Ja’abrívo Yvága jahupyty haĝua pytyvõ
¡Ha katu Ñamoĩ en acción ñande jerovia Ñandejára Jesucristo-re!
¡Ko sesión ningo únika ha hechapyrãitereíva! Aguije mante queridos Laudy ha Enzo. Perrepresenta porãitekuri umi magnifiko mitãrusukuéra ha mitãkuñanguéra tupaoguápe.
Che hermano ha hermanakuéra pohayhuetéva, ko árape ñahendu heta pe tupaogua restauración-re, pe mismo tupao ñande Salvador Jesucristo omopu’ãva’ekue Iministerio terrenal aja. Ko primavera-pe oñekumplíta 200 áños pe Restauración oñepyrũ hague, Tupã pe Túva ha Ita’ýra, Jesucristo, oje’aparesehague mitãrusu José Smith-pe.
Diez años upe sublime visión rire, profeta José Smith ha cinco personas más oñehenói Ñandejára Tupao restaurado miembrokuéra omoñepyrȗva’ekue.
Upe grupo michĩgui oñekongregava’ekue pe 6 de abril 1830-gua osurgi peteĩ organización global oguerekóva mas de 16 millones de miembrokuéra. Umi mba’e porã ko tupao ojapóva ko mundo jerére ombogue haĝua pe sufrimiento humano ha ome’ẽ haĝua aliento ko humanidad-pe ojeikuaa porãiterei. Ha katu ijobjetivo principal ha’e oipytyvõ kuimba’ekuéra, kuñanguéra ha mitãnguérape osegui haĝua Ñandejára Jesucristo-pe, oñongatu haĝua Imandamientokuéra ha ohupytykuaa haĝua pe jehovasa tuichavéva opaitévagui: pe vida eterna Tupã ha imborayhukuéra ndive.1
Ñakonmemorávo pe acontecimiento oñepyrũva’ekue 1820-pe, iñimportante tañanemandu’a jepe ñamomorã José Smith-pe Tupã profeta ramo, kóva ndaha’éi José Smith tupao, ni Mormón tupao. Kóva ha’e Jesucristo tupao. Ha’e odekreta exactamente mba’e téra oguerahava’erã Itupao: “Upéicha oñehenóitagui che tupao umi ára pahápe, jepe, Iglesia de Jesucristo de los Santos de los Últimos Días.”2
Añe’ẽraẽkuri tekotevẽha jakorregi rumbo mba’éichapa jajerreferi tupao réra rehe.3 Upe guie, ojejapo heta kuri jahupyty haĝua upe corrección. Che aguijeterei presidente M. Russell Ballard ha opa pe Cuórum de los Doce Apóstoles-pe, ojapo hetáva odirihi haĝua umi ñeha’ã, ha avei ambue ohóva ambue iniciativa rehe a’anunciátava ko pyharépe.
Umi tupaogua líder ha departamentokuéra, umi entidades oñerrelasionáva ha umi millones de miembros, ha avei ambuekuera, ko’áĝa oipuru porã pe tupaogua réra. Oje’ahusta pe tupaogua guía de estilo oficial. Pe tupaogua sitio web oficial ha’e LaIglesiadeJesucristo.org. Umi dirección de correo electrónico, umi nombre de dominio ha canales de redes sociales oje’actualisa. Ñande coro jahayhuetéva ko’áĝa ha’e “El Coro del Tabernáculo de la Manzana del Templo”.
Rojagarrakuri umi medida extraordinaria porque jaipe’árõ Ñandejára réraItupaógui, ñañeme’ẽ’ỹre en cuenta jaipe’a Chupe ñande adoración ha ñande rekove enfoke central ramo. Jajagarravo ñande ári pe Salvador réra jajebautisávo, ñañekompromete jatestifikataha, ñane pensamiento ha tembiapo rupi, Jesús ha’eha pe Cristo.4
Anteriormente, aprometékuri “jajaporõ lo mehor posible jarrestaura haĝua Ñandejára tupao réra correcto”, Ha’e “oñohẽta Ipu’aka ha Ijehovasakuéra umi Santos de los Ultimos Dias akã ári de forma araka’eve jahechahaguéicha.”5 Ko árape arrenova upe promesa.
Ñanepytyvõ haĝua ñanemandu’ávo ha ñarrekonose haĝua pe Iglesia de Jesucristo de los Santos de los Últimos Días Ñandejára tupaoramo, rpvy’a ropresentávo peteĩ símbolo orrepresentátava Jesucristo tenda principal Itupaópe.
Upe símbolo, oinklui pe tupao réra, oĩva peteĩ piedra angular ryepýpe. Jesucristo ha’e pe principal piedra del ángulo.6
Pe símbolo mbytépe oĩ peteĩ representación pe estatua de mármol de Thorvaldsen-va, el Christus. Orrepresenta Ñandejára orresucita ha oikovéva ijyva jepyso reheve oñañua haĝua opavave umi oúva Hendápe.
Simbolicamente, Jesucristo oñembo’y peteĩ arko guýpe, Ñanemomandu’áva pe Salvador resucitado osẽrõguare sepulcro-gui tercer dia Ojekrusifika rire.
Ko símbolo orresultava’erã conocido hetápe, ya que heta tiempo aja jarrelaciona pe evangelio restaurado upe Cristo viviente ha resucitado rehe.
Ko símbolo ojeipurúta ko’áĝa identifikador visual ramo umi tupao literatura, noticia ha eventos oficiales-pe.7 Omomandu’áta opavavépe kóva ha’eha pe Salvador tupao ha opa mba’e jajapóva, Itupao miembro ramo oñecentra Jesucristo ha Iñevangeliope.
Ko’áĝa, che hermano ha hermanakuéra pohayhuetéva, ko’ẽrõ ha’e Domingo de Ramos, Elder Gong ombo’eporãiteháicha. Ha jaike pe semana especial-pe opáva Pascua de Resurrección reheve. Jesucristo seguidor-kuéraicha, javivíva peteĩ épokape pe COVID-19-gua pandemia omoĩva opa ko mundo-pe conmoción-pe, ani ñañe’ẽnte Cristo-gui, ni japredika Cristo-gui, ni jaipurunte peteĩ símbolo orrepresentáva Cristo-pe.
¡Ha katu Ñamoĩ en acción ñande jerovia Ñandejára Jesucristo-re!
Peikuaaháicha, tupaogua miembrokuéra okumpli pe ley del ayuno una ves al mes.
Pe ayuno doctrina ha’e ymaguare guive; Ojepractika umi héroe biblia-guáre umi ára ñepyrũmby guive. Moisés, David, Esdras, Nehemías, Ester, Isaías, Daniel, Joel ha hetaiteve o’ayuna ha opredika ayuno rehegua.8 Isaias jehaipyre rupive, Ñandejára he’i: “Ndaha’éi piko pe ayuno che aiporavova’ekue: japoi umi aña jejokuapy, ñambovevýi umi karga de opresión, ha ñamosãso umi oiko’asývape ha ñaguenohẽ opa yugo?”9
Apóstol Pablo omomarandu umi santokuéra Corinto-pe “peñeme’ẽ pendejupe ayuna ha ñembo’épe.”10 Pe Salvador ete he’i oĩha mba’e “nosẽiva ndaha’éirõ ñembo’e ha ayuno reheve.”11
Ramoite ha’ékuri peteĩ video umi redes sociales-pe “médico ha cirujano ramo, areko tuicha admiración umi profesionales médicos, científicos ha opa ambuekuéra omba’apóva hína umi 24 horas del dia ojoko haĝua pe COVID-19 propagación”12
Ha katu, Iglesia de Jesucristo de los Santos de los Últimos Días presidente ramo ha Jesucristo apóstol-cha, che aikuaa Tupã “oguereko opa poder, opa sabiduría ha opa entendimiento; Ha’e ontendekuaa opa mba’e, ha ha’e peteĩ Ser misericordioso, jepe salvasiõrã, umi oñe’arrepentiséva ha ogueroviaséva hérare.”12
Upéicha, jehasa’asy pypuku árape, kóicha, peteĩ mba’asy ohupytyrõ pandemia tuichakue, lo mas natural jajapóva ha’e jarrekurri ñande Ru Yvagagua ha Ita’ýra, pe Maestro sanador-pe, jajerure’asývo tohechauka hikuái Ipoder hechapyrãva ohovasa haĝua opavave umi yvy habitante-kuérape.
Che videogua mensaje-pe, a’invita opavavépe ojoaju haĝua ayuno-pe domingo 29 de marzo 2020-gua. Heta peẽ oiméne pehecha pe video ha pejoaju upe ayuno-re; Ambue ikatu nahániri. Ha katu ñaikotevẽ gueteri yvagagua pytyvõre.
Upévare, ko pyharépe, che hermano ha hermanakuéra pohayhuetéva, umi Mosíah ra’ykuéra espíritu-pe, ojededikava’ekue heta ñembo’e ha ayuno-pe,13ha parte ñane conferencia General abril 2020 ramo, ajapo peteĩ llamado otro ayuno mundial-rã. Opavave isalud opermitívape, ja’ayuna, ñañembo’e ha ñambojoaju jey ñande jerovia. Jajerure’asy ñembo’épe alivio ko pandemia global-gui.
A’invita opavavépe jepe umi ndaha’éiva ñande religión-gua, ja’ayuna ha ñañembo’e ko viernes santo, 10 de abril, ko pandemia actual oñekontrola haĝua, umi profesionales de la salud toñemo’ã, pe economía toñemombarete ha toñenormaliza jey ñande rekove.
¿Mba’éicha ja’ayuna? Ha’e jepi mokõi tembi’u térã peteĩ periodo de 24 horas, Pero peẽ pededidiva’erã mba’épa ha’éta peteĩ sacrificio peẽme ĝuarã, penemandu’ávo pe sacrificio supremo ojapova’ekue pe Salvador penderehe. Jajoaju jasuplikávo oĩ haĝua sanación opa ko mundo jerére.
¡Viernes Santo ha’eta pe ára perfecto ñande Ru Yvagagua ha Ita’ýra Jesucristo ñane rendu haĝua!
Che hermano ha hermanakuéra pohayhuetéva, a’expresa peẽme pe mborayhu pypuku aguerekóva penderehe, ha che testimonio ko obra ñaihápe konsagrado idivinoha. Kóva ha’epe Iglesia de Jesucristo de los Santos de los Últimos Días. Ha’e oĩ itupao akãme ha odirihi opa mba’e jajapóva. Che aikuaa Ha’e ombohovaitaha Ipueblo jerure’asy. Atestifika Jesucristo réra sagrado-pe, amén