Ñakompartívo pe Restauración ha Resurrección mensaje.
Pe Restauración opernetese ko mundo-pe, ha imensaje ha’e especialmente urgente ko árape.
Opa ko conferencia general aja ñañe’ẽ ha japurahéi vy’a reheve pe kumplimiento “restauración de todas las cosas,”1rehegua, heta ára ojeprofetiza’akue, pe “ñembyaty opa mba’e Cristo-pe”2rehegua ha pe Evangelio plenitud, pe sacerdocio ha Jesucristo Tupao retorno ko yvy ári rehegua, opa ko’ã ojerrefleháva pe titulo “la Restauración-pe.”
Upevére, pe Restauración ndaha’éi ñandéve, ko’áĝa javy’áva heseve, ĝuarãnte. Umi revelación Primera Visión-gua ndaha’éikuri José Smith-pe ĝuarãnte, ha katu ome’ẽ tesape ha añetegua opavave personape “ofaltáva arandu.”3 Mormón Kuatiañe’ẽ ha’e opa genero humano posesión. Umi Sacerdocio ordenanza salvasiõ ha exaltasiõrã ojeprepara cada persona-pe ĝuarã, jepe umi noĩvéimava ko vida terrenal-pe ĝuarã. Iglesia de Jesucristo de los Santos de los Últimos Días ha ijehovasakuéra oĩ destinado opavave umi oipotávape ĝuarã. Pe Espíritu Santo don oĩ opavavépe ĝuarã. Pe Restauración opernetese ko mundo-pe, ha imensaje ha’e especialmente urgente ko árape.
“Upévare, tuichaiterei mbaʼe niko jaikuaauka koʼã mbaʼe umi oikovéva yvy áripe, oikuaa hag̃ua avave tekove ndaikatuiha oiko Tupã renondépe, ndahaʼéiramo pe Mesías Imarangatúva mérito, poriahuvereko ha grásia rupive mante, omeʼẽva hete tekove, ha ojagarra jey pe espíritu puʼaka rupi, ogueru hag̃ua jeikovejey umi omanomavaʼekuépe, haʼégui haʼe raẽvete pe oikove jeýtava.”4
Upe ára Samuel Smith, pe profeta hermano, omyenyhẽ rire imochila Mormón Kuatiañe’ẽ copia oñe’imprimi ramóva reheve ha oje’ói okomparti haĝua umi escritura pyahu, santokuéra omba’apo opytu’u’ỹre “oikuaauka haĝua ko’ã mba’e yvy’arigua habitante-kuérape”.
1920-pe, upéramo élder David O. McKay, Cuórum de los Doce Apóstoles-gua, oñepyrũ peteĩ gira de un año tupaogua misión-kuérare. Mayo 1921-pe, oñembo’y peteĩ cementerio’ipe Fagali‘i, Samoa-pe, mbohapy mitã tumba oñeñangareko porãva renondépe, ha’ékuri Thomas ha Sarah Hilton membykuña ha mokõi membykaria’y. Umi mitã – tuichavéva orekókuri dos años – omano Thomas ha Sarah oservi aja matrimonio misionero pyahu ramo década 1800 paha rupi.
Osẽ mboyve Utah-gui, elder Mckay opromete Sarah-pe, upéramo viuda, ovisitataha imembykuéra tumba Samoa-pe, ha’e ndaikatúiguikuri oho jey upépe. Elder Mckay ohai chupe: “Ne mbohapy mitãnguéra, hermana Hilton, kirirĩháme iñelocuentevévape … ocontinua hína upe noble obra misional nde reñepyrũva’ekue ojapo treinta año javeve”. Upéi ombojoaju umi verso ha’ete ocompone’akue:
Po oporohayhúva rupive hesakuéra omanóva oñemboty,
Po oporohayhúva rupive imiembrokuerami ojeipepy,
Po extrañokuéra rupive iñumilde tumbakuéra oñembojegua,
Extrañokuéra rupive oñemomorã, ha extrañokuéra hasẽ hesekuéra.5
Ko historia peteĩnte umi miles, cientos de miles de historia oñe’ẽva tiempo, riqueza ha vidas ojesakrifikava’ekue ko’ã doscientos años-pe oñekomparti haĝua pe Restauración mensaje. Ñande aspiración ñaĝuahẽ haĝua opa nación, tribu, lengua ha pueblo-pe noñemomichĩri ko’ã árape ohechaukaháicha umi mas de diez miles hombres ha mujeres jóvenes ha matrimonios actualmente oservíva misiones de tiempo completo-pe, umi tupaogua miembrokuéra ojapóva eko pe Felipe invitación-gui peju ha pehecha;6ha umi millones de dólares ojeipurúva anualmente oñesostene haĝua upe tembiapo opa yvy’apére.
Jepe ore invitación ndojopyi avavépe, roha’arõ oconvence héntekuérape ĝuarã. Upéicha oiko haĝua, aguerovia por lo meno mbohapy mba’e oñeikotevẽha: Peteĩhã, pene mborayhu; mokõiha pene ejemplo; ha mbohapyha, peipuru pe Mormón Kuatiañe’ẽ.
Ñane invitación ndaha’eiva’erã peteĩ asunto iñinteresádova, ha katu ha’eva’erã peteĩ expresión mborayhu desinteresadovagui.7 Upe mborayhu ojeikuaáva karida ramo, pe Cristo mborayhu potĩ, ha’e ñanemba’e jajerurerõ. Ñañe’invita, jepe oñe’ordena ñandéve, “Pejerure Túvape opa penekorasõ mbarete reheve, penerenyhẽ haĝua ko mborayhúgui”8
Ejemplo ramo, akompartíta peteĩ experiencia omombe’uva’ekue hermana Lanett Ho Ching, ko’aĝa oservíva imena ndive, presidente Francis Ho Ching, opresidíva la Misión Samoa Apia. Hermana Ho Ching omombe’u kóva:
“Umi áño ohasávape, ore joven familia ova peteĩ óga michĩ Lale, Hawáii-pe. Ore róga garaje oñekonverti peteĩ apartamento estudio-pe oikohápe peteĩ kuimba’e hérava Jonathan. Ha’e ningo ore vecino kuri ambue tendápe. Roñandúvo ndaha’iha coincidencia Ñandejára orembyaty jey hague, rodecidi roñemongetamive ore actividakuérare tupaópe ha ore ha’eha miembro tupaopegua. Jonathan ovy’a ore amistad reheve ha ogusta chupe ohasa tiempo ore familia ndi. Ogusta chupe o’aprende evangelio-gui, ha katu noĩri interesado oñekompromete haĝua tupao ndi.
“Tiempo ohasávo, ore membykuéra ohenói chupe ‘tio Jonathan’. Okakuaavo ohovo ore familia, okakuaa avei interés oguerekóva Jonathan umi ore familia evento importante rehe. Ore invitación fiesta de vacación-rã, cumpleaño, eventos escolares ha tupaogua actividakuérape ojeipyso noches de hogar ha mitãnguéra bautismo-rã.
“Peteĩ ára arresivi peteĩ llamada telefónica Jonathan-gui; Ha’e oikotevẽkuri pytyvõ. Oreko diabetes ha ojagarra chupe peteĩ infección vai’eterei ipýpe ha tekotevẽ oikytỹ chupe hikuái. Ore familia ha vecinokuéra ha’éva miembro del barrio ro’akompaña chupe upe époka de prueba-pe. Roñeturna roñangareko haĝua hese hospital-pe ha oñeme’ẽ chupe sacerdocio jehovasa. Jonathan oĩ aja rehabilitación-pe, romopotĩ iñapartamento Sociedad de Socorro-gua hermanakuéra ndive. Sacerdocio-gua hermanokuéra ojapo peteĩ rampa ohóva okẽ entrada peve ha umi barandilla ibañope. Jonathan oĝuahẽ jey vove hógape, ovy’aiterei.
“Jonathan oñepyrũ jey orresivi umi lección misional. Pe semana Año nuevo mboyve cherenoi ha oporandu chéve: ‘¿Mba’e rejapóta Año Nuevo víspera-pe?’ Amomandu’a chupe ore fiesta anual rehe. Ha katu oñe’ẽ rangue upévagui, ombohovái: ¡Aipota reju che bautismo-pe! Añepyrũporãse ko año pyahu’. 20 año ‘eju ha ehecha’, ‘eju ha eipytyvõ’ ha ‘eju ha epyta’ rire, ko ánga preciada oĩ lista ojebautisa haĝua.
2018-pe, roñehenói vove presidente de misión ha compañera ramo Samoa-pe, Jonathan salud oñembyaive. Rojerure’asy chupe taimbarete oha’arõ aja torojujey. Ha’e osegui tenonde gotyo casi un año aja, ha katu Ñandejára opreparakuri hína chupe oho jey haĝua hógape. Omano pacíficamente abril 2019-pe. Che membykuéra o’asisti ‘tío Jonathan funeral-pe ha opurahéi misma canción ropurahéiva’ekue ibautismope.”
Ko’áĝa apresenta mokõiha requisito oñepresenta haĝua éxito reheve pe Restauración mensaje ko porandu reheve: ¿Mba’épa ojapóne nde invitación taijatractívo pe mávape ĝuarã? ¿Ndaha’éipa peẽ, pene ejemplo de vida? Heta umi ohendúva ha orresivíva pe Restauración mensaje iñepyrũháme oñeñandu atraído upe opersivíva peteĩ miembro térã Jesucristo tupaogua miembrokuéra rehe. Ikatu ha’e pe manera otrataha hapichakuérape, umi mba’e he’íva térã umi nde’íriva, pe firmeza ohechaukáva umi situación difícil renondépe, térã sencillamente isemblante.9
Taha’e ha’éva, ndikatúi jaje’eskapa pe hecho-gui ñantende ha javiviva’erãha umi evangelio restaurado principio iporãveva ikatúva ñane invitación oje recibi porã. Upéva ha’e peteĩ mba’e ko’ã árape oñehenóiva autenticidad. Oĩramo pe Cristo mborayhu ñandepype, ambuekuéra oikuaáta ñane mborayhu hesekuéra añeteguaha. Pe Espiritu Santo hendýrõ ñandepype, ombyandy jeýta Cristo tesape hyepypekuéra.10 Upe peẽ ha’éva ome’ẽ autenticidad pene invitación-pe ou ha o’experimenta haĝua pe goso Jesucristo evangelio plenitud rehegua.
Pe mbohapyha oñeikotevẽva ha’e jaipuru meme upe instrumento de konversión Tupã odiseñava’ekue ko evangelio dispensación pahápe ĝuarã: pe Mormón Kuatiañe’ẽ. Ha’e peteĩ evidencia palpable Jose Smith llamamiento proféticogui ha peteĩ prueba convinsénte Jesucristo divinidad ha resurrección-gui. Pe forma o’expone laja pe ñande Ru Yvagagua plan de redención ndaijojahái. Peẽ pekompartívo pe Mormón Kuatiañe’ẽ pekomparti hína pe Restauración.
Jason Olsen imitãrusurõ guare, ifamiliakuéra ha ambue personakuéra he’i jey jey chupe ani oiko chugui cristiano. Upevére, ha’e oguereko mokõi amigo iguénova, ha’éva Iglesia de Jesucristo de los Santos de los Últimos Días miembro ha py’ỹi oñemongeta hikuái religión rehe. Umi iñamigo, Shea ha Dave, respeto reheve ocontrarresta umi argumento ambue persona ome’ẽva’ekue Jason-pe Jesucristo-re jerovia kóntrape. Ipahápe, ome’ẽ chupe hikuái peteĩ Mormó Kuatiañe’ẽ ejemplar, he’ívo: “Ko libro ombohováita ne porandukuéra; Eleemíma, por favor” Ojagarra de mala gana pe libro ha omoĩ imochílape, ha opyta upépe heta mese aja. Ndohejaséi hógape, ifamilia ikatuhápe ohecha, ha nodesepcionaséi Shea ha Dave-pe odevolverõ chupekuéra. Ipahápe, odecidi osolucionataha ohapývo pe libro.
Peteĩ pyhare, encendedor peteĩ ipópe ha pe Mormón Kuatiañe’ẽ ambue pópe, haimetéma omyandy pe tata pe libro-re ohedúrõ sapy’a peteĩ ñe’ẽ iñakãme he’íva: “Ani ehapy che libro”. Oñemomndýivo, opara. Upéi, opensávo oñe’imaginante hague upe ñe’ẽ, oñeha’ã jey omyandy pe encendedor. Ou jey iñakãme upe ñe’ẽ: “Tereho nde kotýpe ha elee che libro”. Jason oñongatu pe encendedor, oho jey ikotýpe, o’abri pe Mormón Kuatiañe’ẽ ha oñepyrũ olee. Okontinua día tras día, py’ỹi pyhareve temprano peve. Oĝuahẽvo ipahápe ha oñembo’e, Jasón ohai: “Cherenyhẽ che koronilla guive che py planta peve pe Espiritu-gui. … Añandu che renyhẽ tesapégui. … Ha’ékuri pe experiencia igososovéva aguerekova’ekue araka’eve che rekovépe”. Oheka pe bautismo ha tardeve oiko chugui peteĩ misionero.
Oiméne natekotevẽi ja’e jepe ñane mborayhu añete ha isincero, heta vece ndaja’eséirõ la mayoría umi ñane invitación ñakomparti haĝua pe Restauración mensaje, ojerrechasáta. Ha katu penemandu’a kóva: “opaite persona idigno upe invitación-gui, “opavave ha’e igual Tupã renondépe”;11 Ñandejára oĩ komplasído cada ñeha’ã jajapóva reheve, o’importa’ỹre pe resultado; peteĩ invitación ojerrechasava’ekue ndaha’éi razón ñande relación opa haĝua, ha peteĩ falta de interés ko árape ikatu oñekonverti interés-pe ko’ẽrõ. Upeichavérõ, ñane mborayhu opermanece constante.
Ani araka’eve ñanderesarái pe Restauración osẽhague a la luz prueba hatã ha sacrificio intenso mbytépe. Upéva ha’e tema otro dia-rã. Javy’a estedia pe Restauración fruto reheve, ha’évo peteĩ ijojaha’ỹvéva pe poder oñembojoaju jey haĝua yvy ha yvágape.12 He’ihaguéicha presidente Gordon B. Hinckley ojapo años: “Mba’eve ndorresultairõ opa upe Restauración jehasa’asy, tribulación ha ñembyasygui, ndaha’éirõ pe santo sacerdocio poder sellador ombojoaju va’ekue familia para siempre, entonces ovaléta la pena opa upe okostava’ekue.”13
Pe Restauración promesa último ningo ha’e pe redención Jesucristo rupive. Pe Jesucristo resurrección ningo prueba Ha’e oguerekoha pu’aka orredimi haĝua opavave oúva Chupépe, orredimi chupekuéra ñembyasýgui, inhustísia, remordimiento, pekádo ha jepe ñemanógui. Estedia ha’e Domingo de Ramo; peteĩ semana-pe ha’éta Pascua. Ñanemandu’a, tapiaite ñanemandu’a, pe Cristo sufrimiento ha ñemano o’expia haĝua ñande pekadokuéra, ha jacelebra pe domingo imaravillosovéva, pe Ñandejára ára, ha’e orresusitahague pe omanova’ekue apytégui . Jesucristo resurrección rupive, pe Restauración oguereko sentido, ko vida terrenal isentído, ha ipahápe, ñande rekove propio oreko sentído.
José Smith pe Restauración profeta guasu, ome’ẽ peteĩ testimonio supremo ñande épokape ĝuarã pe Cristo orresucitava’ekuegui: Ha’e oikoveha! Porque rohecha chupe, jepe Tupã diestra-pe.”14 Humildemente ambojojau che testimonio José ha umi apóstol ha profeta -kuéra ha’e mboyve ha umi apóstol ha profetakuéra oúva ha’e rire ndive, Jesús de Nazaret ha’eha pe Mesías oñepromete’akue, pe Tupã Ta’ýra Unigénito ha pe Redentor resucitado opa pe género humano-gua.
“Rotestifika umi o’estudiáva ñembo’e reheve pe Restauración mensaje ha o’actua jerovia reheve ojehovasataha ohupyty hağua itestimonio tee idivinidad ha ipropósitogui ombosako’i hağua ko mundo Ñandejára ha Salvador, Jesucristo, Jejujey Mokõiha oñepromete’akuépe ğuarã.”15 Cristo resurrección ojapo umi Ipromesakuéra taiseguro. Jesucristo rérape, Amén.