Umi óga iporãitereíva
Salvador ha’e ingeniero ivaléva, mopu’ãha, ha pe odiseñáva óga ryepypegua. Ha’e oreko proyecto ha’éva ñane ánga toĩporãmba ha toreko vy’a opave’ỹva.
Nda’aréi ahecha peteĩ cartel Lago Salado-pe Oje’publica mueble ha diseño ogapýpegua compañia rehegua. Péichaite he’i, “Oservíva óga iporãitereívape Táva Lago Salado-pe”.
Ko mensaje illamatívo—mba’e he’ise pe “óga iporãitereíva”? Añeñandu apensávo ko’ã mba’eporandúre, especialmente ore ra’ykuéra che rembireko Kathy ha che romongakuaava’ekue, ha mitãnguéra ha’ekuéra omongakuaáva ko árape. Oparupigua tuvakuéraicha, rojepy’apy ha roñembo’e ore familia-kuérare. Ko’ágã peve roñembo’e. Roipotaite umi mba’e iporãvéva chupekuérape g̃uarã. Mba’éicha ikatúta ha’ekuéra ha ifamiliakuéra oiko pe óga iporãitévape? Che apensákuri umi Tupaopegua miembro-kuéra róga, Kathy ha che rovisitava’ekue. Roñe’invita heta ogakuérape, Korea ha Kenya, Filipinas ha Perú, Laos ha Letonia-pe. Akompartise penendive irundy mba’ekuaarã ko’ã óga iporãitéva rehegua.
Primero, Ñandejára perspectiva-pe, oñemopu’ã hag̃ua óga iporãvéva odepende pe kualida umi hentekuéra ipypegua orekóvare. Ko’ã ogakuéra noñemoporãi mba’e importante térã oaguanta rupi umi mueble, térã patrimonio neto, térã estatus social hentekuéra ipypegua orekóva rupi. Oĩporãvéva característica oimerãe ógape g̃uarã ha’e pe Cristo imagen tojekuaa umi ogakuérape oikóvare. Pe mba’e iñimportantevéva ha’e pe diseño oĩva yvyporakuéra angapýpe, ha ndaha’éi pe estructura en sí.
Ko’ã Cristo atributo oikotevẽ “tiempo”1oikotevẽva progreso intencional konvénio raperegua. Cristo-ichagua atributo ombojegua umi oñeha’ãva oguereko py’aporã rekove. Ha’ekuéra omyenyhẽ hogakuéra evanhélio resape rehe, taha’e ipíso yvy térã mármol-guigua. Pende añomíramo jepe pende rogapýpe peseguiva upe mandato “pehekáke ko’ã mba’e iporãva,”2 ikatu pe colabora oñembojegua hag̃ua espiritualmente pende familia rogapy.
Ñandejára consejo jasegui “[ñañe] organiza; ñañembosako’i opa mba’e tekotevẽva; ha ñamopu’ã peteĩ óga”, ña’organizávo, ñañembosako’ívo, ha ñamopu’ãvo ñande rekove espiritual, ha ani umi ñande propieda. Jahei’ỹme jahekávo pe Salvador konvénio rehegua rape, ñande róga oñekonvertita “peteĩ óga orekóva gloria, peteĩ óga orekóva orden, [ha’éva] peteĩ Tupã róga”.3
Segundo, umi óga iporãvape oikóva ostudia Escritura-kuéra ha profeta-kuéra oikovéva ñe’ẽ káda diá. Presidente Russell M. Nelson ñane invita ña “transforma hag̃ua” ha “ñarremodela” ñande róga jastudiávo pe evanhélio.4 Ña’rreconoce ko invitación rupi pe óga porãme oikóva remiandu ha’e, tuicha mba’eha pe ikyrỹi ha ivitalva tembiapo crecimiento personal rehegua ha ñarremodela umi ñanemokangýva. Arrepentimieto káda diagua ha’e tembiporu transformadora, ikatúva ñanembopy’aporãve, japorohayhuve ha jaikuaaporãve hag̃ua. Jastudiávo Escritura-kuéra ñañemo’ag̃uivéta Salvador rehe, imborayhu porãite ha igrásia ñane pytyvõva jakakuaa hag̃ua.
Pe Biblia, pe Mormón Kuatiañe’ẽ ha Perla de Gran Precio omombe’u famlia-kuéra relato, upévare ndaha’éi sorpresa ko’ã tomo ha’éva manual ijojaha’ỹva ñamopu’a hag̃ua óga iporãitereíva. Orekóva relato tuvakuéra jepy’apy rehegua, umi py’ara’ã peligro, umi hekojojáva triunfo, jehasa’asy vare’a rehegua ha abundancia, umi mba’evaiete ñorairõguasu oguerúva ha py’aguapy jehepymeʼẽ. Jey ha jey, Escritura-kuéra ohechuka ñandéve mba’éichapa familia-kuéra osupera tekojojápe oikóvo ha mba’éichapa ojavy hikuái ohóramo ambue tapevaíre.
Tercero, óga iporãitéva osegui pe modelo ojapova’ekue Ñandejára umi Hóga iporãitévape g̃uarã, ha’éva pe templo. Templo construcción oñepyrũ con pasos básicos—oñemopotĩ ha je’nivela pe lóte. Umi ñeha’ã ñepyrũmby ojeprepara hag̃ua pe yvy ikatu ñakompara umi mandamiento básico ñe’ẽrendu rehe. Pe discipuládo oñemopu’ã umi mandamiento ári, ipyenda ramo. Discipuládo constante ñande gueraha pe japyta atã, ñañemovãʼỹ, ha ndajakuʼéi hag̃ua, 5ojoguáva pe marko acero-guigua ojeipurúvape templo-pe. Ko marko opyta atãva oheja Ñandejára ombou Hi Espíritu, oiko hag̃ua ñane korasõ ñemoambue.6 Jarekóvo peteĩ tuicha korasõ ñemoambue ojogua ñamoĩroguáicha mbaʼe iporãva peteĩ templo ryepýpe.
Jaikóvo jeroviápe, Ñandejára ñanemoambue mbeguekatúpe. Ñande jarrecibi Hi imagen ñande rováre ha ñañepyrũ jahechauka pe Iʼcarácter porãngue ha mborayhu.7 Jajoguave vove Chupe, ñañandúta ñaimeha ñande rógape Hógape ñaimévo, ha Haʼe oñandúta hógape oĩha ñande rógape oĩvo.
Ikatu jaguereko ñande róga conexión Hóga ypýpe, jakalifika ha jaipurúramo py’ỹive ñande recomendación del templo. Péicha jajapóramo, Ñandejára róga marangatu opytáta ñande rógape avei.
Pe magnífiko templo Lago Salado-gua namombyrýi. Pionero-kuéra ojapóva oipurúvo umi herramienta rudimentaria, material otopáva koʼápe, ha heta ombaʼapovai opakuaaʼỹva reheve, ko templo ojejapovaʼekue 1853-guive 1893-peve. Umi mbaʼe iporãvéva miembro-kuéra Tupaopegua ikatúva omeʼẽ pe ingeniería, arquitectura ha diseño interior rehegua, omopuʼã peteĩ obra maestra ojehechakuaáva millones rehe.
Ohasáma casi 130 años ko templo ojededika rire. Elder Gary E. Stevenson kuehe heʼihaguéicha, umi principio ingeniería rehegua ojeporuvaʼekue oñediseña hag̃ua ko templo oñeʼrreemplaza ipyahu ha isegurovéva estándar rehe. Ndojejapo porãiramo pe templo rehegua ingeniería ha noñemyatyrõiramo umi parte ikagyhápe, oñeʼtraicionáta pionero-kuéra confianza, ojapovaʼekue ikatuháicha ha oheja pe témplore ñangareko futura generación-pe g̃uarã.
Ko Tupao omoñepyrũ peteĩ 4 año-gua proyecto de restauración omombareteve hag̃ua ko templo estructura ha ogueropuʼaka hag̃ua yvyryrýi.8 Pe cimiento, piso ha pared oñemombaretevéta. Pe conocimeinto ingeniería-pegua oĩva ko árape ojeipurúta ko templo oreko hag̃ua umi estándar moderno. Ndaikatumoʼãi jahecha umi cambio estructura rehegua, ha katu orekóta efecto iñimportante ha añeteguáva. Opa koʼã tembiapópe, ko templo iporãitéva diseño tyepypegua característica-re ndojepokomoʼãi.
Jaseguivaʼerã ko ehémplo oñemeʼẽva ñandéve ko Lago Salado-pegua Templo rrenovasiõ ha ñamoĩ tiempo jahechami hag̃ua ñande ingeniería espiritual sísmica ha jajeʼasegura oĩha al día. Vokói jajepyʼamongetávo ha ñaporandu Ñandejárape, “Mbaʼépa ofaltave chéve?”9 ikatu ñanepytyvõ ñamopuʼã hag̃ua pe óga iporãitéva.
Irundyha, umi óga iporãitereíva haʼe refugio umi tekovegua tormenta-gui. Ñandejára opromete umi iñeʼẽrendúvape Tupã rembiapoukapykuérare “omoakãrapuʼãta chupekuéra upe tetãme”.10 Tupã prosperidad haʼe puʼaka ñañemotenonde hag̃ua jarekóramo jepe problema ñande rekovépe.
Ary 2002-pe che a’prende peteĩ lección importante problema rehegua. Aime jave Asunción, Paraguay-pe, añe reuni umi presidente de estaca upe tavagua ndive. Upe tiempo-pe, Paraguay ohasa peteĩ crisis económica terrible, ha heta miembro-kuéra Tupaopegua ohasa’asy ha ndohupytýi ni okaru hag̃ua. Ndahavéiva Sudamérica-pe che mision ajapo guive ha nunca ndaháiva Paraguay-pe. Ojapo ramoiténte aserviha hina Presidencia de Área-pe. Naiméivo seguro ikatúnepa ame’ẽ guia umi presidente de estaca-pe, ajerure chupekuéra tomombe’e chéve mba’épa ha’e umi oĩporãva ijestákape. Pe primer presidente de estaca omombe’u chéve umi mba’e ojapo porãva. Ha okontinua he’ívo umi mba’e ojejapo porãva ha avei algún problema. Rohupytývo pe último presidente de estaca-pe, ha’e omombe’u unos cuanto desafio ijetu’úva. Ha umi presidente de estaca omombe’úvo tuichaha pe problema, chémakatu ajepy’apyete, haimete aje desespera, ndaikuaái rupi mba’épa ha’éta.
Pe último presidente de estaca ojapopamívo i’comentario, peteĩ pensamiento ou che akãme: “Élder Clayton, eporandumi chupekuéra: ‘Presidente, miembro-kuéra apytépe opagapáva iʼdiezmo, opagáva ofrenda de ajuno generosa, omba’apóva illamamiento Tupaoguápe, ha añetehápe ovisitáva ifamiliakuéra asignado11 cada mes, ojapóva pe noche de hogar, ostudiáva umi Escritura ha oñemboʼéva en familia cada día, mboy ijapytepekuéra ndaikatúi osoluciona iprobléma ijehegui, pe Tupao oikeʼỹre orresolve hag̃ua iproblemakuéra?’”
Añandu rupi impresiõ, aporandu umi presidente de estaca-pe upe mba’eporandu.
Omaña che rehe hikuái kirirĩhápe ha upéi heʼi, “Ha mavave ningo”, heʼiséva, “Ha katu, ni peteĩ”. Uperire heʼi chéve hikuái ndaiporihague ni peteĩ miembro ojapovaʼekue koʼã mbaʼe ha orekóva problema ndaikatúiva haʼekuéra oʼsoluciona ipo rupive. Mba’érepa? Haʼekuéra oiko rupi umi óga iporãitévape. Jeroviápe oikógui hikuái, oguereko pe mbarete, visión ha ñepytyvõ yvágagui oúva, oikotevẽva hikuái ohasa hag̃ua crisis económica ijereregua.
Kóva nde’iséi umi hekojojáva ndahasymo’ãiha, oñe’accidenta, osufri reversión de negocio, térã ohasa heta ambuéva jehasa’asy hekovépe. Yvy ári jaikove aja jarekéta desafio, ha katu ahecha jey jeyva umi oñeha’ãva iñeʼẽrendu tembiapoukapykuérare ojehovasa, otopa peve pe tape oho hag̃ua tendonde gotyo pyʼaguapy ha esperanza reheve. Ko’ã bendición ikatúta ohupyty opavave.12
David he’i, “Excepto Ñandejára omopu’ã pe hóga, ha’ekuéra omba’aporeíta omopu’ãvo pe óga”.13 Peiko peikohápe, pende róga tojogua ojoguávape, ha toreko orekóva pende familia, ikatúta pemopu’ã pe óga iporãitereíva pene familia-pe g̃uarã. Jesucristo evanhélio ojerrestaurava’ekue oreko umi plano upe ógape g̃uarã. Salvador ha’e ingeniero ivaléva, mopu’ãha, ha pe odiseña porãmbáva óga ryepypegua. Ha’e oreko proyecto ñeĩporã ha vy’a opave’ỹva rehegua ñane ángape g̃uarã. Imborayhu pytyvõ reheve, pene ángagui ikatu oiko pe Ha’e oipotaháicha, ha ikatu peẽ ha’e pende mejor versión, pejeprepávo pemopu’ã ha pevivi hag̃ua óga iporãitereívape.
Che pyʼaite guive atestifika Tupã ha ñande Ru oikoveha. Itaʼýra, Ñandejára Jesucristo, haʼe yvyporakuéra Salvador ha Redentor. Ha’ekuéra ñande rayhu’etereíva. Jesucristo Tupao Santokuera Ára pahagua ha’e Ñandejára rréino ko yvy ári. Profeta ha apóstol-kuéra omotenonde ko árape. Mormón Kuatiañe’ẽ ha’e añetegua. Jesucristo evangelio restaurado ha’e pe plano perfecto ñamopu’ã hag̃ua óga iporãitereíva. Jesucristo rérape, Amén.