Melquisedec Sacerdocio ha llavekuéra
Tupaópe, upe sacerdocio autorida oje’ejerce peteĩ líder sacerdocio-gua dirección guýpe orekóva umi sacerdocio llavekuéra.
Aiporavo añe’ẽ mie Tupã sacerdocio-re, upe téma oñe’ẽma haguére mbohapy ñe’ẽhára ñanembo’eva’ekue mba’éichapa pe sacerdocio ohovasa kuñanguéra, mitãkuña ha mitãkuimba’ekuérape.
Sacerdocio ha’e peteĩ poder divino ha peteĩ autorida ijeroviapýva ojepuru hağua Tupã rembiapópe opa ita’yrakuérape ğuarã. Sacerdocio ndaha’éi umi oñeordenava’ekue peteĩ sacerdocio oficio-pe térã umi oipurúvape ijautorida. Umi kuimba’e orekóva sacerdocio ndaha’éi sacerdocio. Nañahenoiva’erã ramo jepe umi kuimba’ekuéra oñeordenávape sacerdocio iporã ja’e hesekuéra orekóva sacerdocio.
Pe sacerdocio poder oĩ tupaópe organización familiar-peicha avei. Ha katu sacerdocio poder ha sacerdocio autorida iñambue omba’apoháicha tupao familia-peguágui. Opa umi principio-kuéra oĩ Ñandejára omoĩva’ekuéndi. Pe Tupã plan propósito ha’e ogueraha ita’yrakuérape tekove ijapyra’ỹvape. Umi familia mortal iñesencial upe plan-pe ğuarã. Tupao oĩ ome’ẽ hağua upe doctrina, autorida ha umi ordenanza oñeikotevẽva opa’ỹ hağuáicha umi relaciones familiares eternidad-pe. Upévare, organización familiar ha Jesucristo tupao oreko peteĩ relación oñomombaretehápe hikuái. Umi sacerdocio rovasapy—evangelio plenitu ha ñemongarai ordenanza-, confirmación ha Espíritu Santo don ñemoğuahẽ, templo-pegua investidura ha matrimonio eterno-icha—oĩ disponible kuimba’ekuéra ha kuñáme ğuarã ojojaite.1
Pe sacerdocio ñañe’ẽvare ko’ápe ha’e Sacerdocio de Melquisedec, ojerrestaura’akue Evangelio Restauración oñepyrŭvo. José Smith ha Oliverio Cowdery oñe’ordena hikuái Pedro, Santiago ha Juan rehe, ojedeklarava’ekue “rréino llavekuéra oguerekóva ha dispensación del cumplimiento de los tiempos-pegua” (Doctrinas y Convenios 128:20). Umi apóstoles tuicháva orresivi upe autorida Salvador etégui. Opa ambue autorida térã sacerdocio oficio-kuéra ha’e Sacerdocio de Melquisedec-pegua (tojehecha Doctrinas y Convenios 107:5). upéva “orekóre presidencia derécho, ha oreko poder ha autorida opa tupaogua oficio ári opa mundogua épokape” (Doctrinas y Convenios 107:8).
Tupaópe, upe sacerdocio mayor autorida, Sacerdocio de Melquisedec ha Sacerdocio menor térã Aarónico oje’ejerse peteĩ sacerdocio líder dirección guýpe, peteĩ obispo térã presidente-icha, oguerekóva sacerdocio llavekuéra. Oñentende hağua pe sacerdocio autorida ejercicio tupaópe, ñaentendeva’erã upe sacerdocio-gua llavekuéra principio.
Umi Sacerdocio de Melquisedec reino-gua llavekuéra oñeme’ẽ Pedro, Santiago ha Juan-re, ha katu upéva nomoĩmbái umi sacerdocio-gua llavekuéra restauración. Oĩ umi sacerdocio lláve oğuahẽ areveva’ekue. Templo peteĩha dedicación ko despensación-gua Kirtland, Ohio-pe, mbohapy profeta, Moisés, Elías ha Elías pe proféta, orrestaura “ko dispensación llavekuéra,” oikehápe umi lláve oñerrelasionáva Israel ñembyatýre ha Ñandejára templo-kuéra rembiapo (tojehecha Doctrina y convenios 110) he’i ramoite porãháicha Presidente Eyring.
Pe ejemplo ojekuaavéva ha’e umi lláve función sacerdocio ordenanza cumplimiento apógui. Peteĩ ordenanza ha’e peteĩ acto solemne he’iséva konvénio ha tovasapy promesa apo. Tupaópe, opa ordenanza ojejapo upe líder del sacerdocio autorización guýpe orekóva upe ordenanza llavekuéra.
Peteĩ ordenanza ojejapove umi oñeordenava’ekuére peteĩ sacerdocio oficio-pe, omba’apóva peteĩ orekóva umi sacerdocio lláve dirección guýpe. Ejemplo-rã, opaichagua Sacerdocio Aarónico oficio orekóva o’oficia sacramento ordenanza-pe umi lláve ha obispo dirección guýpe, oguerekóva Sacerdocio Aarónico llavekuéra. Upe principio avei aje’aplika umi sacerdocio ordenanza-kuérape umi kuñakaraikuéra o’ofisiahápe templo-pe. Kuñanguéra ndorekói ramo jepe peteĩ oficio sacerdocio-pe, ojapo umi ordenanza sagrada templo-pe presidente del templo autorización guýpe, orekóva umi templo ordenanza llavekuéra.
Ambue ejemplo sacerdocio autorida rehegua peteĩ orekóva umi lláve dirección guýpe ha’e umi oñembo’éva kuimba’e ha kuñakuéra oñehenóivape ombo’e hağua evangelio, taha’e clase barrio de origen-pe térã campo misional-pe. Ambue ejemplo-kuéra ha’e umi orekóva puesto de liderazgo barrio-pe ha orekóva sacerdocio autoridad i-liderazgo llamamiento-kuérape ha pe apartamiento ha dirección sacerdocio líder pógui orekóva umi lláve upe barrio térã estákape. Péicha ojepuru ha ojedisfruta pe autorida ha sacerdocio La Iglesia de Jesucristo de los Santos de los Últimos Días-pe.2
Pe sacerdocio autorida avei oje’ejerse ha hovasapy ojehupyty umi Santos de los Últimos Días familia-kuérape. Familia-re ha’ese peteĩ kuimba’e orekóva sacerdocio ha peteĩ kuña omendáva ha imembykuéra. Avei oike pype umi relaciones ideales variaciones ouvaichagua ñemano térã divorcio-gui.
Upe principio sacerdocio autorida ikatuha oje’ejerse peteĩ función-pe ğuarã upe orekóvare umi lláve dirección guýpe añónte i-fundamental tupaópe ğuarã, ha katu ndoje’aplikái familia-pe. Ejemplo-rã, peteĩ túva opresidi ha o’ejerse pe sacerdocio ifamiliape sacerdocio autorida orekóva rupi. Natekotevẽi oreko pe dirección térã aprobación peteĩ orekóvare umi sacerdocio lláve ojapo hağua opáichagua funciones familiares. Ko’ãvape oike umi ifamiliakuéra miembro-pe ñemoñe’ẽ, reuniones familiares apo, ome’ẽ sacerdocio rovasapy hembireko ha ita’yrakuérape, térã ome’ẽ tovasapy ñemonguerarã umi ifamilia miembro-kuérape térã ambuépe.3 Tupao autoridade-kuéra ombo’e familia miembro-kuérape ha katu ha’ekuéra ndoridirihíri pe sacerdocio autorida rembiapo familia-pe.
Peichagua principio oje’aplika avei peteĩ túva ndaipóri jave ha peteĩ sy ha’érõ pe líder familiar. Ha’e opresidi hógape ha ha’e peteĩ tembipuru ogueru hağua umi sacerdocio-gua poder ha hovasapy ifamiliape iñinvestidúra ha sellamiento templo-pegua rupi. Noĩri ramo jepe autorizada ome’ẽ hağua umi sacerdocio rovasapy ikatúva ome’ẽ peteĩ orekóva sacerdocio ofisio añónte, ikatu ojapo ambue liderazgo familiar función. Ojapóvo, o’ejerce pe sacerdocio poder umi mitãnguéra opresidíva beneficio-pe iposición rupi familia liderazgo-pe.4
Tuvakuéra omagnifikárire isacerdocio ifamiliakuérape, opromoveva’erãmo’ã tupao misión ambue mba’e ikatúvaicha ojapo. Tuvakuéra orekóva Sacerdocio de Melquisedec o’ejerseva’erã ijautoridad “persuasión, paciencia, gentileza ha mansedumbre, ha mborayhu añetéva rupi” (Doctrina y Convenios 121:41). Pe nivel yvateve sacerdocio autorida ejercicio-pe ha’e pe iñimportantevéva familia-pe ğuarã. Umi sacerdocio poseedor-kuéra avei okumpliva’erã mandamiento-kuéra oreko hağua sacerdocio poder ome’ẽvo tovasapy umi ifamilia miembro-kuérape. Oguerahava’erã relaciones familiares amorosas ikatu hağuáicha familia miembro-kuéra ojerurese chupekuéra tovasapy. Ha tuvakuéra ohekaveva’erãmo’ã umi sacerdocio rovasapy ifamiliape ğuarã. 5
Ko’ã conferencia atyhápe, jaheka aja peteĩ refugio’imi ñande preocupaciones mortales-gui peteĩ pandemia devastadora-pe, ñanembo’ékuri hikuái tuichaite principio eternida rehegua. Pomokyre’ỹ peteĩ teĩme peguereko hağua pende resa “ha’eño” orresivi hağua umi eternida añetegua ikatu hağuáicha ñande rete “henyhẽ tesapégui” (3 Nefi 13:22).
I-sermón umi multitu-pe he’íva Biblia ha Mormón Kuatiañe’ẽme, Salvador ombo’e umi cuerpos mortales ikatuha henyhẽ tesapégui térã henyhẽ pytŭmbýgui. Ñande, añete, ñanerenyhẽse tesapégui, ha ñande Salvador ñanembo’e mba’éicha ikatu jajapo kóva oiko hağua. Ñahenduva’erã umi eternida mensaje añeteguáre. Ha’e oipuru ejemplo ñande resa rehegua, jajapyhyha rupi tesape ñande retépe. Ñande resa “ha’eño ramo”—ambue ñe’ẽme, ñañekonsentrávo jarresivi tesape ijapyra’ỹva ha comprensión—he’i, “opa cuerpo henyhẽ tesapégui” (Mateo 6:22; 3 Nefi 13:22). Ha katu ñande “resa ivaíramo”—ja’ese, jaheka ramo ivaíva ha ñamoinge ñande retépe—ha’e o’advirti, “ “opa nde rete henyhẽta pytŭmbýgui” (versículo 23). Ambue ñe’ẽme, tesape ha pytŭmby ñande retépe odepende mba’éichapa jahecha, jarresivi, umi verdad eterna ñanembo’éva hikuái.
Jasegiva’erã Salvador invitación jaheka ha jajerure jaikuaa hağua umi verdades de la eternidad. Ha’e opromete ñande Ru Yvagagua oĩha dispuesto ombo’évo opavavépe umi añetegua ohekáva hikuái (tojehecha 3 Nefi 14:8). Jaipota ramo upéva ha jareko ñande resa añónte jarresivi hağua, Salvador opromete umi verdades de la eternidad “oje’abritaha ñandéve” (3 Nefi 14:7-8).
Contraste-rã, Satana oĩ ansioso okonfundi hağua ñane pensamiento térã ñandedesvia hağua umi asunto importante-gui Tupã sacerdocio funcion-kuéraichagua. Peñeñangarekóke profetakuéra añetegua’ỹvagui, oúva peẽme ovecha ao reheve, ha katu hyepýpe aguaraguasu ñarõ hína” (3 Nefi 14:15). Ome’ẽ ñandéve ko prueba ñanepytyvõva jaiporavo hağua añetegua opáichagua mbo’epykuéragui apytépe ikatúva ñanekonfundi: “peikuaáta hi’áre,” ombo’e (3 Nefi 14:16). “Ndaikatúi yvyra porã hi’a vai, ni yvyra vai [ndaikatúi] hi’a porã” (versíkulo 18). Upévare, jahechava’erã umi resultado, “yvakuéra”, umi principio oñembo’évagui ha yvyporakuéra ombo’évagui. Upéva respuesta porãve umi objecion ñahendúvape ğuarã tupao kóntrape ha umi idoctrina, ipolítika ha iliderazgo reheguáre. Pesegi Salvador prueba ombo’éva. Emaña yváre, umi resultado-re.
Ñapensávo umi evangelio ha Jesucristo tupao restaurado yváre, javy’a jahechávo mba’éichapa Tupao miembrokuéra oikovéva rekovépe, iñasãi umi congregacion local Intermountain West guie heta umi 16 millones miembro oikóva umi tetã ndaha’éivape Estados Unidos peve. Upe ñemongakuaápe, roñandu hetaveha Tupao kapasida oipytyvõ hağua imiembrokuérape. Roipytyvõ okumpli hağua mandamiento-kuéra, okumplívo umi evangelio restaurado jepredika responsabilidad, ombyatývo Israel ha omopu’ãvo templo-kuéra mundopýre.
Jajegueraha peteĩ profeta-re, presidente Russell M. Nelson, pe iliderazgo Ñandejára oipurúva ohupyty hağua upe progreso ñañandúva umi mokõi áño iliderazgo pukukue. Ko’áğa jarekóta bendición ñahendúvo presidente Nelson-pe, ñanembo’étava mba’éichapa ikatukuaa jaha tenonde ñande progreso-pe ko Jesucristo tupao restaurado-pe ko’ã tiempo hasyetévape.
Atestifika ko’ã mba’e añeteguaha ha ajoaju penendive ñañembo’e hağua ñande profeta-re ñahendútava ko’áğa, Jesucristo rérape, amén.