![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F35%2Fe0%2F35e00af92a4a234fca7d4dc995424b5f6c842d72%2F35e00af92a4a234fca7d4dc995424b5f6c842d72.jpeg/full/!250,/0/default)
Joajúpe, jagueraha haguâ tenondépe Tupâ rembiapo
Ñemba’apo oñondive, jehovasápe ha poder sacerdócio rupive, ha’e mba’e iporâvéva jahupyty haguâ ñande potencial divino.
Hermano ha hermána kuéra ahayhuetéva, avy’aite aimévo penendive. Oiméha peimehápe, amoguahê añua che hermana kuérape, ha pojopy che hermano kuérape Ñaime oñondive Tupã rembiapópe.
Ñapensávo Adán ha Eva rehe, py’ỹi peteihâ oúva ñane akâme, ha’e hekove porâ jardín de Edén-pe Aimo’âne ára iporâ memeha ára ha árape, ndahakuetereíri ha ndaro’yetereíriha, ha heta yva he’ê ha iporâva okakuaa hague, ha’ekuéra ikatu haguâicha ho’u ho’usé jave Ha’ere peteî yvóra ipyahúva chupe kuéra guarâ, ára ha ára iñinteresánteitereine ra’e, oiko jave hikuái mymba kuéra ndive, ha ohechávo mba’eichapa iporâ hekoha. Avei oñeme’ê chupekuéra mandamiento ojapóva’erâ hikuái, há oguereko heta tenda mbaéichapa omotenonde va’erâ hikuái umi moaranduha,ñepyrû ramo omyangekóiva’ekue chupekuéra.1 Ha katu ojapohaguere hikuai umi decision omoambueva hekovekuera tapiaite guarâ, o’aprende omba’apo oñondive ha ojoaju hikuái okumpli haguâ Tupâ jepotapy ombosako’iva chupekuéra guarâ—ha opa ita’yra kuérape guarâ.
Ko’ágã peimo’ami, ko parehápe, ko tekove terrenal-pe Omba’apóva’erâ ohupyty haguâ tembi’u, Oî mymba, oguerekóva tembi’urô chupekuéra ha ombohovake hikuái desafíos hasýva, ikatúva omotendonde hikúai oñemongetávo ha oñembo’evo oñondive mante. Aimo’â, oiméne hague oî heta ára oreko hague hikuái diferente opinión, mba’éichapa omotendondéta hikuái umi desafíos. Ha katu, Caída rupive, oikumby hikuái, omba’apóva’erâha ñembo joaju ha mborayhúpe Moaranduha orresiviva’ekue hikuái fuentes divinas-gui, oñehekombo’e chupekuéra plan de salvación ha principios Jesucristo evalgelio-pegua, ojapóva upe plan oiko porã. Oikumbývo ipropósito ko yvy ape ári ha imeta eterno ha’eha peteîcha, ojuhu jevy’a ha éxito oikumbývo ha omba’apóvo oñondive mborayhu ha tekojojápe.
Oñepyrûvo ifamília Adán ha Eva, ohekombo’e ita’yrakuérape umi mba’e oikumbyva’ekue hikuái umi Momaranduhara celestial-gui. Oñecentra hikuái oipytyvõvo ita’yra kuéra oikumby ha ojapyhy haguâ avei umi principios ombovy’áva chupekuéra,ha avei ombosako’i chupekuéra ohojey haguâ itúvakuéra yvagaguá ndive, omongakuaa rire ikatupyry kuéra ha ohechauka ijobediencia Tupâme. Upe aja, Adan ha Eva oikumby hikuái ohechakuaa haguâ idiferente mbarete ha oñoipytyvô ojupe upe hembiapo oguerekóva significado eterno-pe.2
Siglos ha milenios ohasa aja, tesakâ ha aportes inspirados kuimba’e ha kuñakuéra ome’êva oñemyangekôí marandu ha marandu noñembojojáiva Ára ha ára ohasa aja, umi iporâitéva ñepyrûmby jardín de Edén-pe ha ára ko’âgâgua-pe, Upe iñañáva oguereko heta éxito ombojoavývo kuimba’e ha kuñakuérape, iñeha’ãme okonkista ñande ánga. Lucifer oikuaa ikatuha ombyai ñembojoaju oñandúva kuimba’e ha kuñakuéra, ikatúrô omyanguekói ñande valor divino ha ñande responsabilidad konvenio rupive, ikatúta ohundi familia kuérape, ha’eva unidades esenciales eternidad-pegua.
Satanás, omokyre’ỹ ñekompara peteî herramienta ramo oiko haguâ superioridad terâ inferioridad temiandu, omokañývo pe añetegua eterno, kuimba’e ha kuña diferencia innata ouha Tupãgui ha ovale jojaha. Oheka Kuri omomichîse, kuñanguéra rembiapo familia ha sociedad civil-pe, omomichîvo iñinfluencia edificante ojapo haguâ mba’e porâ. Imeta ha’e Kuri omongakuaa lucha poder rehe, ojehecha ramo rangue tembiapo porâite kuimba’e ha kuñakuéra ome’êva ojupe ha oñopytyvôvo peteî háicha.
Upéicharô ary ha ary ohasa aja, opaite yvórape, oparei upe comprensión, tembiapo ha responsabilidad divina oguerekóva kuimba´e ha kuñakuéra Heta sociedape, kuñakuéra oime Kuri kuimba´e poguýpe, oiko rangue angirû ramo ha omba´apóvo ojoja ha oñemombyky hembiapokuéra. Umi ára vai aja, progreso espiritual, ohasa mbegueterei, ha avei Mbovy tesakâ espiritual, ikatu oike amindu´u ha korasõme omyenyhêva tradiciones de dominación-gui.
Ha upéramo, Evangelio resape, ohesape “omimbive kuarahýgui”3 Tupâ ha ita’yra Jesucristo ojehechaukárô guare José Smith-pe, primavera ñepyrûme ary 1820-pe, Ka’aguy sagrado, Nueva York-pe Upe mba’e oikóva’ekue omoñepyrû peteî ñehẽ pyahu revelación yvágagui. Peteî mba’e ñepyrurâ Cristo Tupâo ypykuegui, ojerestaurava’ekue, ha’e Tupâ sacerdocio autoridad. Restauración oñepyrûvo isarambi, kuimba’e ha kuñakuéra oñepyrû ohechakuaajey mba’eichaitépa iporâ ha oñeikotevê oñemba’apo angirûro, ojeautorisávo ha oñesambyhývo Hese, ko sagrado tembiapópe.
1842–pe Kuñanguéra Tupâo pyahugua, oformasévo peteĩ grupo oipytyvõ haguâ tembiapópe, presidente José Smith, oñandu inspiración ombyaty haguâ chupekuéra “sacerdocio sambyhy guýpe ha upe sacerdocio modelo rupive.”4 Ha’e he’i, “Ko’agâ amongu’eta llave, peême guarâ, Tupâ rérape […] – Kóva ha’e ñepyrûha, ára iporâvevagui.”5 Ha oñemongu’e guive upe llave, oñepyrû okakuaa kuña kuérape guarâ oportunidades educacional, polítikas ha económicas opaite yvóra jerére.6
Ko organización pyahu Tupâogua, ojeheróva Sociedad de Socorro, ndaha’ei ambue kuéra kuñakuéra organización upe épocape gua, ojejapo haguére peteî profétare, ojapóva hembiapo sacerdocio autoridad rupive, ome’ê haguâ chupekuéra autoridad, responsabilidad sagrada ha cargos, tupâo mosambyhyha guýpe. 7
Profeta José Smith época guive, ha ko’agâ peve, restauración okakuaa opaite mba’epe. Ogueru ñandéve tesape autoridada ha poder sacerdocio oñeikotevêha oñeipytyvô haguâ kuimba’e ha kuñakuera –pe okumpli haguâ irresponsabilidad divinamente Ramoiténte ñañehekombo’e kuñakuéra oje’apartáva peteĩ oguerekóva sacerdocio llavekuéra direccion guype omba’apo sacerdocio autoridareheve illamamiénto kuérape.8
Octubre 2019-pe, presidente Russell M. Nelson, ohekombo’e kuñakuéra oîva investida témplope, oguerekoha sacerdocio poder hógape, okumpli ramo konvenios sagrados ojapóva’ekue Tupâ ndive.9 Ombo’e “Yvaga roke oimétaha abierto avei kuñakuérape oiméva investida Tupâ poder rupive, oúva konvenios sacerdociogui kuimba’e kuérape guarâicha.” Ha ojerure opaite hermana kuérape “oheka haguâ sasôme salvador poder oipytyvô haguâ ifamília ha ambue hapicha ohayhúvape.”10
¿Mba’e he’ise upéva peê ha chéve guarâ? ¿mba’épe iñambue ñande rekove, ñaikumbývo autoridad ha poder sacerdocio rehegua? Peteî mba’e clave ñaikumbýva’erâ, ha’e, kuña ha kuimba’ekuéra omba’apórô oñondive, hetave mba’e jahupytýtaha, ñamba’apórô separados-gui.11 Ñane rembiapo oñekomplementa, ndaha’ei ohekáva competencia. Jepérõ kuñakuérape noñeme’êi oficio sacerdocio-gua, oje’e hagueicha tenonderâ, kuñakuéra ojehovasa poder sacerdocio rehe, oñangarekóvo konvenio kuéra rehe ha omba’apo autoridad sacerdocio sambyhýpe, oje’apartávo chupekuéra peteî llamamientorâ.
Peteî ára iporâvape agosto jave aguereko privilegio aguapývo presidente Russell M. Nelson ndive óga ojapóva’ekue José ha Emma Smith, Harmony, Pensilvania-pe, tenda ojerrestaura ypýpeguare Sacerdocio Aarónico, ko’â ára pahápe. Ore ñemongetápe presidente Nelson oñe’e impotante función kuñakuéra orekóva Restauración-pe.
Presidente Nelson; “peteĩ mba’e iñimportantevéva agueromandu’ava, aguahê vovê restauración sacerdocio rehegua-pe, ha’e tembiapo tuicháva ojapóva’ekue kuñakuéra restauración-pe.
“José oñepyrûrô guare ombohasa Mormón kuatiañe’ê ¿mávapa ohai? Ha’e ojapo michimî, ha katu nda hetái. Emma, oipytyvô chupe
“Ha upéi apensa, mba’éichapa José ohóva’ekue oñembo’e kaa’aguy, Palmira New york pe. Moô oho? Ha’e oho ka’aguy sagrádope Mba’ére oho upépe? Oho upépe, isy ohógui oñembo’e upépe, oñembo’ese jave.
“Ko’âva ha’e mokôi techapyrâ añonte, kuatia iñimportántetereíva kuña oguerekóva’ekue sacerdocio ha Tupâo restauración-pe. Duda’ỹre ikatu ja’e ñane rembirekokuéra iñimportántereíha ko árape, upe árapeguáicha Añetehápe Upeichaite ha’e.”
Emma, Lucy ha José-icha, ñande ñande’efectivove ñaimévove dispuesto ñañopytyvô haguâ oñondivepa, ha ñaimévo joajúpe ñande kompromiso-pe jaikóvo Jesucristo discípulo-rô, ha ñaipytyvõ ambuekuérape ko tapépe.
Ñañehekombo’e “Sacerdocio ohovasáha Tupâ ta’yrakuérape hetaiterei manera-pe” […]. LLamamientokuérape Tupâoguápe, ordenasas témploguápe, relaciones familiares-pe ha misterio individual –pe kuña ha kuimba’ekuéra Santos ára pahápegua omba’apo poder ha autoridad sacerdocio rupive Ko interdependencia kuimba’e ha kuñakuéra rehegua, Tupâ rembiapo jejapópe,, ipoder rupive ha’e mba’e oñeikotevêva, Jesucristo evalgélio-pe, ojerestauráva’ekue profeta José Smith rupive.”12
Joaju ha’e esensial tembiapo divíno-pe, jaguerekohápe provilegio jajapóvo ha ñañehenói jajapó haguâ, ha Katu upéva ndoikói ha’eño reínte. Oñeikotevê ñeha’â ha tiempo, añetehápe ñañemongeta ha ñañeaconseja haguâ, ñehendúpe, ñaikumby haguâ ambueva remiandu, ha ñakomparti haguâ tembiasakue, ha upéicha resultado ome’êta deciciones inspiradas. Ha’erô jepe ñande rógape, térâ ñande responsabilidad Tupâópe. Mba’e iporâveháicha jahupyty haguâ ñande potencial divino ha’e ñamba’apóvo oñondive, jehovasa poder ha sacerdocio autiridad rupive, ñande rembiapo kuéra iñambuéva ha katu oñocomplementávape.
¿Mba’eicha ojegueraha tenondépe ko’agâ rupi upe ñembojoaju kuñakuéra konveniogua ndive? Pehejami chéve takomparti peteĩ techaukarã.
Alison ha John oguerekóva’ekue peteî asociación ha’eva’ekue ijojaha’ỹva. Ojupími peteî bicicleta iñasiento mokôiva ojapo haguâ carrera puku, térâ mbykýpe. Hi éxito haguâ hikuái upe biciclétape, mokôivéva oĩva’erâ peteĩ ñe’ême. Oku’eva’erä peteĩ dirección-pe, ha tiempo oñeikotevête jave. Peteĩ ndaikatúi odomina ambuévape, ha katu oĩva’erâ peteî ñe’ême ha kada uno ojapova’erâ hembiapo. Capitán tenondegua, oguereko control mba’e tendápepa opytáta téra ofrenáta. Tekove ohóva hapykuépe ojesarekóva’erâ oikóvare, ha oiméva’erâ ñembosako’ipe ome’ê haguâ mbarete, opytáramo hikuái tapykuépe térâ omombeguemieve haguâ, ojaitereírô ambue ciclista kuérare. Oñopytyvôva’erâ ohasa haguâ tenondéve ha ohupyty haguâ imeta.
Alison omohesakâ: “Ñepyrû hápe, tekove oiméva tenonderâ, ojapóva capitán ramo, heí “japyta”, oñeikotevêrô ojepyta, ha “Frenar” ndojepedaleaveirôva’erâ. Peteĩ aravo rire, ohóva hapykuépe oikumby Capitán opytapotamarô, he’i mboyve mba’eve. Roikumby roiko haguâ py’aguapýpe, ha roikuaa haguâ mba’éichapa oime ambuéva, ha peteĩva ohasa asýrô, ambuéva oñeha’âve. Oñeikotevê jerovia ha ñemba’apo oñonddive.”13
John ha Alison ojoaju, ndaha’ei biciclétapente, ojoaju avei hikuái iñemendápe Mokôivéva oipota ambuéva ovy’ave; mokoivéva oheka mba’e porâ ambué oguerekóva, ha oñeha’ã hikuái ombohasa haguâ mba’e naiporâmbáiba ijupe kuéra guarâ voi. Oñoturna hikuái oho haguâ tenondépe, ha oñoturna ome’ẽve haguâ iñangirû oimerô jehasa asýpe Mokoivéva ohecha ramo ambue ojapóva, ha ojuhu ñembohovái porâve idesafíokuérape ombojoajúvo ojapokuaava ha recursos. Añetehápe ojoaju hikuái mborayhu cristiano rupive.
Ñeimeve sintoníape, ko modelo divido ha’eva ñemba’apo oñondive peteî háicha, ha’e ñeikotevêterei, ko’a ára oñeme’êhápe ñandéve marandu ñande jerére “Che raêve” rehegua. Kuñakuéra oguereko dones específicos ha divinos 14 ha oñeme’ê chupekuéra responsabilida nda’ijojaháiva, ha katu ndaha’ei ni hetave—ni sa’ive— importante umi dones oñeme’êva kuimba’ekuérapegui. Opavavetéva Ojejapókuri ha oñeikotevê hesekuéra ogueraha haguâ tenondépe Ñande Ru yvágagua plan, ome’ê haguâ ita’yrakuérape oportunidad ohupyty haguã ipotencial divino.
Ko árape, “ñaikotevê kuñakuéra oguerekóva py’aguasu ha Eva jehecha”15, oñembojoaju haguâ iñermáno kuérare, ha ogueruve ánga Crísto-pe16 Kuimba’ekuéra oikotevê oñekonverti socios añeteguápe, oimo’ã rangue ha’eha responsabe añónte, térâ katu o’actua gua’u socio ramo, oheja aja Kuñakuérape ojapo tembiapo hetave. Kuñakuéra oikotevê ohose “tenonde [ha] ojagarra [i] lugar correcto ha necesario”17 socia ramo opensa rangue ojapova’erã opa mba’e ijehegui terã oha’arõ oje’e chupe ojapova’erã.18
Jehecha kuñakuérape participantes vitales haicha, ndaha’ei mba’e ohekáva “paridad”, ha katu ha’e ñeikumby peteì doctrina añetegua rehegua. Jaheka rangue peteî programa jahupyty haguâ, ikatu ñamba’apo javalorá haguâ kuñakuérape, ojapo haícha Tupâ: kopartícipes ramo oñeikotevẽva ko tembiapo salvación ha exaltación reheguápe.
Ñaimépa listo? ¿Ñañeha’ãtapa jagueropu’aka haguâ prejuicios culturales ha upeva rangue Jahekáta modelos ha tembiapo divinos ojevasáva doctrina fundamental pe? Presidente Russell M. Nelson, ñaneinvita “jaguata haguâ codo ha codo ko tembiapo sagrádope … ñaipytyvôvo ñambosako’i haguâ yvórape Ñandejá mokõiha Jeju jey râ.”19 Jajapóvo, ñaikumbýta ñamomba’eguasu haguâ mba’e ojapóva káda individuo ha ñamongakuaáta efectividad ñakumplívo ñande rembiapo divino. Ñañandúta peteî goso tuichavéva araka’eve nañañandúiva.
Ajerure opavavete jaiporavo haguâ ñañemo peteî Ñandejára ojapo háicha, ñaipytyvô haguâ tembiapo toho tenonde gotyo Ñande Salvador Jesucristo rérape. Amen.