Pe Vy’a oúva javivívo peteĩ vida oñecentráva Cristo-pe
Elder Richard J. Maynes rupive
Presidencia de los Setenta-gua
Ñande vida oñecentrava’erã Cristo-pe exactitud reheve jajuhuserõ vy’a ha py’aguapy añetéva ko tekovépe.
Ko mundo javivihápe opresiona hénte iguénovape opa hendápe omboguejy ha jepe oheja haĝua inormakuéra tekove joja rehegua. Upevére, jepe umi mba’e ñaña ha tentacionkuéra oĩmeméva ñande jerére, jajuhu vy’a añetéva javivívo peteĩ vida oñecentráva Cristo-pe.
Ñacentrávo ñande vida Jesucristo ha iñevangelio-pe jahupytýta estabilidad ha vy’a, ohechaukaháicha ko techapyrã.
Elder Taiichi Aoba-pe, Setenta-gua, oikóva Shikoku, Japón-pe, ojejerure ombo’e haĝua peteĩ clase conferencia de la juventud-pe. “Pepyta tenda Santo-pe” ha’e kuri tema ojeiporavova’ekue conferenciarã. Okonsidera rire pe tema ha mba’épa ombo’éta, Elder Aoba odecidi oipurutaha ivocación herramienta-icha ombo’e haĝua. Ha’e ningo alfarero.
Elder Aoba omombe’u, iclase hetia’eve kuri ohecharõ chupe otransforma haimete mágicamente peteĩ barro pedazo oguerekova’ekue ipópe ha okonverti plato, tazón ha tazakuérape. Upe demostración rire, oporandu oĩpa oprobaséva, ha opavave omopu’ã ipo.
Elder Aoba oinvita joa umi mitãrusúpe oñemo’aĝui ha oproba haĝua iñinterés pyahu. Opensa hikuái, ohecha rire chupe, isensillotaha. Ha katu, ni peteĩ ndojapói ni peteĩ tazón sensíllo. Opavave he’i: ¡ Ndaikatúi ajapo!”, ¿ Mba’ére piko hasyeterei?”, “Hasyeterei ningo”. Ojapo hikuái ko’ãichagua comentario pe tuju oveve aja ágoto ha pégotyo pe kotýpe.
Oporandu umi mitãrusu-pe mba’ére piko hasyeterei hína chupekuéra pe alfarería, ha ha’ekuéra ombohovái joa: “ Ndaguerekói experiencia:, “Nachembo’éivaekue araka’eve” terã “ Ndaguerekói talento”. Según pe resultado, opa he’iva’ekue hikuái añetegua; upevére, pe ifracaso motivo iñimportantevéva ha’e nocentraihaguére hikuái pe barro pe rueda-pe. Umi mitãrusu oimo’ã kuri omoĩhague hikuái pe centro-pe, ha katu peteĩ profesional perspeciva guive, noĩri centro exacto-pe. Upévare he’i chupekuéra: “ñaitenta jeýna”.
Ko’aĝa, Elder Aoba omoĩ pe barro pe rueda centro exacto-pe ha oñepyrũ ombojere, ojapóvo peteĩ kuára pe barro mbytépe. Heta mitãrusu ointenta jey, ha ko’ãĝa opavave oñepyrũ ojepopete he’ívo; “ Nomyivéi!, “ ikatu ajapo” terã “ajapóma katu!. Añetehápe umi forma nosẽporãmbái, ha katu pe resultado ha’e completamente diferente pe intento peteĩhágui. Pe éxito motívo ha’e Kuri pe barro oĩhague perfectamente centrado pe rruédape.
Ko mundo jaikohápe ojogua pe alfarero rruéda ojerévape, ha ivelocidad ipya’eve ohóvo. Pe alfarero rruédaicha, ñande avei ñaimeva’erã centrado. Ñande nucleo – ñande rekove centro- ha’eva’erã Jesucristo ha Iñevangelio. Javivívo peteĩ tekove oñecentráva Cristo-pe osignifika ña’aprendeha Jesucristo ha Iñevangeliogui, ha upemarõ jasegui Iñehemplo ha ñañongatu Imandamientokuéra exactitud reheve.
Pe profeta ymaguare, Isaías, he’i: “ Ko’aĝa, Jehova, nde ha’e ore Ru; ore ha’e pe barro, ha nde ore alfarero; upéicha rupi nde pógui guare rembiapo ha’e opavave ore”1.
Ñande rekove oñecentrarõ Jesucristo-pe, Ha’e ikatu ñanemoldea oiko haĝua ñandehegui pe oñeikotevẽva jaha jey haĝua Hendápe ha Túva presencia rreino celestial-pe. Pe vy’a ñañandútava ko vida-pe oĩta directamente proporcional ñañecentra porãrõ Jesucristo enseñanza, ejemplo ha sacrificio expiatorio-pe.
Hermano ha hermanakuéra, che anace peteĩ familia ha’éva Santo de los Ultimos Dias heta generación guive, upévare umi jehovasa ha vy’a oúva Jesucristo evangelio reheve ha’e Kuri ore cultura familiar base ha oĩ entretehido ore vida cotidiana ndive. Ndaha’éi sino aservi rire peteĩ misión de tiempo completo che mitãrusurõ guare añeme’ẽha en cuenta pe tuicha impacto positivo oguerekóva Jesucristo evangelio plenitud umi araka’eve no’experimentaiva’ekue ijehovasa rekovépe. Ko versículo Mateo-pe ohechauka pe proceso ohasava umi hénte oñekonvertíva Jesucristo evangelio-pe: “ Pe Yvága rreino ojogua peteĩ tesoro escondido peteĩ ñúme, peteĩ yvypóra ojuhúva ha omokañy jey; ha henyhẽvo vy’águi, oho ovendepa oguerekóva ha ojogua upe ñu”2.
Pehejami chéve takomparti penendive peteĩ ejemplo Libro de Mormón-pe ohechaukáva mba’épa oĩ Kuri dispuesto opagávo peteĩ konverso orrecibi haĝua pe vy’a oúva jatoparõ pe tesoro he’iva’ekue Jesús pe parábola tesoro oculto ñume-pe.
Penemandu’ápa Alma kutiañe’ẽme, capitulo 20-pe, Ammon ha Lamoni oje’oi hína Kuri Middoni táva gotyo otopa haĝua Aarón, Ammon hermano, ha oguenohẽ haĝua chupe prisión-gui. Upe je’oi aja ojotopa hikuái Lamoni túva ndive, ha’éva Lamanitakuéra rrei opa yvy’ári.
Upe rrei ipochyeterei ita’ýra Lamoni oviaja haguére Ammon ndive, peteĩ misionero nefita, ha’e okonsideráva peteĩ enemigo. Orovia ita’ýra oasistiva’erãha kuri pe tuicha fiesta ha’e ojapova’ekuépe yta’yrakuéra ha ytavayguakuérape ĝuarã. Pe rrei Lamanita ipochyeterei ha omanda ita’ýra Lamoni-pe tojuka Ammon-pe ijespada reheve. Lamoni oñenegávo, pe rrei oipe’a ijespada ojuka haĝua ita’ýrape naiñe’ẽrendui haguére. Ha katu Ammón ointercede osalva haĝua Lamoni rekove ha, ipahápe, ipu’aka upe rréire ha jepe ikatu ojuka chupe.
Kóva ha’e pe rrei he’iva’ekue Ammon-pe oĩvo pe situación entre la vida y la muerte: “Rehejáramo chéve aikove ame’ẽta ndéve oimeraẽ mba’e rejeruréva chéve, pe rréino mbyte jepe.”3.
Upe rrei oĩ dispuesto ome’ẽvo jepe irreino mbyte osalva haĝua hekove. Oiméne opyta ijurujái Ammón ojerurerõ chupe topoínte iñermano Aarón ha hapichakuéragui oĩva prisión-pe ha Lamoni, ita’ýra, topyta irréino reheve.
Tenondeve, ha pe jejotopa rupi, Aarón, Ammon hermano, oñemosãso Middoni prisión-gui. Oñemosãso rire, oñeinspira chupe oho haĝua tetã oĩháme pe lamanitakuéra rrei, ha oñepresenta henondépe ha ombo’e chupe umi Jesucristo evangelio principiokuéra, jepeve upe tuicha plan de redención. Umi Aarón enseñanza oinspira pypuku upe rréipe.
Umi rrei ñembohovái Aaron enseñanzakuérape oĩ versículo 15 capítulo 22 de Alma-pe : Mba’épa ajapova’erã ahupyty hağua ko tekove opave’ỹva reñe’ẽhague? Heẽ, mba’épa ajapóta chereñói hağua Tupãgui, ahekýivo che py’águi ko espíritu ñaña, ha ahupyty Ijespíritu, cherenyhẽ hağua vy’águi, ha ani hağua añemombo ára pahápe? Péina ápe, ha’e he’i, ame’ẽta opa mba’e aguerekóva, heẽ, ahejáta che rréino, ahupyty hağua ko vy’apavẽ tuicháva.”
Oñeimo’ã’ỹrõ jepe, ome’ẽ rangue irreino mbyte osalva haĝua hekove, ko’aĝa pe rrei Lamanita oĩ dispuesto ome’ẽmbaitévo irreino oguereko haĝua pe vy’a ojehupytýva oñentende, acepta ha ojevivíramo pe Jesucristo evangelio.
Che rembireko Nancy, avei ha’e peteĩ konversa tupaópe, ha heta vece oñe’ẽ chéve pe vy’a rehe oñanduva’ekue hekovépe ojuhu guive, oacepta ha ovivi pe Jesucristo evangelio. Kóva ha’e peteĩ Hna Maynes reflexion ijexperiencia reheguáva:
“Che mitãkuñarõ guare, aguerekóvo veinte año, aĩ peteĩ punto che rekovépe aikuaahápe añemoambueva’erã ha’e haĝua peteĩ persona ovy’avéva. Añandu ndaguerekóivaicha sentido ni dirección, ha ndaikuaái mo’õpa ahava’erã ajuhu haĝua. Aikuaava’ekue tapiaite ñande Ru Yvagagua oexistiha ha sapy’ánte añembo’e jepi, añandúvo Ha’e cherenduha.
“Añepyrũvo che búsqueda, aha heta diferente tupaópe, ha katu ou jey chéve umi sentimiento ha desánimo. Añeñandu bendecidaiterei che ñembo’e ajerurehápe dirección ha sentido che rekovépe ĝuarã oñembohovái hague ha aikuaa pe Jesucristo evangelio plenitud-gui. Primeraveha añandu aguerekoha peteĩ propósito ha pe plan de felicidad ome’ẽ che rekovépe peteĩ gozo real”.
Ambue experiencia Libro de Mormón-pe ohechauka porã mba’éichapa javivívo peteĩ tekove oñecentráva Cristo-pe ñanemyenyhẽ tuicha vy’águi ñaimerõ jepe rodeado heta py’ajopy rehe.
Profeta Lehi ha ifamiliakuéra osẽ rire Jerusalén-gui, año 600 a. C.-pe, oikorei hikuái ocho año pe desierto-re oĝuahẽ peve ipahápe peteĩ yvy ohenoiva’ekue Abundancia-pe, costa ypýpe. Nefi odescribi kóicha umi jehasa’asy ohasáva’ekue desierto-pe: ha jepeve rohasa heta jeiko’asy ha heta jehasa’asy, heẽ, hetaitereígui ndaikatuíva rohaipa”4.
Oiko aja hikuái Abundancia-pe, Ñandejára ome’ẽ Nefi-pe responsabilidad ojapo haĝua peteĩ barco oguerahátava chupekuéra umi yguasu rupive pe tierra prometida-pe. Oĝuahẽ rire tierra prometida-pe oĩ meme gueteri joavy umi hénte ocentrava hekove Cristo-pe ha umi incrédulo oseguía Laman ha Lemuel ejemplo apytépe. Ipahápe pe riesgo de violencia mokõi grupo apytépe tuichaiterei ha Nefi ha umi oseguíva Ñandejára enseñanza ojesepara ha okañy hikuái desierto-pe oĩ haĝua a salvo. Upéramo, 30 año rupi Lehi ha ifamiliakuéra osẽhague Jerusalén-gui, Nefi ojapo peteĩ declaración oñedocumenta porãva ha ha’éva peteĩ mba’e sorprendente, en especial oha’i rire umi escritura-pe heta ribulación ha jehasa’asy ohasava’ekue heta ára aja. Kóva ha’e iñe’ẽnguéra: “Ha ojehu roiko vy’ápe”5. Ohasa’asyrõ jepe hikuái, ikatu ovivi vy’ápe oĩgui centrado Jesucristo ha Iñevangelio-pe.
Hermano ha hermanakuéra, pe barro-icha alfarero rruédape, ñande rekove oĩva’erã centrado exactitud reheve Cristo-pe, jajuhuserõ vy’a ha py’aguapy añetéva ko tekovépe. Pe rrei Lamanita, che rembireko, Nancy, ha nefita tavayguakuéra ejemplo orrespalda ko principio añeteguáva.
Akomparti penendive che testimonio ñande avei ikatuha jajuhu pe py’aguapy, pe vy’a, pe gozo añetéva jaiporavóramo jagueraha peteĩ vida centrada en Cristo. Jesucristo rérape. Amén.