Pe plan guasu
Ñande jaikuaáva pe Tupã plan ha jajapóva konvénio japarticipa haĝua, jaguereko responsabilidad hesakãva ñambo’e haĝua ko’ã añetegua.
Jepe ko’ã prueba ha desafio hasýva mbytépe, ¡añetehápe jajehovasapyre! Ko conferencia general ome’ẽ ñandéve peteĩ abundancia umi Jesucristo evangelio restaurado riqueza ha vy’apavẽ. Javy’a pe visión Túva ha Ita’yragui omoñepyrũva pe Restauaración. Oñemomandu’a ñandéve pe Mormón Kuatiañe’ẽ osẽ va’ekue milagro rupive, ipropósito central ha’éva otestifika Jesucristo ha Idoctrinare. Ñañerrenova upe revelación realidad gososa reheve, oñeme‘ẽva umi profétape ha ñandéve personalmente. Ñahendúkuri testimonio hechapyrãva Jesucristo expiasiõ infinita ha Irresurrección literal-gui. Ha oñembo’e ñandéve ambue añetegua Iñevangelio plenitud rehegua ojerrevelava’ekue José Smith-pe Tupã pe Túva he’i rire upe profeta oñehenoi ramóvape: “Kóva ha’e Che Ra’y Ahayhuetéva. ¡Ehendu Chupe! (José Smith—Historia 1:17)
Oñerreafirma ñandéve pe kuaapy jaguerekóva pe Sacerdocio ha illavekuéra restauración rehegua. Ñarrenova ñane determinación jaikuaauka haĝua Ñandejára tupao restaurado héra correcto rupive, Iglesia de Jesucristo de los Santos de los Últimos Días. Ha ñañe’invita jajoaju haĝua ayuno ha ñembo’épe jajerure haĝua toñeminimisa ko pandemia mundial devastadora efecto-kuéra ko’áĝagua ha umi oútava. Ko pyharevépe ñane’inspira Ñandejára profeta viviente, opresentáva ñandéve peteĩ proclamación Histórica pe Restauración rehegua. Ro’afirma pe declaración oĩva ipype “umi o’estudiáva pe Restauración mensaje espíritu de oración reheve ha o’actua jerovia reheve ojehovasáta ohupyty haĝua itestimonio propio pe idivinidad ha propósitogui, oprepara haĝua ko mundo Ñandejára ha Salvador Jesucristo Segunda Venida prometida-rã.”1
Pe plan
Opa ko’ã mba’e oforma parte peteĩ plan divino-gui ipropósito ha’éva ojapo posible Tupã Ta’yrakuéra toje’exalta ha taha’eve Ha’éicha. Upe plan, escritura-pe oñehenóiva pe “gran plan de felicidad”, “el plan de redención” ha “el plan de salvación” (Alma 42:8, 11, 5ha ojerrevelava’ekue Restauración-pe – oñepyrũva’ekue peteĩ Concilio Yvágape. Espiritu-icha, jahupytysékuri pe vida eterna ogosáva ñande Tuvakuéra Yvagagua. Upe momento peve japrogresákuri ikatuha peve peteĩ experiencia terrenal’ỹre peteĩ cuerpo físico-pe. Ome’ẽ haĝua ñandéve upe experiencia, Tupã pe Túva oplanea okreávo ko yvy. Pe vida terrenal oje’ideava’ekuépe, pekado ñanemongy’ata ñambohovakévo oposición oñeikotevẽva ñande kakuaa espiritual-rã. Avei ñaiméta sujeto pe muerte física-re. Ñanderreskata haĝua upe ñemano ha pekádogui ñande Ru Yvagagua ome’ẽta peteĩ Salvador. Irresurrección orredimíta ñemanógui opavavépe ha Isakrifisio expiatorio ohepyme’ẽta pe precio tekotevẽva opavave oñemopotĩ haĝua pekádogui según umi condición oñemoĩva’ekue ofomenta haĝua ñande kakuaa. Ko Jesucristo expiasiõ ha’e parte central ñande Túva Plan-pe.
Upe concilio oikova’ekue Yvágape, oñepresenta pe Túva Plan, opavave umi Tupã ta’yrakuérape, ojekreáva’ekue espíritu-pe, avei umi consecuencia ha prueba terrenal, yvága pytyvõ ha idestino glorioso. Jahechákuri pe ipaha ñepyrũmby guive. Opa umi miríadas de seres mortales onaceva’ekue ko yvy ári oiporavova’ekue pe Túva plan ha oñorairõ hese upe batalla celestial oseguiva’ekuépe. Heta ñande apytépe avei rojapo konvenio Túvandi umi rojapótavare mortalidad aja. Umi forma ndojerrevelaiva’ekuépe, ñane acción-kuéra mundo de los Espíritus-pe oinflui ñane circunstancia ko vida terrenal-pe.
Vida terrenal ha mundo de los Espíritus.
Ko’áĝa arresumíta alguno umi elemento principal pe Túva Plan rehegua, ya que ñande’afecta ñande travesía terrenal aja ha pe mundo de los espiritus-pe oseguíva.
Ko vida terrenal propósito ha pe kakuaa posterrenal oseguíva ha’e Tupã linaje taha’eve Ha’éicha. Upéva ha’e ñande Ru Yvagagua oipotáva opa Ita’yrakuérape ĝuarã. Jahupyty haĝua upe dichoso destino, umi leyes eternas oikotevẽ toiko ñandehegui seres purificados Jesucristo expiasiõ rupive ikatu haĝuáicha jaiko pe Túva ha Ta’ýra presencia-pe ha jadisfruta exaltasiõ jehovasakuéragui. Mormón Kuatiañe’ẽ ombo’eháicha, Ha’e o’invita “opavave chupekuérape ou haĝua hendápe ha ohupyty haĝua Ipy’aporã; ha mavave oúvape hendápe ha’e nomosẽi, taha’e hũ térã morotĩva, oñeñapytĩ térã isãsóva, kuimba’e térã kuña; ha imandu’a paganokuérare, ha maymáva peteĩcha Tupã renondépe” (2 Nefi 26:33; tojehecha avei Alma 5:49).
Pe plan divino oiko haĝua ñandehegui pe ñaiméva destinado oikohaĝua oikotevẽ jajapo decisiones jarrechasakuaa haĝua pe oposición ñaña otentáva umi seres mortales-pe o’actua haĝua Tupã mandamiento ha Iplan kóntrape. Avei oikotevẽ ñaime sujeto ambue oposición terrenal rehe, pe oúva umi ambue personakuéra pekádo rupi térã algunos defectos de nacimiento. Sapy’ánte kakuaa ñaikotevẽvéva ojehupyty porãve sufrimiento ha jehasa’asy rupive, comodidad ha tranquilidad rupive rangue. Ha ko oposición terrenal ndohupytymo’ãi ipropósito eterno pe intervención divina omboguérõ opaite umi vida terrenal consecuencia vai.
Pe plan orrevela ñande destino pe eternidad-pe, pe ñande trayecto terrenal propósito ha condición-kuéra ha umi pytyvõ divíno jarresivítava. Umi Tupã mandamiento ñanemomarandu ani haĝua jajedesvia umi circunstancia peligrosa gotyo. Umi lideres inspirados rekombo’ekuéra oguia ñande rape ha ome’ẽ ñandéve certeza opromovéva ñande travesía eterna.
Pe Tupã plan ome’ẽ ñandéve cuatro certeza tuicháva ñanepytyvõva ñande vida terrenal trayecto rupi. Opa umíva oñeme’ẽ ñandéve Jesucristo expiasiõ rupive, ha’éva parte central upe plan-pe. Peteĩha o’afirma ñandéve Isufrimiento rupive ikatu ñañemopotĩ umi pekado ñañe’arrepentivagui, ha upérõ pe misericordioso juez final “naimandu’amo’ãvéima umívare”. Upéramo pe misericordioso Juez final “naimandu’amo’ãvéima umívare”(Doctrina y Convenios 58:42).
Mokõiha ha’e, Jesucristo expiasiõ parte ramo, Ha’e ojagarra Hi’ári opa umi ambue vida terrenal kangykue. Upéva opermiti jarresivi pytyvõ ha mbarete divino jagueropu’aka haĝua umi vida terrenal mba’epohýi, personal ha general, umi guerra ha pestilencia-icha. Mormón Kuatiañe’ẽ ome’ẽ pe descripción hesakãveva escriturakuérape upe Expiasiõ poder esencialgui. Pe Salavdor ojagarra Hi’ári “tavayguakuéra mba’e’asy ha imba’asykuéra [ha ikangykuéra]; ha haʼe ojagarráta hiʼári imbaʼasykuéra, ipyʼa henyhẽ hag̃ua poriahuverekógui, pe tete rupive, oikuaa hag̃ua pe tete rupive mbaʼéichapa oipytyvõvaʼerã itavayguakuérape, mbaʼasy oguerekoháicha hikuái.” (Alma 7:11–12).
Mbohapyha ha’e pe salvador, Ijexpiasiõ infinita rupive, oipe’a pe ñemano carácter definitívo ha ome’ẽ ñandéve pe certeza gososa opavave jarresusitataha. IMormon Kuatiañe’ẽ ombo’e ko restauración “oúta opavavépe, ituja ha imitãva, ojejokua ha isãsova, kuimba’e ha kuña, iñaña ha hekojojávape; ha ni peteĩ akãrague jepeve nokañymo’ãi iñakãgui; ha katu opa mba’e oñemoĩporãmba jeýta, ko’ág̃a oĩháicha” (Alma 11:44).
Ko Pascua épokape jacelebra pe Resurrección realidad. Upéva ome’ẽ ñandéve perspectiva ha mbarete jagueropu’aka haĝua umi desafio terrenal ñambohovakéva opavave ñande ha ñande seres queridos, umi deficiencia física, mental térã emocional jahupytýva ñanase vove térã ña’experimenta ñande vida terrenal aja. ¡Pe resurrección rupive, jaikuaa umi vida terrenal deficiencia ha’e temporario-nte!
Pe evangelio restaurado ome’ẽ ñandéve certeza upe Resurrección ikatuha oinclui oportunidad ñaime haĝua ñane familiagua miembrokuéra ndive: mena, tembieko, ra’y, rajy ha tuvakuéra. Kóva ha’e peteĩ poderosa motivación ñakumpli haĝua ñande responsabilidad familiar ko vida terrenal-pe. Oservi javivi haĝua oñondive mborayhúpe ko tekovépe, ñaha’arõvo pe gososa reunión ha asociación pe oútavape.
Irundy ha ipaha, ha’e pe revelación moderna ñane mbo’e ñande progreso natekotevẽi opa ñande vida terrenal opa jave. Pokã ojerrevela upe importante certeza rehegua. Oje’e ñandéve ko tekove ha’e jajeprepara haĝua ñakomparese haĝua Tupã renondépe ha nañamombegueiva’erã ñane arrepentimiento. (tojehecha Alma 34:32–33). Jepe upéicha, oñembo’e ñandéve mundo de los espiritus-pe ojepredikaha pe evangelio jepe umi “tekoñaña ha umi desobediente-pe orrechasava’ekue pe añetegua” (Doctrina y Convenios 138:29) ha umi upépe oñehekombo’évape ikatu oñe’arrepenti Juicio Final mboyve (versoa 31–34, 57–59).
Ko’ã ha’e ambue principio básico ñande Ru Yvagagua plan-pe:
Pe Jesucristo evangelio restaurado ome’ẽ ñandéve peteĩ perspectiva únika umi tema de castidad, matrimonio ha familiakuéra jeguereko rehe. Ombo’e pe matrimonio según Tupã plan oñeikotevẽ oñekumpli haĝua Tupã plan propósito, oñeme’ẽ haĝua pe entorno divinamente señalado pe nacimiento terrenal-rã ha ojeprepara haĝua familiakuérape vida eterna-rã. “pe matrimonio ojedrecreta Tupãre yvyporape ĝuarã” he’i Ñandejára “ ko yvy okumpli haĝua pe icreación objeto” (Doctrina y Convenios 49:15–16). Kóvape, por supuesto, Iplan oho alguna fuerza mundana mbarete kóntrape ojehechaukáva en forma de leyes ha constumbre.
Pe poder ojecrea haĝua pe vida terrenal ha’e pe poder ijexaltadovéva Tupã ome’ẽva’ekue Ita’yrakuérape. Ijeipuru oñe’ordena pe primer mandamiento Adan ha Eva-pe, ha katu oĩ ambue mandamiento importante oñeme’ẽva’ekue ojeprohibi haĝua ijeipuru vai. Ndaha’éirõ matrimonio ryepýpe, opa ambue forma ojeipuruvo upe poder procreador ha’e, peteĩ térã ambue grado-pe, peteĩ degradación pecaminosa ha peteĩ perversión umi atributo divino-gui oguerekóva kuimba’e ha kuñanguéra. Pe énfasis omoĩva pe evangelio restaurado ley de castidad-pe ha’e pe propósito rupi orekóva umi ñande poder de procreación oñekumpli haĝua Tupã plan.
¿Ha upéi mba’e?
Ko bicentenario de la primera visión aja omoñepyrũva’ekue pe Restauración, jaguereko kuaapy Ñandejára plan-gui ha ñanemokyre’ỹ umi mokõi siglo jahupyty hague umi jehovasa Itupao restaurado rupive. Ko año 2020-pe, jaguereko pe popularmente oñehenóiva peteĩ visión perfecta umi acontecimientos del pasado-gui.
Ñamañavo futuro gotyo, upevére, ñande visión hesakã pokãve. Jaikuaa dos siglos pe restauración rire, pe mundo de los espiritus ko’áĝa oinclui heta obrero oguerekóva experiencia terrenal opredikáva hína upépe. Avei jaikuaa ko’áĝa jaguerekoha hetave templo ojejapo haĝua umi ordenanza eternidad-gua umi oñe’arrepentíva ha o’aceptáva pe Ñandejára evangelio mokõive lado del velo-pe. Opa ko’ã mba’e omotenonde ñande Ru Yvagagua plan. Tupã mborayhu tuichaiterei, ha con excepción umi pokã deliberadamente oẽkonvertíva hijos de perdición-pe, Ha’e oprovee peteĩ destino de gloria opavave Ita’yrakuérape ĝuarã. (Tojehecha Doctrina y Convenios 76:43).
Jaikuaa pe Salvador ou jeytaha ha oĩtaha peteĩ milenio, peteĩ reinado de paz oñeconclui haĝua pe parte terrenal Tupã plan-pe. Avei jaikuaa oĨtaha distintas resurrecciones, umi hústova ha umi inhústova, ha pe juicio final de cada persona outaha irresurreccion rire.
Jajehusgáta ñane rembiapo rupi, ñane korasõ rembipota ha mba’eichagua persona-pa ha’e ñande. Upe huisio ojapóta opaite umi Tupã ta’yrakuéra toho peteĩ reino de gloria-pe según ijobediencia ojapo chupekuéra merecedor upe reinogui ha oñeñandutahápe comodo. Pe Juez paha ha’e ñande Salvador Jesucristo (tojehecha Juann 5:22; 2 Nefi 9:41). Hi’omniciencia ome’ẽ chupe peteĩ conocimiento perfecto opa ñane rembiapo ha rembipotagui, tanto umi nañañe’arrepentirivagui térã nañacambiaiva’ekue, ha avei umi ñañe’arrepentiva’ekuégui térã umi ijojáva. Upévare, Ihuisio rire, opavave ñakonfesáta “Ihuisiokuéra ijojaha” (Mosiah 16:1).
Ambopaha haĝua, akomparti che konvicción oúva cheve heta carta aleeva’ekuegui ha ahesa’ỹjo rire heta solicitud ojeju jey haĝua tupaópe oguenohẽ rire héra tupao regristo-gui téra apostasía rire. Heta ñane miembrokuera nontendeporãi ko plan de salvación, ombohováiva heta porandu tupao restaurado doctrina ha normas inspiradas reheguáva Umi jaikuaava Tupã plan ha jajapokuri konvénio japarticipataha, jaguereko pe responsabilidad hesakãva ñambo’eva’erãha ko’ã añetegua ha jajapo opa ikatumíva ñapromove haĝua ambue hentekuérape ha ñande propia circunsatancia vida terrenal-pe Atestifika Jesucristo, ñande Salvador ha Redentor-gui, ojapóva opa mba’e posible, Jesucristo rérape. Amén.