![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fb6%2F9b%2Fb69b82503fb269b98cebbf016b24672c403ad607%2Fb69b82503fb269b98cebbf016b24672c403ad607.jpeg/full/!250,/0/default)
Umi Mandu’a espiritualmente idecisívova
Umi jehasa’asy personal térã ko mundo oĩháicha ndaikatúiva ñakontrola omoypytũramo ñande rape, umi mandu’a espiritualmente desisívo oĩva ñande rekove kuatiañe’ẽme ha’e ita omimbipávaicha ohesapéva pe tape jaguerekóva ñanerenondépe.
Dieciocho año pe Primera Visión rire, profeta José Smith ohai peteĩ ñemombe’u puku hi’experiencia rehegua. Ha’e ombohovakékuri oposición, ñemuña, acoso, amenaza ha ataque brutal. 1 Upevére, ha’e okontinua otestifikávo py’aguasu reheve Primera Visión rehe: “Che añetehápe ahecha peteĩ tesape, ha pe tesape mbytépe ahecha mokõi Personaje, ha umíva añetehápe oñe’ẽ chéve; ha jepe ajehayhu’ỹ ha ajepersegui ha’ehaguére ahecha hague peteĩ visión, upevére, añetékuri. … Che aikuaa, ha aikuaa Tupã oikuaaha; ha ndaikatúi anega.” 2
Umi momento hasývape, José memoria oho tapykuévo mokõi década rupi oĝuahẽ meve pe certeza Tupã mborayhu oguerekóva hese ha umi acontecimiento ome’ẽva’ekue paso pe Restauración heta ára ojepredeci’akuépe. Oñepy’amongetávo ijeguata espiritual rehe, José he’i: “Ndakulpái avavépe ndogueroviai haguére che historia. Ndahasáirire umi experiencia arekova’ekue rehe, che avei ndagueroviaiva’erãmo’ã.” 3
Ha katu umi experiencia ha’ékuri real, ha ha’e araka’eve ndahesarái ni nonegái, okonfirmávo kirirĩhápe itestimonio oguerahátava chupe Carthage peve. “Aha cordero-icha matadero-pe”, he’i, “ha katu añeñandu sereno peteĩ verano pyharevéicha. Che conciencia oĩ libre umi ofensa Tupã ha opa yvyporakuéra kóntragui.” 4
Pene experiencia-kuéra idesisívova espiritualmente.
Oĩ peteĩ lección ñandéve ĝuarã upe profeta José ejemplo-pe. Pe guía apacible ndive jarresivíva Espiritu Santo-gui, sapy’a py’a Tupã okonfirma ñandéve peteĩ teĩ, peteĩ manera poderoso ha personal-etépe, ñandekuaa ha ñanderayhuha, ha Ha’e ñanderovasaha especifica ha abiertamente. Upéi, umi ñande jehasa’asýpe, pe Salvador omoingove jey umi experiencia ñane akãme.
Pepensami pende rekovére. Año pukukuére ahendu miles umi Santos de los últimos Dias opa ko mundo jeréregua experiencia espiritual pypuku, okonfirmáva chéve, opa duda mboypýri, Tupã ñandeikuaa ha ñanderayhuha cada uno-pe, ha Ha’e ojerrevelaseha ñandéve. Umi experiencia ikatu oñepresenta umi momento iñimportantevéva ñande rekovépe, térã umi acontecimiento ñepyrũháme vyroreívaicha, ha katu ou tapiaite oñemoirũvo peteĩ confirmación espiritual hatãvare Tupã mborayhúgui.
Ñanemandu’ávo umi experiencia espiritual dedisívo rehe ñandegueraha ñañesũvo ha ja’e profeta Jose he’ihaguéicha: “Pe arrecibiva’ekue ou yvágagui. Che aikuaa, ha aikuaa Tupã oikuaaha che aikuaaha” 5
Irundy ehemplokuéra
Pejepy’amongetami umi mandu’a espiritualmente decisívo pende rekovépe akomparti aja ejemplokuéra.
Ojapo heta año, peteĩ anciano patriarca de estaca oguerekóva peteĩ insuficiencia mokõive vávulas cardiacas-pe ojerure’asy doctor Russell M. Nelson-pe to’opera chupe, jepe noĩri gueteri upe épokape solución quirúrgica upe mokõiha valvula dañada-pe ĝuarã. Doctor Nelson ipahápe odecidi ojapotaha upe operación. Kóva ha’e presidente Nelson ñe’ẽ:
“Rosoluciona rire pe primera válvula obstrucción, roheja pe otra al descubierto. Rojuhu oĩha intacto ha katu ojedilataitereiha upévare nofuncionaporãi. A’examina aja pe válvula, arrecibi peteĩ impresión hesakãva: Emomichĩ pe anillo circunferencia. Ha ha’e upe mensaje che asistente-pe: ‘Pe válvula tejido ofunciona porãta ñamomichĩ ramo pe anillo itamaño normal peve.’
“Ha katu ¿Mba’éicha? … Peteĩ imagen tesakã ou che akãme, ohechaukávo chéve moõpa amoĩva’erã umi sutura, peteĩ pliegue ko’ápe ha peteĩ ajuste upépe. … Che mandu’a gueteri upe imagen che akãme, líneas punteadas reheve umi tenda ohova’erãháme umi punto. Rojapo ore rembiapo ojedibuha haguéicha chéve mentalmente. Roproba pe válvula ha rohecha la perdida ojerreduciha considerablemente. Che asistente he’i: ‘Ha’e peteĩ milagro.’” 6 Pe patriarca oikove heta año.
Doctor Nelson ojeguiákuri. Ha ha’e oikuaa Tupã oikuaaha ha’e ojeguiahague.
Kathy ha che roikuaákuri Beatrice Magré-pe Francia-pe ojapo treinta año. Nda’aréi Beatrice omombe’u chéve peteĩ experiencia orekova’ekue peteĩ impacto hekove espiritual-pe ibautismo riremi, ha’erõ peteĩ adolescente. Ko’ãva ha’e iñe’ẽnguéra:
“Umi jóvenes ore rama-gua rohókuri ore liderkuéra ndive playa Lacanau-pe, oĩva una hora y media Burdeos-gui.
“Roho mboyve ore rógape, peteĩ umi líder odecidi ojahútaha peteĩ ipahaite ha oñapymi ola mbytépe ilente reheve. Osẽvo y gui, umi ilente odesaparese. … Okañy mar-pe.
“Omokañývo ilente ndaikatumo’ãi omaneha la hi’auto. Ha ore ropytamo’ã parado mombyry ore rógagui.
“Peteĩ hermana henyhẽva jerovia reheve osugeri toroñembo’e.
“Che ha’e mbegue ñembo’e noservimo’ãiha mba’everã, ha ajoaju de mala gana upe aty ndive roñembo’e haĝua públicamente y ky’a oĝuahẽvo ore ku’áre.
“Opávo pe ñembo’e, aipyso che jyva amboykue haĝua opavavépe. Amomỹivo pe y, umi lente oĝuahẽ che pópe. Peteĩ sentimiento mbarete Tupã añetehápe ohenduha ñane ñembo’ekuéra oike che ángape.” 7
Cuarenta y cinco año rire, ha’e imandu’a gueteri ojehurõguáicha kuehe. Beatrice ojehovasákuri, ha ha’e oikuaa Tupã oikuaaha ha’e ojehovasahague.
Presidente Nelson ha hermana Magré experiencia idiferente, ha katu mokõive caso-pe, peteĩ mandu’a inolvidable ha espiritualmente decisívo Tupã mborayhúgui opyta grabado ikorasõme.
Ko’ã acontecimiento decisívo py’ỹi oiko ña’aprendévo pe evangelio restaurado térã ñakompartívo pe evangelio ambuéva ndi.
Ko ta’anga ojejagarra São Paulo, Brasil-pe, 2004-pe. Floripes Luzia Damasio, Estaca Ipatinga-gua, Brasil-pe, oguerekókuri ciento catorce año. Oñe’ẽvo ikonversión rehe, hermana Damasio omombe’u chéve umi misionero itávape ome’ẽkuri peteĩ bendición del sacerdocio peteĩ mitãmíme hasykatu vaíva ha okueráva milagrosamente. Ha’e oikuaaseve. Oñembo’évo pe mensaje rehe, peteĩ testimonio noñenegakuaáiva Espiritu-gui okonfima chupe José Smith ha’ehague peteĩ Tupã profeta. Oguerekóvo ciento tres años ojebautiza, ha ciento cuatro áñope orrecibi iñinvestidura. Upéguive, cada año ha’e ojapo peteĩ viaje de catorce hora ómnibus-pe ohasa haĝua peteĩ semana templo-pe. Hermana Damasio ohupytýkuri peteĩ konfirmasiõ celestial ha ha’e oikuaa Tupã oikuaaha ha’e oikuaaha upe testionio aneteguaha.
Kóva ha’e peteĩ mandu’a espiritual che misión peteĩha Francia-pe, ojapo cuarenta y ocho año.
Rorreparti aja umi folleto, che kompañero ha che roheja peteĩ Libro de Mormón peteĩ kuñakarai mayor-pe. Rohojeývo upe kuñakarai apartamento-pe, peteĩ semana rire rupi, ha’e o’abri pe okẽ. Oje’e mboyve ni peteĩ ñe’ẽ, añandu peteĩ pu’aka espiritual ñañandukuaáva. Umi temiandu mbarete okontinua hermana Alice Audubert ore’invitávo roike haĝua ha omombe’u oréve oleehague pe Libro de Mormón ha oikuaa añeteguaha. Rosẽvo upe apartamento-gui upe ára, añembo’e: “Che Ru Yvagagua, chepytyvõmina ani haĝua cheresarái araka’eve ko añanduva’ekue.” Araka’eve ndacheresaráiri.
Peteĩ momento común-vaicha, peteĩ okẽ renondépe ojoguáva heta ambue okẽme, che añandu pe yvaga pu’aka. Ha aikuaa Tupã oikuaaha che aikuaaha peteĩ yvaga ventana ojepe’a hague.
Individualizada ha innegable
Umi experiencia espiritualmente decisívova ojehu diferente momento ha diferente manera-pe, ñane medidaitépe.
Pepensa umi pene ejemplo favorito escriturakuérape. Umi ohenduva’ekue apóstol Pedro-pe “oñekompungi ikorasõmẽ.” 8 Abish, pe kuña Lamanita, oguerovia pe “itúva visión hechapyrãva.” 9 Ha peteĩ ñe’ẽ ou Enos akãme. 10
Che amigo Clayton Christensen odescribi kóicha peteĩ experiencia oguerekova’ekue olee aja pe Libro de Mormón ñembo’e mbaretépe: “Peteĩ espíritu porã, kyrỹi ha mborayhúgui … chembojere ha omyanyhẽ che ánga, ome’ẽvo chéve peteĩ mborayhu temiandu nañe’imagináiva ikatuha añandu [ha umi temiandu okontinua pyhare tras pyhare].” 11
Oĩ ocasiones umi temiandu espiritual oikeha ñane korasõme peteĩ tatáicha, ohesapévo ñane ánga. José Smith o’explika sapy’ánte jarrecibiha “peteĩ corriente de ideas repentino”, ha sapy’a py’a peteĩ flujo de “inteligencia pura. 12
Presidente Dallin H. Oaks, ombohováivo peteĩ kuimba’épe he’íva sinceramente ndohupytyihague araka’eve peteĩ experiencia upeichagua, he’i: “Ikatu ne ñembo’ekuéra oñembohovái jey jey ha katu nde reha’arõ peteĩ seña tuicháva térà peteĩ ñe’ẽpu hatãitereíva ha upévare reimo’ã nderehupytyihague peteĩ ñembohovái.” 13 Pe Salvador ete oñe’ẽkuri peteĩ tavayguakuéra oguerekova’ekue tuicha jerovia “[ojehovasava’ekue] tata ha Espiritu Santo reheve, [ha katu] ndoikuaái hikuái.” 14
Mba’éichapa rehendu Chupe?
Nda’aréi ñahendúkuri presidente Russell M. Nelson-pe he’ívo: “Poro’invita pejepy’amongeta pypuku ha py’ỹi haĝua ko porandu kláve rehe: ¿Mba’éichapa nde rehendu Chupe? Po’invita avei pejapo haĝua umi oñeikotevẽva pehendu porãve ha py’ỹve haĝua Chupe.” 15 Ha’e ojapo jey upe invitación ko pyharevépe.
Ñahendu Chupe ñane ñembo’ekuérape, ñande rógape, umi Escritura-pe, ñane himnokuérape, japarticipávo dignamente Santa Cena-gui, jadeclarávo ñande jerovia, jaservívo ñande rapichakuérape, ha jahávo templo-e ambue creyente-kuéra ndive. Umi momento espiritualmente decisívo oiko ñahendúvo pe conferencia general ñembo’epe ha ñañongatu porãvérõ mandamiento-kuéra. Ha, mitãnguéra , ko’ã experiencia ha’e peẽme ĝuarã avei. Penemandu’a Jesús “ombo’e ha ominstra mitãnguérape … ha [mitãnguéra] he’i mba’e tuicha ha hechapyrãva.” 16 Ñandejára he’i:
“[Ko kuaapy] oñeme’ẽ peẽme che Espiritu rupive, … ha ndaha’éirõ che pu’aka rupi ndaikatuiva’erãmo’ã peguereko;
“Upévare, petestifikakuaa pehenduhague che ñe’ẽpu, ha peikuaa che ñe’ẽnguéra.” 17
“Ñahendukuaa Chupe” pe Salvador expiasiõ ijojaha’ỹva jehovasa rupive.
Ndaikatúirõ jepe jaiporavo araka’épa jarekóta umi experiencia decisíva, presidente Henry B. Eyrin ome’ẽ ko momarandu jajeprepara haĝua: “Ko pyharépe ha ko’érõ pyhare, ajerure’asy tapeñembo’e ha pemedita peporandúvo: ¿Omondo piko chéve Tupã algún mensaje exclusivamente chéve ĝuarã? ¿Ahecha piko Ipo ohovasárõ che rekove térã che familia rekove?” 18 Jerovia, obediencia, humildad ha intención añetéva o’abri umi yvága ventana. 19
Peteĩ ilustración
Ikatu pepensa upéicha umi pene mandu’a espirituales rehe. Ñembo’e meme reheve, pe determinación ñañongatutaha ñane konveniokuéra, ha pe Espiritu Santo don reheve, jaha tenode gotyo ko tekove rupi. Umi jehasa’asy personal, umi duda térã desaliento omoypytũrõ ñande rape, térã umi condición ko mundo rehegua osẽva ñane control-gui ñandegueraha ñañeporandúvo ñande futuro rehe, upérõ, umi ñane mandu’a espiritualmente decisívova ñande libro de la vida gui ha’e ita omimbívaicha ñanepytyvõva ohesapévo pe tape jaguerekóva ñane renonderã, okonfirmávo ñandéve Tupã ñandeikuaaha, ñanderayhu ha ombou Ita’ýra Jesucristo-pe ñanepytyvõ haĝua jaha jeývo ógape. Ha máva omboykérõ imandu’a decisívo ha okañy térã oñekonfundi, jagueru chupe Salvador gotyo ñakompartívo ñande jerovia ha ñane mandu’akuéra hendive, ñaipytyvõvo chupe ohechakuaa jey haĝua umi precioso momento espiritual o’atesorava’ekue alguna ves.
Oĩ experiencia isagradoitereíva ñañongatúva ñane memoria espiritual-pe ha nañakompartíri. 20
“Angelkuéra oñeʼẽ Espíritu Santo puʼaka rupive; upévare, oñeʼẽ hikuái Cristo ñeʼẽ.” 21
“Angelkuéra ndohejái yvypóra ra’ykuéra ministerio.
“Ha péina ápe, oñemoĩ hikuái ipoguýpe, ojapo hag̃ua iministério iñeʼẽ heʼiháicha, ojehechaukávo umi ojerovia mbaretévape ha oguerekóvape apytuʼũ ñemovãʼỹ opáichagua tekomarangatúpe.” 22
Ha “pe consolador, ha’éva pe Espiritu Santo, … penembo’éta opa mba’e, ha penemomandu’áta opa mba’e.” 23
Pe’atesora umi pene memoria isagradova. Peguerovia umíva. Pehai. Pekomparti pene familia-kuéra ndive. Pekonfia oñeme’ẽ hague peẽme pende Túva Yvagagua ha Ita’ýra Ohayhuetéva rupi. 24 Peheja tome’ẽ peẽme paciencia pende duda-pe ha entendimiento pende jehasa’asýpe. 25 Apromete peẽme, pehechakuaaháicha de buena gana ha pe’atesora cuidadosamente umi acontecimiento espiritualmente decisívova pende rekovépe, perrecibivéta más y más. ¡Pe Túva Yvagagua pendekuaa ha penderayhu!
Jesús ha’e pe Cristo, Iñevanhélio ojerrestaura, ha japytárõ fieles, atestifika ñande ha’etaha Imba’e tapiaite ĝuarã. Jesucristo rérape, Amén.