“Cherayhúrõ, neñe’ẽrendu che mandamientokuérare”
Carole M. Stephens rupive
Primera Consejera Presidencia General de la Sociedad de Socorro-pegua
Tupa mandamiento-kuéra niko Imborayhu ñanderehe ohechauka, ha umi Imandamientokuéra obediencia ohechauka avei ñande mborayhu Hese.
Ore memby ypykue, Jennifer, oraháramo imembykuña’i mbohapyha hospital-gui hógape, aha añangareko haǧua hese ha imembykuñakuérare. Imembykuña ypykue oho rire mbo’ehaópe, rodesidi pe mba’e oikotevẽvéva Jennifer niko opytu’u, upéicharõ pe pytyvõ iporãvéva ikatúva ame’ẽ chupe ha’e taraha imembykuña’i mokõiha ógape, Chloe, isy ha mitãra’y ikatu haǧuáicha ipy’aguapymi.
Ajokua Chloe-pe isíllare auto-pe, amoĩ che cinturón de seguridad ha asẽ garaje entrada-gui. Ha katu, roǧuahẽ mboyve tape pahápe, Chloe ojora pe cinturón síllagui ha oñembo’y, omaña che ati’y ári ha ¡oñe’ẽ chéve! Amombyta upe auto tape yképe, asẽ ha ajokua jey isíllare.
Amboguata jey, ha katu aha mbykymi rire ha’e ojei jeýma isíllagui. Arrepetí umi paso, ha katu áǧa ajupi jey mboyve auto-pe ha amoĩ che cinturón, ¡Chloe oñembo’y jeýma!
Upéicha aguapy’aína kóchepe, apyta tape yképe, arekóvo peteĩ lucha de poder mitakuña’i mbohapy áño orekóva ndive ha ¡ha’e ogana ohóvo!
Aipuru káda idea ikatúva apensa akonvense haĝua chupe toñemantene abrochada auto síllare ha’eha idea porã. ¡Ha’e noĩrĩ convencida! Ipahápe adecidí atantea pe enfoke rejapórõ cherehe/upéicharõ che ajapóta nderehe.
Ha’e: “Chloe, repyta ramo abrochada nde síllare auto-pe, upéicharõ ñaǧuahẽvo aguéla rógape, ikatúta jahuga plastilina-re”.
Ndaipóri respuesta.
“Chloe, repyta ramo abrochada nde síllare, upéicharõ ikatúta jajapo pan ñaǧuahẽvo aguéla rógape”.
Ndaipóri respuesta.
Atantea jey. “Chloe, repyta ramo abrochada nde síllare, upéicharõ ikatúta japyta pe tienda-pe ¡jajogua haǧua peteĩ dulce!”.
Mbohapy intento rire, añeme’ẽ en cuenta upéva nofuncionaiha. Ha’e oĩ desidida ha mba’eve aikuave’ẽva chupe ndohupytyiha oñekonvence haǧua opytávo oñeñapytĩ isíllare.
Ndaikatúi niko rohasa ára roguapy upe kóchepe tape yképe, ha che’obedientese pe léire ha ndaisegúroi akondusi Chloe reheve oñembo’ývo. Ame’ẽ peteĩ oración kirirĩme ha ahendu Espíritu oñe’ẽmbeguemí ramo: “Embo’e chupe”.
Ajere hese gotyo ha amomýi che cinturón de seguridad mombyry che retégui ikatu haǧuáicha ohecha. Ha’e chupe: “Chloe, araha hína ko cinturón de seguridad cheprotehétava. Jarekórõ peteĩ accidente, cheprotehéta, pero nde ndererahái ne cinturón ha nereimemo’ãi segura. Che tristeitereíta reñelastimárõ”.
Ha’e omaña cherehe; ahechávaicha iñapytu’ũ omba’apórõ o’entende haǧua ha’éva chupe upe aja aha’arõ asy irrespuesta. ipahápe, umi hesa hovy guasu omimbi ha he’i: “Aguéla, reipota araha che cinturón de seguridad ¡cherayhúgui!”.
Espíritu oñeñandu pe auto-pe ha’e aja chupe che mborayhu. Ndaperdeséi pe sentimiento, ha katu aikuaa upéva ha’eha che oportunidad, upéicha asẽ ha ajokua isílla auto-re. Upépe aporandu: “Chloe, ¿repytáta nde síllape?” ha ha’e ojapo upéicha ¡tape pukukue rohóvo tienda-pe rojogua haĝua peteĩ dulce! Ha’e oñeñapytĩ avei tienda-gui che rógapeve, upépe rojapo pan ha rohuga plastilina-re ¡Chloe ndahesarái!
Akondusi jave ajevývo tapére óga gotyo, ou che apytu’ũme peteĩ Escritura: “Pecherayhúrõ, pekumpli che mandamiento-kuéra”1. Jareko regla ñambo’e haǧua, jagia ha japrotehe haǧua mitãkuéra. ¿Mba’ére? Mborayhu tuicha rorekóvare hesekuéra, ha katu Chloe o’entende che aipotaha ha’e topyta auto síllare ojejokua che ahayhúre chupe ha ajepy’apy isegurida rehe, ha’e noĩri dispuesta oñesometévo okonsiderávare peteĩ restricción. Oñandu pe cinturón de seguridad oñapytĩha ha orrestringiha iliberta.
Chloe-icha, ikatu jaiporavo jahecha umi mandamiento-kuéra restriccione ramo. Ikatu ñañandu sapy’ánte umi Tupã léi orrestringi vaicha ñande libertad personal, oipe’aha ñande albedrío ha olimita ñane oportunidad ha ñane crecimiento; ha katu jahekávo peteĩ comprensión tuichavéva ha ñapermiti ñande Ru tañanembo’e, ñañepyrũta jahecha Ileykuéra ha’eha evidencia Imborayhu ñanderehe ha pe ñane mborayhu evidencia ha’e ñakumplisevévo Imandamientokuéra.
Peime ramo sapy’a estacionado tape yképe forma metafórica-pe, peñeporandúvo mba’épa pejapóta, ¿ikatu piko asuheri peẽme umi principio, pesegívo, penepytyvõtava pejevy jey haǧua fe ha obediencia tapére?2.
Peteĩha, pekonfía Tupãre. Pekonfía Iplan eterno-re peẽme ǧuarã. Káda uno ñande niko peteĩ “hija o hijo espiritual amado de padres celestiales”. Imborayhu ñanderehe niko ojekuaa umi léi ha mandamiento-kuérape. Umi mandamiento niko instruccione vital ñanembo’e haǧua, ñandegia ha ñandeprotehe haǧua “ñaganávo experiencia terrenal”3.
Pe “mundo premortal”-pe jaipuru ñande albedrío ja’aceptávo Tupã plan4 ha ña’aprende pe Tupa ley eterna obediencia tekotevẽha jahupyty haĝua éxito Iplan-pe. Escritura-kuéra ombo’e: “Hay una ley, irrevocablemente decretada en el cielo antes de la fundación de este mundo, sobre la cual todas las bendiciones se basan”5. Ja’obedesévo pe ley, jarresibi umi jehovasa.
Jepeve umi jejavy, oposición ha aprendizaje omoirũva ñane experiencia terrenal, Tupã araka’eve ndahesarái ñande potencial eterno, jepeve ñande ñanderesarái ramo. Ikatu ñakonfia Hese “Tupã oipotáre Ita’yrakuéra ojevy Hendápe”6 ha ome’ẽ peteĩ vía Ita’ýra, Jesucristo, Expiación rupi. Pe Expiación “ha’e pe plan de salvación esencia”7.
Mokoiha: Pekonfia Jesús-re. Pe expresión tuichavéva obediencia ha mborayhu añete rehegua ha’e Jesucristo expiación. Ha’e ome’ẽ hekove ñanderehe oñeme’ẽvo Itúva voluntad-pe. Ha’e he’i: “Pejapóvo che mandamiento-kuéra, pepyta che mborayhúpe; che ajapo haguéicha che Ru mandamiento-kuéra ha pepyta che mborayhúpe”8.
Jesús ombo’e:
“Ehayhu Tupa Ñandejára opa ne korasõ reheve, ha opa ne ánga ha ne apytu’ũ reheve.
“Kóva pe mandamiento peteĩha tuicháva.
Ha mokõiha ojogua pévape: Ehayhu nde rapichápe ndéicha avei”9.
Káda domingo jareko oportunidad ñanemandu’ávo ñande Salvador mborayhu potĩre japarticipávo umi Iñexpiación infinita emblema-gui. Santa Cena aja, amaña mba’éichapa umi ipo ha ijyva iñasãi ombohasa haǧua upe pan ha pe y, ha che jyva iñasãi ramo voluntariamente aparticipa haǧua, ajapo konvénio aimeha dispuesta ajagarra che ári Héra, ha akoiete chemandu’ávo hese, ha akumplívo Imandamientokuéra, ha Ha’e opromete akoiete [ikatúta] jareko Ijespíritu [ñanendive]”10.
Mbohapyha: Pekonfía umi Espíritu ñe’ẽmbeguépe. ¿Penemandu’ápa che experiencia aja Chloe ndive pe Espíritu oñe’ẽmbegue chéve peteĩ Escritura? Oĩ Juan 14:15-pe : “Pecherayhúrõ, pejapo che mandamiento-kuéra” ha osegi ko’ã versículo iñimportanteitéva:
“Ha che ajeruréta Túvape, ha ome’ẽta peẽme ambue Consolador, oĩ haǧua penendive akoiete ǧuarã:
“Pe Espíritu añetegua, mundo ikatu’ỹva orresivi, ndohecháire ni ndoikuaáire chupe; ha katu peẽ peikuaa chupe, oikóre penendive ha oĩ pendepype”11.
Káda miembro digno oñekonfirmáva La Iglesia de Jesucristo de los Santos de los Últimos Días-pe oreko derécho omoirũvo chupe Espíritu Santo. Pe ayuno, ñembo’e, estudio de las Escrituras ha obediencia omongakuaa significativamente ñande habilidad ñahendúvo Espíritu ñe’ẽmbegue. Peiporavo pekonfia Espíritu ñe’ẽmbeguépe.
Pene apytu’ũ henyhẽ vove duda ha confusión-gui, Túva ha Ta’ýra omboúta peẽme Espíritu Santo penekonsola ha omyenyhẽ haǧua pene apytu’ũ py’aguapýgui, pendegiávo seguridad reheve peligro mbytépe ko jornada terrenal-re”12.
Irundyha, pekonfía umi profeta viviente konsejokuérare. Ñande Ru ome’ẽ ñandéve peteĩ mba’éichapa ñahenduva’erã Iñe’ẽ ha jaikuaa Iléi Iprofetakuéra rupi. Ñandejára odeklara: “che ñe’ẽ… opavave oñekumplíta, taha’e che ñe’ẽryapúre térã che siervokuéra ñe’ẽryapúre, peteĩchante”13.
Ramoite, umi profeta viviente ñaneaconsejákuri “[tañanemandu’a] día de reposo-reñasantifika haǧua”14 ha tajaiko ley del ayuno-pe. Ko consejo profético-pe obediencia ome’ẽ ñandéve mba’éichapa ñaneñe’ẽrenduva’erã Tupã mandamientokuérape, jahayhu chupe ha ñande rapichápe ñamongakuaávo ñande fe Jesucristo-re ha ñamyasãi ñande po jahayhúvo ha ñañangarekóvo ambuekuérare15.
Oĩ seguridad jasegívo Ñandejára ñe’ẽ Iprofetakuéra rupi. Tupã ohenói presidente Thomas S. Monson-pe, umi Primera Presidencia consejerokuérape ha umi Cuórum de los Doce Apóstoles miembrokuérape profetas, videntes ha reveladores ramo. Ko mundo ojekyhyjehápe, oĩhápe distracción, adversidad ha pochy okakuaáva, ikatu ñama’ẽ hesekuéra jahecha haǧua mba’éichapa Jesucristo discípulo-kuéra, henyheva poriahuverekógui, ojapo, oñe’ẽ ha orreacciona umi téma ikatúvape ogueru contención. Ha’ekuéra otestifika Jesucristo-re ha ombohovái poriahuverekóre, pe Cristo mborayhuete, ha’évagui hikuái testigo.
Che experiencia rire Chloe ndive, a’escudriña umi Escrituras ajuhu hagua umi versículos oñe’ẽ hápe mandamiento-kuéra ha mborayhu. Ajuhu heta. Imandamientokuéra niko peteĩ manifestación Imborayhúre ñanderehe, ha umi Imandamientokuérare obediencia ha’e peteĩ expresión ñane mborayhúre Hese.
Atestifika ñakonfia ramo Tupãre, ñande Padre Eterno-re; ñakonfia Ita’ýra Jesucristo-re ha ja’ejerse ñande fe Iñexpiación-re; ñakonfia Espíritu ñe’ẽ mbeguépe ha ñakonfia umi profetas oikovéva konsejokuérare; jajuhúta ñane rumbo rape tape yképe ha ñakontinuáta seguridad reheve, ndaha’éi japerseverávonte, avei ñañandúvo gozo ñande viaje aja ógape. Jesucristo rérape. Amén.