Jaiporavo Tesape
Élder Vern P. Stanfill rupive
Setenta-gua
Jaiporavova´erâ ñahendu ñemoñe´ê profético, jahechakuaa ha ja obedece espíritu ñe´êmbegue ha ñaneobediente Tupâ mandamientokuérape, ha jaheka revelasión personal.
Nda areiete, che rembireko ha che, rodesidi kuri ro experimenta porâ va’erâha mba’e porâ peteî región hi’âguíva ore rógagui, Montana noroeste-pe. Rodesidi rogueraha ore bicicleta sendero Hiawatha-pe, peteî línea ferrocarril oñemyatyrôva’ekue ohasáva umi serranía porâite Montana ha Idaho apytépe. Roplanifika kuri rohasa porâ haḡua pe árape, ore angirûnguéra ndive, rodisfrutávo bellesa natural upe regiongua.
Roikuaa kuri, ore rape ipukukue jave, pe sendero porâité rehe oguerekóva 24 Km, oîtaha puentes de caballete, cañones ha tuneles ipypukúva oikéva umi yvytykúape, upéicha, roñembosako’i linterna oîva casco ha biciclétare reheve.
Ohómava’ekue upépe oremboyve he’i oreve umi túnel-kuera iñypytûha ha roikotevêtaha tesape imbaretéva. Roñembyatývo pe Túnel tafl itaguigua entrada renondépe, peteî oñangarekôva upépe ombe’u oréve umi peligro oîva, he’ivo oîha sanja kakuaa ipypukúva, tapiakuéra iky’a ha iñypytuetereiha. Pasiencia´ўre roike pe túnel-re. Ha sapy´ami roike rire, pytû oje´eva´ekue oréve orejagarrapa, linterna agueraháva´ekue ndovaléi ha pya’e nahendyvéima. Añepyrû sapy´a che ansioso, che py´amokôi ha añedesorienta.
Cheotî a acepta hağua che py´apy che angirû ha familiar-kuérape, Ha´e ramo jepe che, ciclista iñexperiencia-va, ko’ağa ha´ete chéve araka´eve ndajupíriva’ekue bicicleta ári; hasy chéve apyta haḡua ñembo´y hápe, ha okakuaa che confusión. Ipahápe, ha’erire che ñemyanguekói umi oîvape che ykére, ikatu añembojave peteî linterna kakuaa tesape ypýpe che angirû mba´éva. Opavave oîva pe grúpope oñepyrû ojapo peteî apu´a kakuaa ijerére. Roîmbávo oñondive ha rojeroviávo hesapére ha tesape oñondivepa rojapóvare, roikeve pe Tunel pytumbúre.
Upéi, pe ha’etéva umi aravo ndohasáiva, ahecha peteî tesape michimi. Upepete añepyrû añetranquilisa osê porâmbataha. Asegi ahávo, ajeroviávo cheangirûnguéra ñembohesapépe ha avei pe tesape michimi ahechávape okakuaaha itamaño ha iñintensisad-pe; sa’i sa’i che jerovia oñepyrû okakua pe tesape okakuaháicha ohóvo. Roğuahe mboyve pe tunel pahápe, naikotevêvéima che anguirangirunguéra rehe, opa ansiedad odesaparece, a medida que apedalea ahávo pe tesape gotyo . Añandu py’aguapy ha añetranquilisa asê mboyve pyhareve porâitépe.
Jaiko peteí mundo oñe-experimentahápe desafios en la fe. Ñañeñandúta seguro, ñaimémaha preparado ñambohovake hağua umi desafio, jahechakuaa peve umi ñande preparativo na isuficientei hague, ha pe che angirû he´i haguéicha chéve pytumby rehegua, upéicha avei ojeadverti ñandéve ko ára rupi. Apostoleskuéra ñe’enguéra, he’i jajeprepara haḡua tesape mbarete fortaleza espiritual reheve.
Upeichaite avei, ikatu ñatĩ, ñañeñanduvai terã ñañekonfundi espiritualmente ñaime jave peteî desafio ñande Fe renondépe. Upéicha ramo jepe, pe intensidad ha duración umi sentimiento rehegua, odependéta ñande reacción rehe. Ndajajapói ramo mba´eve, ikatu hina jerovia´ў, orgullo ha ipahápe apostasía ñanemomombyry tesapegui.
Aikumby mbovymi leccion iñimportánteva che experiencia pe Túnel-pegui ha akompartíta michimi penendive
Peteîhápe, oimporta´ўre mba´eichaitépa pe pytûmby jerovia´ў rehegua, jaiporavo araka´epevépa térã moô pevépa ñapermiti oinflui ñanderehe. Ñanemandu´ava´erâ mba´eichaitépa Ñande Ru Yvagagua ha Ita´ýra ñande rayhu. Ha´ekuéra, ni peteîva nañanderejareimo´âi, ha ni nopermitimo´ai ñañeñandu vai jaheka ramo ypytyvô. Penemandu´ake pe Pedro experíenciare yguasu ypýpe Galilea-pe. Pedro oñeñandu envuelto pe pytû ro´ysãme, ohechakuaa inmediantamente ijehasa´asy, ha odecidi upépe ojerure pytyvô. Ha´e nocuestionái Salvador pu’aka osalva haḡua chupe he´iminte: Ñandejára, Che salvamína!”1.
Ñande rekovépe, ikatu Salvador po ojepysóva ojagarra peteî angirû de confianza ramo, terâ peteî líder terã túva marangatu ra’anga. Jaikovaí ramo jepe pytû guýpe, ndaipori mba´eve ivaíva ñadependévo temporalmente umi ñande rayhúva tesapére, ha oguerekóva presente ñande rembipotakuéra.
Ñaconsiderárô ñeñangarekópe, ¿mba´ére ñahendúva´erâ umi ñe´ẽ japu ha ndahováiva umi edificios tuicháva ñande épokagua ha nañapenamo’ãi umi súplica añetehápe ñanderayhúvagui? ko´â pesimistas siempre oîva presente, oiporavo oporoity, oporomopu´â rangue, orridikulisa ñande edifica rangue. Iñe´ênguera oñembohorýva ikatu omongu´e ñande rekove manterei omoîvo distorciones eléctrónicas, ojejapóva odestrui haḡua ñande fe. Iprudente-pa ñamoi ñande bienestar extraño poguýpe? Iprudéntepa ja´e jarreciviha entendimiento umi ndoguerekóivagui tesape ome´ê haĝua, térã iñenteciones privada okañýva ñandehegui? Umi tekovekuéra ojekuaa´ўva, oñembojáramo ñanerendápe, sinseridad rehe, nañaconcedeichéne chupekuéra ni michimi ñane tiempogui, ha katu oipuru haguére hikuái redes sociales, okañy hikuai escrutíniogui, ha ojapyhy credibilidad nomereséiva.
Ñande desición ñame´ẽvo ñeñangareko umi oñombohorýva mba´e sagrado-re, ñanemomombyrýta pe Salvador tesape ñandesalváva, ha ome´êva tekove. Juan ohai: “Ha Jesús oñe´êjey chupekuéra, he´ívo: Che ha´e hina yvypóra resapehára; che moirûva oguerekóta pe lus oporomôingovéva ”2. Penemandu´áke; umi añetehápe ñanderayhúva ikatu ñanepytyvô ñamopu´â haḡua ñande fe.
Pe che atî haguéicha túnel-pe, avei ikatu ñatî jajerure haḡua pytyvô ñane jerovia´ўme. Ikatu ñande, ha´e tekove ñande rapichakuéra ñande rekáva´ekué fortaleza-re, ha ko- aḡa ñaikoteve pytyvô- Jahechakuaávo lus ha consuelo del Salvador ikatúva ome´e ivaliosoitereive orgullo ñembosaráigui. Upéicharô, líderes tupâogua, túvakuéra ha ñande angirûkéra inspirados ikatu ñanepytyvô. Ha’ekuéra oha’arõ ha oĩ listo ñanepytyvõ haĝua jahupyty haḡua conviciones espirituales ñanemombaretéta jerovía’ỹ kóntra-pe.
Segundo, Jajerovía va´erâ Ñandejárare, ñamombarete haḡua ñande propio poder espiritual Ndaikatúi ñadepende ambue tapichakuéra tesapégui siempre. Aikuaa pe pytўmby túnel-pe ndahi´aremo´âiha asegiramo apedalea che angirû ndive ha pe seguridad grupo apytépe. Ha katu che expectativa ha´e ikatúneha a avansa che jeheguínte ikatúmarô ahecha pe tesape. Ñandejára ñanerekombo´e: “Peñemboja cherehe, ha che añembojáta penderehe; che reka diligentemente, ha che juhúta, ejerure ha rehupytýta, ehenói ha oje avríta”3. Ja actuava´erâ, ñaha´arõvo Ñandejára okumpli ipromesa ñanemopu´âvo pytûmbygui, ñañembojáramo hese. Upeichavérô pe adversario ñanekomvenseséta araka´eve nañañandúiha Espíritu influencia ha ipya´evétaha jajedehánte.
Presidente Dieter F. Uchtdorf ñanerekombo´e “pendepy´amokôi umi pendepy´amokôigui, pendepy´amokôi mboyve pende jerovíagui”4. Ramóite che barrio-pe, peteî mitârusu he´i “Oî mba´e añandúva, ha ndaikatúiva ha´e ambue hendáicha ndaha´éiramo Tupâ mba’e” upéva ha´e integridad espiritual.
Ñambohovakévo py´amokôi terá jepy´apy, ñanemandu´ava´erâ ñande jehovasa ha ñane remiandu espirituales oikeva´ekue ñane korasôme ha ñande rekove ymaguarégui, ha ñamoĩ ñande jerovia Ñande Ru ha Ita´ýra Jesucristo-re . Che mandu´a peteî ñemoñe´ê oñeme´êva peteî purahéi jaikuaávape: “Tupâgui nañandepy´a mokôi mba´evépe, ñañanduporã[haguére] katu imarangatu”5. Jahejareirô umi experiencia espirituales ohasámava´ekue ñanemomombyrýta Ñandejáragui.
Tesape jeheka, okakuaáta ñande disposición rupive jahechakuaa haḡua ohesape jave ñande rekovépe. Eskrituras modernas ohero lus-pe ha o ofrese peteî promesa umi oaseptávape chupe. “Ha´eva Ñandejáragui ha´e tesape; ha pe ojapyhýva lus ha operseveráva Tupâme ojapyhýta hetave lus, ha pe lus opyta omimbipa heta hetave, ára perfecto peve”6. Upeichaite avei pe asegívo apedalea tesape gotýo, hetave japersistírô, hetavéta iñinfluencia ñanderekovépe. Pe lus túnel paha-peguáicha, iñinfluencia ome´êta ñandéve confianza, resolución, consuelo ha – iñimportantevéva - poder jaikuaa haḡua ha´e oikovéha.
Tercero, ndaipori pytû ipohýietereíva, iñamenasadora ni hasyetereíva, pe lus ndaikatúiva ovense Élder Neil L. Andersen ohekombo´e ramoite: “okakuaháicha mba´e ñaña ko múndo-pe, oî poder espiritual compensador umi hekojojávape ḡuarâ. Opena´ўháicha ko mundo pe fundamento espiritual-re, Ñandejára ombosako´i tape umi ohekávape chupe, o’ofresévo chupekuéra peteî convicción kakuaavéva, peteî mayor confirmación ha mayor confianza dirección espiritual oviaha gotyo. Don, Espíritu Santo rehegua, ha´e hína peteî lus omimbivéva pytûmby oñembojávo”.7.
Hermano ha hermanakuéra, ndajajehejái ñane’año, ñaime haḡua influenciado kada kapricho ha actitud iñambuéva mundogua-gui, ha katu jaguereko poder jaiporavo haḡua jeguerovia py´amokôi rangue. Jaguereko haḡua acceso ko poder espiritual compensador-pe, ikatu jaiporavo ñamoî ñane atención, umi consejo profético-pe, jahechakuaa ha jaobedece umi ñe´embegue espirituales, ñaneobediente mandamientokuérape ha jaheka revelación personal. Jaiporavova’erã. Ajerure’asy, tajaiporavo pe Salvador resape. Jesucristo Rérape. Amén.