Nuh Sel
In etuh lah suc ac efuh in kuhlwacnsuhpuh mwet sahyac uh kahsrekuht in etuh lah mwe akucl yohk se emet ke luhngse uh pa in eiskuhtyang nuh sin God.
Ke fong na yohk srihpac se inge, nga ahkkahlwemye luhngse ac kulohlacna luhk nuh sin kais sie nuhkwewa, tahmtahel sacohk wiuck. Lah kuht yac ekahsr, acn kuht muhta we, kuh ma kuht puhla ingena, kuht toeni ke insese, ke kuh, ke srihpac se, ac ke srihpen luhlahlfongi lasr kuht luhngseyuck ac kolyuck sin Pahpah Tuhmasr Inkuhsrao; Leum lasr; Jisus Kraist; ac Mwet Pahluh moul lasr, Prestuhn Russell M. Nelson.
Ke kuht tuh srack siyacnyacn fuhsr se ah, nga ac mukul tuhmuhk pahng sin Pisap lasr in muhtwacta yurin sucu se suc sesaclah in fahsr wi alu ke yac na puhs. Kuht tuh lohng pahng sac ac som nuh lohm seltahl ah tohkohyang. Arulacna kahlwem nuh sesr lah elos tiac luhngse mwet muhtwacta ma wi alu ke Alu uh.
Na ke muhtwacta se lasr tok ah, kuht som nuh yohrohltahl us ahluh in kukis se, finsraki muh mwe sang se lasr ah in oruh eltahl in luhngse kuht lac. Siyacnyacn sac sramsram nuh sesr ke sruhnguhl screen sac, oruh arulacna kahlwem lah kuht tiacna lwelah nuh lun lohm seltahl. Tuhsruhktuh, ke kuht kahsruhsr nuh lohm sesr ah, kuht nuhnkuh lah kuht fuhnuh sang Rais Krispis se nuh seltahl.
Tiacna orwaclah lasr ke liye lasr uh oruh kuht luhman ke fohsack. Fohlohkihnyacn ma se arulacna kuht tiac puhla wo kac. Ke pacl na loeloes se kuht muhtwacwacack in siyuck sesr sifacna, “Efuh kuh kuht oruh ma se inge? Meac srihpac la uh?”
Elder Carl B. Cook el orwaclah fahk se inge: “Kuhlwacnsap ke Alu uh … kuh pacna in ahksahngweng fin siyuckyuck sesr in oruh ma se kuht sahngweng in oruh uh, fin yohkwelihk fosrngah lasr kac, kuh kuht fin pahngyak in oruh ma se ma kuht tiac ke oruh.”1 Kuht puhlakihn ma pwacye ke kahs lal Elder Cook ke kuht sulwaclah in ukwe kolyuck luhn sie mwet wo liye la ssahyac liki kuht na.
Na, ke kuht pruhe ac lutlut, kuht eis top nuhke efuh ke kahsruh lasr. Oasr eklac ke kahlwem lasr uh, eklac luhn insiac, puhla na siena se. 2 Ke kuht suk kolyuck ke ma suhmuhslah uh, Leum el luti kuht lah kuht ac kuhlacnsuhpuh fuhkah mwet sahyac in fihsrwacsr ac oasr kalmac. Pa inge fuhs se kuht riti ma ekuhllah insiyacsr ac ma kuht oasr kac: “Kom in luhngse Leum God lom ke insiom kwewa, ke kuh lom kwewa, nuhnak lom, a kuh; ac ke inen Jisus Kraist kom in kuhlwacnsuhpwacl.”3 Fuhs se inge pwengpweng, atacn sramsram nuh sesr ke inkacnek sasuc ac yohk srihpac se.
Kuht fah liyacack lah kuht arulacna ke kahsruh sucu se inge ac in kuhlwacnsuhpuh Pisap lasr, tuhsruhk kuht in sifacna siyuck sesr lah kuht kuhlwacnsap na pwacye nuh sin Leum. Tohkohsrah Benjamin el oraclah kahlwem ma se inge ke el fahk ah, “Liye, nga fahk nuh sum lah ke sripen nga fahk nuh sum lah nga e wi kom ke lwen lom ke kom kuhlwacnsap uh, nga tena ke kohnkihn, mweyen nga kuhlwacnsap muhkwena nuh sin God.”4
Na suc Tohkohsrah Benjamin el kuhlwacnsuhpuh na pwacye uh? Pahpah Tuhmasr Inkuhsrao ac Mwet Lahngo. In etuh lah suc ac efuh ke kuhlwacnsap lasr uh kahsrwekuht in kahlwem lah ma se emet ke luhngse uh pa in sang nuh sin God.
Ke loacng lasr eklac, pruhe lasr uh pac. Kuht muhtwacwacack in fahsr muhtwacta yurin sucu sacohk sac ma ke sripen luhngse lasr nuh sin Leum lasr.5 Kuht oruh nuh Sel. El oraclah wolac elyah sac tiac sulpac acwac. Ke mahlwem puhs kuht tu ke motonoac lalos, sucu sac muhtwacwacack in lwelah kuht in utyak nuh lun lohm selos. Na tohkoh, kuht tuhkweni sramsram srihsrihk ke wosasuc ac pruhe yohrohlos. Kuhpahsr lasr nuh selos kapwack. Kuht alu ac luhngse El ke srihpen tuhlihk Nahtuhl.
Kuh oacna asr pacl kom oruh kuhlacnsap lom nuh sin mwet sahyac na kom konwacack lah tiacna akihlenyuck kuh tiac luhngseyuck orekma wo se kom oruh in oruh ngacn? Ke pacl sacn, kom tiacna siyuck lah meac kalmacn kuhlwacnsap se luhk inge? Fin oasr, na kahs lal Tohkohsrah Benjamin ac kahsrwekom in ahollah tahfuh luo se lom an ac puhla kom puhlakihn an. “Kom kuhlwacnsap muhkwena nuh sin God.”6
Kuht fin muhsahi sie kuhpahsr na wo ah nuh sin God, ac wo liki na kuht muhta muhsahi asruhngai uh. Luhngse lasr ac alu lasr nuh Sel uh kohsrwaclah enenuh in akihlen kuh sruikihn ac lwelah luhngse Lal in kahk ac tuhkuh nuh sesr.
Kuhtuh pacl uh kuht kuhlwacnsap ke srihpen utuckuh kuht in oruh, tuhsruhktuh finne kuhlwacnsap lasr uh kuh in ahkfototoyekuht in kuhlwacnsap “wo liki met ah”7—oacna ke Prestuhn Nelson el suli in “oruh ohiyac sasuc, muhtahl in fototo in karihngihn mwet sahyac.”8
Ke kuht lohacng nuhke ma nuhkwewa God el oruh nuh sesr, kuhlwacnsap lasr uh ac sesseslah ke pahkotwen. Ke kuht srihksrihkeni in lohacng nuh ke kuhlwacnsap lasr uh, kuht ac akihlen lah lohacng nuh ke kuhlwacnsap lasr pa in sang God emet.9
Prestuhn M. Russell Ballard el luti, “Pacl se na ma kuht luhngse God ac Kraist ke insiacsr, nguhnasr, ac nuhnak lasr nohfohn pa ke kuht akacsruhi ke luhngse se inge nuh sin mwet tuhlan lasr ke kuht kuhlwacng ac kuhlwacnsap nuh seltahl uh.”10
Masap se emet ke masap singucul ac sifil kalweni lahlmwetmwet se inge: “Nga pa Leum God lowos. … Kowos in tiac eis sie god sahyuck.”11 Akiyucki luhn masap se inge kahsrwekuht in kahlwem kac lah fin kuht likiyac in El emet, ma nuhkwewa ac fah oacna ke El luhngse—finne nuhke kuhlwacnsap lasr nuh sin mwet sahyac. Ke el use kunohkohn na yohk srihpac se ke moul lasr uh, na el kuh in ahkinsewowoye kuht fal nuhke orekma lasr uh ac nuh sin mwet kuht kuhlwacnsap nuh se uh.
Leum el ahkkweye fahk, “Ngwet nuh sihk ke nuhnak nuhkwewa.”12 Ac ke kais sie wik kuht olwelah in oruh ma suwohs sacn—in “esamuhl pacl nuhkwewa.”13 Kuh kuht kuh in moulkihn ma inge nohfohn? Kuh orekma srihsrihk se inge kuh in ahkkahlwemye luhngse lasr nuh Sel? Nga luhlahlfongi muh ac kuh.
Kuht kuh in sifacna oraclah sie list ac kuht in ukwe in sang Kaksakuhnuhl. Kuht kuh in liye orekma inge muh sie suwohs ac pacl wowo in Kuhlwacnsuhpwacl, finne pacl kuht puhlakihn infulwacn ma upac kuht puhlakihn uh, orekma, ac ma koluk lasr.
Oacna ke Ammon el fahk ah, “Ahok, nga etuh lah tiac acwac; nuhke kuh luhk uh nga muhnahs; pwacnwacng nga ac tiac kohnkihnyuc sifacna, tuhsruhk nga ac kohnkihn nuh sin God, tuh ke sripen kuh lal nga kuh in oruh ma nuhwewa.”14
Ke kuhlwacnsap nuh sin God uh ma na yohk srihpac se ke moul lasr uh, kuht pihlwesrwekuhtlac sifacna, ac sahflahiyac uh, kuht sifacna akihlwenkuhtyak.15
Mwet Lahngo el luti ip yohk na fihsrwacsr ac suwohs se inge: “Ouinge lwelah kahlwem lom in kahlwem nuh sin mwet uh, tuh elos in liye orekma wo lom an ac kaksakihn Pahpah tomom suc oasr in inkuhsrao.”16
Lwelah nga in akacsruhi nuh sum kahs in lahlmwetmwet ma sukokyak ke pihsinkacn lohm se e Calcutta, India: “Kom fin kuhlwacng, mwet uh ac ahkkolukyekom muh kom nuhnkuh kac sifacna, kom tiac ahkkahlwemye. Macnsis kuhlwacng na. Ma se suc kom sislah muhsahi ke yac uh kuh in kuhnausyucklac. Muhsai na. Ma wo kom oruh mihsenge, mwet uh kwacna muhlkuhnlah litu ma. Oruh ma wo. Sang nuh sin facluh ma kom kuh in sang, ac tiac fal sruhk. Sang nuh sin facluh ma kom kuh in oruh an. Liye, ke sahflahiyac an, ac ma na nuh sum ac God lom an.”17
Tahmtahel, pacl nuhkwewa kuht na nuh sin God. Oacna ke Prestuhn James E. Faust el fahk: “Meac enenuh yohk se emet fin facluh uh?’ … ‘Yac tiac enenuh se ma yohk sripac emet fin facluh sin mwet uh pa in oasr kuhpahsr ne tok ma pahtpaht se la nuh sin Mwet Lahngo?’ Kain in kuhpahsr se inge kuh in orwekuhteni nuh sie sin sie, ac wangin ma kuh in ekuhllah moul lasr ke kuht tuhkuh in etuh ac kahlwem ke kuhpahsr lasr nuh sin God uh.”18
Oacna, Alma el ahkkahlwemye nuh sin wen nahtuhl, “Ahok, lwelah ma kom oruh nuhkwewa in ma nuh sin Leum, ac yen nuhkwewa kom som nuh we lwelah in ma nuh sin Leum, lwelah nuhnak lom nuhkwewa in ma kolyuck sin Leum; ahok, lwelah luhngse luhn insiom in filiyucki yurin Leum ma pahtpaht.”19
Ac Prestuhn Russell M. Nelson el luti nuh sesr, “Ke kuht sramsramkihn Iwaclah lal, pacl sacohk lasr kuht tohllah in kuhlacnsapwacl arulacna akihlenyuck Sel.”20
Tahmtahel, nga fahkwack lah Jisus Kraist, ke kuh luhn Iwaclah Lal, orekma kacsr ac in kuht, El muhtwacwacack in orekma kacsr in sang ahkinsewowoye mwet sahyac. Kuht kuhlacnsapwaclos, tuhsruhk kuht oruh ke sripen kuht luhngse in kuhlwacnsap nuh Sel. Kuht pa ma suhmuhslah uh ahkuhtweyac uh: “Mukul nuhkwewa [ac muhtwacn] suk ke pwacr luhn mwet tuhlan luhn mukul [kuh muhtwacn sacn, ac oruh ma nuhkwewa nuhke wolacna luhn God.”21
Sahp Pisap lasr uh etuh lah pa inge mwe luti se ma nga ac mukul tuhmuhk ac lotwelah ke pacl sac, ke pacl na upac se, in kahsruh tuhlihk mukul ac muhtwacn kuloh Nuhtin God. Nga fahk ke ma nga puhla ac liye ke luhngse pwacye el akacsruhi nuh sesr ke kuht suk in kuhlwacnsapwacl. Ke ine muhtahl lal Jisus Kraist, amen.