Peteĩ simiento porã umi ára oútavape ĝuarã
Umi áño oútavape, ajerure’asy tajaheja umi mehora ojejapóva Lago Salado Templo-pe topoko ñane korasõre ha ñane’inspira.
Historia templo Lago Salado-gua
Jaha jey peteĩ ka’aru aku 24 de Julio, 1847-guápe 2:00 p.m. rupi. Peteĩ je’oi asy 111 ára pukukue rire, 148 tupaogua miembrokuéra ndive, ha’éva pe primer grupo ohova’ekue oeste gotyo, Brigham Young, upérõ Presidente Cuórum de los Doce Apóstoles-gua, hasykatu ha ikangy montaña akanundu rupi, oike pe Valle de Lago Salado-pe.
Mokõi ára rire, oñemoĩporãvo imba’asýgui, Brigham Young oguia heta miembro Cuórum de los Doce apóstoles-gua ha ambuévape peteĩ je’ói exploratorio-pe. William Clayton imandu’a: “Tres cuarto de milla rupi, norte gotyo pe campamento-gui, roĝuahẽ peteĩ yvy porãitereíva ojoguáva mesápe, ijojáva ha ijyke porãva oeste gotyo.”1
Omaña aja pe terreno-re upe grupo ndive, Brigham Young opyta sapy’a ha oikutu ibastón pe yvýpe, heívo, “Ápe oĩta ñane Tupã Templo.” Peteĩ ikompañero ha’ékuri Elder Wilford Woodruff, he’íva upe declaración “opoko [hese] peteĩ rayo-icha,” ha ombosyryry peteĩ yvyramáta yvyre omarka haĝua upe tenda ojehechaukava’ekue Presidente Young bastón rehe. Ojeiporavo 40 acres pe templorã, ha ojedecidi pe tava ha’eva’erã “perfectamente cuadrada Norte &Sur, este &oeste” ha’évo pe templo pe tenda central.2
Conferencia general abril 1851-guápe, tupaogua miembrokuéra ovota unanimemente osostene haĝua peteĩ moción oñemopu’ã haĝua peteĩ templo “Ñandejára rérape.”3 Mokõi ary rire, 14 de Febrero, 1853-pe, Heber C. Kimball odedika upe tenda peteĩ ceremonia pública-pe o’asistihápe heta miles umi santos, ha oñeme’ẽ la palada inicial upe templo simientorã. Pokã mese rire, 6 de Abril-pe, umi templopegua piedra angular masiva oñemoĩ ha ojededika ceremonia hechapyrãva reheve orekova peteĩ guardia ha banda colorida ha peteĩ desfile ojedirihíva tupaogua líder-kuérare antiguo tabernáculo guie pe templo rendaĝua peve, oñeme’ẽhápe discurso-kuéra ha ojejapo ñembo’e peteĩ teĩ umi cuatro ita oĩháme4
Palada inicial ceremonia-pe, presidente Young imandu’a oguereko hague peteĩ visión opyrũ ramóme pe yvy o’inspecciona aja pe valle, he’ívo: “Aikuaa porã [upérõ], aikuaaháicha ko’áĝa, kóva ha’eha yvy oñemopu’ãva’erãháme peteĩ templo – oĩ hína cherenondépe”5
10 años rire, Brigham Young ome’ẽ ko declaración profética conferencia general Octubre 1863-guápe: “Ahechase [ko] templo toñemopu’ã opytahaĝuáicha pe milenio aja. Kóva ndaha’éi úniko templo ñamopu’ãtava; oĩta cientos oñemopu’ãta ha ojededikátava Ñandejárape. Ko templo ojeikuaáta primer templo ramo Santos de los Ultimos Dias omopu’ãva ko’ã montañape. … Aipota upe templo … topu’ã peteĩ monumento orgulloso ramo, ko’ã montaña-pe, Tupã Santo-kuéra jerovia, perseverancia ha katupyry rehegua.”6
Ko historia revision mbykymi reheve añe’asombra upe videncia oguerekóvagui Brigham Young: peteĩha jave, isegurida, ikatuháicha, ha ojeipurúvo umi método de contrucción oĩva upérõ ha upépe disponible, upe Templo de Lago Salado oñemopu’ãtaha peteĩ forma odurataha pe milenio pukukue aja, ha mokõiha, iprofesia umi heta templo rehegua opa ko mundo jerére, jepe cientos peve.
Templo Lago Salado-gua Renovación.
Brigham Young-cha, ñande profeta ko’áĝagua omaña Lago Salado Templo-re ha avei ambuekuérare tuicha cuidado reheve. Umi año ohasávo, Primera Presidencia – de tanto en tanto – oñe’ẽ consejo-pe Obispado presidente ndive oje’asegura haĝua pe Lago Salado-gua Templo simiento isolido porãha. Aservi aja obispado presidente-pe, primera presidencia ojerure haguére oréve, rojapo peteĩ informe general Templo Lago Salado instalación rehegua, oreko peteĩ evaluación umi último avance técnico de diseño ha contrucción antisísmico reheguáva.
Kóva ha’e parte upe revisión Primera Presidencia ome’ẽva’ekuégui upe épokape: “Lago Salado Templo diseño ha construcción-pe ojeipuru umi recurso de ingeniería, mano de obra especializada, materiales de construcción, mobiliario ha ambue recurso iporãvéva oĩva disponible upe épokape. Idedicación guive 1893-pe, pe templo opyta firme ha ha’e peteĩ emblema de fe [ha] esperanza ha peteĩ tesape hentekuérape ĝuarã. Oñeñangareko porã oñemaneha, oñemopotĩ ha oñemantene porã haĝua upe templo. Pe granito okaguiogua ha umi travesaño ha umi viga de soporte suelo interior-gua oĩ en buen estado. Oĩ estudio pyahu okonfirmáva pe tenda Brigham Young oiporavova’ekue pe templo rendarã oguereko peteĩ yvy porãiterei ha cualidades de compactación hechapyrãva.”7
Conclusión ramo, pe evaluación ohechauka oñeikotevẽha umi reparación ha mehoras normales oñerrenova ha oje’actualiza haĝua pe templo, jepe pe cubierta exterior ha umi área superficial, umi sistema tuja servicio público rehegua ha pe bautisterio zona. Upevére, oñerrekomenda avei toñekonsidera peteĩ mehora sistema antisísmico ipyahuvévape, oñepyrũvo templo simiento guive ha ohóvo yvate gotyo.
Pe Templo simiento
Ikatuháicha penemandu’a, presidente Brigham Young oparticipa personalmente, ha heta detalle reheve, pe templo simiento original-kuérape, ha’éva de gran utilida pe templo-pe ĝuarã opa guive ojapóma 127 áño. Ko paquete pyahu mehora antisísmica oñeproponéva templo-pe ĝuarã oipurúta peteĩ tecnología de aislamiento de base, ni noñe’imaginakuaáiva upe momento oñemopu’ãrõ guarépe. Ko’ã mehora oñekonsidera pe ingeniería inovedosove ha iñavansadovéva protección contra terremoto-pe.
Ko tecnología, ojedesarrolla ramóva, oñepyrũ umi templo simientoite guive ha ome’ẽ peteĩ defensa atã umi daño kóntrape ojehukuaáva oikorõ peteĩ terremoto. Básicamente, omombarete estructuralmente upe templo, opyta haĝua firme, jepe pe terreno ha ijereregua ohasarõ hína peteĩ terremoto omboryrýiva pe yvy rupive.
Primera Presidencia oanuncia año pasado pe templo renovación ojeipurutahápe upe tecnología. Obispado Presidente dirección guýpe, oñeñepyrũ upe construcción ojapo pokã mese, enero 2020-pe. Oñeimo’ã ojejapopataha cuatro áño-pe rupi.
Pe’asegurávo pene simiento personal
Akomtemplávo ko’ã 4 año oúva ko lago salado templo porãite, noble, exaltado ha hechapyrãva rekovépe, añe’imagina peteĩ tiempo de renovación ramo peteĩ tiempo de clausura rangue! Upéicha avei, ikatu ñañeporandu: “¿Mba’éichapa ko Lago Salado templo renovación puku ikatu ñane’inspira ja’experimenta haĝua ñande propia renovación, reconstrucción, renacimiento térã restauración espiritual?”
Peteĩ ñemaña ñanderyepy gotyo ikatu ohechauka ñande ha ñane familia ikatuha ñañebenefisia jajapóvo peteĩ mantenimiento ha renovación tekotevẽva, jepe peteĩ mehora antisimica! Ñañepyrũkuaa upe proceso ñañeporandúvo:
“¿Mba’éichapa oĩ la che simientokuéra?”.
“¿Mba’épa ha’e umi piedra angular ipared ananbusúva, ijestable ha hatãva, ha’éva parte che simiento personal-gui, ojepytasóva rehe che testimonio?”.
“¿Mba’épa ha’e umi elemento fundacional che carácter espiritual ha emocional-pe ohejátava chéve ha che familia-pe toropyta firme ha ñemova’ỹme, ha jepe tororresisti umi yvyryrýi ñanemboryrýi ha ñanembososóva añetehápe oikótava ñande rekovépe?”
Umi acontecimiento ojoguáva peteĩ yvyryrýipe sapy’ánte hasy ojepredesi ha oñepresenta distinto nivel de intensidad-pe: ñañorairõvo porandu térã duda reheve, ñambohovakévo mba’e’asy térã jehasa’asy, térã ñañeha’ã jasupera umi ofensa personal oĩva umi tupaogua lider, miembro, doctrina térã normakuéra ndive. Ñane defensa porãve opa umi mba’e kóntrape oĩ ñane simiento espiritual-pe.
¿Mba’épa ikatu ha’e umi piedra angular ñande vida personal ha familiar-pe? Ikatu ha’e umi evangelio principio isimple, sencillo ha hechapyrãva javivíva: pe oración familiar, estudio de las escrituras, oinkluíva pe Mormón Kuatiañe’ẽ; templo-pe jeho, ha evangelio ñe’aprende Ven, Sigueme ha noche de hogar rupive. Ambue recurso jaipurukuaáva ñamombarete haĝua ñane simiento espiritual ha’e umi Articulo de Fe, Una proclamción sobre la familia ha “El Cristo Viviente.”
Chéve ĝuarã, umi principio oĩva umi porandúpe oñe’analizáva jahupyty haĝua peteĩ recomendación templo-pe ĝuarã ha’e peteĩ base atã peteĩ simiento espiritual-rã, en particular umi cuatro porandu peteĩha. Ahecha umíva piedra angular espiritual ramo.
Añetehápe ñaime familiarizado umi porandu reheve, presidente Russell M. Nelson omoñe’ẽva’ekue ñandéve peteĩ teĩ, conferencia general pahápe.
-
¿Reguerekópa fe ha peteĩ testimonio Tupã, Padre Eterno; Ita’ýra, Jesucristo ha Espiritu Santo-gui?
Imágen – Ta’angaDeidad -
¿Reguerekópa peteĩ testimonio Jesucristo expiación-gui ha Ifunción nde Salvador ha Redentor ramo?
Imágen – Ta’angaJesucristo expiación -
¿Reguerekópa peteĩ testimonio pe restauración del evangelio de Jesucristo-gui?
Imágen – Ta’angaRestauración -
¿Resostenépa Presidente Iglesia de Jesucristo de los Santos de los Últimos Día-guápe profeta, vidente ha revelador ramo; ha única persona ramo orekóva ko yvy’apére autorida oipuru hağua opavave umi llaves del sacerdocio?8
Imágen – Ta’angaProfetakuéra
¿Ikatúpa pehecha mba’éicha pekonsiderakuaa ko’ã porandu elemento valioso ramo oservítava pemopu’ã ha pemombarete haĝua pene simiento personal? Pablo ombo’e efesio-kuérape peteĩ tupaógui “oñemopu’ãva apóstoles ha profetakuéra fundamento ári, ha’évo Jesucristo-ite pe ángulo piedra principal, oñemopu’ãha ári opa pe edificio, oñekoordina porãvo, okakuaáva ha’e haĝua peteĩ Ñandejára templo marangatu.”9
Peteĩ gozo tuichavéva che rekovépe ha’e ikatuha aikuaa ha añeñandu inspirado tupaogua miembrokuérare opa ko mundo jerére ha’éva ejemplo viviente Jerovia Jesucristo ha Iñevangelio rehe. Oreko hikuái umi simiento personal mbaretéva opermitiva chupekuéra ogueropu’aka umi evento sísmico, peteĩ comprensión meme reheve, jepe ikorasõ rasy ha iñembyasy.
Ahechauka haĝua kóva peteĩ forma personal-pe, nda’aréi añe’ẽ peteĩ porã, mbarete ha imitãva tembireko ha sy (ha’éva avei ore familia angirũ) funeral-pe. Ha’e ningo ha’ékuri peteĩ decidída jugadora de fútbol de primera división oikuaa ha omendárõguare imena ndive, o’estudiáva odontología. Ojehovasa hikuái peteĩ tajýra iporã ha ivaletereíva reheve. Ha’e ombohovake py’aguasu reheve heta tipo de cáncer seis años hasýva aja. Jepe pe jehasa’asy emocional ha físico oĩva tapiaite hekovépe, ha’e okonfia Itúva Yvagagua ohayhuetévare, ha py’ỹi heta umi iseguidores redes sociales-pe ocita peteĩ frase ojeikuaaporãva rehe: “Tupã oĩ umi detalle-pe”.
Peteĩ publicación redes sociales-pe ohai peteĩ máva oporandu hague chupe: “Mba’éicha ikatu reguereko gueteri fe opa ko mba’e’asy nembojeréva reheve?”. Ha’e ombohovái firmemente ko’ã ñe’ẽ reheve: “Jerovia ha’égui pe ojapóva aha tenonde gotyo umi momento ypytũme. Reguerekóvo jerovia nde’iséi ndojehumo’ãiha ndéve mba’eve ivaíva. Aguerekóvo jerovia opermiti chéve aguerovia oĩjeytaha tesape; Ha upe tesape omimbivetaha jepe, aguata haguére pytũmby rupi. Jepe ahecha heta pytũmby umi áño jerére, avei ahecha hetave tesape. Ahecha milagrokuéra; Añandu angel-kuéra presencia; Aikuaa che Ru Yvagagua ha’e pe chejokóva. Na’experimentamo’ãikuri umi mba’e pe tekove ifásilrire. Ikatu ndaikuaái ko tekove futuro, ha katu ndaupéichai che jerovia reheve. Aiporavórõ ndaguerekói jerovia, aiporavo hína aguata pytũmbyme añónte; Jerovia’ỹre, único opytáva ha’e pytũmby.”10
Itestimonio oñemova’ỹva ijerovia Ñandejára Jesucristo rehe – ojekuaáva iñe’ẽ ha hembiapokuérape – ha’ékuri peteĩ inspiración ambuekuérape ĝuarã. Hete ikangyrõ jepe, omopu’ã ambuekuérape imbareteve haĝua.
Apensa heta ambue tupaogua miembro-kuérare, oguerreáva ko hermana-icha, oguatáva cada día jerovia reheve, oñeha’ãvo ha’e haĝua Ñandejára Jesucristo discípulo añete ha oñemova’ỹva. Ha’ekuéra o’aprende Cristo-gui. Ha’ekuéra opredika Cristo-gui. Oñeha’ã ojapo Ha’éicha. Taha’e hekove arakuéra ombohovake yvy atã térã yvy hu’ũ, isimiento espiritual imbarete ha noñemovãiva.
Ko’ãva ha’e umi ánga hekojojáva ontendéva signifikádo pypuku oguerekóva pe himno letra “Qué firmes cimientos” ha “ohekáva Salvador-pe irrefugio.”11 Che’aguijeterei aguatakuaa haguére umi opreparava’ekue apytépe umi simiento espiritual digno oñehenoi haĝua Santos, ha oĩ mbarete ha seguro ogueropu’aka haĝuáicha umi heta conmoción oúva ko tekovépe.
Ndaroviái ja’exaheraha importancia oguerekóva upéichagua simiento atã ñande vida personal-pe. Jepe temprana edad guive, ñane mitãnguéra primaria-guápe oñembo’e opurahéivo hikuái ko añetegua:
En roca, el hombre sabio construyo,
Y la lluvia descendio. …
La lluvia cayo, y todo se inundo
Y la casa de roca se quedo.12
Umi Escritura omo’añete ko doctrina fundamental. Pe Salvador ombo’e hentekuéra América-guápe:
“Ha pejapóramo tapiaite koʼã mbaʼe pejehovasapyre peẽ, pejogapógui che ita ári.
“Ha katu umi pende apytégui ojapóva hetave térã sa’ive, ko’ãva ndojogapói che ita ári, ha katu ojogapo peteĩ pyenda yvyku’igua ári; ha oguejy vove ama, ha ou vove y heta, ha oipeju vove yvytukuéra, ha oinupã vove hesekuéra, ho’áta.”13
Umi Tupaogua líder-kuéra oha’arõ añetehápe umi importante renovación ojejapóva Lago Salado templo-pe tocontribui oñekumpli haĝua Brigham Young potapy ohechávo “pe templo oñemopu’ã orresisti haĝuáicha opa pe Milenio aja”. Ko’ã año oúva aja, umi mehora ojejapótava Lago Salado Templo-pe tañanemomỹi ha ñane’inspira, individualmente ha familia-icha, ñande avei—metafóricamente—“tañañemopu’ã jarresisti haĝuáicha opa pe Milenio aja”.
Jajapóta upéicha ñakumpli aja apóstol Pablo encargo “[ja]’atesorávo [ñandéve] ĝuarãpeteĩ simiento porã ára oútavape ĝuarã,ikatuhaĝuáicha [ñande] pojái vida eterna-re.”14 Che ñembo’e asy ha’e ñane simiento espiritual taisegúro ha oñemovã’ỹva, ñane testimonio Jesucristo expiasiõgui ha Ipapel ñande Salvador ha Redentor ramo taha’e ñandéve ĝuarã ñande propia piedra angular, Chugui che atestifika, Hérape, Jesucristo jepe. amén.