![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fa4%2Fbf%2Fa4bfbc575d85fa8c39f8c70a8b2e498c5ebafbaf%2Fa4bfbc575d85fa8c39f8c70a8b2e498c5ebafbaf.jpeg/full/!250,/0/default)
Pe profesía ñekumpli
Umi profesía oñekumpli’akue Jesucristo Evangelio plenitu Restauración rupive hetaiterei.
Che hermano ha hermanakuéra, peteĩ honor añe’ẽ ko histórica conferencia general-hápe ñakonmemorávo Primera Visión José Smith oreko’akue Tupã pe Túva ha Ita’ýra Jesucristo-gui, upe, sin duda, ha’évape peteĩ Arboleda Sagrada. Upe visión ha’ékuri peteĩ ñepyrũ porãite pe Evangelio restaurasiõrã ha opa umi ojedesarrollava’ekue, Mormón Kuatiañe’ẽ guive, pe sacerdocio autoridad ha llavekuéra ñemoĩ jey, Ñandejára Tupao añete organización, umi Tupã templo ha umi profeta ha apostol-kuéra odirihíva pe tembiapo ko’ã ára pahápe peve.
Designio divino rupi, umi Tupã profeta ymaguare, oñe’inspirávo Espiritu Santo-re, oprofetisa pe Restauración-gui ha pe oútava ñande árape, ultima dispensación ha cumplimiento de los tiempos-gui. Upe tembiapo “omyendy umi ánga” primeros videntes-gui.1 Generaciones de tiempo rupive, opredeci, osoña, ohecha ha oprofetisa Tupã rréino futuro ko yvy’apére, upe Isaías ohenoiva’ekue “Peteĩ obra maravillosa ha peteĩ prodigio”2
Heta umi profesía oñekumpliva’ekue Jesucristo Evangelio plenitud Restauración rupive, oĩháme Iglesia de Jesucristo de los Santos de los Últimos Días. Ko árape, katu adestakáta umi che favorítova añónte. Ko’ãva oñembo’e chéve che maestra primaria-gua ahayhúvare ha che sy angelikal renypy’ã ári.
Daniel, upe ojehekýiva’ekue umi leõgui ijerovia rupi Ñandejára Jesucristo-re ha umi Tupã ángel ministrante intersesiõ rupi, ha’ékuri peteĩva umi ohechava’ekue visión-pe ko’ã ñande ára. Omyesakãvo peteĩ Nabucodonosor rey de Babilonia sueño, Daniel oprofetisa Ñandejára Tupao opu’ãtaha ára pahápe peteĩ ita’imicha “oñeikytỹva móntegui ndaha’éiva po reheve.”3 “Ndaha’éiva po reheve”, he’ise, intervención divina rupi, Ñandejára Tupao okakuaáta tuichakue omyanyhẽ peve opa ko yvy, ha “araka’eve noñehundimo’ãi … [ha katu] opytáta tapiate ĝuarã.”4
Tupaogua miembrokuéra opa ko mundo jerére ohecha ha ohenduha ko árape ko conferencia ha’e peteĩ testimonio profundo umi Daniel ñe’ẽ oñekumpliha hína.
Pe devóto apóstol Pedro odescribi “umi tiempo ojerrestauratahápe opa mba’e … mundo oñepyrũ guive.”5 Apóstol Pablo ohai plenitud de los tiempos-pe, Tupã “ombyatýta …opa mba’e Cristo-pe,”6 “ha’évo Jesucristo mismo la principal piedra del ángulo.”7 Añandu poderosamente umi profesia aparticipávo Templo de Roma, Italia dedicación-hápe. Opa umi profeta ha apostol-kuéra oĩkuri upépe ome’ẽvo testimonio Jesucristo-gui, pe Redentor del mundo, ojapo haguéicha Pedro ha Pablo. Ko Tupao ha’e peteĩ ejemplo vivo upe restitución-gui hermano, ha hermana-kuéra, ha ñane miembro-kuéra aréma ha’e testigo umi profesia divina-gui.
José de Egipto oprofetisákuri ára pahápe: “Ñandejára che Tupã omopu’ãta peteĩ vidente ojeiporavopyréva che lomo fruto-pe ĝuarã.”8 “Ha’e ojapótagui [Ñandejára] rembiapo.”9 José Smith, pe profeta Restauración-gua, ha’ékuri upe vidente.
Juan el Revelador oprofetisákuri peteĩ ángel del Todopoderoso-gui ombyatýtava umi elemento importante de la Restauración, ko’ã ñe’ẽ reheve: “Ha ahecha ambue ángel ovevéva yvaga mbytére, oguerekóva pe evangelio eterno opredika haĝua umi oikóvape yvy ári, ha opa tetã, tribu ha lengua ha pueblo-pe.”10 Moroni ha’e’akue upe ángel. Ha’e ohechákuri ñande ára, ojerregistra haguéicha Mormón Kuatiañe’ẽme. Jehechauka jey jeýpe, ha’e ombosako’i José Smith-pe iministeriorã, oikehápepe upe Mormón Kuatiañe’ẽ: Ambue Jesucristo testamento, ñembohasa.
Ambue profetakuéra opredesi ñande ára. Malaquias he’i Elías ombojeréta “tuvakuéra korasõ ta’yrakuéra gotyo, ha ta’yrakuéra korasõ tuvakuéra gotyo.”11 Elías oúkuri, ha resultado ramo, ko árape jaguereko 168 templo opa ko yvy ári. Káda templo oservi miembrokuéra hekojojávape ojapóva umi konvénio sagrado ha orresivi umi ordenanza jehovasapyre ijupe ha ijypykuéra omanova’ekuépe ĝuarã. Ko obra sagrada Malaquías odescriviva’ekue ha֦’e “fundamental pe Creador plan-pe Ita’yrakuéra destino eterno-pe ĝuarã.”12
Jaiko upe époka ojeprofetisava’ekuépe; ñande ha’e upe pueblo oñe’enkargáva omohenda haĝua upe Jesucristo Segunda venida; ñambyatýva’erã umi Tupã ta’yrakuérape, umi ohendútava ha o’aseptáta Evangelio sempiterno verdades, konvénio ha promesa-kuéra. Presidente Nelson ohenói upévape “pe desafio tuichavéva, pe káusa isublimevéva ha pe tembiapo tuichavéva ko yvy ári ko árape.”13 Upe milagro-gui atestifika.
Presidente Russell M. Nelson asignación-re, febrero ko áño-pe, adedika Templo Durban, Sudáfrica-pe. Upéva ha’e peteĩ ára chemandu’átava opa che rekove aja. Aĩkuri miembro-kuéra ndive ouva’ekue evangelio-pe Jeremías oprofetisa haguéicha ojapo heta ára: “peteĩ káda táva ha mokõi káda familia-gui.”14 Jesucristo doctrina ñanembojojau opavavépe, opa ko mundo jerére, Tupã ra’y ha rajykuéra ramo, hermano ha hermana-kuéra ramo evangelio-pe. Taha’e ha’éva ñande apariencia térã ñande ao, ñande ha’e peteĩ pueblo peteĩ Túva Yvagagua rehe, iplan ha’évakuri ñepyrŭmby guive ha ha’e Ifamilia toñembyaty jey ojapóvo ha okumplívo umi templo-gua konvenio sagrado.
Peteĩ poseedores del sacerdocio aty’imípe peteĩ mbo’ehaópe kirtland, Ohio-pe, 1834-pe, profeta José oprofetisa: “Ko pyharépe pehecha ko’ápe peteĩ puñado kuimba’ekuéra oguerekóva pe sacerdocio, ha katu ko tupao ojeipysóta opa América del Norte ha América del sur rehe, omyanyhẽta múndo”15
Ko’ã año ohasávape, aviaja opa ko mundo-re ajetopa haĝua tupaogua miembro-kuéra ndive. Che hermano-kuéra Cuórum de los Doce-gua oguerekókuri peichagua asignación. Jepe upéicha, mávapa ikatúne osegi la ritmo ñande querido profeta presidente Nelson-pe, iviaje umi mokõi año ñepyrũháme tupaogua Presidente ramo ogueraháva chupe ojetopa haĝua umi santo ndive 32 paises ha Estados Unidos territorio-pe16 ome’ẽ haĝua testimonio upe Cristo viviente-gui.
Chemandu’a, che mitãrusúpe, arresivírõ guare che llamamiento misional. Che aservisékuri Alemania-pe, che ru, che hermano ha che kuñádoicha. Aha’arõ’ỹre maãvéa oĝuahẽ ógape, adispara buzón-pe ha a’abri pe llamamiento carta. Alee añehenoi hague aservi haĝua Misión Estados del Este, isédeva ciudad de Nueva York-pe. Añedesepcionákuri, upévare aike ha a’abri che escritura-kuéra añekonsola haĝua. Añepyrũ alee Doctrina y Convenios-pe: “Péina ápe, aguereko heta hénte ko tendápe, umi región ijerereguápe; ha oje’abríta peteĩ okẽ porã umi región oĩva tierra del este jerére.”17 Upe profesía, oñeme’ẽva’ekue profeta José Smith-pe 1833-pe, ha’ékuri peteĩ revelación chéve ĝuarã. Upérõ aikuaa añehenoi hague exactamente upe misión Ñandejára oipotahápe che aservi. Ambo’e pe Restauración ha idramático ñepyrũmby ñande Ru Yvagagua oñe’ẽrõ José Smith ndive ha he’i: “Kóva ha’e che Ra’y ahayhuetéva: Ehendu Chupe!”18
Tuicha importancia oreko opa tupaópe ĝuarã upe Isaías profesia, oñeme’ẽva’ekue 700 años Jesucristo onase mboyve: “Ha ojehúta ára pahápe oñemopu’ãta pe “Jehova róga monte umi montekuéra akãicha, … ha opa tetãguéra ohóta chupe.”19
Che akãme ko árape, añe’imagina millones ñane miembro ha angirũnguéra oñekonectávo ko atýpe electrónicamente televisión, internet térã ambue medio rupi. Jaguapy ñaimeramoguáicha oñondivepa upe “monte-kuéra akãicha.”20 Ha’ékuri Brigham Young he’iva’ekue umi ñe’ẽ profétiko: “Kóva ha’e upe tenda porã.”21 Umi sánto, ijapytépe che ypykuéra pionéro, omba’apo omopu’ã haĝua Sión umi Montaña Rocosas-pe “Umi odictáva yvygua tetãnguéra volunta ha placer rupive”22
Aime ko’áĝa upe terreno sagrado-pe ogueruva’ekue millones de visitantes. 2002-pe, Lago Salado ha’ékuri umi Juegos Olimpicos de Invierno séde. Pe coro del Tabernáculo opurahéi ceremonia de apertura-pe ha pe Tupao ome’ẽ conciertos ha programas invitados ha participantes heta, hetaiterei tetãngueraguápe. Che mandu’áta tapiaite ahechávo pe templo de fondo umi noticia transmisiones-pe pyharekue opa mundo-pe ĝuarã.
Añokuéra pukukuépe, Estados Unidos presidentekuéra, reyes jueces, primeros ministros, embajadores ha funcionarios heta tetãmegua ou Lago Salado-pe ha oñerreuni ñande liderkuéra ndive. Presidente Nelson ha’ékuri anfitrión Asociación Nacional para el Progreso de las Personas de Color lider-kuérape ĝuarã, ha’éva peteĩ organización de los Estados Unidos oĩva comprometida igualdad de derechos discriminación’ỹre raza-re. Che mandu’a añemboývo, ati’y ati’ýndi ko’ã angirũ ha líder ndive, presidente Nelson oñembyaty aja hendivekuéra ojerurévo peteĩ mayor civismo ha armonía racial ko múndope.23
Hetave umi ou’akue ko Manzana del Templo-pe ha oñembyaty consejo-pe tupaogua lider-kuéra ndive. Ejemplo-rã, áño ohasávape, sa’i ha’e hağua, rome’ẽ bienvenida 68ª Conferencia de la Sociedad Civil de las Naciones Unidas-pe, ha’éva peteĩ reunión mundial ha peteĩha peichagua ndojejapóiva Nueva York távape. Roñembyaty comité de asuntos religiosos de Vietnam ndive ha embajadores de Cuba, Filipinas, Argentina, Rumania, Sudán, Catar ha Arabia Saudita ndive. Rome’ẽ avei ore bienvenida secretario general de la Liga del Mundo Islámico-pe.
Adeskrivíva hína ha’e pe Isaias profesía kumplimiento, ára pahápe, umi tetã oñanítaha “Jehova róga móntepe .”24 Pe Lago Salado Templo oñembo’y majestad ha gloria-pe mbytetépe.
Ndaha’éi paisaje-nte ogueruva’ekue hentekuérape, jepe ñande vista iporãiterei; ha’e pe religión pura esencia ohechaukáva Iglesia de Jesucristo de los Santos de los Últimos Días ha itavayguakuéra, pe espíritu, pe tuichakue, py’aporã ha generosida rupive; ñane mborayhu Tupã mborayhúicha; ñane kompromiso peteĩ káusa ijyvatevévandi, ha’e upe José Smith ohenoiva’ekue “Cristo káusa.”25
Ndajaikuaái araka’etépa Salvador ou jeýta, ha katu kóva jaikuaa. Ñañembosako’iva’erã ñane korasõ ha ñane apytu’ũme, digno jarresivi haĝua Chupe ha onrádo ha’évo parte opa umi ojeprofesitava’ekuégui ymave.
Atestifika presidente Russell M. Nelson ha’eha Ñandejára profeta ko yvýpe, ha ijykére oĩ apostoles oñehenóiva Tupãre, oñesostenéva profeta, vidente ha reveladores ramo. Che hermano ha hermano-kuéra, pe Restauración okontinua.
Ambopaha Jose Smith profesía reheve, umi ñe’ẽ atestifikáva añeteguaha: “Ndaipóri po ojeautorisa’ỹva ikatútava ojoko ko tembiapo progreso; umi ñemuña ikatu hetave, umi populácho ikatu okonspira, umi ejército ikatu oñembyaty ha pe calumnia ikatu odifama; ha katu pe Tupã añete ohóta tenode py’aguasúpe, noble ha independiente oĝuahê meve opa kontinéntepe, opa tendápe, iñasãivo opa tetâme ha hyapúvo opa apysápe, oñekumplipa peve Tupã propósito-kuéra, ha pe gran Jehova he’i Hembiapo ojejapopámaha.”26 Atestifika ko’ã José Smith profesiakuéra oñekumpliha hína.
Apromete peẽme peseguírõ ñande querido profeta Russell M. Nelson, ikonseherokuéra, umi apóstoles ha ambue tupaogua liderkuéra consejo inspirado, ha ñame’ẽro atención umi profeta ymaguarépe opredeci’akue ñande ára, penerenyhẽta, pene korasõ ha pene ánga ruguápe, ko Restauración espíritu ha tembiapógui. Apromete peẽme pehechataha Tupã po pende rekovépe, pehendútaha Iñispiración ha peñandúta Imborayhu. Jesucristo rérape, gratitud reheve Itupao ha Iñevangelio Restauración rehe, ohechaukáva Imborayhu ijojaha’ỹva, amén.