एक मनका साथ
हाम्रो गम्भीर गन्तब्यस्थान पुग्नकालागि, हामीलाई एक अर्काको खाँचो छ, र हामी एक हुनुपर्छ |
पृथ्वीका अति उल्लेखनीय प्राणिहरू मध्ये मोनार्क पुतली एक हो | मेरो श्रीमानको परिवारसँग ख्रीष्टमास बिताउन गएको मेक्सिकोको यात्रामा, हामी एक पुतली आरक्षण केन्द्र घुम्न गयौँ, जहाँ लाखौ मोनार्क पुतलीहरूले जाडोको समय बिताउँछन् | त्यस्तो प्रभावशालि दृश्य देख्न र परमेश्वरका सृष्टिले इश्वरीय व्यवस्था प्रति देखाएको आज्ञाकारिता र एकताको उदाहरणप्रति मनन गर्न पाउनु अति आकर्षकजनक थियो |१
मोनार्क पुतलीहरू बाटो खोज्न अत्यन्त सिपालु हुन्छन् | सुर्यको स्थान हेरेर उनीहरू कहाँ जानु पर्छ भनि पत्ता लगाउँछन् | प्रत्येक बसन्तमा, उनीहरू मेक्सिको देखो क्यानाडा सम्म, र शरदमा मेक्सिकोमा फर्केर उनीहरूका पवित्र देबदारूका जङ्गलसम्म हजारौं माइलको यात्रा गर्छन् |.२ आफ्नो सानो पखेटाको एक एक पटक फड्काउदै उनीहरू यसो बर्षै पिच्छे गर्छन् | उनीहरूको त्यो यात्रामा, राति उनीहरू रुखमा एक साथ् बस्छन ता कि उनहरूले आफैलाई जाडोबाट र हिंस्रक जनावरबाट बचाउन सकून् |.३
पुतलीहरूको एक समुहलाई केलीडोस्कोप भनिन्छ | ४ के त्यो सुन्दर आकृति हैन त? केलीडोस्कोपका प्रत्येक पुतली अनुपम र फरक हुन्छन्, तैपनि यी अति कम्जोर प्राणिहरू हामीलाई प्रेम गर्ने सृष्टिकर्ताद्वारा जिउन, यात्रा गर्न, प्रजनन गर्न, र जीवनलाई अघि बढाउन सक्ने क्षमता सहित बनाइएका छन्; ती पुतलीहरू एक फूल देखि अर्को फूल सम्म परागण सार्दै जाँदा जीवनलाई फैलाउँछन् |
ती मोनार्क पुतली जस्तै, हामी पनि हाम्रा स्वर्गका घरमा फर्कने यात्रामा छौँ, जहाँ हामी स्वर्गका मातापितासँग पुनः साथ हुने छौँ ।५ पुतलीहरू जस्तै, हामीलाई पनि जीवनमा बाटो चिन्न बिशेष गुणहरू दिइएको छ ता कि हामीले “आफ्ना सृष्टिको उदेश्य पुरा गर्न सकौं”| ६ ती जस्तै, यदि हामीले हाम्रा मुटुलाई एउटा धागोमा बुन्यौं भने, ७ प्रभुले “एउटा पोथीले आफ्ना चल्लाहरूलाई आफ्नो पखेटामुनि जम्मा गरे” जस्तै सुरक्षा गर्नुहुन्छ८ र हामीलाई एउटा सुन्दर केलीदोस्कोप बनाउनुहुनेछ |
बाबु नानिहरू, युवक युवतीहरू, दाजुभाइ दिदीबहिनिहरू, हामी सबै यो यात्रामा सँगै छौँ | हामीलाई हाम्रो गम्भीर गन्तव्यमा एक अर्काको आवश्यक छ, र हामी एकीकृत हुन आवश्यक छ | प्रभुले हामीलाई आज्ञा दिनुभएको छ, “एक होऊ, र यदि तिमीहरू एक नभए तिमीहरू मेरा हैनौ ।”९
येशू ख्रीष्ट उहाँको पितासँगको एकताको अत्युत्तम उदाहरण हुनुहुन्छ | उहाँहरू उद्धेश्यमा , प्रेममा, र कार्यमा एक हुनुहुन्छ, किनकि “पुत्रको चाहना पिताको चाहनामा निलिएको छ” १०
हामी कसरि प्रभुको पितासँगको एकताको उदाहरणको अनुकरण गर्न र उहाँहरूसँग र एक अर्कासँग अझ बढी एकीकृत हुन सक्छौँ |
एक प्रेरणादायी नमुना हामीले प्रेरित १:१४ मा पाउन सक्छौँ | हामी पढ्छौं: “ती सबै पुरुषहरु एक मनका साथ ती महिलाहरुसँग निरन्तर प्रार्थना र याचनामा लागिरहे |”११
मलाई लाग्छ यो महत्वपूर्ण छ कि प्रेरितको पुस्तकमा “एक मनका साथ” भन्ने भनाइ धेरै पटक देखिन्छ | जहाँ येशू ख्रीष्टको पुनरुत्थान भएर स्वर्गमा आरोहण भए पछाडी उहाँका शिष्यहरूले गरेका कार्य र उनीहरूले उनीहरूका प्रयासका कारण पाएका आशिषका बारेमा पढ्न पाइन्छ | यो पनि महत्वपूर्ण कुरा हो कि हामीले त्यस्तै नमुना अमेरिकी महाद्वीपका आस्थावान माँझ प्रभुले उनीहरूलाई भेट्न र उनीहरूको सेवा गर्न आउँदाको समयमा पनि पाउछौँ | “एक मनका साथ” भनेको सहमतिमा, एकतामा र सबै सँगै भन्ने अर्थ लाग्छ |
ती दुवै स्थानमा ती आस्थावान सन्तहरूले एकताका साथ् गरेका कुराहरू मध्ये केहि कुराहरू यी थिए कि उनीहरूले येशू ख्रीष्टको गवाही दिए, एक साथ परमेश्वरका वचनहरूको अध्यन गरे, र एक अर्काको प्रेमका साथ सेवा गरे|१२
प्रभुका अनुयायीहरू उद्धेश्यमा, प्रेममा, र कार्यमा एक थिए | उनीहरूलाई थाहा थियो कि उनीहरू को थिए, उनीहरूलाई थाहा थियो कि उनीहरूले के गर्नु पर्थ्यो, र उनीहरूले परमेश्वर र एक अर्का प्रतिको प्रेमका साथ गरे | उनीहरू एक मन साथ अगाडी बढिरहेको एक सुन्दर केलीडीस्कोपको भाग थिए |
उनीहरूले प्राप्त गरेका आशिषहरू मध्य उनीहरू पवित्र आत्माले भरिए र आश्चर्यकर्महरू भए र चर्चको वृद्धि भयो, उनीहरूमाँझ कुनै वैमनश्यता थिएन र प्रभुले सबै कुराहरूमा उनीहरूलाई आशिष दिनुभयो |१३
हामी भन्न सक्छौं कि उनीहरू त्यसरी एकीकृत हुनुको कारण उनीहरूले प्रभुलाई व्यक्तिगत रुपमा चिनेका थिए | उनीहरू उहाँसँग नजिक थिए, र उनीहरूले उहाँको दैवी उदेश्य, उहाँले गरेका आश्चर्यकर्महरू र उहाँको पुनरुत्थानलाई प्रत्यक्ष देख्न पाएका थिए | उनीहरूले उहाँका हात र गोडाका खतहरू छुन र देख्न पाएका थिए | उनीहरूलाई निश्चितताका साथ थाहा थियो कि उहाँ वाचा गरिएको मसीह, र संसारका उद्धारकर्ता हुनुहुन्थ्यो | उनीहरूलाई थाहा थियो कि “उहाँ चङ्गाइको, सान्तिको, र अनन्त प्रगतिको स्रोत हुनुहुन्छ |”१४
हामीले उहाँलाई आफ्ना भौतिक आखाँले नदेखेपनि हामीले थाहा पाउन सक्छौ कि उहाँ जिवीत हुनुहुन्छ | जब हामी उहाँ नजिक पुग्छौँ, पवित्र आत्मा मार्फत हामीले उहाँको इश्वरीय मिसनको व्यक्तिगत गवाहि प्राप्त गर्न प्रयास गर्छौँ; हामीले उहाँको उद्धेश्यलाई अझ बढी बुझ्न सक्छौं; परमेश्वरको प्रेम हाम्रो मुटुमा रहनेछ; १५ हामीमा आफ्ना परिवारको, वार्डको, र समुदायको केलीडोस्कोपमा एक बन्ने दृढता हुनेछ, र हामीले एक अर्कालाई “नयाँ, झन् असल तरिकाले” सेवा गर्नेछौँ |१६
आश्चर्यकर्महरू त्यति बेला हुन्छन् जब परमेश्वरका सन्तानहरू आवश्यकमा परेकाहरूलाई सहयोक पुर्याउन आत्माद्वारा दिएको निर्देशन अनुसार एक साथ कार्य गर्छन् |
आपतकालिन समयमा मानिसहरूमाँझ देखाइएको मैत्रीपूर्ण प्रेमको कथाहरू हामी धेरै सुन्छौँ | उदाहरणका निम्ति, जब गत बर्ष हुस्टन सहरमा बिशाल बाढी आएको थियो, मानिसहरूले आफ्ना आवश्यकताहरूलाई बिर्सेर अरूको उद्धार गर्न निस्के | एउटा एल्डर कोरमको अध्यक्षले आफ्नो समुदायमा सहयोगको आव्हान पठाए, र ७७ वटा डुङ्गाहरूको तुरुन्त व्यवस्था गरिएको थियो | उद्धारकहरू प्रभावित क्षेत्रमा गए र परिवारहरूलाई भेलाहुने भवनमा ल्याए जहाँ उनीहरूले आश्रय र आवश्यक सहयोग पाए | सदस्य र गैर-सदस्यहरूले एउटा उद्धेश्यका निम्ति एक साथ काम गरे |
चिलेको सान्तिआगोमा, एक राहत समाजका अध्यक्षलाई आफ्नो समुदायमा हैटीमा आएका आप्रवासीहरूलाई सहयोग इच्छा भयो | आफ्ना पादरित्वका अगुवाको सल्लाह लिएर उनले ती आप्रवासीका निम्ति स्पैनिश भाषा सिकाउने र उनीहरूलाई आफ्नो नयाँ घरमा राम्रोसँग एकीकृत गर्न सहयोग गर्ने विचार निकालिन् | प्रत्येक सनिबार मिसिनरीहरूले आफ्ना उत्सुक बिद्यार्थीहरूलाई जम्मा गर्छन् | त्यस भवनमा भएको एकताको भावना विवित पृष्ठभूमिका व्यक्तिहरूले एक मन साथ सेवा गरेको एक प्रेरणादायी उदाहरण हो |
मेक्सिकोमा, सयौं सदस्यहरू दुइ ठूला भूकम्पमा बचेकाहरुलाई मद्दत गर्न घन्टौं यात्रा गरे | उनीहरू औजार, मसिन, र आफ्ना छिमेकीहरूप्रतिको मायाका साथ् आएका थिए | जब स्वम्सेवकहरू निर्देशनको प्रतीक्षा गर्दै हाम्रो एक भवनमा भेला भएका थिए, सहरका मेयर इक्सहुआतानले त्यो देख्दा आँसु झरे किनकि उनले “ख्रीष्ट को पवित्र प्रेमको” प्रदर्शन देखे |१७
प्रभुले हामीलाई पादरित्वका कोरमहरू र राहात समाजहरूमा प्रत्येक महिना सँगै परामर्श गर्ने अवसर दिनुभएको छ, ता कि हामी सबैले वार्ड अथवा शाखाको केलिडोस्कोपमा सक्रिय सहभागी बन्न सकौँ—त्यस्तो स्थान जहाँ हामी सबै मिल्न सक्छौँ र जहाँ हामी सबै आवश्यक छौँ |
हामी प्रत्येकका बाटाहरू भिन्न छन्, तैपनि हामी सँगै हिड्छौँ | हाम्रा बाटो हामीले के गरेका थियौँ वा हामी कहाँ पुगेका छौँ भन्ने बारेमा हैन; तर यो त एकतामा हामी कहाँ जाँदैछौं र के गर्दैछौं भन्ने बारेमा हो | जब पवित्र आत्माद्वारा निर्देशित भइ एक साथ् परामर्श गर्छौं, हामीले आँफू कहाँ छौँ र कहाँ हुनुपर्छ भनी देख्न सक्छौँ | पवित्र आत्माले हाम्रा आँखाले देख्न नसकिने कुराहरूको दृश्य देखाउछन् किनभने “प्रकाश हामीमाँझ छरिएको छ” १८र जब हामीले त्यो प्रकाशलाई एक साथ् जम्मा गर्छौं, हामीले अझ बढी देख्न सक्छौँ ।
जब हामी एकतामा काम गर्छौँ, हाम्रो उदेश्य प्रभुको इच्छाको खोजि गर्नु र पुरा गर्नु हुनुपर्छ; हाम्रो प्रेरण परमेश्वर प्रतिको र आफ्ना छिमेकीप्रतिको हाम्रो प्रेम हुनुपर्छ; १९ र हाम्रो मुख्य चाहना “दृढताका साथ् परिश्रम गर्ने” हुनुपर्छ, २० ताकि हामीले मुक्तिदाताको महिमित फिर्ता सवारीको बाटो तयार गर्न सकौँ | हामीले त्यसो गर्नसक्ने एउटा मात्र बाटो “एक मनका साथ” हो|
मोनार्क पुतलीहरूलाई जस्तै, प्रत्येक व्यक्ति आफ्नै गुणहरु र योक्दानहरुका साथ उद्धेश्यमा सँगै निरन्तर यात्रामा अगाडी बढौं, यस संसारलाई झन् बढी सुन्दर र फलदायी बनाउने कार्य गर्दै—एक चोटीमा एक सानो कदम र परमेश्वरका आज्ञाहरुप्रति सहमत हुँदै अघि बढौँ |
हाम्रा प्रभु येशू ख्रीष्टले हामीसँग वाचा गर्नुभएको छ कि जब हामी उहाँको नाममा एक साथ भेला हुन्छौँ, उहाँ हामीमाँझ हुनुहुनेछ |२१ म गवाही दिन्छु कि उहाँ जीवित हुनुहुन्छ र उहाँ त्यो आज जस्तै बसन्तको एक सुन्दर बिहानीमा पुनर्उत्थित हुनुभयो | उहाँ मोनार्कहरूको पनि मोनार्क हुनुहुन्छ, “राजाहरूको राजा, प्रभुहरूको प्रभु हुनुहुन्छ |”२२
हामी पवित्र आत्माबाट निर्देशित हुँदै, हामी सबै पिता र उहाँद्वारा जन्माइएका एक मात्र पुत्रमा एक हुन सकौँ, यो नै मेरो विनम्र प्रार्थना छ, येशू ख्रीष्टको नाममा, आमिन ।