Jaha tenonde gotyo jerovia reheve
Pohovasa py’aguapy reheve ha jerovia mbarete Ñandejárare .
Che hermano ha hermanakuéra pohayhuetéva, ñaĝuahẽvo ko histórica conferencia pahápe, rome’ẽ aguije Ñandejárape. Música isublime ha umi mensaje inspirador.
Ko conferencia aja, ja’experimenta heta mba’e ojedestakáva. Ko aniversario bicentenario-pe rojapo peteĩ proclamación ko múndope ğuarã rodeklarávo Jesucristo evangelio plenitud Restauración añeteguaha.
Ñakonmemora pe Restauración Hosana jesapukái reheve.
Jarrevela peteĩ símbolo pyahu osignifikáva ñande jerovia Ñandejára Jesucristo-re ha ha’e umi tupaogua información ha materiales oficiales reconocimiento visual-rã.
Ro’invitakuri peteĩ ára global de ayuno ha ñembo’erã, ko pandemia ko’áĝagua oñecontrola haĝua, umi trabajadores de la salud toñemo’ã, pe economía toñemombarete, ha ñande rekove toñenormalisa jey. Ko ayuno ojegueraháta a cabo Viernes Santo, 10 de Abril-pe. ¡Ha ha’éta peteĩ Viernes hechapyrãiteva!
Domingo oúva ha’eta Domingo de Pascua, ñakonmemora jeytahápe Ñandejára Jesucristo expiasiõ ha resurrección. Ijexpiasiõ rupi, pe Idon de la resurrección oúta opavave oikoveva’ekuépe. Ha Idon de la vida eterna oúta opavave umi okalifikávape hekojoja haguére umi ordenanza ha konveniokuéra ojejapóva umi santo templo-pe.
Umi heta componente inspirador ko conferencia Abril 2020-gua ha pe semana marangatu oñepyrũva ko’áĝa, ikatu oñemombyky mokõi ñe’ẽ rupi ojedecretáva’ekue divinamente : “Ehendu Chupe.”1 Roñembo’e pene enfoke pende Ru Yvagagua, upe he’íva’ekue umi ñe’ẽ, ha Ita’ýra ohayhuetéva, Jesucristo-re, taiñimportanteve pene mandu’ápe opa ambue mba’e oikova’ekuégui. Roñembo’e peñepyrũ haĝua peteĩ pehendu añete, pehendu porã ha pejapysaka pe Salvador ñe’ẽnguérare.2 Apromete peẽme pe jekyhyje oñemboguétaha ha jerovia okakuaáta.
Aguije mante peẽme pejaposégui pende rógagui peteĩ santuario de fe añetéva, Ñandejára Espiritu ikatuhápe oiko. Ñande curso de estudio del evangelio Ven, Sigueme, okontinuáta ohovasávo pende rekove. Pene ñeha’ã meme upe tembiapópe, jepe umi momento peñandúvape ndapehupytyiha hína mba’eve éxito, omoambuéta pende rekove, pende familia rekove ha pe mundo jepeve. Ñañemombaretéta a medida que oiko ñandehegui Ñandejára discípulo ipy’aguasúva, oñembo’ýva ha oñe’ẽva Hese, oimeraẽ tenda ñaimehápe.
Ko’áĝa, ñañe’ẽmina templokuéra rehe. Jaguereko 168 templo ojededikapyre ko mundo jerére. Ambuekuéra oĩ diferente etapa de planeamiento ha construcción-pe. Oñe’anunciávo oñemopu’ãtaha peteĩ templo pyahu, oñekonverti parte ñande historia sagrada-gui.
Ikatu ojogua iñextrañoha toñe’anuncia templo pyahu opa ñande templokuéra oñemboty vove por un tiempo aja.
Ojapo mas de 100 año, President Wilford Woodruff ohecha hague condiciones ñanemba’éichaguava, ojehai haguéicha Lago Salado Templo oración dedicatoria-pe, ha’e ome’ẽva’ekue 1893-pe. Ikatu alguno pende apytépe ohecha ramoitente redes sociales-pe upe notable ñembo’e extracto.
Nde tavayguakuéra ndo guerekóivove oportunidad oike haĝua ko nde Róga Marangatúpe … ha oĩ hikuái jejopy, problema ha jehasa’asy mbytépe … ha omaña hikuái ko nde roga marangatu gotyo ha ojerure Ndeve ñemosãso, pytyvõ, nde pu’aka tojeipyso ifavorkuérape, rojerure’asy Ndéve remañami haĝua yvygotyo, Nerenda Marangatu guive, poriahuvereko reheve … ha ehendu ijerure’asykuéra. Térã nde tavayguakuéra ta’yrakuéra, umi año oútavape, ojesepara chupekuéra, oimeraẽ causa-re, ko tendágui…ha ojerure’asy Ndéve, ijehasa’asy ha iñembyasy pypuku guive tereme’ẽ chupekuéra alivio ha ñemosãso, humildemente rojerure’asy Ndéve ….terehendu ijerure’asy, ha eme’ẽ chupekuéra umi jehovasa ojeruréva”3
Hermano ha hermanakuéra, ko’ã ñane ñembyasy árape ñane templokuéra oñemboty aja, peẽ ikatu gueteri peipuru pende templo konvénio ha investidurakuéra pu’aka pe’onrra aja pene konveniokuéra. Peipurumi ko tiempo templokuéra oñemboty aja pekontinua haĝua pevivívo tekove idignova peike haĝua templope, téra peñemoambue oiko haĝua pendehegui digno peike haĝua templo-pe.
Peñe’ẽ templo-gui pene familia ha angirũnguéra ndive. Jesucristo ha’égui pe centro opa mba’e jajapóvagui templo-pe, pepensavérõ pe templo rehe pepensavéta hína Hese. Pe’estudia ha peñembo’e pe’aprendeve haĝua pe pu’aka ha kuaapy peñe’investiva’ekue reheve, térã peñe’investita reheve.
Ko árape rovy’a ro’anunsiávo planes oñemopu’ã haĝua ocho templo pyahu, oñemopu’ãtava ko’ã tendápe: Bahía Blanca, Argentina; Tallahassee, Florida; Lubumbashi, República Democrática del Congo; Pittsburgh, Pensilvania; Cuidad de Benín, Nigeria; Syracuse, Utah; Dubái, Emiratos Árabes Unidos; ha Shanghái, República Popular de China.
Ko’ã ocho tendápe, tupaogua arquitecto-kuéra omba’apóta umi autoridades locales ndive templo oĩ haĝua en armonía káda comunida ndi ha ha’e haĝua peteĩ mba’e porã oñemoĩva ipype.
Dubái Templo plan ou ñembohovái ramo invitación kyrỹi ojapova’ekuépe hikuái, rohechakuaáva tuicha aguije reheve.
Contexto Shanghái templo plan-rã iñimportanteiterei. Mokõi década aja, umi República Popular de China-gua miembro digno oike haĝua templo-pe o’asisti Hong Kong, China Templo-pe. Upevére, Julio 2019-pe, upe templo oñemboty renovación rupi, oñeikotevẽtereiva ha oñeplaneava’ekue heta tiempo aja.
Shanghái-pe, peteĩ multi-uso ha modesto tenda reunión-rã ome’ẽta manera China-gua miembrokuérape tokontinua oparticipávo templo ordenanza-kuéragui - República Popular de China-pe – hesekuéra ha ijypykuérare.4
Káda tetãme, Tupao ombo’e imiembrokuérape o’onrra, o’obedese ha osostene haĝua pe ley5 Ñambo’e importancia oguerekóva pe familia, ha’e haĝua buenos padres ha ciudadanos hechapyrãva. Rorrespeta haguére umi leyes ha reglamento República Popular de China-gua, tupao no mondói misionerokuéra de proselitismo upépe; ni noromondomo’ãi gueteri ko’áĝa rupi.
Umi expatriado ha umi congregacion china okontinuáta oñerreunívo por separado. Tupao estado legal upépe opytáta cambio’ỹre. Fase inicial-pe upe instalación jeipurúpe, ikatúta ojeike cita previa reheve mante. Ñandejára Róga Shanghái-pe nda ha’emo’ãi peteĩ tenda oñedestináva turista ambue tendakuéragui peĝuara.
Ko’ã ocho templo pyahu ohovasáta heta hentekuéra rekove mokõive lado velo ñemano reheguágui. Umi templo ha’e peteĩ parte esencial pe Jesucristo evangelio plenitud restauración-gui Tupã py’aporã ha generosida rupi, Ha’e omo’aĝuive umi templo jehovasa Ita’yrakuérape opa tendápe.
Pe restauración okontinuaháicha, che aikuaa Tupã okontinuataha orrevelávo heta ha tuicha mba’e iñimportanteva operteneséva Irreino-pe ko yvy ári.4 Upe reino ha’e Jesucristo Tupao Santokuéra arapahape guava.
Hermano ha hermanakuéra pohayhuetéva, a’expresa che mborayhu penderehe. Ko’ã tiempo de tensión ha incertidumbre aja, ha ainvokávo pe autoridad oĩva chepype, ahejase pende ári peteĩ jehovasa apostólico.
Pohovasa py’aguapy ha jerovia mbarete Ñandejárare reheve.5
Pohovasa deseo reheve peñe’arrepenti haĝua ha ha’eve haĝua michĩmie Ha’éicha cada ára ohasáva.6
Pohovasa peikuaa haĝua José Smith ha’eha pe profeta Jesucristo evangelio plenitud restauración-gua.
Oĩrõ hasýva pende apytépe téra umi pehayhúva apytépe, aheja peteĩ jehovasa peñemomguera haĝua, Ñandejára voluntad-pe oĩháicha.
Upéicha pohovasa, a’expresa jeývo che mborayhu penderehe, Jesucristo réra marangatupe. Amén