Che korasõ omedita meméva
Devin G. Durrant rupive
Primer consejero Presidencia General Escuela Dominical-pegua
Ajerure añete pejedesidi pemeditávo Tupã ñe’ẽme ipukuve ha ipypukuve haǧuáicha.
Che amba’apohápe niko che inversor. Che fépe katu che peteĩ Jesucristo discípulo, Tupã Ra’y1. Che rembiapokuéra profesionales-pe añañuã umi principios financieros sólidos. Avivívo che fe, añeha’ã asegívo umi principios espirituales chepytyvõtava ajoguave Salvador-pe.
Invitacionkuéra ome’ẽ bendiciones
Heta umi recompensa personal oñeme’ẽva chéve che rekovépe niko ou peteĩ invitación-gui ajapo haǧua tembiapo hasýva. Upéva che méntepe, omoguahese peẽme mokõi invitación peteĩteĩ. Peteĩha oreko implicaciones económicas, implicaciones orekóva mokõiha katu espirituales. Umi mokõi invitacion, pe’aceptávo, oikotevẽ peteĩ esfuerzo disciplinado-re heta tiempo pukukue pehupyty haǧua pene recompensa.
Invitación peteĩha
Invitación peteĩha niko ndahasýi: poinvita peñongatu haǧua pirapire káda semana. Pe kantida peñongatúva ndaha’éi iñimportanteitereía; upéva aheja peẽme. Pejepokuaávo pehóvo pe ahorro apópe, peñevenefisiáta personalmente ha ikatúta pereko avei oportunidad peipytyvõvo ambuekuérape económicamente pende diligencia-re. Peñeimagina pe resultado positivo peñongatúvo pirapire semanalmente seis mese aja, peteĩ áño, die áño térã hetave. Umi ñeha’ã michĩmi pejapo meméva jepe oguerúta resultado porã2.
Invitación mokõiha
Invitación mokõiha niko iñambue ha iñimportanteiteve upe peteĩhágui. Upéva ha’e: po’invita pe “meditiza”3 peteĩ Escritura versículo káda semana. Pe ñe’ẽ meditizar ndaipóri diccionario-pe, ha katu oreko peteĩ tenda che Korasõme. ¿Mba’e he’ise, upéicharõ, meditizar? Ha’ese niko ha’eha peteĩ combinación 80 por ciento ñemedita puku ha veinte por ciento ñememorisa.
Oĩ mokõi páso isencíllova:
Ñepyrũra, peiporavova’erã peteĩ versículo káda semana ha pemoĩ pehechatahápe ára ha ára.
Mokõiha, pelee ha pepensa pe versículo-re heta jey peteĩ árape ha pemedita umi iñe’ẽ ha frases clave significado-re pe semana aja.
Peñeimaginamína umi resultado edificante pejapóvo kóva semanalmente seis mése, un áño, die áño aja térã hetave.
Peñeha’ãvo, peñanduvéta paz mental ha okakuaavéta espiritualidad. Umi principios del Evangelio entendimiento hesakãvéta ha ikatúta pembo’e ha pe’edifikave umi personas pehayhúvape.
Peñepyrũvo “pemeditiza” semanalmente, ikatu peñeñandu pe opracticaba buceo-icha yma ha katu ko’áǧa odecidi ojapóvo submarinismo. Upe decisión reheve, pende rekove oñebendesíta entendimiento ipypukuvévare ha perspectiva espiritual pyahúre.
Pe reflexionávo pe versículo peiporavóvape káda semana, oje’escribíta ñe’ẽ ha frase pene korasõme4, péicha pene méntepe avei. Upéicha, pe memorización oikóta sencilla ha naturalmente, ha katu pe méta principal ha’éta meditizar ome’ẽvo pe méntepe peteĩ tenda edificante oho haǧua, peteĩ tenda oguerekótava chupe aǧui Ñandejára Espíritu-gui.
Salvador he’i: “Peatesora meme pene apytu’ũme ñe’ẽ tekove rehegua ”5. Ñemedita ha’e peteĩ manera sencilla ha edificante jajapóvo upeichaite.
Che acree Nefi ha’ehague peteĩ “meditizador”. Ha’e he’i: “Che ánga ojedeleita umi Escritura-pe, ha che korasõ omedita [meme], ha ahai che ra’ykuéra oñehekombo’e ha oñebenefisia haǧua”6. Nefi niko oĩ consciente ita’yrakuérare omedita aja Escritura-kuérape ha o’escribi. ¿Mba’éichapa ikatu oñebeneficia pene familia peẽ peñeha’ãvo akoiete pemyenyhẽvo pene mente Tupã ñe’ẽ rehe?
Che versículo
Ramoite ameditisa Alma 5:16. He’i péicha: “Che ha’e peẽme:¿Ikatu piko peñandu pehenduha Ñandejára ñe’ẽ, he’ívo peẽme, upe árape: Peju cherendápe pejehovasáva, ha katu péina ápe, pene rembiapokuéra ha’e tembiapo ijojáva yvy ape ári?
Semana opakuévo, kóva pe ojescrivíva che méntepe: Peñeimagina pehendu Ñandejára ñe’ẽ he’íkuévo: “Peju cherendápe pejehovasáva, ha katu péina ápe, pene rembiapokuéra ha’e tembiapo ijojáva yvy ape ári?” (Alma 5:16).
Pehechaháicha, namemorisapái pe versículo palabra por palabra. Ha katu, amedita jey jey umi iñelemento clave-re ha moõpa ojejuhúta. Ha katu pe proceso parte iporãvéva niko arekoha peteĩ tenda ijyvatevéva ohohápe che ménte. Semana aja añeimagina pe Salvador he’ívo chéve ñe’ẽ aliento rehegua. Pe imagen opoko che korasõre ha oservi cheinspira haǧua ajapóvo “obras de rectitud”. Péva ikatu oiko “[jahupívo] amo [Cristo-pe] opa pensamiento”7.
Ñakontraatakava’erã
Oiméne peñeporandu: “¿Mba’érepa ajapova’erã péva?”. Ha’éne peẽme javiviha peteĩ époka mba’e vai opytu’u’ỹhápe. Ndaikatúi ja’asepta pe status quo ha jaheja tañanemyenyhẽ ñe’ẽ vaíre ha imágenes pecaminosas reheve opa hendápe nunga ñambohovai’ỹre oimeháicha. Jakontraatakava’erã, ha meditizar niko peteĩ manera ñakombatívo umi aña influencia. Ñane ménte henyhẽvo umi pensamientos ha imágenes edificantes-gui, akoiete ñanemandu’ávo Hese8, ndaiporimo’ãi tenda inmundicia ni basura-pe ǧuarã.
Libro de Mormón-pe, Jesucristo o’invita opavavépe “[meditar] umi mba’e [Ha’e ñandéve] he’íva”9. Pekonsidera pe meditizar peteĩ complemento ramo ijestudio personal ha familiar Escrituras rehegua, ha katu araka’eve ndaha’éi peteĩ sustituto. Ambue ñe’ẽme, ·meditizar· o’equivale pemoĩvo peteĩ vitamina de absorción lenta pende dieta espiritual ko’aǧaguápe.
Hasyeterei
Oiméne peje: “´Meditizar´ niko ipu hasyeterei chéve ǧuarã”. Ani peñemomichĩ. Pe hasýva niko ikatu iporã. Cristo ñaneinvita jajapo haǧua heta mba’e hasýva Ha’e oikuaágui ñañebendesitaha ñane ñeha’ã rupi10.
Peteĩ ñane vecino imitãva ojuhu peteĩ manera sencilla “omeditiza” haǧua. Káda semana omoĩ peteĩ versículo iteléfono pantalla ñepyrũme. Ambue idea ikatúva petantea niko pekomparti pene versículo pene ermáno, pende ra’y térã pene amigondi. Che rembireko, Julie, ha che roñopytyvõ. Roiporavo umi versículos domingo-kue. Ha’e omoĩ imba’éva eladérare ha che che vehículo-pe. Upéi rokomparti pensamientos umívare semana aja. Avei ro’analisa jepi ore familiakuéra ndive. Ha’etévaicha péicha rojapóvo oñeñandu porãve hikuái upéi okomparti haǧua ipensamientokuéra Tupã rehegua orendive.
Julie ha che avei roĩ peteĩ aty línea-pe familiares, amigos ha misionero-kuéra ikatuhápe okomparti iversículokuéra káda semana ha, sapy’ánte, oĩ pype pensamiento térã testimonio oñerrelacionáva hendie. Pe atýpe ñeime ojapo isencillove ñane constante. Che rajy adolescente ha iñamígo aty oipuru umi redes sociales ha mensajería de texto o’intercambia haǧua escritura oñondive.
Aníntekena, peduda pemoinge haǧua pende atýpe umi ambue religión-gua. Ha’ekuéra avei oheka hína mba’éichapa ohupíta umi ipensamientokuéra ha oñeñandu aǧuive Tupãgui.
¿Mávapa umi beneficio?
¿Ha mávapa umi beneficio? Julie ha che roraha tres áño “romeditisávo” peteĩ versículo káda semana. Ñepyrũrã romoĩ peteĩ méta veinte áñope. Nda’aréi he’ihague chéve: “Cheinvitaroguare “ameditisa” haǧua peteĩ escritura káda semana veinte áño aja, añeporandu ikatúnepa ajapo peteĩ mes aja. Ndarekovéima dúda. Ndaikatúi arovia idivertidoha ñamoĩ peteĩ escritura káda semana eladérare ha ameditisa hese káda ahecha; ohupi pe che espíritu”.
“Omeditisa” rire seis semana aja, peteĩ ermána Texas, EE. UU.-gua he’i: “Che testimonio oñemombarete … ha añeñandu aǧuive che Ru Yvagaguáre… Che enkanta mba’éichapa Tupã ñe’ẽ chekambia iporãve haǧuáicha”.
Peteĩ che amiga imitãva o’escrivi: “añete adisfruta [ameditisávo] chepytyvõ añesentra haǧua upe iñimportantevévape”.
Peteĩva umi ñane misionero-kuéra okomparti kóva: “Araha “ameditisávo” peteĩ versículo káda semana junio 2014 guie ha che’enkanta… Ko’ã escrituras oñekonverti umi amigo ikatuhápe akonfia oñeikotevẽ vove”.
Che kásope, añanduve Espíritu che rekovépe “ameditisávo” káda semana. Che mborayhu Escriturakuérare avei okakuaave Escritura-kuérare okakuaave añeha’ãvo “[aheja] pe virtud ombojegua [che] pensamiento-kuéra incesantemente ”11.
Pekonsidera ko invitación ha bendición suprema okompartíva Nefi: “Pehóvo tenonde, pejedeleitávo Cristo ñe’ẽme, ha pepersevera ipaha peve, ha ko’ápe, péicha he’i Túva: Perekóta tekove ijapyra’ỹva”12. Pe oje’ehápe “[pejedeleita] Cristo ñe’ẽme, “meditizar” he’ise peme’ẽvo peteĩ bocado tembi’u hévagui ha upéi peisu’u mbeguemi ikatu haǧuáicha pedisfruta al máximo.
¿Mávapa pe versículo?
¿Pemeditisátapa peteĩ versículo káda semana mes hembýva aja? ¿Pe hembýva ko áñope? ¿Térã hetave? Julie ha che ro’invita opavave ñane misioneros Texa-gua ipy’aguasúvape omeditisávo orendie veinte áño aja. Jahasáta oñondie pe línea de meta diecisiete áñopente. Upéicharõ ñamoĩta méta pyahu jahupívo ñane pensamiento ha ñañemoaǧuivévo Cristo-re.
Ikatu pedetermina ñande progreso ñañeporandúvo: “¿Mávapa nde versículo?”. Ha katu pejapóvo, peñembosako’i pekomparti haǧua pende escritura hekovia. Káda uno ñande jaje’edifikáta ñane intercambio-re.
¿Ikatu piko peñe’imagina mba’éichaitépa iñambuéta pende rekove ha pene familia rekove pe’escribívo peteĩ versículo escritura rehegua korasõ ha mente-pe káda semana umi meses oúvape ko áño? ¿Terãpa hetave?
Jesucristo ha’e ñane ejemplo
Jesucristo oiméne omongakuaa imborayhu umi Escritura-kuérare michĩete guive. Oiméne niko olee ha omedita michĩ guie oñe’ẽ porã haǧua umi doctor arandu templo-peguáindi orekóvo doce áño13 Oñepyrũ imisión oguerekóvove treinta áño14 ha he’i py’ỹi umi Escritura Iministerio oñepyrũ guie15. Ndaikatúi piko ja’e añetehápe Jesús ohasaha veinte áño rupi umi Escritura-kuéra ha omedita hesekuéra preparativo ramo Imisiónrã? ¿Oĩ piko pejapova’erã hína peñembosako’i haǧua ko árape espiritualmente umi oportunidades futuras-pe ǧuarã pembo’évo ha pehovasávo pene familia ha ambuekuérape?
Pemomba’apo pende fe ha pejapo.
Mbykyvehápe, aha’arõ pedesidívo peñongatu pirapire káda semana. Pemomba’apo pende fe, peñedisciplina ha pejapo. Avei ajerure añete pejedesidi haǧua pemedita Tupã ñe’ẽme ipukukue ha ipypukukuépe káda semana. Pemomba’apo pende fe, peñedisciplína ha pejapo.
Iñambuépe upe invitación peñongatúvo pirapire, opa umi beneficio orekóva invitación mokõiha ánga osalváva pene pene mba’erãtava akoiete peve, libre umi polilla ha orín-gui ko mundo-pe16.
Élder D. Todd Christofferson ome’ẽ konsejo hesakãva ha ko promesa: “Pe’estudia umi Escritura-kuéra detenida ha deliberadamente. Pemedita hesekuéra ha peñembo’e hese. Umi Escritura-kuéra niko ha’e revelación ha ome’ẽta revelación adicional”17.
Ñembopaha.
Apromete peẽme ndapembyasymo’ãiha pe’escribi peteĩ Escritura versículo káda semana mente ha korasõme. Peñandúta peteĩ sentimiento de propósito, ñangareko ha poder espiritual opa’ỹtava.
Penemandu’a umi Cristo ñe’ẽre he’ívo: “Pejapo umi mba’e pehechava’ekue ajapo”18. Arroga ja’aplika plenamente Iñe’ẽ ñande rekovépe, Jesucristo rérape. Amén.