Ani rekyhyje, egueroviánte
Presidente Dieter F. Uchtdorf rupive
Segundo Consejero Primera Presidencia-gua.
Ja’elegívo jaguerovia, ja’ejercita fe arrepentimientorã ha jasegui ñande Salvador Jesucristo-pe, jaipe’a ñande resa espiritual umi mba’e hechapyrãva aimetéva ndaikatúi ñañeimagina.
Babilonia ha Daniel
Ojapo dos mil seicientos años, Babilonia ha’ékuri tetã ipoderosovéva ko mundo-pe. Peteĩ historiador ymaguare odescribi umi Babilonia tápia, ombojeréva pe táva, oguerekoha 90 metros rasa ijyvatekue ha 25 metros ipoguasu. Ha’e ohai: “Imimbikuépe, ndaipóri táva ombojojáva chupe”1.
Hi’épocape, Babilonia ha’ékuri peteĩ centro mundial aprendizaje-rã, leikuéra ha filosofía rehegua. Imbarete militar naimbojojahái; ohundi Egipto poder; oinvadi, o’arrasa ha osakea pe Asiria capital Ninive. ndahasýi chupe okonquista Jerusalén ha ogueraha umi mitã porãvéva ha iñaranduvéva Israel-gui Babilonia-pe oservi haĝua rey Nabucodonosor-pe.
Peteĩva umi cautivo ha’e peteĩ mitãrusu hérava Daniel. Heta erudito oimo’ã upe épokape Daniel oguerekóha 12 ha 17 año mbyte rupi. Pepensami upévare, queridos jóvenes sacerdocio Aaronico-gua: ikatu niko Daniel oguereko pende eda ojegueraharamo guare rey corte-pe oñembo’e haĝua chupe pe Babilonia ñe’ẽ, ileikuéra, religión ha ciencia mundana.
¿Peñeimaginami mba’épa peñandúne pende’obligarõ peheja haĝua pende róga, peguata 800 km peteĩ táva peikuaa’ỹvape, ha peñe’adoctrina pene enemigo religión-pe?
Daniel-pe oñemongakuaa Jehová seguidor ramo. Ha’e oguerovia ha o’adora Abraham, Isaac ha Jabob Tupãme. Oestudiava’ekue umi profeta ñe’ẽ ha oikuaa Tupã oñe’ẽha kuimba’ekuéra ndive.
Ko’áĝa katu, michĩme gueteri, oĩ Babilonia-pe prisionero ha estudiante ramo. Pe presión oñemoĩva hi’ári oheja haĝua ijerovia ymaguare ha ojapyhy Babilonia mba’éva oiméne tuichaitera’e; ha katu opyta fiel ijeroviápe, iñe’ẽme ha avei hembiapópe.
Heta pende apytépe peikuaa oñeñandúva pedefenderõ peteĩ verdad ndaha’éiva popular. Pe ñe’ẽ ko’aĝagua internet-pe oje’e “ñande rapýva” umi noĩrĩva ñanendive. Ha katu Daniel oje’arriesga hína ndaha’éi pe ridículo-rãnte público-pe añónte; Babilonia-pe, umi odesafiáva umi autoridad religiosa-pe oikuaáma mba’épa he’ise – sentido figurado ha literal-pe – “ojehapytaha”. Peporandúnte Daniel amigokuérape: Sadrac, Mesac ha Abed-nego-pe2.
Ndaikuaái ifácilpa Daniel-pe ĝuarã ha’e peteĩ creyente umi circunstancia-pe. Oĩ persona ojehovasáva peteĩ korasõ ogueroviakuaáva reheve; chupekuéra ĝuarã, pe jerovia oúvaicha yvágagui peteĩ dádivaicha; ha katu añe’imagina Daniel ha’ehakuri ñandéicha oñorairõva’erã itestimoniore. Aime seguro Daniel ohasákuri heta hora oñesῦ ha oñembo’évo, omoĩvo ijepy’apy ha ikyhyjekuéra jerovia altar ári, ha oha’arõvo Ñandejára tome’ẽ chupe entendimiento ha sabiduría.
Ha Ñandejára ohovasa Daniel-pe. Jepe odesafia ha oñembohory hikuái ijerovia rehe, ha’e opyta fiel pe oikuaávape, ijexperiencia propia rupive, oikuaáva oĩporãha.
Daniel oguerovia; Daniel ndodudái.
Upéramo, peteĩ pyharépe, rréi Nabucodonosor ohecha iképe peteĩ mba’e oipy’apýva chupe. Ombyaty peteĩ arandu ha consejero aty, ha o’exigi todescribi hikuái pe sueño ha’e oguerekova’ekue ha avei tomombe’u chupe mba’épa he’ise.
Naturalmente, ndaikatúi ojapo hikuái. “Avave ndaikatúi ojapo upe rejeruréva”, he’i hikuái; ha katu, upéva ombopochyvéntema Nabucodonosor-pe, ha omanda ojejuka opa umi kuimba’e arandu, mago, astrólogo ha cosejerokuéra, avei Daniel ha umi ambue mitãrusu estudiante Israel-gua.
Umi oikuaáva pe Daniel libro oikuaa oikova’ekue upéi. Daniel ojerure Nabucodonosor-pe tiempo michĩmive, ha ha’e ha iñamigokuéra hekojojáva oho pe i jerovia ha fortaleza moral fuente-pe. Oñembo’e Tupãme ha ojerure’asy pytyvõ divino upe momento hasyetévape. Ha “Uperõ pe misterio ojeikuaauka Daniel-pe peteĩ visión-pe”3.
Daniel, pe mitãrusu peteĩ tetã conquistada – oñemaltrata ha ojeperseguiva’ekue oguerovia haguére peteĩ religión extraña – oho pe rréi renondépe ha o rrevela chupe pe sueño ha iñinterpretación.
Upe ára guive, resultado directoicha ifidelidadgui Tupã rehe, Daniel-gui oiko peteĩ fiel consejero rréipe ĝuarã, ojekuáva Babilonia pukukue iñarandúre.
Pe mitãrusu oguerovia ha oviviva’ekue ijerovia oñekonverti peteĩ hombre de Dios-pe. Peteĩ proféta. Peteĩ príncipe de rectitud-pe4.
¿Ñande piko Daniel-cha?
Opavave umi poseedores del Sacerdocio de Dios-pe aporandu: ¿ ñande piko Daniel-cha?
¿Japyta piko leales Tupãme?
¿Ñamoĩ piko en practica pe japredikáva, térãpa ha’e cristiano domingoguánte?
¿Ohechauka piko ñane rembiapokuéra ára ha aragua umi ja’éva jagueroviaha?
¿Ñaipytyvõ piko “imboriahúva ha oikotevẽvape, hasy ha oiko’asývape”?5.
¿Ja’énte piko ha ndajajapói terã kyre’ỹ reheve jajapo umi japredikáva?
Hermanokuéra, heta oñeme’ẽ ñandéve. Oñembo’e ñandéve umi Jesucristo evangelio verdades divinas. Oñekonfia ñandéve pe sacerdocio autoridad ñaipytyvõ haĝua ñande rapichápe ha ñamongakuaa haĝua Tupã reino ko yvy ári. Jaiko peteĩ épokape oĩháme tuicha derramamiento de poder espiritual. Jaguereko pe añetegua plenitud. Jaguereko umi Sacerdocio lláve jasella haĝua yvy ha yvágape. Umi sagrada escritura ha profeta ha apóstoles vivientes mbo’epykuéra oĩ pópe araka’evéicha.
Che amigokuéra ahayhuetéva, ani jajapyhy umi mba’e a la ligera. Umi jehovasapy ha privilegio reheve niko ou tuicha responsabilidad ha obligación. Ñañemoĩna ijaltúrape.
Babilonia táva ymaguare oĩ en ruinas; imimbikue ndaiporivéima, ha katu iky’akue ha hi’añangue oho gueteri tenonde. Ko’áĝa ha’e ñande responsabilidad jaikóvo creyente-icha peteĩ mundo de incredulidad-pe. Ñande desafio ha’e tañamoĩ meme en práctica pe Jesucristo evangelio restaurado ha jaikove fiel Tupã mandamientokuérape. Japytava’erã py’aguapýpe umi aty presión guýpe, nañañeimpresionaiva’erã umi tendencia popular térã proféta gua’ú reheve, ndañapenáiva’erã umi impio ridículo-re, jagueropu’akava’erã umi maligno tentacionkuéra ha jasupera ate’ỹ ñanemba’éva.
Pejepy’amongetamína upévare. ¿Mboy piko ifacilvetava’erãmo’ã Daniel-pe osegíntevo umi Babilonia jepokuaa? Ikatu oheja de lado pe restrictivo código de conducta Tupã ome’ẽva’ekue umi Israel ra’ykuérape. Ikatu Kuri oñeikumberéi umi tembi’uetáre ome’ẽva chupe pe rréi ha ikatu oikénte umi hombre natural placeres mundanos-pe. Ikatu Kuri o’evita pe ridículo.
Ikatu ipopularkuri
Umi hentekuéra omoĝuahẽporãta Kuri chupe
Hape ikatu Kuri ha’e hasy’ỹvéva.
Upéva, añetehápe, pe réi o’exigi peve pe isueño interpretación. Entonces Daniel odescubriva’erãmo’ã ha’e umi ambue Babiloniagua “arandukuéraicha” avei, operdeha Kuri iconexion pe arandu ha tesape fuente añetéva ndive.
Daniel ohasa iprueba; ñande mba’éva ohónte gueteri hína.
Py’aguasu jaguerovia haĝua.
Satana, pe ñande adversario, oipota jafrakasa. Ha’e omongorre japu oñeha’ãvo odestrui haĝua ñande jerovia. Astutamente osugeri pe odudáva, pe escéptico ha pe cínico isofistikado ha iñinteligenteveha, ha katu umi ojeroviáva Tupãre ha Imilagrokuérare iñingenuo, ohecha’ỹ terã ojejohéi chupekuéra iñapytu’ῦ. Ha’e he’íta ha’eha socialmente aceptable tojeduda umi dones espirituales ha profetakuéra mbo’epykuéragui.
Ikatu nga’u aipytyvõ opavavépe okomprende haĝua ko hecho sensíllova: jaguerovia Tupãme umi mba’e jaikuaáva ñane korasõ ha ñane apytu’ῦ reheve reheve, ndaha’éi umi mba’e ndajaikuaáiva rupi. Sapy’ánte ñande experiencia espiritual isagradaiterei ja’explika haĝua términos mundanos reheve, ha katu upéva nosignifikái ndaha’eiha añetegua.
Ñande Ru Yvagagua ombosako’i peteĩ banquete espiritual ita’yrakuérape ĝuarã oje’ofrecehápe opaichagua tembi’u héva ikatúva peñeimagina, upevére, odisfruta rãngue umi don espiritual-gui, umi cinico oñekonforma omañávo mombyry guivénte ha osegui o’aceptávo actitud incredulidad rehegua, dúda ha falta de respeto.
¿Mba’ére piko oikóne peteĩ máva ko tekovére oñekonformávo pe ikuaapy tataindy resapérente, heẽ, ohóvo ñande Ru Yvagaguápe, ikatutaha oñandu pe conocimiento espiritual kuarahy mimbi, omyasãitava iñapytu’ῦ arandu reheve ha omyenyhẽtava hi’ánga vy’a reheve.
Peẽ ha che ñañe’ẽ umi persona ndive fe, ha jeroviáre ¿nañahendúi piko py’ỹi “Agueroviase peẽicha”?
Upe declaración ogueraha ipype ambue Satana decepción: jerovia oĩha algunas personas ohupyty haĝuáichante ha ambuévape ĝuarã katu nahániri. Ndaipóri mba’eve mágico pe jeguerovia rehe ¡ha katu upe jeipota perovia ha’e pe paso ñepyrῦha! Tupã ndojapói acepción de personas6. Ha’e ningo pende Ru; Ha’e oñe’ẽse peẽme. Upevére, oñeikotevẽ peteĩ ku’ikuemi curiosidad cientifika – peteĩ experimento Tupã ñe’ẽ reheve – ha oje’ejercita peteĩ particula de fe7. Avei oñeikotevẽ sa’iminte jepe humildad; ha ojerure peteĩ korasõ ha mente receptivo; ojerure jaheka, pleno sentido de la palabra reheve. Ha ikatu pe hasyvéva, oikotevẽ ñanepaciente ha ñaha’arõ Ñandejárape.
Nañamoĩri ramo mba’evéichagua ñeha’ã jaguerovia haĝua, ha’e pe kuimba’e odesconectávaicha lámpara ha upéi okulpa upe lámpara-pe ndohesapéi haguére.
Nda’aréi chesorprende ha añembyasy ahendúvo peteĩ poseedor del Sacerdocio Aarónico ojoguáva oĩha orgulloso oñemomombyry haguére Tupãgui. Ha’e he’i: “Tupã oñemoĩ ramo cherenondépe upéicharamo aroviáta; upépe peve, ajuhúta añetegua akonfiavo che propio entendimiento ha intelecto rehe ombohesape haĝua pe tape cherenondépe”.
Ndaikuaái pe mitãrusu korasõ, ha katu ndaikatúi a’evita añandu tuicha ñembyasy hese. Pya’eténte orrechaza umi don Ñandejára ome’ẽva chupe. Upe mitãrusu odesconectákuri pe lámpara ha upéi ojogua oĩha satisfecho ijastúta observación-re ndaipóri haguére tesape.
Ñembyasyrã, upéva ojogua ha’eha peteĩ actitud popular ko árape. Ñamoĩrõ Tupã ári pe responsabilidad oprova haĝua ñandéve “umi mba’e añeteguaha”, ñapensa ikatuha jajehustifika ndajajagarrái haĝua añetehápe Tupã mandamientokuéra ha responsabilidad ñande relación rehe ñande Ru Yvagagua ndive.
Hermanokuéra, pepermitimi chéve tamyesakã; ndaiporiha mba’eve noble ni impresionante ñane cínico ramo. Pe escepticismo ndahasyiete, oimeraẽva ikatu ojapyhy; pe tekove fiel ha’e pe oikotevẽva fortaleza moral, dedicación ha py’aguasu. Umi ojapyhy’atãva jerovia ningo iñimpresionanteve umi oñemeẽvante dúdape osurgi vove porandu terã duda misteriosa-kuéra.
Upevére, nañanesorprendeiva’erã pe sociedad ndovaloraiha jerovia. Ko mundo oguereko peteĩ historia puku orrechasahague upe nokomprendéiva, ha oguerekoha dificultad ontendévo upe ndohecháiva. Ha katu ndaikatúigui jahechánte peteĩ mba’e ñande resa físico reheve nde’iséi ndo’existiriha. De hecho, “oĩve mba’e yvága ha yvýpe… que umi [o]jesospecháva ñande libro de texto, diario científico ha filosofia mundanakuérape8. Ko universo henyhẽ maravillas profundas ha asombrosas-gui, umi mba’e ikatúva ñakomprende ñande resa espiritual rupive añónte.
Pe jeguerovia promesa
Ja’elegíramo jaguerovia, ja’ejercita pe fe arrepentimientorã, ha jasegui ñande Salavador Jesucristo-pe, jaipe’a ñande resa espiritual umi maravilla haimete ikatu’ỹva ñañe’imagina. Upévare, ñande guerovia ha ñande fe okakuaáta ha ikatúta jahecha porãve9.
Hermanokuéra, atestifika jepe umi momento idificilvévape, Salvador he’íta peẽme he’iva’ekue peteĩ túva ansioso-pe peteĩ Galilea rape henyhẽva hénteguipe: “Ani rekyhyje, egueroviánte”10.
Ikatu ja’elegi jaguerovia.
pe jegueroviápe jahechakuaaha pe aurora resape;
jahechakuaáta pe añetegua11.
jajuhúta py’aguapy12.
Ñande jerovia rupi, araka’eve nañaneñembyahyimo’ãi, ni nañandey’uheimo’ãi13.Umi Tupã grasia don opermitíta ñandéve japyta fiel ñande jeroviápe ha omyenyhẽta ñane ánga vy’águi “peteĩ y fuénteicha opupúva vida eternarã”14. Ja’experimentáta peteĩ gozo añetéva ha opa’ỹtava15.
Upevare, che amigokuéra ahayhuetéva, che hermanokuéra sacerdocio-pe pohayhuetéva:
Pendepy’aguasúke peguerovia haĝua
Ani pekyhyje, pegueroviánte
Taha’e Daniel-cha
Añembo’e, opavave ñande – imitava ha kakuaáva – jajuhu mbarete, py’aguasu ha peteĩ potapy jaguerovia haĝua. Jesucristo rérape. Amén.