamed” hona kise kehte hai. Jaao Daniel aur unke dost Shadrach, Meshach, aur Abed-nego se pucho.2
Mai nahin jaanta ki kya ayse maahol mein ek vishwaasi hona aasaan raha hoga Daniel ke liye. Kuch logon ko vishwaasi hriday ka ashish milta hai—unke liye, vishwaas swarg se diya uphaar ki tarah aata hai. Magar mai sochta hoon ki Daniel hamari tarah tha jinhe apne gawahi ke liye parishram karna padta hai. Mai jaanta hoon Daniel ne kayi ghante ghutno par prarthna karte guzare honge, vishwaas ke vedi par apne sawaal aur dar ko rakha hoga, aur Prabhu ka intazaar kiya hoga samajh aur budhi ke liye.
Aur Prabhu ne Daniel ko ashirvaad diya. Bhale hi uska vishwaas ko chunaoti mila aur hasa gaya, woh apne anubhav se paaye sachchaai par atal raha.
Daniel ne vishwaas kiya. Daniel ne sandeh na kiya.
Aur phir ek raat, Raaja Nebuchadnezzar ko mann ko chintit karne waala ek sapna aaya. Usne apne vidhwaano aur salaahkaaron ke dal ko ikattha kiya aur chaaha ki woh use is sapne ko aur uska arth batlaaye.
Haan, woh nahin batla sakein. Unhonne kaha, “Aap ki mann ki baat koi nahin bata sakta.” Magar isse Nebuchadnezzar aur krodhit hua, aur usne sabhi budhimaan log, jaadugar, jyotishiyon, aur salaahkaaron ko naash karne ki aagya de di—jismein Daniel aur Israel ke anye jawaan chaatra bhi shaamil the.
Aap jo Daniel ki pustak se waakif hai jaante hai aage kya hua. Daniel ne Nebuchadnezzar se aur samay liya, aur woh aur uske vishwaasi saathi apne vishwaas aur naetik bal ke srot tak gaye. Unhonne Parmeshwar se prarthna karke apne jiwan ke is kathin chan mein divye sahayta ki maang ki. Aur “tab woh bhed Daniel ko … ek darshan mein dikha.”3
Daniel, jo ek haare huwe desh ka jawaan ladka tha—jise apne ajeeb dharm ko manne ke liye apmaanit aur tang kiya gaya tha—raaja ke paas gaya aur use uska sapna bataya aur uska arth bhi.
Us din se, udki vishwaasi hone ke kaaran, Daniel ko raaja ka bharosemand salaahkaar banaya gaya, apne gyaan ke liye pure Babylon mein prasidh hua.
Woh ladka jisne apne dharm par vishwaas kiya aur usko jiwa ab Parmeshwar ka ek manushye ban gaya. Ek bhavishyevakta. Sachchaai ka raajkumaar.4
Kya Hum Daniel ki tarah Hai?
Hum jo Parmeshwar ke purohiti rakhnewaale hai, se mai puchta hoon, kya hum Daniel ki tarah hai?
Kya hum Parmeshwar ke prati wafadaar hai?
Kya hum jo prachaar karte wohi karte hai, ya kya hum Vishraamdin ke Isaai hi hai?
Kya hamare daenik kaarye hamare kahe vishwaas se mel khate hai?
Kya hum “gareeb aur zarooratmand, beemaar aur dukhi” ki madad karte hai?5
Kya hum sirf baate karte hai, ya kya hum furti se sahi karte bhi hai?
Bhaaiyon, hamein bahut kuch diya gaya hai. Hamein Ishu Maseeh ke punahsthaapit susamachaar ke divye sachchaaiyon ko sikhlaaya gaya hai. Hamein purohiti adhikaar diya gaya hai hamare bandhuwon ki sahayta karne aur Parmeshwar ke raajye ko dharti par badhane ke liye. Hum aatmik shakti ki bahutaais den ke samay mein reh rahe hai. Hamare paas puri sachchaai hai. Hamare paas purohiti ki chaabiyaan hai dharti aur swarg mein baandhne ke liye. Pavitra dharamshaastra aur jiwit bhavishyevaktaaon aur devduton ke sikhshan aasaani se uplabdh hai.
Mere priye doston, hum in baton ko mazaak mein na lein. In ashirvaadon aur saobhaagyon ke saath bhaari zimmedaariyaan aur pratigya bhi hai. Aao hum aysa hi karein.
Babylon ka pracheen shahar khandar ban gaya hai. Uska chamak bahut pehle chala gaya. Magar Babylon ki duniyadaari aur dushtta ab bhi hai. Ab hamari baari hai ek avishwaasi duniya mein vishwaasi ban kar jiye. Hamein chunaoti diya gaya hai har din Ishu Maseeh ke punahsthaapit susamachaar ke siddhaanton ko aazmaane ka aur Parmeshwar ke aagya ka paalan karne ka. Hamein doston ke behkaawemein shaant rehna hoga, naami kaaedo se prasann nahin hona hai, avishwaasiyon ke hasi ko na sunna hai, shaetaan ke behkaawon se bachna hai, aur apne aalsipan par vijay paana hai.
Sirf iske bare mein sochiye. Daniel ke liye kitna aasaan raha hota Babylon ke kaaede par chalna? Woh Israel ke bachchon ko Parmeshwar dwara diya aagya ko nazarandaaz kar sakta tha. Woh raaja ke diye shaandaar bhojan kar sakta tha aur prakritik manushye ke shaok ko pura kar sakta tha. Isse woh taana maarne waalo se bach sakta tha.
Woh prasidh ho sakta tha.
Woh sabke samaan hota.
Uska maarg kam uljahnon waala hua hota.
Yeh hai, jab tak ki raaja ko apne sapne ka arth na janna padhta. Tab Daniel ko pata chalta ki usne bhi, Babylon ke anye “vidhwaanon” ki tarah, raushni aur gyaan ke sachche srot se sampark kho diya hai.
Daniel apni pariksha mein safal raha. Hamara ab bhi jaari hai.
Vishwaas Karne ka Himmat
Shaetaan, hamara dushman, chahata hai ki hum asafal ho jaae. Woh jhoot faelata hai taaki vishwaas ko nasht kar sake. Woh chaturaai se kehta hai ki sandeh karne waala, naastik, nindak viveki aur hoshiyaar hai, jabki jo Parmeshwar aur Unke chamatkaaron mein vishwaas karte hai woh bhola, andha, ya sikhlaya gaya hai. Shaetaan kahega ki dhaarmik uphaaron aur sachche bhavishyevaktaaon ke shikshan par shak karna logpriye hai.
Mera ichcha hai ki mai sabko madad karun is saral sach ko samajhne mein: hum Parmeshwar mein vishwaas karte hai kyunki hum in cheezon ke baare mein apne hriday aur mann se jaante hai, na ki un cheezon ke kaaran jo hum nahin jaante hai. Kabhi kabhi hamare dhaarmik anubhavein itne pavitra hote hai ki hum use duniya ke bhaasha mein nahin batla sakte, magar iska matlab yeh nahin ki woh sach nahin hai.
Swarg ke Pita ne Apne bachchon ke liye ek dhaarmik daawat tayyaar kiya hai, jahan har tarah ke laajawaab bhojan rahega—aur phir bhi, in dhaarmik uphaaron ka anand liye bina, woh nindak dur se khade hokar dekhna pasand karte hai, apne naastikta, sandeh, aur anandar se bhare pyaale se peeta hua.
Kyun koi apne hi samajh ke deep se santusht hokar jiwan guzare jab, hamare Swarg ke Pita ki or badhne se, unhe dhaarmik gyaan ka ujiyaala jo ki suraj hai anubhav ho sakta hai jisse unke mann gyaan se aur unke aatma anand se bhar jaaenge?
Jab tum aur mai logon se vishwaas aur yakeen ki baate karte hai, kya hum yeh nahin aksar sunte, “Mai chahata hoon ki mai tumhare tarah vishwaas karun”?
Shaetaan ke is waakye mein ek aur dhokha hai: ki vishwaas sirf kuch logon ke liye hai magar auron ke liye nahin. Vishwaas chamatkaari dhang se nahin aata. Magar vishwaas karna chahanahi avashyak pehla kadam hai! Parmeshwar kisi manushye ka paksh nahin karta.6 Woh tumhare Pita hai. Woh tumse kuch kehna chahata hai. Haalaanki, iske liye thoda viygyaanik utsaah chahiye—Parmeshwar ke vachan par ek jaanch—aur “kam maatra mein vishwaas karoge.”7 Iske liye thod vinamrata bhi chahiye. Aur iske liye ek apnaane ki ichcha rakhne waala hriday aur mann chahiye. Iske liye dhoondhna chahiye, vachan ka sampurn arth. Aur, shaayad sabse kathin hai, iske liye dhaerye rakhna aur Prabhu ke jawaab ka intazaar karna.
Agar hum vishwaas karne ki koshish nahin karenge, tab hum us vyakti ki tarah honge jo batti ko bujhata hai aur phir batti ko hi kusurwaar tehraata hai raushni na dene ke liye.
Haal hi mein mujhe ashcharye aur dukh hua ek Aaronic Purohiti rakhnewaale se sunkar ki woh garv mehsoos kar raha tha Parmeshwar se kam waasta rakhkar. Usne kaha, “Agar Parmeshwar khud ko mere saamne prakat karein, tab mai uspar vishwaas karunga. Tab tak, mai samajh aur budhi se dhoondhe huwe sachchaai par bharosa karunga mujhe raasta dikhane ke liye.”
Mai is jawaan purush ka soch aur ehsaas nahin jaanta, magar mujhe to uspar bahut taras aaya. Kitne aasaani se usne Prabhu ke diye huwe uphaaron ko thukraaya tha. Is jawaan purush ne batti ko khud bujhaaya tha aur phir atma-santusht tha yeh dekhkar ki raushni nahin hai.
Durbhaagye se, aaj yeh ek bahut prasidh nazariya hai. Agar hum Parmeshwar par chod dein hamein sachchaai dikhaane ke liye, kya hum soch sakte hai khud ko Parmeshwar ke aagya gambheerta se lene mein maafi paaenge aur apne Swarg ke Pita se apne sambandh ki zimmedaari lenge.
Bhaaiyon, aao hum spasht karein: nindak hone mein kuch bhi shareef ya prabhaaoshaali nahin hai. Naastik hona aasaan hai—koi bhi kar sakta hai. Vishwaasi jiwan ke liye naetik bal, wafa, aur himmat chahiye. Jo log nirantar vishwaas karte hai zyaada prabhaoshaali hote hai unke milaan mein jo sandeh karte hai jab aspasht sawaal ya chinta saamne aate hai.
Magar hamein achambhit nahin hona chahiye ki kyun samaaj vishwaas ko mol nahin deta. Duniya puraane itihaas se woh thukraate aai hai jo woh nahin samajhta. Aur use khaas mushkil hoti hai woh samajhne mein jo use dikhta nahin. Magar aysa nahin ki hum kuch apnea ankh se nahin dekh sakte to woh hai hi nahin. Vaastav mein, “swarg aur dharti par zyaada cheezein hai … jiske sirf sapne dekhein jaate hai” hamare kitaabon, vigyanik jernals, aur duniya ke darshanshaastron mein.8 Vishwa mein kayi ajube hai jo nipunn aur ashcharyejanak hai—jo cheez sirf dhaarmik nazron se samjha jaata hai.
Vishwaas ka Vaada
Jab hum vishwaas karna, pashchataap ke liye apne vishwaas ko badhana, aur hamare Uddhaarkarta, Ishu Maseeh ke jaisa jeena chunte hai, hum apne dhaarmik aankhon se akalpanik chamak ko dekhte hai. Is kaaran hamara yakeen aur vishwaas aur mazboot hoga, aur hum aur zyaada dekhenge.9
Bhaaiyon, mai gawahi deta hoon ki sabse kathin samay mein bhi, Uddhaarkarta tumse kahega jo Unhonne ek chintit pita se kaha tha Galilee ke galiyon mein, “Mat dar, kewal vishwaas rakh.”10
Hum yakeen karna chunn sakte hai.
Kyunki yakeen ke zariye, hum raushni praapt karenge.
Hum sachchaai paayenge.11
Hum shaanti paaenge.12
Hamare yakeen ke kaaran, hamein na bhook, na pyaas lagegi.13 Parmeshwar ke anugrah ke uphaar ke zariye hum apne vishwaas ke prati sachche rahenge aur hamara hriday “ek paani ka sota jo anant jiwan ke liye umadta rahega.”14 Hum sachcha anand anubhav karenge.15
Isliye, mere priye doston, mere priye bhaaiyon jo Parmeshwar ke purohiti mein hai.
Himmat rakho vishwaas karne ke liye.
Mat dar, kewal vishwaas rakh.
Daniel ki tarah bano.
Mai prarthna karta hoon ki hum sab—jawaan aur budhe—naya bal, himmat, aur ichcha paaenge vishwaas karne ke liye. Hamare Swami, Ishu Maseeh ke naam se, amen.