Peteĩ jerure’asy che hermana-kuérape
Presidente Russell M. Nelson rupive
Presidente Quórum Doce Apóstoles gua
Roikotevẽ pende mbarete, pene konversiõ, pende jerovia’atã, katupyry pekekóva peisambyhy hağuã, pene arandu ha umi pene ñe’ẽ.
Queridos élderes Rasbandan, Stevenson ha Renlund, ore, pene hermano-kuéra, pomoğuahẽporã Quórum Doce Apóstoles-pe. Rome’ẽ aguije Tupãme rrevelasiõ Ha’e ome’ẽvare Iprofeta, presidente Thomas S. Monson-pe.
Hermano ha hermana-kuéra, ñañembyatýrõ guare ojapo séi mése conferencia general-pe, mavave ndajaikuaákuri umi kámbio hi’ãguíva ha omopy’avãtava opa ko Tupaópe. Elder L. Tom Perry ome’ẽkuri discurso poderoso hekoviakuaa’ỹ tembiapo orekóvagui pe matrimonio ha pe familia Ñandejára plan-pe. Uperiremi ndajaroviaséi marandu he’íva orekoha cáncer pya’ete orahátava ra’e chupe ñande apytégui.
Presidente Boyd K. Packer salud oĩvaíramo jepe ohóvo, ha’e opytavékuri “en las filas” Ñandejára obra-pe. Pe abril pasado, ha’e ikãngýkuri, ha upevére, he’íkuri ome’ẽtaha itestimónio ipytu aja peve. Upéi, treinta y cuatro diánte élder Perry omano rire, Presidente Packer ohasa avei pe velo.
Jahechanga’úkuri élder Richard G. Scott-pe conferencia pahápe, ha katu ñañepy’amongetákuri pe podero testimónio del Salvador ha’e ome’ẽakue rehe umi conferencia upe mboyve; ha, ojapo doce diá, élder Scott oñehenóikuri yvágape ojoaju hağua hembireko ohayhuetéva Jeanene ndive.
Che arekókuri po’a aimévo ko’ã mbohapy hermano ndive hi’ára pahápe; ha aimékuri avei Presidente Packer ha Elder Scott familia-kuéra ndive omanó mboyvemi hikuái. Hasy chéve arovia hağua ko’a che amigo ahayhuetéva, ko’ã ivaletéva Ñandejára siervo ohóma hague. Ndaikuaái mba’éicha ha’ekuaa ahechanga’uha chupekuéra .
Ajepy’amongetávo ko’ã mba’e ñeha’arõ’ỹ oikóvare, peteĩ umi impresiõ opytáva che pype ha’e pe ahechava’akue hembirekokuérare. Ojegravá che apytu’ũme pe imágen de serenidad orekóva umi hermana Donna Smith Packer ha Barbara Dayton Perry pe imenakuéra akã apýrape, henyhẽvo mborayhu, añetegua ha jerovia añetégui.
Py’aguapy ohesapéva pe hermana Packer iména ykére umi hi’ára pahápe, tuichave opa mba’e ikatúvagui ñantende1. Aikuaáramo jepe iñirũ ohayhuetéva orekóvandi haimete 70 áño de matrimonio ohotamaha, ha’e orekókuri py’aguapy orekóva kuña henyhẽva jeroviágui; ha’ete peteĩ ángel, ojekuaaháicha ko fótope ojededikárõ guare Templo Brigham City gua.
Ahecha avei péichagua mborayhu ha jerovia osẽ pe hemana Perry-gui. Hesakã pe mborayhu orekóva iména ha Ñandejára rehe ha che mopirĩmba.
Imenakuéra ára pahápe, ha ko’áĝa peve, ko’ã kuña mbarete ohechauka py’apymbarete ha py’aguasu okóinte orekóva kuña konvéniore iñe’ẽrendúva2. Ndaikatúi ñamedi pe influencia orekóva ko’ãichagua kuña, ndaha’éi pe familia pente, ha katu Ñandejára Tupaópe avei, tembireko háicha, sy ha abuela; hermana ha tia háicha; maestra ha líder háicha; ha, en especial, ha’e háicha devota defensora de la fe3.
Péichava opaite Evangelio dispensación aja, Adán ha Eva ára guive. Upevére, kuña ko dispensación gua ijojaha’ỹ, kóa dispensación ndaijojáigui oimerãe ambuévare4. Kóva ko joja’ỹ ogueru mokõive, privilegio ha responsabilidad.
Ojapo treinta y seis áño, 1979-pe, presidente Spencer W . Kimball ojapoakue peteĩ profunda profecía pu’aka orekótava rehe umi kuña kovéniore iñe’ẽrendúva Ñandejára Tupao futúrope. Ha’e oprofetisaakue: “Tuichave progreso orekótava ko Tupao ára pahápe, oúta heta kuña mundo gua ipy’aporãva rupi…hetaite oguerohorýtagui pe Tupao. Péva oikóta Tupaogua kuñanguéra ohechaukárõ tekojoja ha hekove joheipyréramo, ha umi kuña Tupaogua ijoheipyre ha idiferente vove mundo-gua kuñágui, ha ojapóramo hikuái torýpe”5.
Che hermana-kuéra ojehayhuetéva, peẽ ha’éva ore pytyvõha imba’eguasúva ko escena final-pe: Kóva ha’e ára Presidente Kimball ohechava’ekue. Peẽ ha’e umi kuña ha’e ohechava’ekue! Pende virtud, tesape, mborayhu, kuaapy, py’aguasu, pende lája, pende jerovia ha tekojoja perekóva oguerúta mundo gua kuñanguéra ipy’aporãva, ifamiliakuéra ndive, ko Tupópe ha hetáta araka’eve ojehecha’ỹ haguéicha!6.
Ore, pene hermano-kuéra, roikotevẽ pene pyapymbarete, pene konversiõ, pende jeroviapy, katupyry perekóva pedirigi hağua, pene arandu ha umi pene ñe’ẽ. Tupã rréino naikomplétoi, ni naikompletomo’ãi, ndaipóriramo kuña ojapóva konvénio sagrado ha iñe’ẽrendúva; kuña oñe’ẽkuaáva Tupã pu’aka ha autoridad reheve!7.
President Boyd K. Packer he’íkuri
“Ñaikotevẽ kuña organizada ha o’organiza kuaáva; ñaikotevẽ kuña orekóva capacidad ejecutiva ikatúva oplanifika, odirigí ha o’administra; kuña mbo’ekuaáva ha ikatúva ome’ẽ hi’opinión…
“Ñaikotevẽ kuña orekóva pe don de discernimiento, ohecháva umi tendencia mundana ha ohechakuaáva umi mba’e, ojeguerohorýramo jape, ndovaleiha mba’everã térã ipeligrosoha”8.
Ko ára, peheja ta’eve ñaikotevẽha kuña oikuaáva mba’éichapa pe ijerovia rupi toiko umi mba’eguasu ha kyhyje’ỹme todefendé pe moralidad ha pe familia, peteĩ mundo hasýva pekádo rupi. Ñaikotevẽ kuña ogueroguatáva Tupã ra’y ha rajykuéra pe kovénio rapére exaltasiõ gotyo; kuña oikuaáva mba’éicha orrecibikuaa revelación personal, ontendéva pu’aka ha py’aguapy orekóva pe investidura del templo; kuña oikuaáva mba’éicha ohenoiva’erã umi yvágagua pu’aka omo’ã ha omombarete hağua umi ta’ýra, tajýra ha familia-pe; kuña ombo’éva kyhyje’ỹme.
Péichagua kuña jerovasaakue che rekove puku aja. Che rembireko Dantzel, omanómava, ha’eakue péichagua kuña. Akóinte che’aguijéne chupe influencia transformadora orekoakue che rehe opa hendáicha che rekovépe, jepe ñeha’ã ajapoakuépe pionero háicha pe cirujía de corazón abierto-pe.
Ojapo cincuenta y ocho áño, ajejerureakue chéve aopera hağua peteĩ mitãkuña’i orekóva mba’asy guasu ikorasõme. Iñermáno mayor omanókuri péichagua mba’asy rupi. Ituvakuéra ojerure’asy chéve aipytyvõ hağua chupekuéra. Che ndajeroviái osẽporãne hağua, ha katu apromete ajapotaha opa mba’e che ikatúva asalva hağua hekove. Añeha’ãmbaitérõ jepe, pe mitãkuña’i omano. Upe rire, umi túva oguerujey chéve ambue ifamilia 16 mésente orekóva, heñóiva avei corasõ mba’asy reheve. Ojerurégui chéve hikuái, ajapo pe operasiõ. Upe tajýra amanókuri avei. Ko mbohapyha ñemano upe familia ohasáva che rundiete.
Ağuahẽ che rógape tuicha vy’a’ỹ reheve. Añenó pe sala písope ha che rasẽ pe pyhare pukukue aja. Dantzel opyta che ykére, ohendúvo ha’e jey jey araka’eve ndajapomo’ãveimaha peteĩ operación del corazón. Pe la cinco pyhareve rupi, Dantzel oma’ẽ cherehe ha mborayhúpe he’i chéve: “Nerasẽmbáma piko? Aipóramo eñemonde ha ehojey laboratorio-pe. Tereho emba’apo! Eikuaaveva’erã. Ehejáramo ko’áğa, ambue tapicha ohasa’asýta heta ára oikuaa mboyve pe nde reikuaámava”.
Ay, aikotevẽtepa ra’e che rembireko visión, firmeza ha mborayhu! Aha jey che rembiapohápe ha aikuaave. Ndaha’éi rire Dantzel mokyre’ỹ inspirado rupi, ndajapoiva’erãmo’ã operación de corazón abierto ha naimeiva’erãmo’ã preparado ajapo hağua operación osalva’akue Presidente Spencer W. Kimball rekove 1972-pe9
Hermana-kuéra, pehechápa tuichaha pene influencia ha moõ pevépa oğuahẽkuaaha pejé vove umi mba’e Espíritu Santo-re ojedirigíva oúva pene korasõ ha pene apytu’ũme? Peteĩ ijoheipyréva presidente de estaca omombe’u’akue chéve peteĩ reunión de consejo de estaca-pe oñe’ẽrõ guare hikuái peteĩ problema hasývare. Peteĩ momento ohechakuaa pe Primaria gua presidenta noñe’ẽi gueteriha, upémarõ oporandu chupe orekópa impresiõ. “Heẽ, areko ningo”, he’i, ha upéramo okompartí peteĩ idea okambiapaitéva pe reunión rape. Upe presidente de estaca he’i chéve, “Ha’e oñe’ẽrõ guare, pe Espíritu otestifika chéve ha’e ome’ẽ hague ñe’ẽ pe revelación rohekávape hína upe consejo-pe.
Che hermana-kuéra ahayhuetéva, taha’e ha’éa pene llamamiento, térã umi mba’e pehasáva hína, roikotevẽ pene impresiõ, pene rreflexiõ ha pene inspirasiõ. Roikotevẽ pe ñe’ẽ kyhyje’ỹme ha pejé umi peñandúva consejo de barrio ha de estaca-pe. Roikotevẽ opavave hermana omendáva toñe’ẽ ha’e háicha “peteĩ irũ omba’apóva en forma” total ojoajúvo iména ndive oisambyhy hağua ifamilia.10 Pemenda térã pemenda’ỹ, peẽ, hermana-kuéra, pereko katupyry ijoja’ỹva ha peteĩ intuisiõ especial oñeme’ẽva peẽme como dones de Dios. Ore, hermano-kuéra, ndaikatúi rokopiá pe influencia joja’ỹ peẽ perekóva.
Jaikuaa pe tembiapo paha opa creación-pe ha’e hague, kuña je’apo!11. Roikotevẽ py’apymbarete perekóvare!
Umi atáke Tupao rehe, pe idoctrina ha pe ñande manera de vivir rehe hetavéta. Péva rupi, ñaikotevẽ kuña ontendé porãva pe Cristo doctrina, ha oiporúva upe kuaapy ohekombo’e ha oipytyvõ hağua oñemopu’ã hağua peteĩ generación ombotovéva pekádo12. Ñaikotevẽ kuña opillakuaáva pe japu opa henda ouháicha; kuña oikuaáva mba’éicha ohupytykuaa pu’aka Tupã omoĩva umi ikovéniore iñe’ẽrendúvape ğuarã, ha kuña he’íva umi mba’e oroviáva jeroviapy ha mborayhúpe. Ñaikotevẽ kuña orekóva ñande sy Eva py’aguasu ha techapuku.
Che hermana-kuéra ahayhuetéva, ndaipóri imba’eguasuvéva pende rekovépe pene konversiõgui. Umi kuña oñekonvertipyre, ha’e kuña ikonvénióre iñe’ẽrendúva —kuña che rembireko ahayhuetéva Wendy chagua— hekojoja rupi, herakuã porã porãvétava peteĩ mundo oñembyaívape ha umi kuña, upéva rupi, oje’étava hese iñambue ha ijoja’ỹha péicha ojapóvo vy’ápe.
Péicha ko’ára ajerure che hermana-kuéra Iglesia de Jesucristo de los Santos de los Últimos Días guápe peguata hağua tenonde gotyo! Pejagarra pene renda pende rógape, pene komunidápe, ha Tupã rréinope, araka’eve pejapo’ỹ haguéicha. Ajerure peẽme peme’ẽ hağua kumplimiento Presidente Kimball profesíape ha apromete peẽme, Jesucristo rérape, péva pejápovo, pe Espíritu Santo ombotuichataha pene influencia araka’eve oiko’ỹ haguéicha!
Ame’ẽ testimónio Ñandejára Jesucristo añeteha ha pe Ipoder rredentor, expiatório ha santifikadorgui; ha peteĩva Hi’apóstol háicha, ame’ẽ aguyje peẽme, che hermana-kuéra ahayhúva, ha pohovasa pepu’ã hağua pende katupyry tuichakue, pekumpli hağua pene creación medida, jaguatávo joajúpe ko tembiapo sagrado-pe. Oñondivepa ñaipytyvõta ñambosako’i hağua ko mundo Ñandejára Segunda Venida-rã. Pévare atestifika, pene hermano háicha, Jesucristo rérape. Amén.