Eperseverá nde rapépe
Élder Koichi Aoyagi rupive
Setenta gua miembro emérito
Pemoĩ Tupãme raẽ, ta’e ha’e umi prueba pehasáva. Pehayhu Tupãme; pejerovia Cristo-re ha peñeme’ẽ Chupe opa mba’épe.
Marzo 11, 2011-pe, oimérõ guare peteĩ plataforma-pe tren estación Shinagawa Tokio, avisita hag̃ua misión Japón, Kobe. Oiméne 2:46 ka’aru rupi, oiko peteĩ yvyryrýi guasu 9.0 rupi omedía. Ndaikatúi añembo’y pe yvy okachágui ha ajejagarra’atã umi escalera barandal rehe. Umi che techo che ypypegua resape oñepyrũ ho’apa. Tokio tuichakue okyhyje.
Mba’eporãra, ndojehúi chéve mba’eve, ha cuatro hora upe rire, che py’aguapy aikuaávo opa che familiakuéra oĩporãha.
Télepe ojehechauka escena ñanemongyhyje ha jaguerovia’ỹva. Peteĩ maremoto tuichapajepéva onupã misión Sendai, orahávo hapére opa mba’e: umi auto, óga, fábrica ha ñu. Ndaroviaséi umi mba’evaiete ahecháva ha che rasẽ, ha ajerure che py’aite guie Ñande Ru Yvagagua ñemo’ã ha pytyvõ oĩ hag̃ua opa umi yvypóra ahayhuetéva oikóva upépe ndive.
Upe rire, oñemombe’u opa Tupaogua miembro ha misionero-kuéra oĩporãha. Upevére, heta miembro-pe ombosavai oñehundígui ifamilia, hóga ha umi orekóva. 20.000 mil yvypóra rupi omanó, umi comunidad oñehudipa ha heta oĩ ohejáva pe hóga oikógui peteĩ accidente planta de energía nuclear-pe.
Ko ára, ko’ãichag̃ua mba’evai ohundi hína heta henda ko yvóra,oguerúvoheta tekove ñehundi. Ojeikuaauka ñandéve oĩtaha mba’evai, ñorairõguasu ha hetaite jehasa’asy ko yvórape.
Ñeha’arõ’ỹme oúramo péichagua prueba ñande ári, ikatu ñañeporandu: “Mba’érepa ojehu chéve ko’ã mba’e?” térã “Mba’érepa ahasa’asyva’erã?”.
Heta ára añekonverti rire Evangelio-pe, nahesakãiva chéve ko porandu: “Mba’érepa oñeme’ẽ chéve umi prueba?”. Antendéva plan salvación rehegua he’íva jaje probataha; upevére, upe porandúgui, ndarekóiva añetehápe peteĩ jerovia imbaretéva ambohovaiporã hag̃ua. Ha katu oúkuri ára che rekovépe ahasa hague avei peteĩ prueba guasu.
Arekóramo guare 30 áño, avisitákuri misión Nagoya che rembiapo aja. Pe aty opa rire, presidente de misión torýpe he’i umi élder-pe che gueraha hag̃ua aeropuerto-pe. Upevére, rog̃uehẽvo boca calle peteĩ colina yvate, peteĩ kamió guasu osẽ hatãvai ore rapykuégui, ochokávo ore auto revíre ha omboveve veintiún metro rupi tenonde gotyo. Pe ivaivéa ha’ékuri ndaipóri pype chofer; pe ore auto revi a la mitá michĩve. Mba’eporãra, umi élder ha che noromanói.
Upevére, upe ára ko’ẽme, añepyrũ che ajúra ha che ati’y rasy, ha areko peteĩ akãrasy vai. Upe ára guive, ndaikatúiva jepi ake ha opa ára aikoakue mba’e’asy reheve, che rete ha che akãme. Ajerure Tupãme oipe’ami hag̃ua che mba’e’asy, ha katu umíva opyta 10 áño rupi.
Upe ára, añepyrũakue añandu duda, ha añeporandúmi, “Mba’érepa añanduva’erã hetaite mba’e’asy?”. Upevére, noñemeirõ jepe chéve pe sanasiõ che ahekáva, añeha’ã jeroviápe che ñe’ẽredu umi Tupã rembiapoukapýre. Añembo’eve ahávo ikatu hag̃ua ajuhu mbohovái umi duda arekóva che prueba rupi.
Oĩkuri ára ajejuhu hague ahasa’asyha hína ambue asunto personal, ha ajepy’apy ndaikuaágui mba’éicha ambohovakéta ko prueba pyahy. Añembo’ékuri aheka hag̃ua mbohovái. Ha katu noñeme’ẽi chéve enseguida. Upémavo aha añe’ẽ peteĩ Tupao gua líder che jeroviaha ndive.
Roñe’ẽ aja, mborayhu iñe’ẽme, he’i: “Hermano Aoyagi, ndaha’éi piko ñeimeha ko yvy’ári jahasa hag̃ua ko’ã prueba? Ndaha’éi piko ñamoporãmba ko’ã prueba ko vida gua pe ouháicha ha upéi jeheja pe hembyre Ñandejárape? Ndereroviápa ko’ã mba’evai oñemoĩ porãtaha jaikovejey vove?”.
Ahendúvo ko’ã ñe’ẽ, añandu atã Ñandejára Espíritu. Ahendúmakuri upe doctrina heta ára, ha katu kuaapy arekóva nahesakãiva upe áraicha. Antendékuri péva ha’e hague mbohovái Ñandejárape ajerureakue umi che ñembo’épe. Antendeporã ñande Ru Yvagagua plan salvasiõ rehegua ha antendejey upe principio imba’eguasúva.
Abraham-pe, Tupã Ñandejára he’iakue: “… y con esto los probaremos, para ver si harán todas cosas que el Señor su Dios les mandare”1.
Pe principio ha’e, Tupã pe ojapo’akue umi yvága ha yvy oikuaaha mba’éicha oñemoĩ’akue ko yvy, ha ha’e orekoha pu’aka opa mba’e ári yvága ha yvýpe, ha ojejapo hag̃ua pe plan salvasiõ rehegua, Ha’e ome’ẽ ñandéve opáichagua jehasa, ha umi prueba jepe, ñaime aja ko yvy’ári.
Ñandejára péicha he’iakue José Smith-pe:
“… entiende, hijo mio, que todas estas cosas te servirán de experiencia, y serán para tu bien. …
“Por tanto, persevera en tu camino…, porque Dios estará contigo para siempre jamás”2.
Umi prueba ko yvy’arigua, mba’asy ha ñemano jepe avei, ha’e pe plan salvasiõ pypegua, ha ha’e experiencia jahasamanteva’erã. Tekokotevẽ japerseverá [ñande] guatápe” ha ja’acepta ñande prueba jerovia reheve.
Upevére, ñande vida propósito ndaha’éi jaropu’akánte hag̃ua umi prueba. Ñande Ru Yvagagua ombouakue Ta’ýra Ohayhuetéva, Jesucristo, ñande Salvador ha Redentor háicha, ñandepu’aka hag̃ua umi prueba jahasáva rehe ko yvy’ári; ambue ñe’ẽme, Ha’e ojapo umi mba’e ñanekaguyha ta’imbarete3. Ha’e oexpia umi ñande pekado ha ñane imperfesiõ, ha Ha’e rupi jahupytykuaa pe inmortalidad ha vida eterna.
Presidente Henry B. Eyring he’iakue: “Prueba ome’ẽva peteĩ Tupã ñande rayhupáva, ndaha’éi ohecha hag̃ua jagueropu’akakuaápa umi jehasa’asy, ha katu jaropu’aka porãpa umíva. Jahasa pe prueba jahechauka vove ñane mandu’aha Hese ha umi tembiapoukapy Ha’e ome’ẽakuére ñandéve”4.
“Epersevera nde rapépe” ha’e peteĩ desición imba’eguasúva prueba árape. Pemoĩ pene korasõ Tupãre, especialmente pehasa jave umi prueba; peneñe’ẽrendu humildemente Tupã rembiapoukapýre; pehechauka fe pemoĩ hag̃ua peẽ peipotáva Tupã rembipota ndive.
Ñapensami ko’ág̃a accidente Nagoya-pe oikoakuére. Ikatúkuri amano upe accidente-pe; upevére, Ñandejára grasia rupi, milagrosamente namanóikuri; ha aikuaa umi chejehasa’asy ha’e hague aikuaave ha akakuaa hag̃ua5. Che Rú Yvága che rekombo’eakue amboguapyve hag̃ua che ñeha’arõkuaa’ỹ, amongakuaa hag̃ua poriahuvereko ha amoangapyhy hag̃ua umi oiko’asývape. Pévare ajechakuaávo, henyhẽ che korasõ aguijégui che Ru Yvágape upe prueba rehe.
Pemoĩ Tupãme rãe, taha’e ha’e umi prueba pehasáva. Pehayhu Tupãme; pereko jerovia Cristo-re ha peñeme’ẽ Chupe opa mba’épe. Péicha ojapóvape g̃uarã, Moroni ome’ẽ ko promesa: “…ha ndapejapóiramo mba’eve ivaíva, ha pehayhúramo Tupãme opa pene ánga, apytu’ũ, ha mbarete reheve, upéicharamo iporãntema igrásia peẽme g̃uarã, igrásia rupi peñemoĩporãmba hag̃ua Cristo-pe”6.
Añetehápe atestifika Tupã pe Túva ha Ta’ýra Ohayhuetéva, Jesucristo, oikoveha, ha umi promesa umi “operseveráva hapépe” ha ohayhúvape Chupe oñekumplita, umi prueba pa’ũme jepe; Jesucristo réra marangatúpe. Amén