Péina ápe nde sy
Elder Jeffrey R. Holland rupive
Quórum de los Doce Apóstoles-gua
Ni peteĩ ambue mborayhu ko vida mortal-pe hi’aĝuive Cristo mborayhu potĩre pe mborayhu abnegádogui oñandúva peteĩ sy imemby rehe.
Ajoaju penendive ame’ẽvo bienvenida élder Ronald A. Rasband, élder Gary E. Stevenson ha élder Dale G. Renlund-pe ha hembirekokuérape peteĩ asociación hechapyrãvévape ikatúva peñeimagina.
Oprofetisávo pe Salvador expiasión rehe, Isaías ohai: “Ogueraha ha’e ñane mba’asy ha osufri ñane ñembyasykuéra”1. Peteĩ visión hechapyrãvape ko’ã ára pahápe oje’e jey jey “[Jesús] ouhague ko mundo-pe…ogueraha haĝua ko mundo pekadokuéra”2. Umi escritura ymaguare ko’aĝaguáicha otestifika Ha’e “orredimi, omopu’ã ha ogueraha hague chupekuéra opa umi ymaguare árape”3. Peteĩ himno favorito ñane’invita “pehendúke pe Salvador-pe”4.
Ogueropu’aka, Osufri, Oporogueraha, Osalva, Ha’e ñe’ẽ imbarete ha ñanemokyre’ỹva odescrivíva pe Mesias-pe. Otrasmiti pytyvõ ha esperanza. Ome’ẽ promesa peteĩ je’oi seguro ñaihágui ko’aĝaite ñaimeva’erãhame, ha katu ndaikatuihápe ñaĝuahẽ pytyvõ’ỹre. Añetehápe ndaha’éi ñe’ẽ isensíllova ni indiferente, ha katu ogueraha karga, lucha, kane’o ha ñembyasy. Ha katu ijapropiado odescribi haĝua Upe, peteĩ kosto indescriptible rupive, ñanemopu’ãva ja’avove, ñandegueraháva tenonde gotyo ñane mbarete opavove, ñande guerahava seguridad reheve ñande rógape ojoguarõ jepe upéva oĩ mombyry ñandehegui. “Che Ru chembou” he’i, “añemopu’ã haĝua kurusúre… añemopu’ãháicha …upéicha avei yvyporakuéra oñemopu’ã haĝua…cherenondépe”5.
Ha katu ¿ikatu piko jahechakuaa umi ñe’ẽme ambue yvypóra rembiapo ojeipuruhápe avei ñe’ẽ kóichagua: ogueropu’aka ha osufri,oporogueraha ha omopu’ã, labor de parto ha omoheñói?. Jesús he’ihaguéicha Juan-pe pe expiasión momento-pe, upéicha avei he’i ñandéve: “Péina ápe nde sy”6.
Ko árape adeclara ko pulpito guive upe oje’emava’ekue: Ni peteĩ ambue mborayhu ko vida mortal-pe hi’aĝuive Cristo mborayhu potĩre pe mborayhu abnegádogui oñandúva peteĩ sy imemby rehe. Isaias, odescrivívo pe Salvador-pe, o’explicase Jehova mborayhu, oipurúvo peteĩ sy dedicación ra’anga ha oporandu. “¿Hesaráine piko peteĩ kuña imitãmi omokambúvagui?”, Ohechauka ijabsurdoha, ha katu no tanto ñapensahaĝuaicha Cristo hesaraineha ñandehegui7.
Upéichagua mborayhu firme “i[sufrido] ha [ibenigno]… ndohekái imba’erã…ha katu… opa mba’e ohasa, opa mba’e oguerovia, opa mba’e oha’arõ, opa mba’e ogueropu’aka”8. Upe ijalentadorvéva ha’e peteĩ fidelidad peichagua “ndopáigui araka’eve”9. “Yvytykuéra okañýtagui ha yvypu’ãnguéra ojeipe’átagui”, he’i Jehova, “ha katu che mborayhu ndojeipe’amo’ãi ndehegui”10. Upeichaite avei he’i ñande sykuéra.
Ndaha’éi, ñandesostenéva hikuái embarazo-pe añónte, ha katu okontinua ñandesostenévo. Ndaha’éi ñanace mboyve añónte, ha katu ñande rekove pukukue aja, ojapóva maternidad-gui peteĩ proeza guasu. Oĩ avei excepciones desgarradoras, ha katu hetave umi sy oikuaáva, intuición ha instinto-re, oguerekoha peteĩ responsabilidad sagrada inoblevéva. Upe realidad pohyikue, ikatu tuichaiterei, especialmente umi sy pyahúpe ĝuarã.
Peteĩ sy pyahu ha hechapyrãva nda’aréi ohai chéve: “¿Mba’éicha piko peteĩ ser humano ikatu ohayhueterei imembýpe oĩva dispuesto orrenunciávo hese peteĩ parte importante ilibertad-gui? ¿Mba’éicha piko ikatu peteĩ ser humano mborayhu imbareteterei oaceptahaĝauicha voluntariamente pe responsabilidad, pe vulnerabilidad, ansiedad ha ñembyasy, ha osegui ojapóvo jey jey? ¿Mba’eichagua mborayhu mortal oñanduka ñandéve, jaguereko rire peteĩ memby, ñande rekove araka’eve ndaha’emo’ãveimaha ñanemba’e? Pe sy mborayhu idivínomante va’erã ndaipori ambue explicación. Sykuéra ojapóva ha’e peteĩ parte esencial Cristo rembiapópe. Upévante, obastamava’erã oindika haĝua pe mborayhu efecto ojedebatítaha insoportable ha hechapyrãva mbytépe, jey jey, opa memby ko yvy’apére oĩ peve seguro ha ohupyty salvación, [upéramo], Jesús ndive avei ikatukuaa ja’e: [¡Túva! Ajapopáma pe tembiapo eme’ẽva’ekue chéve ajapo haĝua’11 ”.
Chemandu’ávo pe carta elegancia-re, amombe’úta mbohapy experiencia ohechaukáva pe tuicha influencia oguerekóva sykuéra, chete ha’eva’ekuégui testigo che ministerio-pe ko’ã semana ohasaramóvape:
Peteĩha ha’e advertencia-ramo, ñanemomandu’a haĝua ndaopavavéi esfuerzo maternal oguereko peteĩ final feliz, al menos ndaha’éi inmediatamente. Upe recordatorio osurgi peteĩ conversacióngui peteĩ che amigo querido de hace 50 año ndive, oagonizáva mombyry pe religión-gui ha’e oikuaáva ikorasõme añeteguaha. Noimportái mbo’ýpa añeha’ã akonsola haĝua, ndaikatúi ame’ẽ chupe paz. Ipahápe he’i chéve: “Jeff, jepeve hasyetereíta aĩ Tupã rendondépe, pe na’aguantáiva ha’e apensavo aĩtaha che sy renondépe. Pe evangelio ha imembykuéra ningo ha’e opaite mba’e chupe ĝuarã. Che aikuaa ajokahague ikorasõ ha upéva ojoka che mba’éva”
Ko’aĝa aime completamente seguro omanóvove, isy orrecibi che amigo-pe con brazos abiertos; upéva ha’e ojapóva túva ha sykuéra. Ha katu pe parte admonitoria ko historia-pe ha’e membykuéra ikatuha odestroza isykuéra korasõ. Upévape avei jahecha peteĩ semejanza upe divino ndive. Natekotevẽi amomandu’a Jesús omano peteĩ korasõ destrozado reheve, peteĩ korasõ agotado ha desagastado ogueraha haguére ko mundo pekadokuéra karga. De modo que, umi momento de tentación-pe, ñakonsidera ñande sýpe avei ñande Salvador-peicha ha ja’evita mokõivévape pe dolor ñande pekadokuéra causa.
Mokõiha ha’e peteĩ mitãrusu oikeva’ekue digno campo misional-pe, ha katu ijeiporavoitére ou jey itiempo mboyve, oguerekohaguére atracción imismo sexoguáre ha peteĩ trauma oguerekova’ekue upehaguére. Idigno gueteri, ha katu ocuestiona ife, ikarga emocional okakuaave ohóvo ha iñembyasy espiritual ipypukuve ára ha ára. Isentimiento ovaria entre lastimado, confundido, enojado ha desconsolado.
Ipresidente de misión, ipresidente de estaca ha ijobispo ohasa heta hora oñe’ẽvo, hasẽvo ha ome’ẽvo chupe jehovasa oipytyvõ haĝua chupe, ha katu ijerida ha’ékuri personal-eterei ha jepe peteĩ pehengue nomombe’úi chupekuéra. Itúva ohayhuetéva, ojapo ijesfuerzo porãve oipytyvõ haĝua ita’ýrape, ha katu, itrabajo ijexigentetereigui, umi pyhare ohasa pe mitãkaria’y ha isy añónte. Ára ha pyhare, primerorã semana-re, upei meses oñekonvertiva’ekue año-pe, oñeha’ã okuera hikuái oñondive. Amargura ára rupive (mayormente pe mitãkaria’y ha sapy’ánte isy) ha tuicha kyhyje (mayormente pe sy ha katu sapy’ánte pe mitãkaria’y) ha’e ogueraha, jey pe ñe’ẽ porã ha hepýva, imembykaria’ýpe, otestifikávo chupe Tupã pu’akagui, Iñevangelio, itupaogui ha katu especialmente imborayhúgui. Upéicha avei otestifika pe mborayhu incondicional, intransigente ha ndopáiva araka’eve ha’e oñandúva hese. Omantene haĝua unido umi mokõi pilar iñimportantereíva hekovépe: pe Jesucristo evangelio ha ifamilia, ha’e oñohẽmeme hi’anga ñembo’épe. Oayuna ha hasẽ, hasẽ ha oayuna, upéi ohendu ha ohendu imemby omombe’u jey jey ramo pe ñembyasy ha’e oñandúvagui. Upéicha, ha’e ogueraha jey chupe, ha katu ko’ãga ndaha’éi nueve mese ajante. Ko’aĝa, ha’e opensa “dar a luz” umi tuicha jehasa’asy espiritual mbytépe ojeipysóta para siempre.
Upevére, Tupã grasia reheve, itenacidad ha heta tupaogua líder, amigokuéra, familiares ha profesionales, ko sy insistente ohecha imembýpe oujeývo pe tierra prometida-pe. Ñembyasy reheve jaikuaa upe bendición ndohupytyiha, terã ndohupytyiva’ekue, ndaopavave umi túva ha sype osufríva heta lajaichagua imembykuéra circunstancia, ha katu pe mitãrusu orientación sexual nokambiai de forma milagrosa, avave noimo’ãi ha’e okambiataha. Poco a poco, oguereko peteĩ ñemoambue ikorasõme.
Oho jey tupaópe; odecidi oparticipa Santa Cena-gui voluntaria ha dignamente; ohupyty jey peteĩ recomendación templopeĝuara ha oacepa pe llamamiento ha’e haĝua maestro de seminario matutino, odesempeñava éxito rejehe. Ko’aĝa cinco años, rire, ha’e ojerure haguére, ha tupao pytyvõ ndive, ha’e oho jey campo misional-pe otermina haĝua iservicio Ñandejárape. Che rasẽ hetáma pe mitãkaria’y py’aguasu, integridad ha detrminación rehe ombohovake haĝua iproblemakuéra ha omantene ife. Ha’e oikuaa oimeha en deuda heta persona ndive, ha katu oikuaa oguerekoha deuda tuichavéva mokõi persona iñimportanteitereíva hekovépe, mokõi ososteneva’ekue chupe, ogueraha va’ekue ha ome’ẽ a luz: Isalvador, pe Ñandejára Jesucristo ha ideterminada redentora ha absolutamente santa Madre .
Pe ipaháva ha’e pe Ciudad de Mexico templo rrededicación jave, ojapo tres semanas. Presidente Eyring ndive upépe ahecha ore querida amiga Lisa Tuttle Pieper-pe oñembo’yrõ pe emotivo servicio dedicatorio-pe. Hasýpe opyta oñembo’ývo oguerepu’akágui peteĩ ijyvápe imemby’i ohayhuetéva ha katu hasyetéva, Dora, ha ambue ijyvápe oñeha’ã omomyi Dora po nofuncionáiva, ikatu haĝua ko discapacitada ha katu Tupã rajy porãite omboveve avei pe pañuelo morotĩ ha peteĩ ñe’ẽ nahesakãivape ha kau henyhẽva jeroviagui osapukái “Hosana, Hosana, Hosana Tupã ha pe Cordérope ”12.
Umi sýpe opa hendágui, pasado, presente ha futuro-gua-pe ha’e: “Gracias, muchas gracias pemoheñói, pemongakuaa, peforma caracter ha pehechaukahaguére pe Cristo mborayhu potĩ”. Ñande sy Eva-pe, Sara, Rebeca, Raquel, Maria de Nazaret ha ñande Sy Celestial-pe che ha’e, “Gracias pene función crucia-rel pekumpli haĝua umi eternidad propósito reheve”. Opa umi sýpe oimera’ẽ circunstancia-pe, jepe umi ohasa’asýva, ha añetehápe opavave ohasáta, che ha’e: “Penepaciéntekena. Pejerovia Tupãre, ha pendejehe avei. Pejapo porãve hína peimo’ãvagui. Peẽ ha’e salvadorakuéra Sion monte-pe13 ha pe Maestro pesegívape mborayhúicha, pene mborayhu ‘araka’eve ndopái”14. Avavépe ndaikatuichéne arrendi peteĩ homenahe tuichavéva. Jesucristo rérape . Amén.