Mba’éichapa Sacerdocio ohovasa mitãrusukuérape
Oñeme’ẽ ñandéve oportunidad ñaministra hağua ángel-icha, ñambo’e ko evanhélio opa ko yvy continente-re ha ñaipytyvõ ángakuérape ou hağua Cristo rendápe.
Hermano ha hermana-kuéra, che aguije añe’ẽvo peẽme ko pyhare histórico-pe sacerdocio don sagrado-re ha pe pu’aka tuichaite orekóva ohovasa hag̃ua mitãrusukuérape ko dispensación-pe. Ajerure arekóramo jepe imperfección, pe Espíritu tachepytyvõ ambo’e hag̃ua añeteguáva.
Primera Presidencia omomandu’a umi Sacerdocio Aarónico orekóvape “peẽ peiko peteĩ ára heta oĩhápe oportunidad ha desafío—peteĩ ára sacerdocio ojerrestaura haguépe. Peguereko autoridad pe administra hag̃ua Sacerdocio Aarónico ordenanza-kuéra. Peipurúvo ko autoridad ñembo’e ha dignidad reheve, túicha pehovasáta umi yvypóra oikóva pende jerére.”1 Tupaogua, mitãrusukuéraicha jaikuaa avei ñande ha’eha “Tupã [ra’yrakuéra] Ha’e ohayhúva, ha Ha’e oguerekoha tembiapo [ñande] jajapova’erã,”2ha ñaipytyvõva’erã Hembiapo “ojapo yvypórakuéra manove’ỹ ha tekove ijapyra’ỹva” (Moisés 1:39).
Sacerdocio ha’e autoridad oñe’administra hag̃ua Salvador evanjélio ordenanza ha konveniokuéra umi ikatúvape ğuarã o’rresivi dignamente. Ko’ã sacerdocio ordenanza ha convenio sagrado rupive, jarekóta Salvador expiación jehovasa ñanepytyvõtava jahupyty hag̃ua ñane destino divino.
José Smith ha’eva’ekue peteĩ mitãrusu Tupã ohenóiva o’rrestaura hag̃ua Jesucristo evanjelio ha, upeva’erã, oñeme’ẽ chupe sacerdocio ha’e oipurúva ohovasa hag̃ua opa yvypórakuérape. Doctrina y Convenios 135-pe omyesakã heta bendición José ome’ẽva’ekue ko dispensación mitãrusukuérape. Ñamoñe’ẽ: “José Smith … ojapohague hetave mba’e, excepto Jesús añónte, yvypórakuéra salvasiõrã ko múndope, opa ambue kúimba’ekuéra oikova’ekue yvy árigui. … Oguenohẽ Mormón Kuatiañe’ẽ … ; ha ogueraha evanhélio ijapyra’ỹva … opa yvy apére; ombo’e revelación ha mandamientokuéra ojetopáva [pe] Doctrina y Convenios-pe … ; ombyaty hetaite Santos de los Últimos Días, … ha oheja peteĩ fáma ha téra ndaikatúiva oñehundi” (Doctrina y Convenios 135:3).
Jaservi porã hag̃ua José oservi haguéicha, ñaimeva’erã digno jaipuru hag̃ua Tupã sacerdocio pu’aka. Mormón Kuatiañe’ẽ oñembohasa jave, José ha Oliver Cowdery ikaraise’akue, ha katu ndorekói hikúai autorida. 15 mayo 1829-pe, oñesu hikúai oñembo’évo ha ou hendapekuéra Juan el Bautista, ome’eva chupekuéra Sacerdocio Aarónico llavekuéra ha autorida, he’ívo: “Pene akã’ári, che consiervo, Mesía rérape, che akonferí Sacerdocio de Aarón, orekóva ángel-kuéra ministerio, ha arrepentimiento evangelio rehegua ha ñemongarai ñeñapymi rupi angaipakuéra oñeperdona hag̃ua” (Doctrina y Convenios 13:1).
Oñeme’ẽ ñandéve oportunida ñaministra hağua ángelkuéraicha, ñambo’e ko evanhélio opa umi continente-re ha ñaipytyvõ ángakuéra ou hağua Cristo rendápe. Ko servicio ñanemoi oñondive tembiapo jojápe Juan el Bautista, Moroni, José Smith, presidente Russell M. Nelson ndi, ha umi ambuekuéra Ñandejára siervo-kuérandi.
Servicio Isacerdocio rupive ñanembyatýva opa umi omba’apóva ha osegíva ha oikovéva Tupã rekombo’ére hekopete, pe mba’e aikuaáva ikatuha hasyve jahasávo mitãrusu desafío-kuérare. Ha katu ñañeha’ãvo ko’ã ñane irunguéra Ñandejára siervo-kuérandi jajapo hag̃ua hembiapo ñanemombaretéta ñambohovái hag̃ua tentación ha adversario ñanembotavýva. Ikatu oiko pendehegui peteĩ tesapehárã opavave ndojeroviaívape g̃uarã ijehe. Tesape oĩva pende ryepýpe ohesapéta opa umi oikóvape pende apytepe ikatu hağuáicha ojehovasa. Sapy’ánte hasy jahechakuaa hağua ñane compañero espiritual-pe, ha katu che aguije aikuaávo aimeha miembro quórum sacerdocio iñe’ẽrendúva apytépe ikatúvandi amba’apo ha añembojave Cristo-re.
Ñane amigo ha familia.kuérandi, Espíritu Santo ha’e ñane irŭ añete ha ijeroviapýva. Ha katu jareko hag̃ua Espíritu ñemoirŭ meme, ñaĩmeva’erã situación ha tenda Ha’e oĩseháme. Kóva ikatu oñepyrũ ñande rógape ñañeha’ãvo jajapo ñande rógagui peteĩ lugar sagrado japarticipávo pe Escritura estúdio diario ha ñañembo’evo en familia ha, iñimportantevéva, jastúdiávo escritura personalmente ha ñañembo’evo ñande jehegui.
Ko áño ñepyrũvo, areko oportunidad chembovy’áva ha katu chemomirĩva aipytyvõ hag̃ua che reindy michĩme, Oceane, oguata hag̃ua pe evangelio rapére o’aceptávo pe invitación ikarai ha okumpli hag̃ua peteĩva umi requisito oñeikotevẽva ojeike hag̃ua reino celestial-pe. Ha’e oha’arõuka ikarai hag̃ua peteĩ mes, che añe’ordena peve sacerdote, ome’e hag̃ua chéve privilegio ajapo hag̃ua upe ordenanza, upéicha avei umi ambue ñane reindykuéra oreko avei upe privilegio omba’apóvo asignación sacerdocio guýpe ha otestifika hag̃ua hikuái. Roñembo’yvo ojovái fuente ykére ha roñembosako’ívo roike hag̃ua ýpe, ahecha ovy’aite,, chéichaite avei. Ha añandu ajoajuha hendie ahechávo ha’e ojapoha decisión porã. Ko oportunida aipuru hag̃ua sacerdocio ojapo añeha’ãve aiko tesarekópe ha sa’ive ajeporta vai aikóvo evangelio che rekombo’eháicha. Añembosako’i hag̃ua, aha templo-pe káda semána, che sy, che abuela ha che reindy ñeipytyvõme, ajapo hag̃ua omanóva ñemongarai.
Ko experiencia heta chembo’e sacerdocio reheguáre ha mba’éichapa ikatu aipuru dignidad reheve. Che aikuaa opavave poseedor del sacerdocio ikatuha oñeñandu chéicha avei jasegívo Nefi ehémplo “tereho ha ejapo” (tojehcha 1 Nefi 3:7). Ndaikatui jaguapy jajepokua ha ñaha’arõ Ñandejára tañanemomba’apo hembiapo tuichaítépe. Nañaha’arõiva’erã ñandereka umi oikotevẽva; ha’e ñane rembiapo poseedor del sacerdocio-háicha oiko ñandehegui Tupã testigo ha ehémplo. Jajapyhy ramo decisión ojokóva ñande progresión eterna, ko’ág̃a ñakambiava’erã. Satana oñeha’ãta japyta hag̃ua peteĩ estado carnal-pe jahekávo simples placeres. Ha katu aikuaa ñañeha’ãrõ, jatopataha ñande pytyvõtava ha ñañe’arrepenti ramo ára ha ára, umi tovasapy oútava jaguerovia’ỹ haguáicha ha ñande rekove iñambuéta akoiete ğuarã jaguatávo pe konvénio rapére.
Che aikuaa ko tupao ha’eha Jesucristo tupao añetegua, ha’éva ñande Salvador ha ome’ẽva’ekue umi sacerdocio lláve apóstol-kuerape, oipurúva hikuái ñandegia hag̃ua, especialmente ko’ã ára ijetu’úvape, ha ñambosako’i hag̃ua ko múndo ijeju jeyrã.
Atestifika José Smith ha’ehague Tupâ profeta, ha presidente Nelson ha’eha ñande profeta oikovéva ko árape. Ajerure peẽme pe’estudia hağua ko’ã poseedor del sacerdocio tuichaite rekove ha ñañeha’ã ára ha ára ñamoĩporã ñande rekove ñaĩme hağua preparado jahecha hag̃ua ñande Creador-pe. Jesucristo rérape. Amén