Luhngse luhn God
Pahpah Tuhmasr ac Mwet in Molwelah lasr ahkinsewowoye kuht ke masap, ac in ahkos masap Lalos, kuht ac puhla yohk luhngse pwacye lalos.
Pahpah Tuhmasr Inkuhsrao El luhngse kuht na upac ac suwohslacna.1 Ke luhngse Lal, El oakiyac placn se, placn in molwelah ac engan ma ikucslah nuh sesr ohiyac ac engan kuht kuh in eis, ne kena kuht eis ma nuhkewa Lal kuh atacl.2 In ahkfahsryelah ma inge, El inse mwesahs in fuhlwelah Wen Kuloh Nahtuhl, Jisus Kraist, in Mwet in Molwelah lasr. “Tuh God El lungse faclu ouinge: El ase Wen sefanna natul, tuh elos nukewa su lulalfongi in el fah tia misa, a elos fah eis moul ma pahtpat.”3 El pahpah yohk na luhngse se—nuh sin nuhkewa, tuhsruhk kuhtuh na puhla.
Jisus Kraist el akacsruhi luhngse pacye se inge oacna Pahpah tuhmacl. Ke Pahpah El muhtacwack elakihn placn na wolacna Lal ke engan, El pahngon sie in ekihn mwet Molwelah lasr in molikuhtlac—ip na yohk srihpac ke placn sac. Jisus El aluck, fahk nuh sin Pahpah Elan suhpacllah.4 Mwet Lahngo el “tiac oruh kuhtwena ma sahyacn na ma in ahkinsewowoye facluh; tuh El luhngse facluh, oruh El fihliyac moul Lal sifacna tuh Elan kuh in pwacnlah mwet nuhkwewa nuh Yohrohl. Ohinge, El sapkihn tuh in wacngihn sie mwet in tiac ipeis ke molwelah Lal.”5
Luhngse pacye se inge kuh in use nuh sesr mihs ac mwesahs ke kuht pruhe nuh sin Pahpah ke inen Kraist. Wacngihn sie sesr mwet sac nuh Selos. Kuht tiac enenuh in ahlohloh in pahng nuh sin God, fine kuht puhla suhfal. Kuht kuh in fungyang nuh ke luhng kuhlwacng ac masap lal Jisus Kraist.6 Ac kuht fin sruokyac na luhngse luhn God, kahsruh kuht eis sin mwet sahyac in kolktuht uh srrihksrihekni.
Luhngse luhn God Tiacna na Lwelah ma Koluk, Tuhsruhk El Molwelah liki ma Koluk
Ke srihpen luhngse luhn God uh raunikuhtlac,kuhtuh sruhmuhn muh “wacngihn sahflahiyac,” ac ke nuhnak lalos, elos palyei nunak se ngacn lah mwe insewowo luhn God “wacngihn sahfliyac,” ac lah molwelah wacngihn sahflahiyac.” Elos tiacna. Kuhtuh ac fahk lah “Mwet Lahngo El luhngse nga oacna ke nga ange uh,” ac ma na pwacye se. Tuhsrkuh El tiacna kuh in us kuht nuh ke tohkohsrai Lal kuht fin ana nge, tuh wacngihn ma fohkfohk kuh i muhta we,kuh in weluhl muhta.7 Ma koluk lasr uh enenuh in ahkwoyeyucklac.
Mwet luti Hugh Nibley el fahk lah tohkohsrahi luhn God tiac kuh in asr finne asr kihtihn na ma fohkfohk se loac: “finne ip srihsrihk luhn fohkfohk kalmac tuh facl sahyac tiac nwacsnwacs kuh ma pahtpaht. Kihtin tahfonglac ke lohm se, lutlut, kahs, kuh atacn mwet se fahkack na pacye lah muhsahlah nuh ke moul ma pahtpaht.”8 Masap luhn God uh “upac”9ke srihpen tohkohsrahi Lal ac mwet muhta kac kuh in tu na ke srihpen elos sikalweni in kuhtanglah ma koluk ac sulwaclah ma wo, finne wacngihn lainyac .10
Elder Jeffrey R. Holland el ahkuhtweyac, “Jisus El arulacna kahlwem ke ma puhkantwen ma sikyak nuh ke facsin lasr uh suc muhlkihnyucklac: lah oasr eklac na luhlahp se inmahsrlon masap in eis nuhnak muhnahs (suc El muhkena pa kuh in oruh uh) ac mwe sensen ma sang lain (suc wacngihn sie pacl El oraclah)”11
Kuht finne tena suwohs ingena, ne ohinge, srackna oasr finsrak lasr in usrui “ine ac acn se lasr”12 ke acn, ke Alu Lal ac ke facl luhn celestial. Tukun ahkuhtweyucki kahlwem lah El tiac lwelah kuh luhngse ma koluk, Leum el ahkweye kuht:
Ne ohinge, elos suc auliyak ac ahkos masap luhn Leum fah eis nuhnakmuhnahs.13
“Ahok, ac mwet Luhk fin kwacna auliyak Nga fah nuhnak muhnahs nuh selos ke ma koluk lalos ma sang lainyuc.”14
Auliyak ac luhng kuhlwacng ahkwoyelah ma upac:
“Ac oacyacpac esam kahs ma Amulek el fahk nuh sel Zeezrom, ke siti lal Ammonihah; tuh el fahk nuh sel lah Leum El ac tuhkuh in molwelah mwet Lal, tuhsruhk tuh El ac tiac tuhkuh in molweloslac ke koluk lalos, tuhsruhk in molweloslac liki koluk lalos. ke koluk lalos, tuhsruhk in molweloslac liki koluk lalos.
“Ac oasr kuh Lal ma ituckyang nuh Sel sin Pahpah in molweloslac liki ma koluk lalos ke srihpen auliyak uh; ke ma inge El suhpwaclah lipufacn Lal in sulkackihn pweng wo ke akwuck luhn auliyak; ma use nuh ke kuh luhn Mwet in Molwelah, nuh ke molwelah luhn nguhnalos.”15
Ke ohiyacn auliyak, Leum El kuh in ahkloesyaclihk pahkotwen wacngihn pihsrapasr, nuhnuhnkuh, ac “God El tiac tui in pa God.”16
Ohiyacn facl se inge, ke kom etuh, el lain-Kraist, kuh, or “ma nuhkewa tuhsruhk Kriast.” Pacl lasr misenge uh sifil oruh pacl meet ke Puk luhn Mormon ah ke kais sie sie srihke in ukwaclah ma koluk, ahkfuhlwactye , ac pahtok mwe kahsruhp in pa us kuht ke facl se inge. Nuhnak lalos in oraclah ma koluk na srihsrihk se,17 kuh finne ma na koluk se, tuhsruhk wacngihn ma kuh in use molwelah. Ma sacn tuhkuh muhkwena ke srahn Wen. Ma wo “ma nuhkewa tuhsruhk Kraist” kuh “ma nuhkewa tuhsruhk auliyak” ma mwet puhs kuh in use pa wacngihn ma koluk, kuh fin asr, wacngihn pacna mwacta kac. Nga tiac kuh in liye lah acmacin uh kuh in uskuht nuh ke Nuhnuhnkuh Sahflah.18
Kuht tiac enenuh in srihke ma kuht koflah oruh uh in sang ahkwacngihnyelah ma koluk lasr. Ac kuht oacyacpac, kuht tiac kuh in srihke in oruh ma kuht koflah oruh in sang elah ma koluk lasr ke kuhlwacng lasr sifacna. Alu lasr uh tiac alu in ahkluhng kuh alu in ahksuwohsye mwet, tuhsruhk alu in molwelah—molwelah ke Jisus Kraist. Kuht fin inmahsrlon elos suc inse puhsisacl, ma koluk lasr wi Iwaclah Lal srihpsrihpyak nuh ke sahkseng Lal, ac “ke srihngsrihng Lal kuht ahkkweyeyucklac”19
Luhngse Yohk luhn Mwet Pahluh Oacna Luhngse luhn God
Puhs pacl oan sihk, nga puhlakihn, luhngse yohk luhn mwet pahluh luhn God ke mwe sensen nuh sesr uh. Elos tiacna pahtokyuck ke kena se in ahkoluk. Kena yohk lalos oacna luhngse luhn God; pacyena pa luhngse luhn God. Elos luhngse elos suc elos suhpweyucklac nuh yohroh, lah suc elos uh kuh fuhkah atacltahl. In oacna Leum, mwet kuhlwacnsap Lal tiac na luhngse nuhkewa in puhlakihn keok ke ma koluk ac sulwaclah suhfal uh.20
Alma el suhpweyucklac in fahkwelik pweng ke auliyak ac molwelah nuh sin mwet lokalok suc kena laltahl pa in ahkolukye, ahkngalye, ac fine in uniyac mwet Christian luhlahlfongi, wekuhnuhlwacng Alma. Uh el luhngse eltahl ac luhngse elos in moullac. Tukun el fahkwack Iwaclah luhn Kraist nuh sin mwet Ammonihah, Alma el nguhsr: “Ac inge, mwet wiyuck nga finsrakkihn ke insiyuck nohfohn, ahok ,ke fosrngah yohk tuh oruh in waek,tuh kowos in porongo kahs luhk, ac sislah ma koluk lowos, ac tiac kohtwaclah pacl in auliyak lowos; … tuh kowos in kuh in sruhkyuckyak ke lwen sahflah ac ilyak nuh in nien monglac Lal.”21
Ke kahs lal Prestuhn Russell M. Nelson’s, “Pacye ke srihpen yohk pahkomuhta lasr in elyah sin tuhlihk nuhkewa nuhtin God pa oruh kuht fahkwelihk ma pwacye Lal.”22
God el Luhngse Kom; Kuh Kom Luhngse El?
Luhngse luhn Pahpah ac Wen ituckyang ke sukohsohk tuh oacyacpac weacng finsrak ac luhlahlfongi. In kalweni, fahk lal Prestuhn Nelson,“masap luhn God uh moklweyuck yohk ke luhngse pwacye Lal nuh sesr ac kena Lal nuh sesr pa kuht in oruh in kampare ke kuhiyacsr.”23
Ke srihpen Elos luhngse kom, Elos sruhnga fihlikowi “atac se na ngacn.” Ke srihpen Elos luhngse kom, Elos luhngse kom engan ac kuhtanglah. Ke srihpen Elos luhngse kom, Elos luhngse kom in auliyak ke srihpen pa ingacn inkacnek nuh ke engan. Tuhsruhk sulwaclah an ma na lom---Elos ahkfuhlwactye sulwaclah lom. Kom enenuh in sulwaclah in luhngse Elos, kuhlwacnsuhpwaclos, liacng masap Lalos. Na Elos e tuhfwah ahkinsewowo ye kom ac oacyacpac luhngse kom.
Ip yohk se elos finsraki sesr uh pa kuht in luhngse pac. “Kutena mwet su tia lungse, el tia etu God, tuh God El lung.”24 “Mwet saok, fin God el lungse kut, lwela kut in lungse pac sie sin sie.”25
Mwet kol ke U luhn Tuhlihk Srihsrihk Prestuhn Joy D. Jones el esamwack ke el tuhfahna pahyuckyak, el ac mukul tuhmwacl ah pahng in muhtwacta ac luti sucu se suc tiacna wi alu ke lusen pacl na loes. Arulacna kahlwem ke muhtwacta se emeet lalos ah lah elos tiacna enenweyuck. Tukun fahsr puhkantwen ac fohswack lalos ke elos tiacna oraclah, ac tukun pruhe ac nuhnak lalos, Tamuhlwel ac Tahmtahel Jones eis top se lah efuhke kuhlwacnsap lalos ke fuhs se ke Olweacng ac Wuhlweacng “Kom fah luhngse Leum God ke insiom kewa, ke nuhnkom kewa, ac ke kuhiyom kewa, ac ke inen Jisus Kraist kom fah kuhlwacnsapwacl.26
Tahmtahel Jone el fahk: “Kuht aklilen lah kuht kampare inswacneang in kuhlwacnsuhpuh sucu se inge ac in kuhlwacnsuhpuh pisap lasr, tuhsruhk kuht enenuh in siyuck sesr lah kuhlwacnsap lasr uh kuht oruh ke luhngse nuh sin Leum lasr. …
“… kuht muhtwacwack in sikalweni in muhtacta yurin sucu se inge ke srihpen luhngse lasr nuh sin Leum [liye 1 Nephi 11:22]. Kuht oruh ma inge nuh Sel. El oruh ma upac uh tilac upac. Tukun mahlwem puhkantwen kuht tu ke motonac ah, sucu sac muhtacwack in sap kuht in utyak. Na, kuht ahkfalye pacl in pruhe lasr ac akacsruhi ke wosasuc. Kuht muhsahelah kawuck na fototo inmahsrlosr. Kuht alu nuh sel ac luhngse El ke kuht luhngse tuhlihk Nahtuhl.”27
In fahkack lah God el luhngse kuht na pacye, kais sie sesr kuh in siyuck, “Nga luhngse God fuhkah? El kuh in luhlahlfongiyuc oacna ke nga Luhlahlfongel uh?” E ma na wowo se nuh sesr kuht in moul etuh lah God el luhngse kuht tiac elyah ke tahfonglac lasr tuhsruhk ke srihpen moul se kuht kampare nuh kac uh? Oh, ke Elac fahk nuh sihk ac kom oacna ke El fahk nuh sel Hyrum Smith, kain se, ke Leum el fahk muh el luhngse Hyrum ke srihpen puhlaik lal.28 Lwelah kuht in esam kahs in kai lal Sohn, “Tuh pa inge luhngse luhn God, tuh kuht in ahkos masap Lal, tuh masap lal tiacna mwe asor.”29
Pwacyena, masap Lal tiacna ahsor—tuh mwe engan. Elos oakiyac inkacnek in ahkweye, engan ac mihs ac insewowo. Pahpah Tuhmasr ac Mwet in Molwelah lasr ahkinsewowoyekuht ke masap, ac in ahkos masap Lalos, kuht e puhla luhngse pacye lalos.30
Pa inge top nuh ke pacl in akuhkuhin lasr—luhngse luhn God. Ke pacl na wowo somlah ke sramsram mahtuh lin Puk of Mormon tukun luti luhn Mwet Lahngo ahkuhtweyucki “lah wcngihn fohs ke acn sac, ke srihpen luhngse luhn Godsuc muhta oasr yurin mwet ingacn.”31 Ke kuht ahkwot nuh Saion, kuht esam olwelah se ke Fwackyuck: “Insewowo elos suc ohllah nuknuk lalos in nasnas, tuh elos in ku in mongo ke fahko ke sak lun moul, ac ilyak ke mutunpot nu in siti uh.”32
Nga fwahkwack luhlahlfongi ke ma pwacye luhn Pahpah Tuhmasr Inkuhsrao ac Mwet Lahngo lasr, Jisus Kraist, ac ke luhngse pwacye Lalos. Ke inen Jisus Kraist, amen.