Ansou en manaman kan nekehr?
Kitail pahn anahne kin medmedewe manaman kopwuriamwei kan me Koht kin ketkihiong Sapwelime seri kan.
Sounpar ehu samwalahro, nan ehu kapwukoah me kohieng ie nan California, I iang stake presiden oh tuwong Clark oh Holly Fales oh ara peneinei, ni imwarailo. Mie me indahng ie me re apwtehn lelohng manaman ehu. Ansou me se lel mwo, Clark ahneki ansou laud en kesihnenda oh rahnmwahu ih kiht pwehki mie brace me utung tihn sewe, tepin were, oh pehkan.
Sounpwohng riau samwalahro, Clark, oh na pwutak Ty, oh mwein pwutak pwulopwul 30(siliakan) oh arail kaun kan wa arail mwemweit, ni arail mwemweit lahng Mount Shasta me wia ehu nahna lapala me lapalahki 14,180 (nen pahkid epwiki welihsek)piht(4,322 m) pahkid silipwiki rieisek riau. Ni keriau en rahn en arail mwemweito, kereniong irail koaros pahn lelehr nan koadokehu—soahng wet kak wiawi pwehki arail kounopadahr sounpwong ehu mwouwe.
Ih emen me iang tepin lel ni koadokehu iei Clark. Mwurin ah komoalehr ni keilehu, E uhda oh tepida aluseli. Ni ansou me e aluwaluseli, e kiris di oh pwodihla sahng ni keilehn dohlo, e pwokihdila mwein piht 40(pahisek) uhdi oh pil pilehu kiriskihdihla ni keileu feet 300(silipwiki). Me koapwuriamweio, Clark mourla ni an inenen ohla laud oh sohla kak mwekid.
Manaman kan me lelohng Clark nan ansou kahpwal wet tepida. Rehn irail ienge kan tepin lela reh iei pwihnen mountain rescue oh irail tohkte kan. Re kiheng ih wini oh nantiehng pwehn kak wia karakar. Pil ni ansouo mie neirail dipwisou ieu me re wia sosohng seli ma kak doadoahk ohng wasakan me sohte signal en cellphone oh re ahpw song doadoangki. Helicopter ieu ahpw aledi rohng karuwaruo oh kohla nahna Shasta mwurin awa ehu sang mwo. Ni a sohng en sokedi pak riau sahng ni kapwal en lemwulemwur oh kisiniehng, Pilot oh ahpw pilahnehda en sohn kesilipak oh I ah pahn last en sohng mwo. Ni helivcopter ah karakarakla, kisiniehng kan pil wawaila oh helicopter o peidi oh pwokada Clark ni arail kilohng nan mwurio.
Ni ansou me Clark lel ni Imwen winio, ah kesou kan kasalehda me wasa tohto reh ohla, tepiwere tip, sinsowe, tihn kepweu, an ngoalngoahl ohla, oh diren kisin ohla seli ni kili. Ansouo mie tohktehn ohla men mihmi mwo rahno, pak malaulau me e kin kohdo ni imwen wini wet. Tohkte menet kosia me nan ah mour edin ah kilahng arams me tipw tihn sewe oh sala inta ohla oh ahpw mourla. I sohte kasik me Clark pahn kak mourla de pil pwuralahng mahs, udahn I sohte kamehlel ah kak moumour, tohktehu pil kosoia me an Clar case sohte scintis men kak kamwahuila oh ihte e wia manaman ieu ah momour.
Ni ansou me Clark oh Holly kosoiahieng ie dahme wiawi, udahn I sesela dahme I pahn inda. Kaidehn pwehki manaman ko me wiawi—ahpw ong mehkot lapo. I alehdi pepehm laud—oh kadedeh kehlail—me Holly oh neira seri limen me iang mwomwohd limwahn arail nohno pahpa anehki pwoson laud me sohte lipilipil dahme wiawi rahno oh pali ngenirail pahn powedi. Clark oh Holly oh neira pwutak laud riemeno Ty oh Porter, ieiehng kitail rahnuet nan tehnpas wet.
Ni ansou me I wie medmedewe dahme wiawiheng penenei en Fales, I pil medewe soahng teikan me kin wiawiheng metei kan. Irail Souleng en Imwin rahn akan me direkihlahr pwoson, me kin aledi kapai kan en prisduhd, me aramas kan kin kapakap kin irail, me kin kapwaida kosonned kan oh me pil diren koapwoaroapwoar ahpw sohte manaman kin wiawiheng irail.
Ia duwe irail kan me kin pwodiehng nan kapwal ni—paliwar, nan arail madmadau kan, nan mehn pehpehm kan—ohng ni sounpar tohto de ansou reirei nan mour wet? Iaduwe irail me mehla ni ansou me re pwulepwul?
Sounpwong riau samwalahro, penenei riau me mie neirail temple recommend, iahngaki misineri silimen oh iahngaki seri limen, iangada sounpihr ehu ong ni kisin seilok mwotomwot. I ese me re kapakapki Kauno en doareirail mwohn arail mweselahng wasahu oh pil kapakap ni ansou me wererail sounpihr lelohng kapwal mwohn ah pwopwidi ohla. Sohte emen irail mourla. Ah irail?
Aramas mwahu kan oh arail kempoakepahrail kan kin idek soangen peideko me Mormon idek: Ansou en manaman kan nekehr?1
Sang ni soakoahiek I sohte kak kosoiada dahme ekei pak ekei kin mourla ah ekei soh. Ahphw mwein kitail karos anahn wehwekila dahkot manaman?
Pak tohto kitail kin inda me manaman iei mwahula iatarete ma science uhweng de sohte wia mehkot keper ni ansou me kitail kin alehdi pepehm mwahu akan, Ahpw, wehwekihla manaman “kin wia mehkot kesepmwal me kin dierek sang ni dahme kitail aramas sohte wewehki”2 e kin kiheng kitail en kak kalaudehla atail wewehki dahme keieu kesempwal nan mour wet. Wehwe wet kin kahrehiong kitail en ahneki pwoson sang ni atail kin alehdi manaman kan.
Moroni padahngki me, “sohte manaman kak wiawi lau aramas men pahn kasalehda ah pwoson,”3 Ammon kosoia, “me sang ni pwoson, doadoahk laud oh manaman lap pahn mie.”4 Koht ketin pwarehng Josehp Smith masanih, “ngehi ahm Koht,… oh I pahn kasalehda manaman kan oh karos me kin kamehlelie.5
Nahnmwarki Nebuchadnezzar iding ong Shadrach, oh Abed-nego en pwongih sansal takai kohl me e wiahdahu, E indhang ira, “ma kumwa sohte pahn pwohngi, I pahn isik kumwahla.” Mwuri e kapailoke ira inda “Iahkin Kohto me kumwa inda me pahn kapit kumwala?”6
Irail ohl poadidi silimenet ahpw sapeng patowahn: “ma iei kupwuren, aht kauno koht me se pwohngi en kapit kihtala sang nan kisiniei wet. … ahpw ma soh, kupwure en pweida, maing nahnmwarki, ahpw se sohte pahn pwohngi ahmw Koht.”7
Re kapwoaroapwoarki me Koht kak kapit iraila, “ahpw ma soh,” re pil inenen koapwoaroapwoarki Sapwelime koasoandi kan.
Me duwehte met, Elder David A. Bednar ahpw idek rehn emen pwutak pwulepwul me peki ma e kak kiheng ih kapakap en kapai, “Ma Samatail Nanlehng ketin kupwurki ken mehla ni ahmw pwulepwul oh kohla nan sapwen ngehn pwe ken wia ahmw doadoahk, ke ahneki pwoson en mweidohng kupwure en pweida ma ke soht mwahula?”8Kitail koaros pahn kak anehki pwoson ma kitail “sohte pahn mwahula” sang sampah wet pwehki kitail en kak mwahula ni pali ngehn?
Mwein peidek keieu kesempwal en met “Iawasa atail pwoson udahng?” atail pwoson kin kohsangete ni atail pahn kin men mwahulasang atail weirek kan oh lokolok kan, de E poahsoan dah sang Koht Samatail Nanlehng oh sapwelime seri koasoandio Sises Krais oh Sapwelime Tomwo? Aneki pwoson ong Koht oh Sapwelime Ieros Sises Krais kin mweidohng kitial en wehwehkihla oh aleda kupwurera ni ansou me kitail kin kaukaunop ong mour soutik.
Rahnuet, I kadehdeki sapwelime manaman kan. Wiahte serien Koht pilehu manaman.9 Alehdi paliwar me rasohnget Ih pil wia manaman ehu.10 Kisakis en Soukomouro pil manaman.11 Tohmw en Sises Krais pil manaman.12 Songosong en alehdi mour soutik pil manaman.13
Itarete mwahu kitail en kin kapakap oh doadoahk ong manaman kan me sang rehn Koht ong kitail, kitail anahne kilenglahng manaman kan en pali ngehn me kosang rehn Koht ong Sapwelime seri kan. Sohte lipilipil wasa ke kohsangie, kowe mehn ia, sohte lipil soahng dah me kitail kin wia ni ansou me kitail kin koluhla, kitail koaros ahneki pwung pahrek en aledi manaman kan koaros. Kitail wia aramas manaman kei, oh diren manaman mihmi mwohtail. Ni mwaren Sises krais, amen.