Tiac Puhla Fal sin God
Tiac puhla fal sin God uh kuh in kihluckihn kuht nuh ke orekma ke luhlahlfongi, ukwe siyuck luhn Mwet Lahngo in oruh wo, ac sang moul lasr ke puhsisiacl nuh Sel.
Ke nga wi kuhlahs srihsrihk ke lutlut ac, kuht fahsr som nuh lohm sesr ah tukun lutlut ah ke innek oreklac fwel tok ac met lucng sisken finohl ah. Oasr pac inkacnek soko, tiac oreklac ke mwe orek innek fwel, pahngpahng muh “inkacnek luhn mukul”. Innek soko luhn mukul inge pa inkacnek na fohkfohk sroksrok soko suc ac som nuh lucng ke finohl ah. Fototo tuhsruhk lallal. Ke nga tuhlihk muhtwacn srihsrihk se ah, nga etuh muh nga kuh in fahsr ke oacna sie inkacnek luhn mukul. Ma yohk srihpac emet, nga etuh lah nga oasr ke lwen sahflah ac lah nga enenuh in oruh ma upac, oacna ke painiucr met ah oruh ah—ac nga luhngse ngan ahkolah. Oruh ingena, nga ac fahsr kahkahsrihk nga in kuh in loes liki u in kawuck luhk ma fahsr ke inkacnek soko ma oreklac wo ac fwel ah, eslah sori luhk ah, fahsr ke inkacnek luhn mukul ac. Nga srihke in ahfokokoye niyuck.
Ke ngatuhlihk muhtwacn srihsrihk se ke Primary, pa inge ma nga nuhnkuh muh nga kuh in oruh in ahkolah uh. Ingena nga etuh eklac! Liki na ngan fahsr ke finohl ah nuh lucng tiac sori, nga etuh nga kuh in ahkolah niyuck in kuh in fahsr ke innek suwohs suc pa in lohng in ahkos puhsren nguhsr luhn Nguhn Muhtahl. Kwewana mweyen Leum, ke mwet pahluh lal, pa in pahngon kuht in moulkihn ac elyah sin sie sin sie ke “kuh ac muhtahl ke ma nuhkwewa” ac in “kapkapwack.”1
Mwe pahluh inge pahng in orekma,oracni ma kuht tiaclotwelah in kahlwem lah kuht kuh in oruh yohk liki na, kuhtuh pacl uh oreklac in kuhtma Elder Neal A. Maxwell el pahngon “Tiac puhla fal sin God.”2 Tiac puhla fal sin God uh tuhkuh ke pacl se kuht liye kuht lah “meac kuht uh [nuh] kelah meac kuh oasr sesr in eklac nuh kac uh.”3Kais sie sesr, fin kuht suwohs, puhla lah oasr ma siena ke ma kuht oruh uh ac meac kuht uh, oyac ac suc kuht ke muh ekihn uh. Kuht kenain oasr kapwack ke ma yohk srihpac kuht eis. Oasr puhla inge sesr ke srihpen kuht pa tuhlihk muhtwacn ac tuhlihk mukul nuhtin God, isuslac kekahlwem luhn Kraistinge muhta ke facluh sesuwohs se. Puhla inge ma tuhkuhsin God me ac oracklahsie kena in oruh ma uh.
Kuht enenuh in ahkkweye puhla ke tiac puhla fal sin God me ma pahngon kuht inahkostwen finne elos maasryohrohsr uh tiac suwohs, ke kuht etuh ac kahingkihn ohiyac koluk lal Satan uh—lah kuht tiacluhngse oruh manuh kac. Ke mainge, Satan el ahkkweyekuht ke puhla lasr ke orekma lal. Kuht kuh in sulelah in fahsr ke inkacnek se ma ac kol kuht in suk ke God ac mihslac ac kuhlwacng Lal, kuh kuht kuh in lohngohl Satan, suc srihke in srihfe kuht nuh ten sramsram ke ma kuht tiac wo kac; kuht ac fah tiac na kahsruhp, kuht ac fah tiac na lahlmwetmwet, kuht ac fah tiac na kahto, wacngihn ma kuht fal kac. Soena fal lasr uh ahkkweyekuht—kuh ahkmuhnahsyekuht.
Oruh ke Luhlahlfongi
Sie ohiyac in akihlen tiac puhla fal sin God ma etahiyuck sel Satan uh pa tiac puhla fal sin God uh ac kol kuht nuh ke oaru in orekma. Tiac puhla fal sin God uh tiac solsol se in oruh orekma ma kuht puhla wo kac uh, tiac packol kuht nuh ke wacngihnlac luhn finsrak. Nga lotwelah lah ke nga eisyucyang nuh ke nuhnak tiac wo ke ma nuhkwewa nga tiac wo kac, nga tiac na kapkapwack, ac nga sokwack lah arulacna upac in puhla ac ukwe Nguhn.4
Ke el sie mukul fuhsr, arulacna oasr etuh lal Joseph Smith ke fototolac luhn pacl ac elyah ke “inkacnek in kahsruh [lal] ke moul fokfok.” Ke kahs lal, “Nuhnak luhk uh arulacna koluklac, ke nga puhla toasr ke srihpen ma koluk luhk, ac … puhla in yoksrah ke srihpen ma koluk luhk sifacna ac ke ma koluk fin facluh.”5 Ma inge kohlohl nuh ke “ma na elyah in ekihn ma wolacna ma tiac fihsrwacsr.”6 Kuh ma inge kowos lohng tari? Kuh kom tiac puhla wo kuh ahk kolukyeyuck ke pacl fototo inge?
Tuhsruhk, Joseph el oruh ma se. El fahkwelihk, lah el pacl nuhkwewa fahk nuh sel sifacna: Meac nga enenuh in oruh kac uh?”7 Joseph el oruh ke luhlahlfongi. El foracng nuh ke ma suhmuhslah, riti ke mwe siyuck ke James 1:5 ac foracng nuh sin God ke kahsruh. Ke ma sikyak ke ke ararama sac oruh oasr Fohlohkyak se. Nga arulacna kuloh lah tiac puhla fal sin God me lal ke ma el tena puhla wo kac ac fohsack kac, kahsrwel ke luhlahlfongi yohk lal ke ma el oruh.
Uke pihrihkyuck in Oruh Wo
Facluh wacna orekmakihn puhla ac ke tiac puhla fal inorek srihpac in lohacng na nuh se sifacna, in ekuhlah nuhnak lasr nuh met ac lohacng nuh ke ma somlah ac kais sie nuhnak yohk ke suc nga uh, meac nga tiac oruh, ac meac nga luhngse. Tiac puhla fal sin God uh kahsrekuht in ukwe srihkasrak luhn Mwet Lahngo, “suc forfororuma wo.”8 Ke kuht fahsr ke inkacnek luhn mwet tuhma lutlut uh, kuht eis kolyuck ke ip luhn nguhn in kahsruh mwet sahyac.
Sramsram soko nga lohng ke yac somlah ah kahsreyuc ngan kuh in esam ac in oruh kolyuck luhn Nguhn Muhtahl uh. Sister Bonnie D. Parkin, prestuhn luhlahp ke Rilif Sosaiti met, sruhmuhn ke ma inge:
“Susan, el tuh mwet na suhmaht ke tuhta se. Prestuhn [Spencer W.] Kimball el muhta ke ward [lal] ah. Sie Sacnri ac, Susan el luhmahack lah el wes sasuc. Pahpah tuhmwacl ah tuhfahna… us nuknuk na kahtolal tuhkuh. Susan el nuhnkuh muh nuknuk sacac oraclah sie nektai na kahto in srihlucngyac kotsasuc selal Prestuhn Kimball ah. Oruh ke Monday el oraclah nektai sac. El nokomlah ke pepuhac fahsr som nuh lohm sel Prestuhn Kimball ah.
“Ke el fahsryak nuh ke motonwac lal, el tui ac nuhnkuh, ‘Meac suwohs lasrin oraclah nektai nuh ke wes nuh sin mwet pahluh? Sahp arulacna puhkanten lal.’ El sulaclah muh el oraclah tahfonglac se, el forlah in fohlohk.
“Ke pacl sac na Sister Kimball el ikucslah motonwac lalos ac fahk, ‘Oh, Susan!’
“Puhla mwekihn, Susan el fahk, ‘Nga liyacl Prestuhn Kimball ke wes na sasuc lal ke Sacnri ac. Pahpah el tuhfahna us nuknuk luhk tuhkuh New York me… na oruh nga oraclah nektai se lal.’
“Met liki Susan eltahfwelah sramsram lal, Sister Kimball el tulokihnilyac, fihliyac pahol fin pihsacl, ac fahk: ‘Susan, nimet ngwetlah liki etuh in nuhnak lom an.’”9
Nga luhngse ma sacn! “Nimet ngwetlah liki etuh in nuhnak lom.” Kuhtuh pacl uh ke oasr puhla luhk in oruh ma se nuh sin mwet se, nga nuhnkuh lah tiac mwe pihrihkyuck se kuh nuhnak se na luhk. Tuhsruhk nga acsmakihnyeyuck, “Ma luhn God uh suli ac ahkluhngye in oruh ma wo pacl nuhkwewa; ohinge ma nuhkwewa ma suli ac ahkluhngye in oruh ma wo, ac in luhngse God, ac in kuhlwacnsuhpwacl uh ma mokleyuck sin God.”10
Lah elos kolyuck suwohswohs kuh tahpuhk muhkwena in kahsruh, sie orekma wowo tiac wacngihn srihpac; mweyen “luhngse el tiacna wacngihnlac”11—tiac oruh koluk se.
Inkaiacn pacl uh tiac wo, ac kuhtuh pacl uh kuht lotwelahma kahlwem ke orekma srihsrihk lasr ke kahsruh. Tuhsruhk ingena, kuht kuh in etuh lah kuhtoacwac in kuhfwen mwe orekma ke poun God ac kuht ac fah kulohkihn in etuh lah Nguhn Muhtahl el orekma in kuht pa sie ahkkahlwemyeyacn lwelah uh sin God.
Tahmtahel, kom ac nga kuh in suli Nguhn Muhtahl in ahkkahlwemye nuh suwos “ma nuhkwewa ma [kowos] enenuh in oruh,”12 finne kuht liye muh puhs tari ma kuht ac oruh. Ke pihrihkyuck uh, kuht kuh in likiyac ma kuht srack oruh kuh kotwaclah ma mwet kena kuht in oruh in muh rit nuh sin tuhlihk srihsrihk, muhtwacta yurin kawuck, toi tuhlihk nuhtin mwet tuhlan, kuh in kuhlwacnsap ke tempuhl. Nimet nuhkanlah—nga engan in liye ma nga enenuh in oruh; nga luhngse mahkipepuhnuhtihk ac ke ma nga oruh sahflah. Tuhsruhk mihslac uh tuhkuh in etuh lah fin kuht ekihn mwet na wowo se na tiac enenuh se in oacpacna in ahksahfyelah kwewa orekma lasr uh. Oruh nuh ke tiac puhla fal in ahkwoye in ukwe eklac luhn pihrihkyuck uhke ohiyac nga nuhnkuh ke pacl nga mwesahs uh,” ac nga tiac nuhnkuh ke mwet sahyac, nga in kuhlwacnsuhpuh, ahkfohs tuhsruhk pa srihpac ke moul luhk uh.
Puhla Tiac Fal sin God muh Kol Kuht nuh Yurin Krais
Tiac puhla fal sin God uh kol nuh ke mongfihsrwacsr, tiac nuh ke fuhlweack finsrak kuh ahkmuhnahs ma tuhkuh ke kapsra ma kuht oruh suc ma kuht liye suhfal lasr kac. Muhtwacn ma karihngihn olwelah lalos tuhkuh kain in atac pucspucs; sucu lalos, ac srihke ke moul lalos, ac ohiyacn moul lalos sienna liki sie sin sie.
Tuh pwacye, kais sie sesr fah puhtatlac suhfal ke ohiyac muhtahl lasr, ac ohsr kuhtuh pwacye nuh ke akihlenyuck lah kuht sifacna suhfal. Tuhsruhk pweng wo luhn wosasuc pa pahkomuhta luhn God, kuht pa fal. Ke kahsruh luhn Kraist, kuht kuh in oruh ma nuhkwewa.13Ma suhmuhslah olwelah lah kuh fah “konwacack pahkomuhta in kahsruh ke pacl in enenuh.”14
Ma pwacye lut pa ma suhfal lasr kuh in mwe insewowo se ke elos ahkinsepuhsisaclye kuh in forlah kuht nuh ke Kraist.15 Tiac puhla fal uh eklac ma sin God pacl kuht suk Jisus Kraist ke puhsisacl ke tiac fal lasr uh, likina in wetoklac ke wacngihnlac finsrak.
Tuhsruhk, Ma usrnguck Jisus el oruh uh muhtwacwacack in akihlenyuck ke luhngse, enenuh, tahfonglac, kuh suhfal uh. Esam lof ac puhret ah? Kais sie mwet sihm ke Wosasuc fahk lah fuhkah mwenmwen lal Jisus ke el kihteyac mwet tausin suc Ukacl ah.16 Tuhsruhk sramsram soko ah muhtwacwacack ke mwet tuhma lutlut ac etweyuck ma elos muhnahs kac ah; elos akihlen lah oasr yohrohlos “lof in bread barley limekosr, ac ik lukwa selos; tusruktuac kihteyacfuhkah u na uhs sac?”17 Pwacye sin mwet tuhma lutlut ac: tiac falmongo yohrohlos, tuhsruhk elos sang ma oasr yohrohlos nuh sel Jisus ac El ahkolah mwenmwen sac.
Oasr pacl kom puhla muh talan ac mwe sang lom uhtiac fal inoruh orekma ac orek uh? Nga puhla. Tuhsruhk kom ac nga kuh in sang ma oasr sesr nuh sin Kraist, ac El fah ahkyohkye srihke lasr. Ma kom enenuh in sang uh yohklikina ma fal—finne mwe sruhf ac ma kuht muhnahs kac—fin kom fungyang na nuh ke kuhlacng luhn God.
Ma pwacye uh pa kais sie sesr pa tuhlihk nuhtin God, sie tuhlihk nuhtin God.18 Ac ke atac sac na El oruh ma inge sin mwet pahluh ac mukul uh ac muhtwacn uh ke pacl lalos, na Pahpah Inkuhsrao El fah ikihlkuhtlac.
C. S. Lewis el ahkkuhtweyac ke oreklac luhn kuh ohinge: “Srihke nuhnkuh fin kom pa lohm moul se. God el tuhkuh in ahkwoyelah lohm sac. Pacl se met, sahp, kom kuh in kahlwem lah meac El oruh inge. El oruh in oraclah kof ah in som ac tilokihnyac tultul in kof ah ke acn lucng ke lohm sac ac ma sahyac; kom etuh lah orekma ingacn enenuh orekma ac tiac sasuc sum oruh ngwacn. Tuhsruhk pacl fototo El muhtwacwacack in oruh eklac na luhlahp ke atac ma oaclah kolukupac. …[Kom liye,] El oraclah lohm se ma sie likina lohm se kom nuhnkuh kac ah.…kom nuhnkuh muh kom oreklac nuh ke lohm na wowo srihsrihk se: tuhsruhk El muhsahi lohm yohk se. El oruh elacn tuhkuh ac sifacna muhta kac.”19
Ke srihpen Iwaclah luhn Mwet Lahngo lasr, kuht kuh in oreklac in kuh in oruh orekma uh ke pacl fahsruh uh. Mwet pahluh uh luti lah ke kuht srihke in uke inkacnek luhn mwet tuhma lutlut, kuht kuh in oreklac muhtahl ke kuhlwacng luhn Kraist. Tiac puhla fal sin God uh kuh in kihluckihn kuht nuh ke orekma ke luhlahlfongi, ukwe siyuck luhn Mwet Lahngo in oruh wo, ac sang moul lasr ke puhsisiacl nuh Sel. Ke inen Jisus Kraist, amen.