Luhngse Yohk Emet
Kais sie sesr enenuh in tuhkuh nuh Kraist ac tiac ahlohloh ke insacnweacng lasr nuh ke wosasuc Lal.
Ma suhmuhslah el sruhmuhn ke sie mukul fuhsr kahsruhp, ke el kahsruhsr nuh yohrohl Jisus, ac sikuckmuhtuhntei ke Falkacl Leum, ac ke insiacl nohfohn, siyuck sin Leum ohinge, “Meac nga ac oruh in kuh in usrui moul ma pahtpaht?” Ke el sirapei mukul fuhsr se inge ke masap nuhkwewa ma el kampare liyacacng, Jisus El fahk nuh sin mukul se inge in som kuhkwackuhnlah mwe kahsruhp nuhkwewa lal, ac sang nuh sin mwet suhkahsruhp mani ma el sruokyac kac ah, ac sruhkwack sahkseng lal, ac fahsr Tohkohl. Kohsrohiyacn ac suwohsiyacn sapsap se inge pwacnwacng mwet kol fuhsr se inge—lah yohk molin sacntuhl lal—el ayaol nuhnak, ac tohtlihklac ke ahsor mweyen, ma suhmuhslah sruhmuhn lah, “puhkantwen mwe kahsruhp lal.”1
Kahlwem lah, sramsram se inge mwe ahksensenye kuht ke orekmakihnyen mwe kahsruhp ac mwe enenuh luhn mwet suhkahsruhp. Tuhsruhk sahflahiyac ah sramsram el ma ke insiacsr kwewa, eiskuhtyang kwewa nuh sin ma kunac muhtahl lasr. Lah kahsruhp kuh tiac, kais sie sesr in fahsr nuh sin Kraist ke kuht eiskuhtyang kwewa tiac suk ma in wo nuh sesr sifacna nuhke wosasuc Lal pa ma tuhpanyuck mwet fuhsr sac in oruh ah. Oacna ke kuhsacn mwet fuhsr in pacl inge, ke elos fahkuhlos muh “elos nohfohn oasr inge.”2
Ke sie kahs luhn sie mwet suc pahngpahng, C. S. Lewis el ngwetlah petsacelah ke Leum El fahk nuh sesr ohinge: “Nga tiac lol … pacl lom … [kuh] mani lom … [kuh] orekma lom [oacna ke] nga lol Kom [muhkwena] uh. [Sahk soko inge suc ma kom srihke kom in kofwelah.] Nga tiac na ke kofwelah lah se inge kuh lah se ingoh, nga ke … in [ma] na fohn sac pakpucki. [Ac wihs soko ingoh.] Nga tiac ke kuhrwactlah luhkuh [an], kuh nahwelah, kuh [pihnisyac] loac an. [Nga ke] fohslah nohfohn wihs fohn sacn. [Pwacyeiyac an, nga ke kom] in eiskomme nohfohnna [nuh sihk]. … [Ac] nga fah acsot sie moul sasuc ah lom. Pwacyena. lah nga fah Eisyucwot: kena … luhk ac fah eklac [kena lom].”2
Kwewa suc sramsram ke toeni luhlahp se inge fah fahk, ke atac se inge kuh ke siena atac, ke ma Kraist el tuh fahk nuh sin mukul kahsruhp sac: “Fahsr nuh yurin Mwet Lahngo lom. Fahsr nuh sahflah ac ke insiowos kwewa. Sruhkwack sahkseng lowos an, finne toasr, ac fahsr Tohkohl.”4 Elos ac fahk ma inge ke etwacack lah ke tohkohsrahi luhn God, wacngihn tahfuhn srihkasrak, wacngihn muhtwacwacack ac tui, wacngihn tahpuhllac. Nuh selos suc siyuck elos fin kuh in som pihkihnyac ninac pahpah suc misac kuh wihlkacs nuh sin sucu lalos, top lal Jisus fokoko ac tiac fihsrwacsr. “Fihliyac nuh sin mwet sahyac,” El fahk. “Mwet se fin mutawauk in pikin ima lal ke plao, a el tapulla nu tok, el tia fal nu ke Tokosrai lun God.”5 Ke ma upac siyuck sesr, finne ma siena liki kena luhn insiacsr, esam lah luhngse ma kuht olwelah nuh sin orekma luhn Kraist pa in luhngse yohk emet ke moul lasr. Ne ohinge Isaiah el ahkwoye kuht fahk muh “oasr lah mani kuh tiac moul,”6 kuht enenuh in ahkoekuhtlac, orekmakihn pohloh kahs lal T. S. Elliot, in oruh in molo an in “tiac srihk liki ma nuhkwewa.”7
Ahok pwacye lah, kuht nuhkwewa oasr mwe muhnahs lasr suc ma kuht pahlah kac kuh oasr sramsram mahtuh kacsr sifacna ma ac tulokihn kuht in tiac eiskuhtyang kwewa ke orekma se inge. Tuhsruhk God El pa Pahpah tuhmasr ac El ahluhkwelah wo ke nuhnakmuhnahs ac muhlkihn ma koluk lasr suc ma kuht sislah tiac sifil oruh, sahp ke srihpen kuht sang ma yohk ke kuht moulkihn pacl puhs uh. Ke oacna sie ohiyac, oasr kahsruh ma tuhkuh lucng me nuh sesr nuhkwewa ke oacna sie ao ma kuht puhla in ekuhllah elah lasr uh. God El sang nuh sel Saul “sie insiac sasuc.”8 Ezekiel el pahng nuh sin mwet nuhkwewa Israel in pacl meet ah in sislah moul mah ac “eis … inse sasuc ac sie moul in nguhn sasuc.”9 Alma el pahngon ke sie “eklac luhlahp”10 suc ma ac mokle nguhnasr in kapkapwack, ac Jisus sifacna El luti lah “fin te sie mwet sifil isuslac, el tiac kuh in liye tohkohsrahi luhn God.”11 Kahlwem lah eklac uh kuh in sikyak ac moulkihn moul se ma oasr ke ohiyac wo se lucng ah pa sie mwe sang luhn God nuh selos suc sokol pacl e nuhkwewa uh.
Kawuck, ingena kuht liye kain in fohs ac fahksrwelihk, ip ac ip srihsrihk, sruf digital ac ohiyac political, ac pucs sruhnga ke acn nuhkwewa. Sahp kuht siyuck sesr sifacna lah fin “fuhlwactwack kuh kapwack muhtahliyacn”12 moul, in orekmakihn pohloh kahs lal Prestuhn Nelson, pa sie ma suc kuht suk uh? Ke kuht oruh uh, kuht ac kuh in oraclah wo ac esam ke sie pacl usrnguck ke Puk luhn Mormon suc ma mwet we ah elos siyuck ac elos topuk ke inse pwacye:
“Ac tukun ma inge wacngihn fohs inmahsrlon mwet uh, fin acn nuhkwewa; … ke srihpen luhngse luhn God ma oasr ke insiacn mwet uh.
“Ac wacngihn sok, kuh akuhkuhin, … kuh kuhtwena ohiyac fohkfohk; ac pwacyena lah tiac kuh in oasr sie un mwet engan yohk liki inge inmahsrlon mwet nuhkwewa suc tuh oreklac ke poun God.
“Wacngihn mwet pihsrapasr, kuh mwet ahkmas, tiac pac mwet Laman, kuh kuhtwena kain in un mwet; tuhsruhk elos ma sefanna, tuhlihk nuhtin Kraist, ac mwet in usrui tohkohsrahi luhn God.
“Ac fuhkah insewowoiyaclos!”13
Meac ki se ma ac ikucslah sruhnguhl nuhke moul in mihs ac engan uh? Sihmlac oasr in ma suhmuhslah ke sie fuhs: “Luhngse luhn God … pwacye lah oasr ke insiacn mwet uh.”14 Ke luhngse luhn God El oakiyac ohiyac se nuhke moul lasr sifacna uh, ke kuhpahsr lasr nuh sin sin sie ac yohkna nuhnak luhn insiacsr nuh sin mwet nuhkwewa facluh, ac na usrnguckiyacn ma mahtuh, ma kohsrkohsr, ac mwe lusrohngtwen ma srikuhtwelihk ac fah wacngihnlac, ac mislac ac fah yohkwaclihk. Pa inge ma sikyak na pwacye ke Puk luhn Mormon nahtuhsr uh. Wacngihnlac Lamanites, kuh Jacobites, kuh Josephites, kuh Zoramites. Wacngihnlac “-ites” e se na ngwe wacngihnlac. Mwet ah eis nuh faclos sie ine sasuc ac eklac pwacye. Sruhmuhnyuck, muh elos nuhkwewa, etweyuck muh elos pa “tuhlihk nuhtin Kraist.”15
Ahok pwacyena lah, kuht inge sramsramkihn masap se ma yohk emeet ma utuckyang nuh sin sucu se emeet fin facluh—in luhngse God ke insiacsr kwewa, tiac ahlohloh kuh tahfuh luo, pwacye, ke insiacsr, kuh lasr, nuhnak lasr, ac fokoko lasr kwewa.16 Luhngse se inge luhn God pa masap yohk se emeet fin facluh. Tuh ma pwacye yohk emeet ke ma nuhkwewa pa God El luhngse kuht ke ohiyac se pacna inge—ke Insiacl kwewa, tiac ahlohloh kuh tahfuh luo, pwacye, ke Insiacl, kuh Lal, nuhnak Lal, ac fokoko Lal kwewa. Ac ke kuh wolacna tuhkuh liki Insiacl ac akihsrucngi nuhke kuh luhn insiacsr wacngihn ma kuh in tilokihnyac, oasr usrac na fokoko se tuhkuh kac pa kuh luhn moul in nguhn ac mahno. Na, ke Teilhard de Chardin el suhmuhslah ohinge, “ke pacl ahk luo ke sramsram mahtuh luhn facluh, mwet uh luhkuhn konwacack e fihrihr uh.”17
Na pacl sac, ac elos muhkwena, pa elang ke karihngihnyen masap fuhlwact ahkluo ke inkacnek ma tiac loal ac lusrohngtwen. Fin luhngse lasr nuh sin God el fal in srihke kuht in luhlahlfongi ac pwacye nuh Sel, El ac acse nuh sesr kuh, ac luhpah, ac kena, ac inkacnek in luhngse mwet tuhlan lasr oacna kuht luhngse kuht sifacna. Sahp kuht ac kuh in sifil fahk ohinge, “Ac pwacyena lah tiac kuh in oasr sie un mwet engan yohk liki inge inmahsrlon mwet nuhkwewa suc tuh oreklac ke poun God.”18
Tamuhlwel ac tahmtahel, nga pruhe tuh kuht in kampare ke ma tuh mukul fuhsr kahsruhp se puhtatlac, tuh ke in sruhkwack sahkseng luhn Kraist, finne toasr, finne oasr ma upac kuh yohk molo. Nga sang mwe loh tuh ke kuht olwelah in fahsr tohkohl, inkacnek ah, ke oacna sie ohiyac, ac fah som ahluhkwelah tefuro se ma oasr otoh kac ac sahkseng Roman soko. Finne mukul fuhsr kahsruhp sac yohk suhna sel, suhfallac in molwellah liki kain in akucl ma sonol, ac tiac eklac nuh sesr pac. Ke mwe insewowo in eis ma sacohk emet—mwe sang luhn moul ma pahtpaht—ma srihsrihk se pa in kampare fahsr tukun Mwet Tol Fuhlwact ke Luhlahlfongi lasr, Itu in Lwen lasr, Mwet in Ekihn kuht, ac Tohkohsra lasr. Nga weluhl Amaleki usrnguck in pacl ingoh in fahkwack lah kais sie in, “[sang kwewa} nguhnasr in ekihn mwe sang se nuh sel.”19 Ke on kuh, ac alu fokoko, kuht onkackihn:
Kaksakihn finohl ah; nga ahkwoyeyucklac kac.
Finohl luhn luhngse muhtahl lom. …
Pa inge insiyuck, O eis ac siliyac;
Siliyac nuh ke lohm inkuhsrao sum.20
Ke ine muhtahl luhn Jisus Kraist, amen.