![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F95%2F8d%2F958d9034d2fdfbcd75530996153a005c81c1ff13%2F958d9034d2fdfbcd75530996153a005c81c1ff13.jpeg/full/!250,/0/default)
Poder oduráva
Pe fe ha Tupã ñe’ẽ omyenyhẽva ñane ánga añónte ohupyty ñanesostene hag̃ua ha oheja jahupyty Ipoder.
Amoñe’ẽvo ñande amado proféta presidente Russell M. Nelson ñehekombo’ekuéra, ajuhu peteĩ ñe’ẽ oipuruetéva idiscursokuérape. Upe ñe’ẽ ha’e poder.
Conferencia general peteĩháme oñesostene rire apóstol ramo, Presidente Nelson oñe’ẽ pe poder rehe.1 Ha uperire, umi áño pukukue aja, ombo’e meme upévagui. Ñasostene guive Presidente Nelson-pe ñande proféta ramo, ha’e ombo’e pe poder principio—específicamente, Tupã poder—ha mba’éicha ikatu jahupyty upéva. Ombo’e mba’éichapa jaipurukuaa Tupã poder ñaministra vove ambuekuérape,2 mba’éicha pe arrepentimiento ohenói Jesucristo ha Iñexpiasiõ poder ñande rekovépe,3 ha mba’éicha pe sacerdocio—Tupã poder ha autorida— ohovasa opavave ojapo ha oñongatúvape konveniokuéra Hendive.4 Presidente Nelson otestifika Tupã poder osyry opavave oñeinvestiva’ekue templo-pe gotyo, okumplirõ tapiaite ikonveniokuéra.5
Opoko che py’áre pe desafio presidente Nelson oikuave’ẽva’ekue conferencia general abril 2020-guápe. Ñanemoarandu he’ívo: “Pe’estudia ha peñembo’e pe’aprendeve hag̃ua pe pu’aka ha kuaapy peñe’investiva’ekue reheve, térã peñe’investítava reheve.”6
Upe desafio ñembohováipe, a’estudia ha añembo’e ha a’aprende mba’e porã pe poder ha kuaapy añe’investíva reheve térã añeinvestíta gueteri.
Ñantende umi jajapova’erã jahupyty hag̃ua Tupã poder ko tekovépe hasy hína, ha katu ahechakuaa ikatuha ñakonsegi ja’estudiávo ñane akãme ha ñañembo’e Espíritu Santo ñanderesape hag̃ua.7 Elder Richard. G. Scott ome’ẽ peteĩ definición hesakãva mba’épa ha’e pe Tupã poder: ha’e pe “poder jajapove hag̃ua ikatúvagui jajapo ñandejehegui.”8
Ñamyanyhẽ ñane korasõ ha jepe ñane ánga Tupã ñe’ẽ reheve ha pe fe Jesucristo-re, ha’e esencial jahupyty hag̃ua Tupã poder ñanepytyvõ hag̃ua umi ára hasývape. Ndajajapóirõ Tupã ñe’ẽ ha fe Jesucristo-re tog̃uahẽ ñane korasõ ipypukuvehápe, ñande testimonio ha fe ikatu oñemokangy, ha ikatu ndajahupytykuaái pe poder Tupã ome’ẽséva ñandéve. Pe fe superficial ndohupytýi. Pe fe ha Tupã ñe’ẽ omyenyhẽva ñane ánga añónte ohupyty ñanesostene hag̃ua ha oheja jahupyty Ipoder.
Hermana Johnson ha che romongakuaa aja ore ta’yrakuérape, romokyre’ỹ chupekuéra ombopu hag̃ua algún instrumento musical. Upevére, rohejáta chupekuéra oguereko clase de música ojaporõ hikuái iparte ha opractika meme pe instrumento. Peteĩ sábado, ore rajy Jalynn oñe’emosionaiterei osẽ hag̃ua oñembosarái iñamigakuéra ndive, ha katu ndopractikái gueteri pe piano. Oikuaávo oñekomprometehague opractikávo 30 minuto, omoĩse peteĩ cronómetro ndopractikaséigui ni peteĩ minuto-ve pe oñeikotevẽvagui.
Ohasávo microonda ykére, oguatávo piano gotyo, opyta ha ojopy umi botõ. Ha katu omoĩ rangue pe temporizador, omoĩ microonda okosina hag̃ua 30 minuto aja ha ojopy “iniciar”. 20 minuto opractika rire, oho jey kosináme ohecha hag̃ua mboýpa ofalta gueteri ha ojuhu pe horno microonda okaiha hína.
Oñani korapy tapykueguápe, che aimehápe amba’apóvo yvotytýpe, osapukáivo pe óga hendypaha hína. Pya’eterei añani pe ógape, ha añetehápe ajuhu pe microonda hendypa hína.
Añeha’ãvo pono pe óga okaipa, amoinge che po microonda rapykuépe ha adesenchufa ha aipuru pe cable amomýi hag̃ua pe microonda mesáda árigui. Aha’arõvo che ha’etaha pe héroe ha amoĩ por͂ãta pe situación, asalvávo pe óga, ambojere pe microonda círculo-pe, pe cable reheve ani hag̃ua opoko che retére, ha ag̃uahẽ pe korapýpe tapykuegua, ha ambue movimiento reheve amombo pe microonda kapi’ipépe. Upépe ikatúkuri rombogue umi tuicha tata rendy peteĩ manguera reheve.
Mba’e osẽvai ra’e? Peteĩ horno microonda oikotevẽ peteĩ mba’e oabsorve hag̃ua iñenergía, ha ndaiporirõ mba’eve hyepýpe oabsorvétava pe energía, pe hornoite oabsorve, oñembyaku ha ikatu hendypa, oñehundívo ijupe tata rendy ha tanimbu apytépe.9 Pe microonda enteroite hendy ha okái ndapórigui mba’eve hyepýpe.
Upeichaite, umi oguerekóva fe ha Tupã ñe’ẽ ikorasõ pypukúpe oabsorve ha ogueropu’akáta umi dardo hendýva, upe adversario katuete omboútava ñanerundi hag̃ua.10 Ndaupéichairõ, ñande fe, esperanza ha convicción ikatu ndodurái, ha pe horno microonda nandícha, ikatu ñañekonverti peteĩ víctima-pe.
A’aprende, aguerekórõ Tupã ñe’ẽ che ánga pypukúpe, fe reheve Ñandejára Jesucristo-re ha Iñexpiasiõ, ikatu arrekurri Tupã poder-pe avense ag̃ua pe adversario-pe ha oimeraẽ mba’e omombóva che ári. Ñambohovakévo umi desafío, ikatu jajerovia Ñandejára promesa-re Pablo ombo’eva’ekue: “Tupã nome’ẽi ñandéve peteĩ espíritu ñanemokangýva, ome’ẽ uvei ñandéve peteĩ espíritu ipu’akáva, oporohayhúva ha iñarandúva.”11
Jaikuaa, mitã aja, pe Salvador “okakuaa ha oñemombarete ha oñemyanyhẽ arandúgui; ha Tupã grásia oĩ hi’ári.”12 Jaikuaa avei okakuaa aja ohóvo, Jesús okakuaa arandúpe ha yvatekuépe ha grásiape Tupã ha yvyporakuéra ndive g̃uarã.”13 Ha jaikuaa, oñepyrũvo Iministério, umi ohendúva chupe “oñemaravilla idoctrinagui, iñe’ẽ ha’égui autorida reheve.”14
Ñembosako’i rupi, pe Salvador okakuaa poder-pe ha ikatúkuri orresisti opa umi Satana jeipy’ara’ã.15 Jaseguiháicha pe Salvador ehémplo ha ñañembosako’i ja’estudiávo Tupã ñe’ẽ ha ñambopypuku ñande fe, ikatúta avei jarrekurri Tupã poder-pe jagueropu’aka hag̃ua umi jeipy’ara’ã.
Ko’ã époka umi reunión oñerrestringihápe, ndohejáiva jaha regularmente templo-pe, añepropone a’estudiave ha a’aprende memévo Tupã pu’akágui, jarresivíva jajapo ha ñañongatúvo umi templo-gua konveniokuéra. Oñepromete haguéicha Kirtland templo ñembo’e dedicatorio-pe, ñasẽ templo-gui ñañemo’ãvo Tupã poder rehe.16 Ndaipóri fecha de vencimiento ohóva Tupã poder rehe, ha’e ome’ẽva umi ojapóva ha oñogatúvape umi templo-gua konvénio, ni ndaipóri restricción jahupyty hag̃ua upe poder pandemia aja. Ipoder omengua ko tekovépe nañakumplirirõ añónte umi konvénio ha ndajavivíri jaguereko meme hag̃uáicha umi oñeikotevẽva jarresivi hag̃ua Ipoder.
Che rembireko ahayhuetéva ha che, roservi aja misiõ líder ramo Tailandia, Laos ha Birmania-pe, ore ha’e testigo porã Tupã poder-gui ohupytýva umi ojapóva ha oñongatúva umi templo-gua konvénio sagrado. Pe fondo de ayuda templo-pe ohóvape g̃uarã ojapo heta santo umi mbohapy tetãgui oho templo-pe, ojapo rire hikuái opa ikatumíva jehasa’asy ha ñembosako’i personal rupive. Chemandu’a añerreuni hague peteĩ 20 santokuéra Laos-gua hekojojáva aty ndive peteĩ aeropuerto Bangkok, Tailandia-pe, aipytyvõ hag̃ua chupekuéra ova hag̃ua ambue aeropuerto-pe, upe mismo tavaguasúpe, ojagarra hag̃ua pe vuelo Hong Kong gotyo. Ko’ã miembro ovy’aiterei ohóta haguére ipahápe Ñandejára Rógape.
Roñerreuni jeývo ko’ã santo iguénova ndive, ou jey rire, ojehechakuaa peteĩ kakuaave pe evanhéliope ha peteĩ poder tuichavéva, ha’éva resultado orresivi haguére hikuái pe templo-gua investidura ha ojapo konvénio Tupã ndive. Hesakã porã umi santo osẽhague templo-gui “oñemo’ãvo [I]poder reheve”17 Ko poder ojejapo hetave hag̃ua ha’ekuéra ikatúvagui ojapo ijehegui, omombarete chupekuéra ogueropu’aka hag̃ua umi desafio, ha’évo tupaogua miembro upe hetã heñói haguépe ha ohove tenonde gotyo oguerahávo “nuevas tuichaiterei ha igloriósova, añetehápe,”18 omopu’ã meme aja Ñandejára Reino Laos-pe.
Ndaikatúi aja jaha templo-pe, jajerovia piko ñande umi konvénio jajapova’ekue templo-pe, ñamoĩ hag̃ua peteĩ curso hesakã ha oñemova’ỹva ñande rekove dirección-pe? Ko’ã konvénio, oñeñongatúrõ, ome’ẽ ñandéve visiõ ha ñeha’arõ umi oútavagui, ha peteĩ determinación hesakãva jaguereko hag̃ua umi oñeikotevẽva, jarresivi hag̃ua opa umi mba’e Ñandejára oprometeva’ekue outaha jeroviareko rupi.
Po’invita peheka hag̃ua pe poder Tupã ome’ẽséva peẽme. Atestifika jahekaháicha upe poder, jajehovasáta comprensión tuichavéva reheve ñande Ru Yvagagua mborayhu oguerekóva ñanderehégui.
Atestifika ñande Ru Yvagagua ñanderayhúgui, peẽme ha chéve, ombou Ita’ýra ohayhuetéva, Jesucristo, ha’e hag̃ua ñande Salvador ha Redentor. Ame’ẽ testimonio Jesucristo-gui, Upe orekóva opa poder,19 ha ajapo upéva Jesucristo rérape. Amén