Tahmtahel ke Alu Akacsruhi ke Orwacni luhn Mwet Israel
Nga tahfwelah sie puhpuhlyuck in ngihsre kowos, muhtwacn ke Alu, in nahwelah pacl fahsruh ke kahsruh orwacni mwet Israel.
Sie ma wolacna in wi kowos, tahmtahel sacohk wiyuck. Sahp mwe srihke se ingena fah usot nuh sum sie nuhnak lah fuhkah puhla luhk keik ac ohiyac wolacna suc utuckuh nuh sesr.
Sie lwen ke sramsram nuh sin sie u fin acn South America, yohkwelihk engan tuhkuh ke sifen mwe sramsram luhk, ac ke sie puhluhn pacl yohk srihpac, nga fahk, “Ke srihpen ninac kiyacn tuhlihk 10, nga kuh in fahk nuh suwos lah …” Ac na nga ahksahfyelah mwe fahkwack luhk.
Nga tiac nuhnkuh lah nga fahk kahs se ninac. Mwet in lweng luhk, nuhnkuh muh nga tahfonglac, ekuhlah ninac nuh ke pahpah, oruh u sac tiac etuh nga kapsra nuh sihk sifacna ekihn sie ninac. Tuh muhtwacn kiyuck Wendy el lohng kac, ac el engan ke tiac tahfonglac luhk.
Ke pacl sacn, kena loal luhn insiyuck in orwaclah eklac luhn facluh—oacna ke sie ninac muhkwena oruh—nga fahk ke puhla yohk. Ke moul luhk, oacna sie pacl siyuckyuck sihk efuh nga sulwaclah in tuhkuh sie medical doctor, top luhk el nuh ma sacna pacl nuh kwewa. Mweyen nga tiac kuh in sulwaclah in ninac se.
Nuhnak muhnahs etuh lah oacna sie pacl nga fahk kahs se ninac, nga tiac sramsram ke muhtwacn muhkwena suc isus kuh nuht tuhlihk ke moul se inge. Nga sramsram kacn kwewana ninac ac Pahpah Inkuhsrao tuhmasr tuhlihk muhtwacn mahtuh. Nohfohnna muhtwacn el ninac se ke srihpen tuhfahlah wolacna ma pahtpaht lal.
Oruh ofong, ke orekma in pahpah tuhmuhn tuhlihk 10—tuhlihk muhtwacn yuc ac mukul se—ac ke Prestuhn luhn Alu, nga pruhe lah kowos fah liye fuhkahloaclacna nga puhla keiwos—lah suc kowos uh ac kwewa ma wo kowos kuh in oruh. Wacngihn mwet kuh in oruh orekma muhtahl muhtwacn se el kuh in oruh. Wacngihn mwet kuh in etahi kuhiyacn sie ninac.
Mukul uh kuh ac kwacna sramsram ke luhngse luhn Pahpah Lucng ac Mwet Lahngo nuh sin mwet sahyac. Tuhsruhk oasr mwe sang sacohk nuh sin muhtwacn—sie mwe sang wolacna. Oasrkuhiyac in liye mac mwet sahyac enenuh—ac ngac elos enenuh uh. Kom kuh in saplakyang, ahkwoye, luti, ac ahkkweye sie mwet ke moul lal kuh puhluhn pacl in enenuh lal.
Muhtwacn uh liye ma uh siena liki mukul uh oruh ac oh, kuht enenuh na pwacye nuhnak lowos. Wolacna lowos kol kowos in nuhnkuh ke mwet sahyac met, in nuhnkuh ma sikyak ma oacna ma oasr yurin mwet sahyac.
Oacna ke Prestuhn Eyring el fahk ah, pa wolacnaiyacl Ninac Eve kiyacsr—ke kuhiyac yohk srihpac lal ke plwacn luhn Pahpah Lucng tuhmasr—El sramtweack ma kuht pahngon “Puhtatlac.” Lahlmwetmwet lal ac puhlaik in sulwaclah ac pahtok ke sulwaclah lal Adam mokle plwacn engan luhn God nuh met. Adam ac Eve oruh fihsrwacsr nuh sin kais sie sesr in tuhkuh nuh facluh in eis sie mahno ac ahkkahlwemye lah kuht kuh in sulwaclah in kahsrwel Jisus Kraist ingena oacna, ke kuht oruh ke moul se met ah.
Tahmtahel sacohk luhk, oasr mwe sang sacohk lowos ac puhla wolacna lowos. Ofong, nga kwacfe kuh nuh suwos, ke finsrak yohk luhn insiyuck nohfohn, in pruhe in kahlwem ke mwe sang luhn nguhn lowos—in ahkkapye, orekmakihn, ac ahkyohkyaclos, finne in yohk liki ma oasr yuruwos. Kowos fah ekuhlah facluh ke kowos oruh.
Ke srihpen kowos muhtwacn, kowos kena mwet sahyac ac sang sie ma wolacna fal luhn etahi. Nga fah sot nuh suwos kuhtuh mwe fahkwack yohk srihpac ke luo sin mwe fahkwack yohk oreklac ke toeni luhlahp sahflah lasr. Kowos, tahmtahel fuhsr sacohk wiyuck, pa yohk srihpac nuh ke kais sie.
Ma se met, luti. Mwe luti fuhlwact fal pa ke Mwet Lahngo Jisus Kraist lasr. Nohfohnna, muhtwacn elos ac kwacna, apkuhran nuh ke ma fal liki mukul. Ke kowos luti na pwacye, kowos ukwe puhla in kahsruh sie mwet puhlakihn yohk ke luhngse luhn Mwet Lahngo. Puhla wolacna se in luti ma yohk srihpac ke sie muhtwacn wolacna. Nga etuh muhtwacn uh pruhe lwen nuh kwewa. Suc Kom fah acse nuh sihk in kahsruh mihsenge?
Met liki April 2018 mwe fahkwack ke ma yohk ac wolacna ke kahsruh ke mwet sahyac, luhpah luhn kuhtuh mukul pa in mahkiac fohnlah ke mahlwem in orekma in luti ke lohm ac som nuh ke ma se tok an.
Tuh ke kowos liye lah tahmtahel se kowos muhtwacta yohroh luti an enenuh kahsruh, kowos silahklahk in topuk ac na ke mahlwem fohn sacn. Ohinge, muhtwacta luti lom an pa fahkwack lah fuhkah tuh in ahkkweyelah kihluckyak lasr nuh ke kahsruh uh.
Ahkluo, ke toeni luhlahp sahflah ah, kuht oacyacpac karihngihn u luhn Melchizedek Pristut. Ke kuht pruhe lah fuhkah in kahsruh mwet ke Alu in mukwilac yohk ke orekma lalos, kuht sensenkihn in nuhnkuh mwe srihkasrak luhn Rilif Sosaiti.
Ke Rilif Sosaiti, muhtwacn key ac atac nuhkwewa ke moul tuhkweni ohsun. Kais sie fihl luhn moul puhla mwe srihkasrak tiac kuh in kapsrweyuck, ac na, kom ke kais sie tuhkweni toeni ke Sacnri, kapkapwack ac tuhkweni luti wosasuc, ac oruh eklac yohk fin facluh.
Ingena, ukwe ke mwe srihke lom. Mwet sruok Melchizedek Pristut elos mempucr ke u luhn tamuhlwel. Mukul inge oasr key ac 18 nuh ke 98 (sahp mahtuh kuhtuh), ke oacna sie kain pristut ac mwe srihkasrak luhn Alu. Tamuhlwel inge kuh ingena in orwaclah kuhpahsr luhn tamuhlwel, tuhkweni luti, ac ahkinsewowoye mwet sahyac yohk wo.
June tari ah, Tahmtahel Nelson and nga sramsram nuh sin sie u fuhsr ke Alu. Kuht solwaclos in wi un mwet fuhsr luhn Leum in kahsruh orwacni tuhlihk Israel ke kwewana sroasrihk luhn mwe luhn acn uh. Toeni se inge el sie tuhkweni upac emet, yohk srihpac, ac yohk orekma kac fin facluh”!1
Ma se inge oruh enenuh na pwacye muhtwacn, mweyen muhtwacn nahwelah pacl fahsruh. Oruh ofong, nga tahfwelah sie puhpuhlyuck in ngihsre kowos, muhtwacn ke Alu, in nahwelah pacl fahsruh ke kahsruh orwacni mwet Israel.
Kom ac kuh in muhtwacwacack oyac?
Lwelah ngacn usot ahkosr mwe solsol:
Ma se met, nga suli kowos in tiac post kuh sihmihs mwe sramsram ke internet nuh ke lwen singucul ac ke oacna sie social media ma acse koluk ac nuhnak fohkfohk nuh ke nuhnak lowos. Pruhe in etuh piac moklweyuck in eislah ke pacl in lalo lowos. Ma sikyak ke lwen-10 in lalo lowos fah ahklutye kowos. Meac kom akihlentukun kom tui tiac ac post ke nuhnak luhn facluh ke social media ma ahkwoyelah nguhn lowos? Kuh oasr eklac ma kowos ingena ke sislah pacl lowos ac kuhiyowos kac? Kuh oacna sie ke orekma lowos eklac—finne kuhtasrihk na? Nga kwacfe kowos in suhmuhslah ac ahksahfye kais sie eklac.
Ahkluo, nga suli kowos in riti Puk luhn Mormon inmahsrlon ingena ac sahflahiyacn yac uh. Ke tiac fihsrwacsr oacna ke ma nuh kwewa sahyac kowos srihke in karihngihn in moul lowos, fin kom fah lwelah suli se inge ke insiyowos kwewa, Leum el fah kahsrwe kowos in sokwack inek in ahksahfye kac. Ac, ke kowos luti in pruhe, nga olwelah lah inkuhsrao fah ikacklah nuh suwos. Leum El fah ahkinsewowoye kowos ke kena yohk ac fahkwack.
Ke kom rit, nga fah kwacfe kowos in mahkiac kais sie fuhs ma ahkuhtweyac, kuh kapsra nuh ke, Mwet Lahngo. Na, oruh in oasr srihpac in sramsram ke Kraist, ahkfuhlwactye ke Kraist, ac luti ke Kraist yurin sucu ac kawuck lowos.2 Kom ac elos fah tuhkuh fototo nuh yurin Mwet Lahngo ke inek se inge. Ac eklac, finne mwe usrnguck, fah muhtwacwacack in sikyak.
Lututacng se inge mwe fahkwack se oreklac fal nuh ke schedule sasuc ke Sacnri ac karihngihnyuck-luhn lohm, kahsruh kanon mwe luti-luhn Alu. Kowos, tahmtahel sacohk wiyuck, pa ki nuh ke finsrak yohk ke ma sasuc, fal, ac ahkfahsrye kuhiyac in luti-wosasuc. Nuhnak muhnahs luti elos suc kowos luhngse ma kowos lotwelah ke ma suhmuhslah. Lotwelos lah fuhkah in luhlahlfongi Mwet Lahngo ke onwelah Lal ac kuhiyacn ahknwacsnwacsye ke elos koluk. Ac lotwelos fuhkah orekmakihn kuh fokoko Lal lwen nuh kwewa in moul lalos.
Ahktolu, oraclah atac se in wi tempuhl ke pacl nuhkwewa. Ma inge enenweyuck kihsac kuhtuh ke moul lom. Puhslac pacl fin acn tempuhl fah lwelah Leum El an luti kom ohiyacn use kuh ke pristut Lal ma sang nuh sum fin acn tempuhl Lal. Nuh suwos suc tiacna muhta fototo nuh ke tempuhl, nga suli kowos in lutlut pruhe ke lohm tempuhl ke ma suhmuhslah ac ke kahs luhn mwet pahluh moul. Suk in etuh yohk, in kahlwem yohk, in puhla yohk ke lohm tempuhl liki kuhtwena pacl met.
Ke pruhe luhn mwet fuhsr fin facluh lasr June tari ah, nga sramsram ke sie mukul fuhsr suc moul la eklac ke pahpah ninac kiyacl aholah fon se ma kuh in tahunlot ac internet se nahtuhl nuh ke fon se ma kuh in pahng ac sihm muhkwena. Ninac kiyacn mukul fuhsr se inge sie ninac tiac sahngweng ke luhlahlfongi. El liye muhtwacwacack kihluckyak in sulwaclah luhn tuhlihk mukul nahtuhl ma kuh in kosrwaclah in kuhlwacnsap ke misin. El som nuh ke tempuhl in pruhe in etuh mac wo fal in kahsruh wen nahtuhl. Na el orekma nuh ke eklac nuh kwewa inge.
Na el fahk: “Nga puhlah Nguhn kolyuc in checki fon nuhtin wen nuhtihk ke kais sie pacl in sokwack kais sie ma. Nga tiac etuh fuhkah orekmakihnyuck smartfon inge, tuh Nguhn kolyuc ke social media nohfohn ma nga tiacna orekmakihn! Nga etuh lah Nguhn kahsruh pahpah ninac suc suk kolyuck in kahsruh karihngihn tuhlihk nahtuhlos. [Ma se met] wen nuhtihk el fohs sihk. … Tuh tukun lwen tolu, el sang kuloh nuh sihk! El kuh in puhla eklac.”
Elah ac ohiyac luhn wen nahtuhl eklac yohk. El tuhkuh yohk kahsruh in lohm, isrwacsr yohk, ac wi yohkwelihk lohacng ke Alu. El luhngse kahsruh ke kihtin pacl ke acn pacptais luhn tempuhl ac ahkolah ke misin lal.
Mwe suli ahk ahkosr luhk, nuh suwos suc mahtuh kuhtuh pa srihke in wi fohnlah ke Rilif Sosaiti. Nga kwacfe kowos in luti sramsram yohk srihpac ingena luhn Rilif Sosaiti. El luhngseyuck. El fah kol kowos in ahkkapye srihpac yohksrihpac lowos sifacna in moul lowos. Nga oacyacpac siyuck suwos in engan ke ma pwacye ke mwe fahkwack luhn Rilif Sosaiti ma sihmlac apkuhran ke yac 20 tari ah.3 Sie kapi frem ke mwe fahkwack se inge srihpsrihp ke sisken ofuhs luhn Prestuhnsi se Met. Nga sesseslah ke engan pacl nuh kwewa nga riti kac. El ahkuhtweyac lah suc kowos uh ac suc Leum el enenuh kowos in oasr ke pacl fal se inge ke kowos oruh ip kunowos in kahsruh orwacni mwet Israel.
Tahmtahel sacohk luhk, kuht enenwekowos! Kuht “enenuh kuh lowos, sramsram lowos, nuhnak lowos, kuh in kol lowos, lahlmwetmwet lowos, ac puhsra lowos.”4 Kuht tiac kuh in oracni tuhlihk Israel finne kom wacngihnlac.
Nga luhngse kowos ac kuloh nuh suwos, ac ahkinsewowoye kowos ingena ke kuhiyac in tiac lwelah facluh in kol kom ke kom karihngihn ke orekma yohk srihpac ac silahklahk se inge. Kuht tuhkweni kuh in oruh kwewa ma suc Pahpah Lucng el enenwekuht in oruh in ahkolah facluh nuh ke Tuhkuh Ahkluo luhn Wen Sacohk Nahtuhl.
Jisus pa Kraist. Pa inge Alu Luhk. Ke ma inge nga fahkwack ke inen Jisus Kraist, amen.