Kweyak ac Enganwack
Ke kuht sun ma upac ke inkacnek luhn Leum, lwelah kuht in kweyak ac enganwack.
Ke 1981, pahpah tuhmuhk, kawuck luo luhk, ac nga som nuh Alaska ke acn na pwengpweng se. Kuht e ai ke acn na yohk ke inkof se ac fan nuh ke acn na kahto loes liki kof ah. In ahksrihkyelah toasr luhn ma kuht us ah kuht enenuh in sifacna us, kuht oracni ma nuhkwewa lasr nuh ke pohk, oracni ke mwe nuk muhlahlah, sang ah oasr tuhn kac, ac kuht tohllah pohk ah ke winto ke aksohk srihsrihk soko ah nuh ke acn kuht e fahsr nuh we ah.
Tukun kuht ai, kuht suk ac suk, tuhsruhk ke lut lasr, kuht tiac kuh in sokwack sie sin pohk ah. Sahflah kuht sokwack sie. El nwacnwaclah ke mwe orek mongosrihsrihk se, mwe nwenyuck se, kacnte, ac kuhtuh ke fuhlao se oreklac ke pasta ac pauta ma e sang oraclah sie mongo fihsrwacsr se—tuhsruhk wacngihn ikoac kac. Wacngihn ma kuht eis kuht in sramsram nuh selos suc wacngihn yohrohsrac pacl in sruhkyuck ma lasr uh pa nuh ke wik tok uh.
Nga lotwelah luo ma yohk srihpac ke mwe lutlut ke ma lutiyuck nuh sesr: Sie, tiac tohllah mongo nuhtuwos ke winto an. Ahkluo, kuhtuh pacl uh kuht enenuh in foracng nuh ke ma upac.
Pacl puhs, oruh lasr uh pa ke pacl se kuht enenuh in oruh ma na upac se, kuht fahk “Efuh ma na upac se inge sikyak nuh sik?” Siyuck lah efuh, tuhsruhk,tiac eislah ma upac an. Leum El sapkihn nuh sesr lah kuht sun ma upac, ac El fahk nuh sesr lah ma inge kwewa e use nuh sesr kuht in etwaclah, ac ma e wo nuh sesr.1
Kuhtuh pacl uh Leum El sapkihn nuh sesr kuht in oruh ma upac, ac kuhtuh pacl uh srihkasrak uh oreklac na sesr sifacna kuh mwet sahyac orekmakihn ke sulwaclah. Nephi el etwaclah kwewa ma inge. Ke Lehi el sapkihn tuhlihk nahtuhl ah in fohlohk nuh acn sel Laban in eis plwet prahs sac, el fahk, “Ac inge, liye tamuhlwel wiyom elos tohrkahskahs, fahk lah ma na upac se pa nga enenuh selos inge; tuhsruhk liye nga tiac enenuh selos ma inge, tuhsruhk ma se inge pa sie masap luhn Leum.”2 Ke sie pacl sahyac, elos tuh kasrkuhsrak sel Nephi: “Ac tukun ma inge elos tuh fihliyac paholos feik, tuh liye, elos tuh arulacna kasrkuhsrak upac, ac elos tuh kapriyucwi ke mwe kapihr, tuh elos suk in eislah moul luhk uh.”3
Joseph Smith el sun ma na upac sefin acn Liberty Jail. Wacngihn etuh lal kuh muh el ac muh eis pacl in monglac ke pacl se lal ah ac wacngihnlac finsrak, Joseph el tuhngyak, Oh God, kom oasr oyac?4 Nga kahs pwacye lah kuhtuh sesr puhla oacpacna ke Joseph el puhla ah.
Mwet nuhkwewa sun ma upac: mwet sacohk lasr misac, fahsrwelihk luhn siacnyacn, tuhlihk se tui sislah in lohacng nuh ke ma yohk srihpac ke wosasuc, mwet mas, mwet tesiyuck luhlahlfongi la, sislah orekma la, kuh oacna sie ma upac.
Ke pacl se nga lohng kahs lal Elder Neal A. Maxwell ke U luhn Mwet Singucul Luo nga eklac pahtpaht, fahk ke pacl se el acnwuck ke saclsfasrsrasr ke mahnosr uh suc pa kacnsucr se. El fahk, “Nga muhta oruh nuhnak na upac loal ac 25 kahs yohk srihpac ac fal tuhkuh nuh ke nuhnak luhk uh: ‘nga usot nuh sum kacnsucr se ma kom e kuh in luti mwet luhk ke kahs na pwacye ma mwet uh e lohng ac luhlahlfongi.’” El sifilpac tahfwelah in fahkwack puhla lal lah fuhkah ke el sun ma inge ac el ahkinsewowoyeyucklac kac “ma yohk srihpac ke ma pwacye ke netok ma pahtpaht. …Ke ma kahlwem inge ke ma netok ma pahtpaht kuh in kahsrwekuht in sun sahflahiyac, tuhsruhk tuh e sahp upac na pwacye.”5
In kahsrwekuht som nuh ke sahflah pacl upac nuh sesr uh oruh kuht in liye netok ma pahtpaht, nga kuh in siyuck ke ma luo. Kuht kuh in sun ma upac, ma se meet, in nuhnak muhnahs nuh sin mwet sahyac ac, ahk luo, sang olwelah lasr nuh sel Pahpah Tuhmasr inkuhsrao.
Nuhnak muhnahs nuh selos suc oruh upac nuh sesr ac tiac oruh wo “[kuht] sifacna pa olwelah nuh sin God”6 kuh in upac. Kuh in ahkngalye kuht ke pacl se ma upac nuh sesr uh sikyak sin sucu na lasr, kawuck fototo lasr, kuh finne kuht sifacna.
Ke nga sasuc nuh ke pisap, nga lotwelah in nuhnak muhnahs ke prestuhn luhn stek luhk, Bruce M. Cook, el fahk ke kuhtuh sramsram. El fahk:
“Ke pacl somlah ke sahflahiyacn 1970, kuhtuh mwet orekma ac nga muhtwacwacack in oruh kuhka. Tuh kuht tiac oruh kuhtwena ma tiac fal, sulwaclah tiac wo, orekweni nuh ke elyah luhn acn sac ke pacl sac, sikyak ke ma kuht tahfonglac kac.
“Kuhtuh selos nwacna pwepuh in eisyuck mani in sang kahsruh mwet somlah misact lalos. Mwet in muhta aholuhlos wi mwet ma enenuh in miting uh sikyak tuh mwet in kahsruh ke sucu luhk ke pisaprik. Arulacna upac in insese nuh sin el suc luhman oacna el srihke in oruh koluk nuh sesr ke moul lasr uh. Nga oruh kuhtuh ma pwacye suc nga tiac luhngse nuh sel ac el ekihn muh el mwet kawuck koluk se luhk. Tukun yac limekohsr ke pacl in mweun ah, wacngihnlac kwewa ma lasr, weacng lohm sesr.
“Ke 2002, nga ac muhtwacn kiyuck ah etwaclah lah stek prestuhn ke acn nga oruh kuhlwacnsap luhk ekihn mwet in kahsruh se ac fah eklac. Ke kuht forfor in muhtwacta ke pacl fototo meet liki nga eis pacl in monglac luhk ke stek prestuhnsi, el kihsensiyuck sihk lah e muh suc ngac sulwaclah e muh mwet in kuhlwacnsap sasuc luhk fin ngac muh pahng nuh ke stek prestuhn. Nga tiac ke sramsram kac, tuhsruhk el ahkolah na in lohng. Oruh, ine se tuhkuh nuh ke mwe nuhnak luhk uh. El fahk ke mwet in muhta kahsruh mwet enenuh nuh ke miting luhlahp uh kuht fwackyuck in oasr ke infulwen ma upac nuh sesr ke yac [longoul] 20 somlah ah. Ke el sramsram, nguhn el fahk lah el enenuh in pa mwet in kahsruh ke u sahyac ah. Kuh nga e nuhnak muhnahs nuh sel?
“Ke Elder David E. Sorensen tahfwelah in tahfwelah ngacn kuh in kuhlwacnsap ekihn stek prestuhn, el use ao se luhk in sulwaclah elos suc e wiyuc kuhlwacnsap. Ke tuhng, nga fahk lah Leum El ahkolah tari in sulwaclah mwet in wiyuc kuhlwacnsap ke fwackyuck. Ke nga fahk inen mwet sac eklac muh in ma koluk soko, ahngyahng, acnga ke tahfwelah na in oasr ac sikyak in se inge, nga lotwelah lah mihslac uh tuhkuh ke nuhnak muhnahs ke Iwaclah Luhn Krais.”
Ke kuhtuh kahs uh, stek prestuhn se luhk el fahk “nuhnak muhnahs” nuh sel, oacna Nephi meet.7 Nga etuh prestuhn Cook ac mwet in kahsruh lal suc oasr pristut suwos in kol in luhngse sie sin sie. Nga nuhnuhnkuh in oacna elos.
Yac meet ah, ke pacl upac nuh sesr ke acn Alaska, nga sa in lotwelah lah ma kuht nuhnuhnkweyac kacn mwet se—mwet kol kuht ke oak sac tohllah mongo ke acn tiac oasr kahlwem kac—tiac pa inge sahflahiyac. Tuhsruhk, ke kuht sun etuh ke ma inge in orekma, wacngihnlac mongo, mas, ac mutul in fohk ke pacl puhlahl ac af sahrom ke nes se oacna in kafa se na afuhn kuht lac, nga lotwelah lah “wangin ma God El kofla in oru.”8
Tuhlihk fuhsr uh, God El ahkolah ma upac nuh sum. Sie tuhlihk muhtwacn fuhsr yac 14 el wi u in sritacl pohl se. El mwemwe muh el sritacl pohl ke lutlut ah oacna tuhlihk muhtwacn mahtuh se wiyacl ah. El lotwelah pac lah ninac ac pahpah lal ah elos pahngyak in som kol misin ke acn Guatemala.
Ke ai lalos, el liye lah siacnyacn se el liye ke kuhlahs lal ah oasr Spanish el oasr we, kahs ma el tiac kuh in fahklah ac kahlwem kac. Wacngihn na pwacye sie u in tuhlihk muhtwacn in sritacl ke lutlut lal ah. El muhta ke tek ahk 14 ke tek se ma oasr mwet in topang na fuhlwact kac. Ac nuh ke ma nuhkwewa ma fwacklac tuh tiac wo ac pwacye, el tiac kuh in tifoki nuh lukunum ah sifacna ke srihpen ma oruh el in tiac sun ongaiyac.
Ninac ac pahpah lal lohng ke el tuhng el acn mutul ke fong nuhkwewa ke mahlwem. Ma inge oruh elos arulacna suhpwacr! Elos sulwaclah elos in fohlohkohnohl lah nuh lohm selos in muhta yurin ninac mahtuh kiyacl ke pacl in lutlut lal.
Ke muhtwacn kiyuck el utyak nuh ke rum luhn tuhlihk muhtwacn se nahtuhlos ah elan fahk sulwaclah lalos, el liye tuhlihk muhtwacn se nahtuhlos ah sikuct muhtuhnte ac pruhe ke puk Luhn Mormon ikacklah pac an ke mwe an kiyacl ah. Nguhn mahmah nuh sin muhtwacn kiyuck ah, “El ac WONA,” ac muhtwacn kiyuck ah kahkahsrihk som liki rum lal ah.
Kuht tiac sifil pac lohng elan sifil pac tuhng. Ke ahkolah ac kahsruh luhn Leum, el fokoko kuh in muhtweng yac tolu.
Ke sahflah iyacn misin lalos, nga siyuck sin tuhlihk muhtwacn se nuhtihk ah fin el ac kuhlwacnsap ke misin lal. Top lal ah pa “Moh, Pahpah, nga kuhlwacnsap tari.”
Nga tari fahk muh wona ke pa inge sulwaclah lal! Tuhsruhk ke mahlwem ohnkohsr ma tohkoh, Nguhn tuhkasyucyak ke fong ah ke nuhnak lal: “Nga pahngon tuhlihk muhtwacn se nuhtum inge in oruh kuhlwacnsap lal ke misin.”
Orekma luhk ke pacl sac “Pahpah Tuhmasr Inkuhsrao, el sang kwewa kuhiyacl.” Nga ahkpwacyeyeyucklac ke Nguhn ac in kahlwem kac lah kuhlwacnsap lal ke misin ma akwucki sin Leum.
Nga us tuhlihk muhtwacn se nuhtihk ah nuh ke mongo in infulwacnlwen. Ke foracng ke tepuh ah, nga fahk, “Ganzie, kom etuh lah efuh kuht oasr in se nge?”
El fahk, “Ahok, Pahpah. Nga etuh nga enenuh in kuhlwacnsap ke misin. Nga tiac ke som, tuhsruhk nga e som.”
Mweyen el sang olwelah lal nuh sel Pahpah Tuhmasr Inkuhsrao, el Kuhlwacnsuhpwacl ke insiyacl, nuhnkwacl, nuhnak, ac ke kuh lal kwewa. El lotweacng pahpah tuhmwacl ah lah e orek fuhkah ma upac uh.
Ke sramsram in alu fototo lal Prestuhn Russell M. Nelson ke tuhlihk fuhsr fin facluh nohfohn, el siyuck ke ma upac ke tuhlihk fuhsr. Prestuhn Nelson el fahk: “Solsol ahklimekohsr luhk pa kom in tiac uke ma luhn facluh; in sie na ke facluh se inge. … Leum El ke ngwetngwet lom an in, puhsrem in, orekma lom an in, ac nuknuk in mwet tuhma lutlut pwacye lal Jisus Krais.”9 Kuh in ma upac se, ingena nga etuh muh kom kuh in oruh—ke engan.
Esam lah “mwet uh in moul, tuh elos in kuh in engan.”10 Ke ma Lehi el sun, el srack liyacack engan. Esam ke Alma el “toasrlacna ke ahsor”11 mweyen mwet ke Ammonihah? Lihpufacn se fahk nuh sel, “Alma, kom ahkinsewowoyeyuck; ke ma inge, kweyak ac enganwack … tuh kom oaru in liyacacng masap luhn God e ke na pacl se.”12 Alma el lotwelah ma pwacye ac wo: kuht kuh in engan ke kuht ahkos masap. Esam lah ke pacl se mweun ac mwe srihkasrak uh sun kuht ke pacl se lal kacptin Moroni, “Tuhsruhk liye oasr sie pacl engan liki inge inmahsrlon mwet lal Nephi.”13 Kuht kuh ac enenuh in sokwack engan ke pacl se kuht sun ma upac uh.
Mwet Lahngo El sun ma upac: “Ac facluh … fah nuhnuhnkwacl in oacna sie ma wacngihn srihpac; ohinge elos sruhngluhl, ac El kweok kac; ac elos kalyeiluhl, ac El kweok kac. Ahok, elos acnwel, ac El kweok kac, ke srihpen luhngse pahkotwen Lal ac mongfihsrwacsr Lal nuh sin tuhlihk nuhtin mwet.”14
Ke srihpen luhngsekuhlwacng, Jisus Krais El kweok ac iwaclah. Ke ma inge, El fahk nuh sesr kais sie, “Ke kowos mutafaclu kowos ac keok. Tusruktu kowos in pulaik na! Nga kutanglafaclu tari!”15 Mweyen ke Krais, kuht kuh in kuhtanglah pac.
Ke kuht sun ma upac ke moul lasr nuh yurin Leum, kuht kuh in kweyak ac enganwack. Ke pacl se inge pacl muhtahl kuht in fahkwack nuh fin facluh, nga fahkwelihk lah Mwet Lahngo El moul ac El kol Alu Lal. Ke inen Jisus Krais, amen.