Mensaje Ñepyrũha
Ñañeha’ãva’erã, opáicha, ñahendu hağua Jesucristo-pe, oñe’ẽva ñandéve Espiritu Santo poder ha ministración rupive.
Che hermano ha hermanakuéra pohayhuetéva, pomoğuahẽporã aja ko histórica conferencia general abril 2020 Iglesia de Jesucristo de los Santos de los Últimos Días-guápe, umi razón peẽ peikuaávare, ¡Añembo’y hína peteĩ auditorio nandi renondépe!
Máva piko oimo’ãta, apromete vove peẽme Conferencia General octubre 2019-pe ko conferencia abril 2020-gua ha’etaha “memorable” ha “inolvidable”, añe’ẽha hína peteĩ audiencia visible michĩve 10 persona-guinte, ojapotaha ko conferencia taimemorable ha iñinolvidable chéve ĝuarã Upevére, aikuaávo peẽ peparticipaha transmisión electrónica rupi ha pe hermosa interpretación ojapóva pe coro “Está bien con mi alma”, ogueru tuicha angapyhy che ángape.
Peikuaaháicha, pe asistencia ko conferencia-pe oĩ estrictamente limitada ore ñeha’ãme ha’e hağua buenos ciudadanos del mundo ha rojapo hağua opa ikatumíva ojelimita hağua pe COVID-19 ñemyeasãi. Ko virus oguereko hína tuicha impacto opa ko múndore. O’altera avei temporalmente ñande tupaogua reunión-kuéra, pe servicio misional ha templo rembiapo.
Jepeve ko’ã restricciones ko’áğua oñerrelasiona peteĩ virus agresivo rehe, umi pruebas personales ko tekove rehegua oho mombyryve ko pandemia-gui. Umi prueba oútava ikatu orresulta peteĩ accidente-gui, peteĩ desastre natural térã peteĩ pena personal oñeha’arõ’ỹvagui.
Mba’éichapa ikatu jagueropu’aka ko’ãichagua prueba? Ñandejára he’i’akue ñandéve “peimérõ preparado ndapekyhyjemo’ãi.”1 Upéicha, físicamente ikatu ñañongatu ñande propia reserva tembi’u, y, ha aórro rehegua. Ha katu upéicha avei iñimportante ñamyanyhẽ ñane almacén espiritual fe, verdad ha testimonio reheve.
Ñane afán tuichavéva ko tekovépe ha’e jajeprepara jajojuhu hağua ñande Creador ndive. Jajapo upéva ñañeha’ãvo ára ha ára jajoguave hağua ñande Salvador Jesucristo-pe.2 Ha jahupyty upéva ñañe’arrepentívo ára ha ára ha jarresivi Ipoder ñanemopotĩ, ñanemonguera ha ñanemombaretéva. Upéramo ikatúta ñañandu peteĩ py’aguapy ha góso oduráva, jepe umi époka turbulenta aja. Upevarehete Ñandejára ojerure’asýkuri ñandéve japyta hağua tenda marangatúpe ha “ani ñañemomýi.”3
Ko áñope jagueromandu’a bicentenario peteĩ umi acontecimiento isignifikativovéva ko mundo historia-pe: jaikuaávo, Tupã pe Túva ha Ita’ýra amado, Jesucristo oje’aparese hague José Smith-pe. Upe singular visión aja, Tupã pe Túva oseñala Jesuscristo-pe ha he’i: “Kóva ha’e Che Ra’y ahayhuetéva: Ehendu Chupe!”4
Upe momarandu oñeme’ẽva’ekue Josépe ha’e opavave ñandéve ğuarã. Ñañeha’ãva’erã, opáicha, ñahendu hağua Jesucristo-pe, oñe’ẽva ñandéve Espiritu Santo poder ha ministración rupive.
Ko conferencia ha káda conferencia general propósito ha’e ñanepytyvõ ñahendu hağua Chupe. Roñembo’e ha po’invita peñembo’e hağua, Espiritu Santo oĩ heta hağua ñanendive ikatu hağuáicha pehendu umi mensaje pe Salvador oguerekóva especialmente peẽme ğuarã: mensaje oguerútava py’aguapy pene ángape. Mensajekuéra omonguerátava pene korasõ rasy; Mensajekuera omyesakãtava pene apytu’ũ. Mensaje penepytyvõtava peikuaa hağua mba’épa pejapova’erã peho hağua tenonde pende rekovépe ko’ã ára ha umi oútava agitación ha prueba reheguápe.
Roñembo’e ko conferencia taha’e memorable ha inolvidable umi mensaje pehendútava, umi anuncio úniko ojejapótava ha umi experiencia rupi peñe’invitátavape peparticipa hağua.
Ejemplo-rã, sesión domingo pyhareve pahápe, rokonvokáta peteĩ asamblea solemne mundial porodirihitahápe upe sagrada Hosanna Sapukáipe. Roñembo’e upéva taha’e peteĩ momento espiritual culminante peẽme ĝuarã ja’évo unisono mundial-pe ñande profunda gratitud Tupã pe Túva ha Ita’ýra amado-pe, ja’alavávo chupekuéra ko forma singular-pe.
Ko experiencia sagrada-pe ğuarã, jaipuru pañuelo morotĩ potĩ; Ha katu, ndaperekóirõ peteĩ, ikatu peipuru pende po. Opa rire pe Hosanna Sapukái, congregación ojoajúta kóro ndive opurahéi hağua “El Espíritu de Dios.”5
Che hermano ha hermanakuera pohayhuetéva, ko conferencia imagnífikata. Ko áño hechapyrãta conforme ñañe’enfoka atentamente pe Salvador ha Iñevangelio restaurado rehe. Ko conferencia histórica efecto odurátava oñeme’ẽta a medida que ñane korasõ oñemoambue ha ñañepyrũ peteĩ búsqueda de toda la vida ñahendu haĝua Chupe.
¡Pomomaitei ko Conferencia General abril 2020-pe! Aikuaa Tupã ñande Ru Yvagagua ha Ita’ýra Jesucristo ñandeguerekoha presente. Ha’ekuéra oĩta presente umi reunión-pe ko’ã mokõi glorioso ára ñañeha’ã aja ñañemo’aĝui ha ña’onrra Chupekuéra. Jesucristo réra sagrado-pe. Amén.