Peteĩ testigo oikovéva Cristo Oikovévagui
Upe Mormón Kuatiañe’ẽ mensaje central ha’e toñemoĩ jey kuaapy añete Jesucristo papel esencial upe humanida salvasiõ ha exaltasiõme.
Peteĩ primavera ára ikuarahývape 2017-pe, upe jornada puertas abiertas rehegua oiko aja París Templo, Francia-pe peteĩ kuimba’e oñemboja peteĩva umi guía turístico-re tova ñembyasy reheve. He’i oikoha templo ykére ha ohechakuaa ha’ehague peteĩ oponente activo oñemopu’ã hağua. Omombe’u peteĩ ára, omaña aja iñapartaménto ventána rupive, ohecha hague peteĩ grúa tuicháva omboguejy ramo peteĩ Jesús estátua yvágagui ha omoĩ mbeguekatumi templo terreno ári. Pe kuimba’e he’i upe experiencia okambiapaiteha hemiandu ñande tupaóre. Oñeme’ẽ en cuenta ore ha’eha Jesucristo seguidor-kuéra ha ojerure ore perdón umi dáño ikatuva’ekuére ogueru.
Upe Cristo, estatua ombojeguáva terreno París Templo-pe ha ambue tupaogua propiedad-kuéra, ome’ẽ testimonio ñane mborayhúgui Salvador-re. Pe estatua de mármol original ha’e artista danés Bertel Thorvaldsen rembiapo, ojapova’ekue 1820-pe, upe Primera Visión añoitépe. Pe estatua iñambue heta umi representación artística-gui upe período rehegua, hetave ohechaukáva Cristo jehasa’asy kurusúre. Thorvaldsen rembiapo ohechauka peteĩ Cristo oikovéva, ohupytýva victoria ñemano ári ha, jyva jeipysópe, o’invita opavavépe ou hağua Hendápe. Umi klávo rapykuere ipo ha ipýpe ha pe herida ijyképe ome’ẽ testimonio agonía ijojaha’ỹvagui o’aguantava’ekue osalva hağua humanidad-pe.
Ikatu upéva peteĩ razón ñande, Iglesia de Jesucristo de los Santos de los Últimos Días miembro-kuéraicha , jahayhu ko estátua ñanemomandu’áva upe descripción oñeme’ẽva Mormón kuatiañe’ẽme Salvador aparición-gui continente americano-pe:
“Ha péina ápe, ohecha hikuái peteĩ kuimba’e oguejýva yvágagui; ha oñemondéva peteĩ ao morotĩme; ha ha’e oguejy ha oñemoĩ imbytepekuéra. …
“Ha ojehu ha’e oipyso ipo ha oñe’ẽ tavayguakuérape, he’ívo:
“Péina ápe, Che ha’e Jesucristo, …
“… Ha hay’úkuri pe kópa iroitévaTúva ome’ẽva’ekuégui chéve, ha amboverapy Túvape amoĩvo che ári yvóra angaipakuéra.”1
Upéi o’invita peteĩ teĩ kuimba’e, kuña ha mitãme oñemboja ha omoĩ hağua ipo Ijyképe ha oñandu umi klávo rapykuere Ipo ha Ipýpe, ohupytývo péicha peteĩ testimonio personal Ha’e ha’eha pe Mesías oñeha’ãrõiteva’ekue.2
Ko escena sublime ha’e upe clímax Mormón Kuatiañe’ẽme. Opa “noticia porã” evangelio rehegua oĩ ko Salvador ra’anga ryepýpe, oipyso kyrỹiva umi “Imisericordia jyva”.3 O’invitávo peteĩ teĩvape ou hağua Hendápe ha ohupyty umi Iñexpiasiõ rovasapy.
Upe Mormón Kuatiañe’ẽ mensaje central ha’e toñemoĩ jey kuaapy añete Jesucristo papel esencial-gui upe humanidad salvasiõ ha exaltasiõme. Ko téma hyapu umi página ñepyrŭmby guie umi ñe’ẽ paha capítulo paha peve. Umi siglo de apostasía ha confusión espiritual aja, pe significado ipypukuvéva Cristo ojapova’ekue Getsemaní ha Gólgota-pe okañy térã oñemoambue. Oiménepa oñe’emosionaitera’e José Smith, ombohasávo 1 Nefi, ojuhúvo ko maravillosa promesa: “Ko’ã kuatiajehaipyre paha, [Mormón Kuatiañe’ẽ] … ohechaukáta umi peteĩha añeteguaha, [Biblia] … ha oikuaaukáta umi mba’e hesakã ha iporãitéva ojeipe’ava’ekue chugui; ha oikuaaukáta maymáva avaretãnguéra, ñe’ẽnguéra ha tavayguakuérape, pe Tupã Cordero ha’eha pe Túva Ijapyra’ỹva Ra’y, ha ha’eha pe yvóra Salvador; ha maymáva yvypórakuéra ouva’erãha chupe, térã ndojesalvamo’ãi.”4
Umi añetegua hesakã ha hepýva Salvador expiasiõ rehegua hyapu opa Mormón Kuatiañe’ẽ pukukue. Oñembohysýivo heta umi añetegua, po’invita pejepy’amongeta hağua mba’éichapa omoambue térã omoambuekuaa pende rekove.
-
Pe Jesucristo expiasiõ ha’e peteĩ regalo oñeme’ẽ reínteva opa umi ymave oikova’ekuépe, umi ko’áğa oikovéva, ha umi upéi oikótavape yvy ári.5
-
Okarga rire ñande pekadokuéra, Cristo avei ojagarra hi‘ári ñane ñembyasy, mba‘asykuéra, jehasa‘asy, mba‘asy ha opa umi jepy‘apy oguerúva yvypóra condición mortal. Ndaipóri jepy‘apy, mba‘asy térã ñembyasy Ha‘e ohasa‘ỹva’ekue ñanderehe.6
-
Upe Salvador sacrificio expiatorio opermiti ñandéve jasupera umi consecuencia negativa oguerúva Adán je’a, oikehápe avei upe muerte física. Cristo rupive, opavave Tupã ra’y onaséva ko yvy ári, independientemente hekojojágui, o’experimentáta umi espíritu ha hete ñembojoaju resurrección rupive.7 Ha ojevýta Hendápe ikatu hağua “ojejuzga [he]mbiapokuéra rupi“.8
-
Contraste ramo, opa umi Salvador expiasiõ rovasapy jehupyty oĩ condicionado ñane diligencia-re.9 javivívo upe “Cristo doctrina.”10 Ikérape, Lehi ohecha pe “tape ipo’i po’ietéva”11 upe ogueraháva árbol de la vida-pe. Hi’a, orrepresentáva Tupã mborayhu oje’eháicha umi Cristo expiasiõ exquisita rovasapy rupi, “ha’éva pe ipresiosove ha ojeipotavéva … [ha] tuichavéva umi Tupã don-kuéra apytépe.”12 Ojehupyty hağua ko yva, ñamomba’apova’erã fe Jesucristo-re, ñañearrepenti, “ñahendu Tupã ñe’ẽ“13 ñamoğuahẽ umi ordenanza esencial ha ñañongatu umi konvénio sagrado ñande rekove paha peve.14
-
Iñexpiasiõ rupive, Jesucristo ndaha’éi ojohéinteva ñande pekadokuéra, sino avei ome’ẽ jahejávo poder ikatutaha rupi idiscípulokuéra “[oipe’a] upe hombre natural,“15 oprogresa línea por linea16 ha ombotuichave santida17 ikatu hağua peteĩ ára oiko chuguikuéra umi ser perfecto Cristo-icha,18 ikatútava oiko jey Tupãndi19 ha o’ereda opa umi reino de los cielos rovasapy.20
Ambue añetegua ñanembopy’aguapýva oĩva Mormón kuatiañe’ẽme ha’e, jepeve infinito ha universal ijehupytýpe, Ñandejára expiasiõ ha’e peteĩ regalo notablemente personal ha íntimo, ou porãva peteĩ teĩ ñandéve ğuarã.21 Jesús o’invitaháicha peteĩ teĩ idiscípulo nefita-kuérape opoko hağua ijerídare, ha’e omano peteĩ teĩ ñanderehe, personalmente, ha’eramoguáicha peẽ ha chénte yvypóra yvy ári. Omyasãi ñandéve peteĩ invitación personal jaju hağua Hendápe ha ja’aprovecha umi Iñexpiasiõ rovasapy maravilloso.22
Upe Cristo expiasiõ naturaleza personal hi’añeteve oñekonsiderávo umi kuimba’e ha kuña ejemplo ojehecháva Mormón kuatiañe’ẽme. Umíva apytépe oĩ Enos, Alma, Zeezrom, rréi Lamoni ha hembireko, ha rréi Benjamín yvyporakuéra. Umi ikonversiõ ñemombe’u ha testimonio vibrante ome’ẽ peteĩ testimonio oikovéva mba’éichapa ñane korasõkuéra ha ñande rekove ikatu iñambue pe Ñandejára bondad opa’ỹva ha misericordia rupive.23
Profeta Alma ojapo itavayguakuérape ko porandu oporohapýva. Ha’e he’i, “peñandúramokuri peteĩ ñemoambue pene korasõme, peñandúramokuri pepuraheiseha pe mborayhu purahéi orredimíva, che aporanduse peẽme, ikatu piko peñandu upévako’áğaite?”24 Ko porandu ivital ko árape, Ñandejára discípulo-háicha, ipoder redentor ñanemoirŭva’erã, ñanemokyre’ỹ ha ñanemoambue ára ha ára.
Alma porandu avei ikatu ojejapo oñeporandu hağua: araka’épa ipaha peñandu upe Salvador expiasiõ influencia he’ẽva pende rekovépe? Kóva ojehu peñandúvo peteĩ vy’a “heterei ha he’ẽva“25 oúva pende ári ome’ẽva testimonio pene ángape pende pekadokuéra oñeperdonaha; térã umi prueba hasýva sapy’ánte ivevyive oñeaguanta hağua; térã pene korasõ hu’ŭve ha ohechauka perdón peteĩ pene lastimava’ekuépe. Térã ikatu pehechávo pende kapasida peporohayhu ha peporoservi hağua tuichaveha, térã upe proceso de santificación ojapoha pendehegui peteĩ persona iñambuéva, osegívo pe Salvador ejemplo.26
Ame’ẽ testimonio ko’ã experiencia añeteguaha ha ohechaukaha tekove ikatuha iñambue fe Jesucristo-re ha Iñexpiasiõ rupive. Libro de Mormón ningo omyesakã ha omyasãi ñande kuaapy ko don supremo-re. Pe’estudiávo ko libro, pehendúta Cristo Oikovéva ñe’ẽ pene’invitáva peju hağua Hendápe. Apromete pe’aceptávo ko invitación ha pemyatyrõ pende rekove Iñehémploicha, Iñinfluencia redentora oiketaha pende rekovépe. Espíritu Santo poder rupive, Salvador penemoambuéta ára ha ára “ára perfecto peve“27 uperõ pejapóta, Ha’e odeclara haguéicha: “Pemaña che rováre ha peikuaa che ha’eha.“28 Jesucristo rérape, Amén.