Mba’éicha Sacerdocio ohovasa Juventud-pe
Ñañemopu’ãkuaa sacerdocio rupive. Pe Sacerdocio ogueru tesape ñane mundo-pe.
Avy’aiterei aime haguére ko’ápe. Aikuaaramóme aguerekotaha oportunidad añe’ẽ haĝua peẽme ko árape, añe’emocionaiterei, ha katu avei añemomirĩeterei. Ahasa heta tiempo apensávo mba’épa ikatu ha’e peẽme, ha aha’arõ Espiritu Santo toñe’ẽ directamente peẽme che mensaje rupive.
Mormón Kuatiañe’ẽme, Lehi, omano mboyve, ome’ẽ peteĩ jehovasa peteĩ teĩ ita’yrakuérape oipytyvõva chupekuéra ohecha haĝua imbarete ha ipotencial eterno. Che ha’e imitãvéva ocho ta’yrakuéra apytépe, ha ko año ohasávape che ha’ékuri úniko mitã che rógape peteĩha jave. Hasýkuri chéve ĝuarã ndaguerekóivo che hermano ha hermanakuéra che ypýpe ha avave añe’ẽ haĝua jepi. Oĩkuri pyharekuéra añeñanduhápe che’añomieterei. Che aguije che tuvakuéra rehe, oñeha’ã meméva chepytyvõ haĝua. Peteĩ ejemplo ha’e che ru oikuave’ẽ jave ome’ẽ haĝua chéve peteĩ bendición del sacerdocio chemoangapyhy haĝua peteĩ ára en particular ahasa’asývape. Umi mba’e’asy noñemoambuéi pya’e upe bendición rire, ha katu añandukuaa py’aguapy ha che Ru Yvagagua ha che túva mborayhu. Ajehovasapyre aguereko haguére peteĩ túva hekopotĩva ikatu haĝuáicha ome’ẽ bendiciones del sacerdocio aikotevẽ vove ha cheipytyvõva ahecha haĝua che mbarete ha potencial eterno, Lehi ojapo haguéicha ohovasávo ita’yrakuérape.
Taha’e ha’éva pene circunstacia, peẽ peguerekokuaa meme acceso umi bendiciones del sacerdocio-pe. Pehupytykuaa umi sacerdocio jehovasa, pene familiagua miembro-kuéra, angirũnguéra, hermano ministrante, sacerdocio-gua lider-kuéra, ha peteĩ Túva Yvagagua araka’eve ndofallámo’ãiva peẽme rupive. Elder Neil L. Andersen he’i: “Umi sacerdocio jehovasakuéra tuichaitereive umi ojejerurévape o’administra haĝuágui upe don. … Ñanerekopotĩrõ, umi sacerdocio oredenanza-kuéra omoporãve ñande rekove.”1
Ani peduda pejerure haĝua peteĩ jehovasa peikotevẽrõ guia adicional. Ha’e umi ñane momento hasývape ñaikotevẽve jave pe Espíritu tañanepytyvõ. Avave nañandeperféctoi, ha opavave jahasa dificulta rupive. Oĩne ñande’apytépe ikatúva osufri ansiedad, depresión, adicción térã ñañandu ndajavaleiha lo suficiente. Sacerdocio Jehovasakuéra ikatu ñanepytyvõ jaguerohasa haĝua ko’ã desafio ha jahupyty py’aguapy jaha aja tenondeve gotyo. Aha’arõ tañañeha’ã javivi dignamente jahupyty haĝuáicha umi jehovasa.
Ambue forma sacerdocio ñanderovasaha ha’e bendiciones patriarcales rupive. A’aprende ajereva’erãha che bendición patriarcal gotyo añeñandu vove triste térã che’año. Che bendición chepytyvõ ahecha haĝua che potencial ha pe plan especifico Tupã oguerekóva chéve ĝuarã. Chemoangapyhy ha chepytyvõ ahecha haĝua che perspectiva terrenal mboypýri. Chemomandu’a che don-kuérare ha umi jehovasa ahupytýtava avivirõ dignamente. Avei chepytyvõ chemandu’a ha añandu haĝua py’aguapy Tupã ome’ẽtaha chéve ñembohovái ha oipe’áta umi okẽ aikotevẽve javete.
Umi bendición Patriarcal ñanepytyvõ jajeprepara haĝua jaha jey haĝuáicha jaiko ande Ru yvagagua ndive. Che aikuaa umi bendición patriarcal ouha Tupãgui ha ñanepytyvõkuaa ñamoambue haĝua ñane kangykuéra mbaretépe. Ko’ãva ndaha’éi peteĩ “adivino” mensaje; ko’ã bendición he’i ñandéve umi mba’e tekotevẽva ñahendu. Ha’e peteĩ Liahona-icha ñandéve ĝuarã. Ñamoĩrõ Tupãme tenonderã ha jaguereko jerovia Hese, Ha’e ñandeguiáta ñande propio desierto rupive.
Tupã ohovasa haguéicha José Smith-pe upe sacerdocio reheve ikatu haĝuáícha umi Evangelio jehovasa ojerrestaura, ñande jahupytykuaa umi Evangelio jehovasa ñande rekovépe upe sacerdocio rupive. Káda semana oñeme’ẽ ñandéve privilegio ha oportunida japarticipa haĝua Santa Cena-gui. Ko sacerdocio ordenanza rupive jaguerekokuaa pe Espíritu oĩ haĝua tapiaite ñanendive, ikatúva ñanemopotĩ ha ñandepurifika. Peñandurõ tekotevẽha peipe’a peteĩ mba’e pende rekovégui, tapeho peteĩ líder-pe pejeroviávare, penepytyvõkuaátava pejagarra haĝua pe tape porã. Pende líder-kuéra penepytyvõkuaa pehupytypa haĝua Jesucristo expiasiõ pu’aka.
Sacerdocio rupive ikatu avei jahupyty umi templo ordenanza jehovasakuéra. Aikekuaa guive templo-pe, añemoĩ méta ha prioridad ramo aha memetaha upépe. Adedikávo tiempo ha añeha’ãmbaite añemo’aĝuive haĝua che Ru Yvagaguáre Hóga marangatúpe, ajehovasa arresivívo revelación ha temiandukuéra añetehápe chepytyvõva che rekove pukukue aja.
Ñañemopu’ãkuaa sacerdocio rupive. Pe Sacerdocio ogueru tesape ñane mundo-pe. Elder Robert D. Hales he’i: “Sacerdocio pu’aka’ỹre, ‘opa ko yvy oñehundipaiténe’ (tojehecha D&C 2:1–3). Ndaiporimo’ãi tesape, ni esperanza, —pytũmby añónte”2
Tupã oĩ ñanendive, ñanemokyre’ỹvo. Ha’e oipota jaha jey Hendápe. Ha’e ñandeikuaa personalmente. Ha’e pendeikuaa. Ha’e ñanderayhu. Ha’e oikuaa tapiate mba’épa oiko ñandehegui ha ñanderovasa ñañandurõ jepe nañamereseiha. Tupã oikuaa mba’épa ñaikotevẽ ha araka’épa ñaikotevẽ.
“Pejerure, ha oñeme’ẽta peẽme; peheka ha pejuhúta; pehenói ha ojepe’áta peẽme;
“Opavave ojerurévape oñeme’ẽgui; ha pe ohekáva ojuhu; ha ohenóivape, ojepe’áta” (Mateo 7:7–8).
Ndapeguerekóirõ gueteri peteĩ testimonio sacerdocio-gui, pomokyre’ỹ peñembo’e haĝua ha pejerure peikuaa haĝua pendejehegui ipu’akágui, upéi pemoñe’ẽ umi escritura pehendu haĝua Tupã ñe’ẽ. Aikuaa ñañeha’ãramo ña’experimenta haĝua Tupã sacerdocio pu’aka ñande rekovépe, jajehovasáta. Jesucristo rérape. Amén