Mba´épa aikotevêve?
Élder Larry R. Lawrence rupive
Setentagua
Ñanetindýramo ha ñañembo´eukaramo, Espíritu Santo ñandegueroguatáta ñamehora haĝua ha ñande giáta ñande rógape, ha katu jajeruréva´erâ Ñandejárape ñanderekombo´e haḡua tape pukukuére.
Añepyrû ainvestiga Tupâo che karia’y - joven adulto aja. Ñepyrurâ, añeñandu atraido Evangélio rehe, che angirûnguéra Santos de los últimos díasgua techapyrâ rupive, ha katu ohasávo ára ha ára, chegusta idoctrina ijojaha’ỹva. Aikuaávo kuimba’e ha kuñanguéra ifiélesva ikatuha oprogresa ohóvo ha ipahápe ikatuha oiko ñandehegui ñande Rukuéra yvagaguáicha, che sorprendeterei. Chembovy´a pe idea, ha añandu ha’eha mba’e añetegua.
Chekarai ramo rire, añemoarandu hínakuri Sermón del Mónte-re, ha ahechakuaa Jesús oporohekombo’e hague upe mba’e añetegua progreso eterno rehegua avei Bíblia-pe. Ha´e he´i “Pene marangatúke peê, pende Ru yvágape oîva imarangatuháicha”1.
Ojapóma hetave Kuarenta arýgui, che ha´eha miembro tupâogua, ha kada amoñe´ê pe versíkulo Eskritúragua, chemandu´a mba´épa ha´e ñande propósito ko yvy ape ári. Jaju ko´ape ñañemoarandu ha ñamehora haḡua mbeguekatúpe ñañesantifica ha ñañeperfecciona haḡua Crísto-pe.
Discipulado jeguata ndaha´ei peteî ndahasýiva. Ojehero chupe “Tape superación constante rehegua”2. Javiahávo pe tape po’ire, Espíritu ñaneipeipirû meme ñamehora hağua ha ñağuahe hağua yvatevehápe. Espiritu Santo ha´e angirû Potapyrâ ko viahepe ĝuarã. Ñanetindýramo ha ñañehekombo’ekuaarô, Ha’e ñandejapyhýta ñande pógui, ha ñanesambyhýta ñanderóga peve.
Upéichavérô, tape pukukue javeve ñaikotevê jajerure ñemoarandu Ñandejárape. Jajapóva´erâ ñeporandu hasýva, ko´âichagua: “¿Mba´e amboambueva´erâ?”, “¿Mba´éichapa ikatu amehora?”, “¿mba´e debilidad afortaleséva´erâ?”.
Ñaromandu´a ñemombe´u joven rico rehegua, oîva Nuevo Testamento-pe. Ha´eva’ekue mitârusu recto, okumplímava voi umi Diez mandamiéntokuéra; ha katu ha´e omehoraseve . Ha´e oḡuahese kuri vida etérnape.
Ojejuhúramo guare Salvador ndive, oporandu: “Mba´e aikotevêve?”3.
Upepete Jesús ombohovái ome´êvo peteî sambyhy ohóva karia´y rico ñeporandúpe. “Jesús he´i chupe: nde perfectosérô, Tereho, ehepyme´ê reguerekóva ha eme´ê umi imboriahúvape ... há eju, jaha chendive.”4.
Pe karia´y oñemondýi; araka´eve nokonsideráiva upe sacrificio. Ha´e iñumildeterei oporandu haḡua Ñandejárape, ha katu ndaha´éi imarangatueteréiva osegi haḡua pe consejo divino orrecibiva’ekue. Ñande ñaimeva´erâ dispuestos jajapo haḡua opa mba´e, jarrecibi vovê ñembohovái.
Presidente Harold B. Lee, ohekombo´e: “Opavave ohupytýséva perfección oñeporandúva´erâ ijupe [sapy’ánte]: ‘ ¿Mba´e ajapoveva´erâ?”5.
Aikuaa peteî sy marangatu oñe’umillava´ekue ha oporandu: “¿Mba´e ha´e pe chejokóva aprogresa haḡua?”. Chupe, ñemohovái oguahê upepete: “Anive nechi`ô”. Ko ñembohovái omondýi chupe. Ha´e araka´eve noimo´âiva ichi´ôha; ha katu, ko ñemomarandu Espíritu Santo ome´êva hesakâ porâiterei. Ára há semanas ohasávape ohechakuaa ijehe ichi´ ôha jepi. Ijaguijévo pe ñeipepirû ojesupera haḡua, odesidi oñepyrûvo oipapa ijehovasakuéra – idesafiokuéra rangue. Árakuéra ohasamívonte oñandu Espiritu ñemonei.
Peteî mitãkaria´y ha´etéva ndaikatúi ojuhu kuñataî chupe ḡuara, oḡuahê Ñandejárape, pytyvô rekávo: “¿mba´e ha´e pe chejokóva ha´e haḡua kuimba´e adecuado?”, oporandu. Ko ñembohovái oḡuahê iñakâ ha ikorasôme: “Epurifica mbá´éichapa reñe´ê hína”. Upépe, ohechakuaa oguerekoha iñenguéra apytépe ñe´ê tie´ў, ha oñekompromete omoambuévo.
Peteî hermana soltera py´aguasúpe oporandu: “¿mba´e amoambueva´erâ?, ha Espíritu, ñe´êmbeguépe he´i chupe, “Ani remyanguekói tekovekuérape oñe´ê jave”. Espíritu Santo añetehápe, ome´ê sambyhy personalisadoite; ha´e peteî anguirû marangatuete he´ítava ñandéve mba´e avave oikuaa´ўva térâ he´ise´ўva.
Peteî ex-misionero oñeñandúva ikane´ôha, hembiapo hétare. Oñeha´â ojuhu aravo imba´aporâ, ijestudios, ifamília ha illamamiento Tupâópe ḡuarâ, ha ojerure sambyhy Ñandejára-pe: “¿Mba´èichapa ikatúne añandu py´aguapy opa mba´e ajapóva´erâre?”. Ñembohovái, ndaha´éi ha´e oha´ârova´ekue; orrecibi ñemiandu ojesarekovévava`erâha día de repósore, ha osantificáva´erâha. Ojedesidívo odedika domingokue Ñandejára servicio-pe, oheja sapy´ami iñembokatupyry universidad gua upe árape, ha Upéarangue, o’estudia Evangelio. Upe ahuste michimi ogueru py’aguapy ha equilibrio ohekava’ekue.
Ojapóma heta ary amoñe´e hague peteî revista Tupâo-pegua, peteî kuñataî oikóva mombyry hógagui, ha oasistí universidad-pe. Oguahê tardememe iklasekuérape, ivida social, ndaha´éi ha´e oha´ârova´ekue, ha hetave ára ndovy´ai. Ipahápe oñesû ha oporandu “¿Mba´e ikatu ajapo iporâve haḡua che rekove?. Espíritu Santo oñe´ê mbegue chupe: “Epu´â ha emopotî nde koty”. Pe impresión omondýi chupe, há katu há´e ñepyrurâ há´e oikotevêva. Upéi omopotî há omohendarire ikoty, oñandu Espíritu omyenyhêha ikoty há ombohory ikorasô
Espíritu Santo ndahe´iri ñandéve ñamehora haḡua ojojapa. Ojapóramo, ñanekangýta ha jahejareíta. Espíritu omba´apo ñanendive, ñande ritmo-pe, paso a paso, Térâ Ñandejára ohekombo´eháicha. “… “… sa´i sa´i mbo´epy, mbo´epy Ari…“… ha ojehovasa umi ohendúva che mbo´epy …...ha pe ojapyhývévape, ame´êveta”6. Por ejemplo, Espíritu Santo penesambyhýrô peme´ê haḡua aguije opa mba´ere hetave hendápe, ha peê pembohovái pe invitación-pe, upéicharô, ikatu ha´e oñandu peê ikatúmaha peguata peteî desafió tuichavévape, ha´evaicha peñepyrû peje: “ambyasy, che káusa kuri”
Momento perfecto ñaporandu haḡua “¿Mba´e ajapovéva´erâ?” Ha´e pe ja´uvo Santa Cena. Apóstol Pablo oporohekombo´e péva ha´eha, peteî momento ñañe’examina haĝua ñande jupevoi”7. Pe ambiente de reverencia-pe, jagueraha vove ñanepensamiento yvága gotyo, Ñandejára ikatu he´i ñandéve mbeguekatúpe mbá´epepa ñamba´apóva´erâ
Peêicha avei, áry pukukue jave arrecibi heta marandu Espíritugui ohechaukáva chéve mba´éichapa ikatu amehora. Pehejamína cheve tacompartí penendive mbovymi techapyrâ personales umi marandu ajapyhýva´ekue añetehápe. Ko´âva ha´e ñemiandukuéra:
-
Aní resapukái.
-
Eñeorganisa; ejapo peteĩ lista nerembiapokuéragui.
-
Eñangareko porâve nde retére he´uvo yva ha verdurakuéra.
-
Tereho py´ўive témplo-pe
-
Ededikave àravo remedita haḡua reñembo´e mboyve.
-
Ejerure consejo nerembirekópe.
-
Ha eguereko paciencia remaneha vove, ani rehasa limite de velocidad.(che amba’apógueteri ko mba´épe)
Sacrificio expiatorio del Salvador ha´e ojapóva posible perfección ha santifikación. Araka´eve ndaikatumo´âi jajapo ñane’año, ha katu Ñandejára gracia isuficientema ñanepytyvô haḡua. Ohecha haguéicha élder David A. Bednar: “Hetave ñandehegui ñantende Expiación ha´eha pekadorekuérape ḡuarâ; ha katu naiméi seguro jaikuaa ha ñacomprendépa expiación ha´eha opavave santos-pe ḡuarâ, kuimba´e ha kuñanguéra imarangatúva, iñobediénteva, idigno ha idedikádovape ḡuarâ, ha oñeha´âva omehora ”8.
Ha´ese peême vokoiete pejapo haḡua ejercicio espiritual, ikaturõ ko pyharépe voy pende oración apytépe. Umildad reheve peporandu Ñandéjarape ko´â mba´e: “¿Mba´épa ha´e pe chejokóva aprogresa haḡua?” Ambue ñe´ême, “¿Mba´épa ajapovévava´erâ?”. Upéi peha´aro kirirîme ñemhovái. Pende sinséroramo, ñembohovái pya´e hesakâta; Ha´éta revelación peême ḡuarâ añónte.
Ikatu espiritu ohechauka peême peperdonava’erãha pende rapichápe; téra pejapyhy momarandu peiporavo porâve haḡua película terâ música pehendúva. Peê ikatu perrecibi impresión pende marangatuve haḡua pende rembiapópe, terã penegenerosove ofrenda de ayúno-pe. Posibilidad-kuéra hetaiterei.
Espíritu ikatu ohechauka ñandéve ñande debilidades, ha avei ñande fortalesakuéra. Sapy´ante ñaporanduva´erâ mba´épa jajapo porâ, ikatu haḡuaicha Ñandejára ñanepopu´â ha ñanembo´aje. Ñamoñe´êvo ñande bendicion patriarcal, ñanemomandu´a Ñande ru Yvagagua oikuaaha ñande potencial divino. Ha´e ovy´a kada paso ñame´êvare tenonde gotyo. Chupe ḡuarâ, pe dirección jaguataháre iñimportántetereive ñande velocidad-gui.
Hermano ha hermanakuéra, pene constántekena, ha katu araka’eve ani peñedesanima. Ndajahupytymo´âi perfección mombyryve ñanetumbagui peve, ha katu ko vida terrenal-pe ikatu ñamoi ñanecimiento. “Ko árape ñanemehorveva’erã kuehégui, ha ko’erõ mehorve jeýva´erâ ko áragui”9.
Crecimiento Espiritual ndaha´éiramo prioridad ñande rekovépe, nañaiméiramo tape superación constántepe, ikatu ñahundi experiencia importante ñande ru ome´êséva ñandéve.
Aréma amoñe´ê hague ko´â ñe´ê presidente Spencer W. Kimball he´iva´ekue, okausáva chéve impacto operduráva. Ha´e heí: “Aikuaa, oimehápe oîháme peteî korasô humilde ha isinsérova, hekoporâséva, pekado ohejáva ha iñobediente Tupâ mandamiéntokuérape, Ñandejára oñohẽve luz, ha hetave luz, ipahápe oguerekopa peve poder otranspasa haḡua velo celestial …,. Peteì tekove oguerekóva pe rectitud, oguereko pe invalorable promesa peteî ára ohechátaha Ñandejára rova, ha oikuaáta Ha´e ha´eha”.10.
Ajerure’asy ikatúne haḡua peteî árape, péva ha’e ñande experiencia paha, ñapermitívo Espiritu Sánto-pe tañanesambyhy ñande rógape. Jesucristo rérape. Amén.