“Mei wor Ai Angang ngeni”
Emon me emon kich mei wor namoten wisach sipwe fori ne awateno an Kot angang.
Ngeni Moses, Kot a esinei ngeni, “ Mei wor ai angang ngeni ii”(Moses 1:6). En mi fen Ekieki ika mi fen wor omw angang seni Samach Kot won Nang? Mei wor mettoch mei auchea afen amonata ngonuk—me akaewin en—kopwe awesi? Uwa pwarata pwe penuwan “Wuu!”
Ekieki Girish Ghimir, ewe a upwutiw me marita non ewe neni Nepal. Nupwen mi chok kukkun, a sukun non China, me ikewe emon chiechian a aiti ngeni ussun ewe kapas allimen Jises Kraist. Mwirin ekis fansoun Girish a wareiti Brigham Young University ren an Sochungio me angang me apwan churi pwunuwan ewe. Ra nomw non Utah Lake Valley me mwuti ruemon semirit seni Nepal.
Mwirin ekkoch ier, nap seni 1,500[Ew Ngorou nime pwuku] chon suseni imwer seni camps non Nepal ra mwokut ngeni Utah, Girish a mefi an epwe aninis. Ren an sinei kapasen pwisin fenuwer me wewe non oruni, Girish a angang ussun emon chon anea, sense, me chon aurour. Mwirin ekkoch fansoun non ewe neni ekkoch ekkewe chon suseni Nepal ra affata usun ar sani ewe kapas allim. Ew branch fan iten ekkewe chon Nepal a foruta, me Girish ii a angang ussun emon branch Preseten. Ii apwan chon aninis ne Chiakuni ewe puken Mormon non Nepali.
Kese kuna ika ifa ussun an Semach won Nang ammonata me nounou Girish?
Kot a wor an angang ren emon me emon kich
Pwii me fefinei, Mi wor an Kot auchean angang ren emon me emon kich. Ngeni ekkewe fefin nge osukuna ennet mi och ngeni meinisin, Preseten Spencer W. Kimball a aiti ngeni kich: “ Memwen ach sipwene feito [fonufan, kich] mei wor wisach. …Non ach sise chechemeni mettoch, ei me ekenan ese siwini ewe amwararen ennet ren met sia fen tipew ngeni.” Met ren watten ennet mi murino! Samach won Nang afen awora mettoch mi tichik me auchea ach sipwe awesi. (Nengeni Ephesians2:10).
Ei mwurinon wis ese keimuno fan iten ekkoch mi tufich nge an meinisin—ese pwan nifinifin ren nengin ika at, ier, neni, ir chon ia, ifa ukukun nour moni, nenier, ika wisach kewe non Mwichefen. Emon me emon kich mei wor wisach ne anganga an Kot ei angang (nengeni Moses 1:39).
Ekkoch me neich sa ekieki ika Samach won Nang mei tongeni nounou kich ne fori namoten nifang. Nge chechemeni, mi chok nounou aramas mi aneasosich ren kawesin mettoch mi amwarar. (nengeni 1 Corinth 1:27–28; D&C 35:13; 124:1). “[Kich] chon angang,” me “ ewe pochokun a nomw non [kich]” sipwe wato wesen unusoch” (D&C 58:27–28).}).
Preseten Russell M. Nelson a awewei:
“Ewe samol a wor a ekkieki fan itom nap seni omw ekkieki fan itom! Ka fen nomw me tumun fan iten ei fansoun me neni. …
“Ewe samol a mwochen kopwe siwini ewe fonufan. Non omw ka tipeew ngeni me fori an mwochen fan itom, kopwe kuna omw awesi met ewe kose tongeni!”
Epwe ifa usun ach sipwe weweiti me anganga ewe angang an Kot a akokota fan itach? Mwut ngeniei upwe fos ussun ruwanu nongonong epwe tongeni anisi.
Tumwunoch ngeni ekkoch
Akom, tumwunech ngeni ekkoch. Sia tongeni tapweno mwirin Kraist, “Ion a fen pin fori mi pwung” (Foffor10:38; nengeni pwan2 Nephi 26:24).
Mwirin ai uwa niwin seni angangen misineri, Uwa pwositi ewe iteiten ran met pwopwun ai uwa pwapwa. Mi fat, ngang upwe aneasosichi ai kewe pwon, me fiti sukun ,pwopwutani ai famini me pwan angang. Nge ngang uwa ekieki ika mei fen pwan wor ekkoch auchean mettoch ewe Samon a mochen ai upwe feri. Mwurin ai ekekiek ren ekkoch maram a chemeto ei wokisin: “Ika en mi mochen, iwe kopwe wesen feri mei murino ngeni ekei tapin” (D&C 11:8). Ewe Ngun mi Fel a ainisei ai upwe weweiti pwe ewe wesewesen pwopwun ewe auchean wis ach sipwe efeiochu ekkoch seni ach fori ne “anapano eech.”
Kich mi tongeni sipwe feri ach kokkot non manawach ussun met sipwe kae, met sipwe feri ren angang ika ian sipwe nomw ian non tettenin ach sipwe anisi ekkoch.
Ew famini ra no ngeni ew minafon neni. Nge rese fen kut imwer non ew neni nenien aramas mi pisekisek, ra mefi mwar pwe repwe mwokut ngeni ew neni mi osupwangen aramas me pisek Mwurin ekkoch ier ewe Samon a angang non ir ren ar anisi chommong aramas me ferata ar we wart me steik.
Emon mi anganech non pekin safei a wor ew an nenien safei nge a mefi pwe epwe eimueno ew ran non ew wik an epwe awora sefei ese kamo ngeni ekkewe aramas ese wor nour insurance. Pokiten an ei mwan me punuwan we mochen afeiochu ekkoch, ewe Samon a awora aanen ar repwe tumunu chommongun mi semwen, nupwen ra pwan tumunu ar watten famini.
Kuna me Anganga Nifangen Ngun
Aruwan, kuna me Amari ewe nifangen ngun. Samach won Nang a ngeni kich ekkei nifang an epwe anisi kich ne esina, feri, me sani ewe angang a fori fan itach.
Ekkoch me neich sa ekieki, “Mei wor ekkochnifangei?” Eniwini, penuwan ewer! “Ngeni meinisin mwan me fefin mei wor nifangemi seni ewe Ngunun Kot … pwe meinisin repwe feioch seni” (D&C 46:11–12; auchean mettoch epwe kapacheta). Ekkoch ekewe nifangen ngun sa tongeni kuna me non ekewe pukefel (nengeni 1 Corinthians 12:1–11, 31; Moroni 10:8–18; D&C 46:8–26), nge mei pwan chommong ekkoch. Ekkoch awewe pachenong pekin chung me tong me atoura anean, nene ech ngeni ekkoch aramas, forutan echunon, kapasan ika makkan, osukun mi fatafatoch me angang weires.
Ifa usun ach sipwe sinei nifangach? Kich mi tongeni kaeo seni ach ewe efeioch seni petriak, iwe eisini ion kana re wesen sisine kich, iwe kopwe pwisin tichikietiw met si angeoch non me met si pwapwaiti. Akaewin sipwe eisini Kot (nengeni James 1:5; D&C 112:10). Ii mi sinei nifangach, pwokiten a wisen ngeni kich (nengeni D&C 46:26).
Usun ach sia fen sinei nifangach kewe, afen wor ach angang ne amarireta (nengeni Matthew 25:14–30). Jises Kraist mwo “nge ese angei an unusoch akom, nge a [anganga] seni umoumoch ngeni umoumoch.” (D&C 93:13)
Emon enuwen a fori angangen chunga an epwe awateno nongonongun nuku. Ngang uwa men sani ewe chunga usun ewe chon amanaw, ew kapin ewe mi emeitiw non imwei we. Ei enuwen a anganga me aea an ewe nifang. Semach won Nang apwan angang non ii ne emwekutur ar repwe sopweno ne pin ngeni ii me pwarata ar tapweno mwirin ii.
Fan ekkoch sia ekieki pwe ese wor ach auchean niffang. Emon inenapen ekkoch semirit mi weires a pin mefi ei sokkun. Ew ran a sio “ Samon, met ai ngang won winikapei?” A penuweni, “ Afani ekkoch.” Ena nifangen ngun! A eteneki ekewe ekkoch ir mi nussun kefin, iwe Kot a angang non ii me a anisi chommong. Nupwen ekkoch nifangen ngun resapw fen euchea meren nonomwun fonufan, ra namot ngeni Kot me an angang.
Fofforun aea Osukosuk
Aunungatin, fofforun me aea osukosuk. Ekkewe sossot mi tori kich a anisi kich ach sipwe moneta ngeni ewe angang an Kot fanitach. Alma a awewei,“Mwirin chommong sossot, ewe Samon…a fori piseki ren poun” (Mosiah 23:10). Ussun ewe Chon Amanaw, ewe a achesefan me osorono manawan me a tongeni anisi kich” (see Alma 7:11–12), kich mi tongeni aea ach tipachem minne mi feito seni ekkewe weiresin fansoun siafen sape seni ren ach sipwe apochokunata me efeiochu ekkoch.
Mwurin an emon meinapen chon auroura chon angang a tou seni angang pwe ese chiwen naf moni, a aneani an ewe efeiochun petriak iwe a mefi pwapwa an epwe pwopwutani an kompeni ren an epwe anisi ekkoch aramas ren pekin kut angang. (E mwo nge anisiei ai upwe kunokun ai angang wesi we chok ne fori angangen misineri.) Ewe Samon apwan aea an we sossot pwe ew aanen an epwe efeiochu ekkoch, nupwen a awora ngeni I ew angang mi auchea..
Ew minafon pwupwunu ra sapeseni ei neuma. Ren weiresin ngasaser, ra ekiekieta ne asamwonu nour ewe nengin seni ar awora chon fon mettoch epwe tongeni anisi saam me iin ne nikitu ngeni kokkor ewe.
Anonga won Kot
Aruwanun, anonga won Kot. Nupwen sia tingorei I ren enntin netipach, iwe ina epwene ngeni kich wisach kewe. Nupwen sia kuna wisach, I epwe anisi kich ach sipwe awesi ekkena wis. “Mettoch meinisin a fen nomw mwen sangunun” (D&C 38:2; see also Abraham 2:8), nge non ewe pwungunon fansoun, ina epwe suki asam (NengeniPwarata 3:8). 3:8; Apram 2:8). Mi fen tinato noun we, Jises Kraist, pwe sipwe anongonong won ii ren pochokun mi nap seni ach pwisin tufich (nengeni Philippians 4:13; Alma 26:12).
Emon pwich a osukosuk ren nonomwun me kokkotun ewe kofomon, iwe a mefi an epwene saa re new nekien angang. A fori an angangen kapein, anganga an nuku me ioni mettochun ren an epwe saa. Nesopwonon, ese win nge mi mefi pwe ewe Samon mi ngeni ann me pochokun an epwe tongeni foruta auchean ewe neni.
Emon inenap ese wor pwunuwan a fon semirit mi wor terir, a kapas eis ika epwe fen tongeni kuna osupwangen an we famini. Ina mwo ika mi weires, mi mefi pochokun seni ewe Samon a emweni ngeni an epwe awesi ewe auchean wis.
Kapas ren Esinesin
Non ewe chok fansoun Kot a pwan anisi kich ach sipwe awesi amwararen wis, ewe chon ungeni kich a angang ren an osukosuka me pesei kich seni ew manau mi auchea .
Tipis ina ewe watten eppet, mi atopwano ach memef ngeni ewe Ngun mi Fel me auku ach tongeni tori ewe pochokunen ngun. Ach sipwe fori ewe angang Samach non Nang a fen fori fan itach, sipwe wesen achocho ngeni ach sipwe nimenimoch (Nengeni 3 Nephi 8:1). Kich mi manawoch non ewe an an Kot epwe tongeni angang non kich?
Satan mi pwan kukkuta an epwe osukosuka kich ren chokukun mettoch mi namot. Ewe Samon a esinesin mwutir ngeni emon nouwisin Mwichefen pwe pwe an ekiek a konien nomw won mettochun fenufan nap seni mettoch Kot me ewe angang a fen koko ngeni” (D&C 30:2). Kich mi fen aureki mettochun fonufan pwe iei sise kon ekipichi ach kewe amwaren wis?
Upwe chok pwan appachata pwe Setan e ngeni kich memef mi ngaw. Apwan minna ach angang pwe repwe weires ika ariafou. Nge, sipwe chok nuku Kot! Ii a tognei kich. Ii a mwochen sipwe feiech. Ii epwe no [mwach]; ii epwe nomw [rech], ese tongeni Nikiti [kich] (Deuteronomy 31:8; pwan nengeni Psalm 32:8; Proverbs 3:5–6; Matthew 19:26; D&C 78:18).
Setan epwe pwan fori ach sipwe kuna ach angang an esapw namot seni ewe angang fin ngeni ekkoch. Nge meinisin angang seni Kot mei auchea, me kich sipwe kuna wesechunon ren ach “mwareiti non met ewe samol afen ureni[kich]” (Alma 29:9).
Nupwen an Kot a angang non kich, ewe chon ungeni epwe sotuni kich pwe sipwe sikaseni met sia awesi. Nge inamo, kich mi tongeni pwusin tapweno mwurin ewe Chon Amanaw non an tipetekison ren an ese mochen aramas repwe ingeiti nge repwe fen mwareiti saman we. (nengeniMatthew 5:16; Moses 4:2). Nupwen ewe chon esinesin a esina Mother Teresa non an ewe angang ren an epwe anisi ekkewe mi woungaw, a aniwini: “An Kot angang. Ngang mi ussun… efoch pin non poun…A wisen ekieki. A wisen makkei. Ewe pin ese tongeni angang. Achok ochun nounou. .”
Omwuchunon
Pwii me fefinei mi achengicheng, Ngang upwe tingor ngeni kich ach sipwe “fang [inisich] ngeni Kot…ussun pisek mi unusoch” (Romans 6:13). Ach fangeta mi pachenong ach mut ngeni I epwe sinei pwe sia mochen epwe nounou kich, kutta fichi me tingor an pochokun,
Iteitan, sipwe chok nenengeni Jises Kraist ach ewe nenien appuru mi unusoch. Mwen ei manaw Samach won Nang a eis, “Ion upwe tinano?”
Mwirin Jises a penuweni, “ngang iei, tinieino” (Abraham 3:27; nengeni pwanIsaiah 6:8).
Jesus Christ a etiwa, moneta ren, an epwe feri wisan ewe Chon Amanau me Chon Angasano. A feri mochenin Seman we (nengeni John 5:30; 6:38; 3 Nephi 27:13)me awesano wisan ewe mi unsen amwarar.
Nupwen sipwe fori an Kraist fofor me fang inisich ngeni Kot, uwa pwarata pwe ina epwe nounouw kich ne awateno an angang me sipwe efeiochu ekkoch. Fan iten Jises Kraist, amen.