Jisus Kraist pa Kuh luhn Mwet Fuhsr

Sel Elder Dieter F. Uchtdorf

Ke U luhn Mwet Sap Singucul Luo

Sang luhlahlfongi lom kacl Jisus Kraist. Elac kol kom nuh ke inkacnek pwacye. El pa kuh lom.

In ahkolah nuh ke pweng se misenge inge, oasr puhla fokoko se luhk in sramsram nuh sin muhtwacn fuhsr ac mukul fuhsr.

Nga oacyacpac sramsram nuh suwos suc tuh fuhsr sie pacl ah, oacpacna nuh suwos suc muhlkuhnlah pacl fuhsr sac.

Ac nga sramsram nuh suwos nuh kwewa suc luhngse tuhlihk fuhsr ac kena elos in kuhtanglah ke moul lalos.

Nuh sin fihl se mahtuhlah ingena inge, oasr pweng se nuh suwos sifacna sin Mwet Lahngo, Jisus Kraist.

Pweng luhn Mwet Lahngo nuh Sum

Kawuck fuhsr sacohklacna luhk, fin Mwet Lahngo El oasr inse inge ingena, meac Elac fahk nuh sum uh?

Nga luhlahlfongi muh Elac muhtwacwacack fahk ke luhngse pwacye Lal nuh sum. Elac kuh in fahk ke kahs, tuhsruhk tuhkuh la uh fokoko—kena srihpen oasr Lal—ac wacngihn tahfonglac kac, puhtati loal nuh insiom, nwacklah nguhnum!

Tuhsruhk, ke srihpen kuht nuhkwewa muhnahs ac tiac suwohs, sahp kuhtuh elyah uh ac tuhkuh nuh ke nuhnak lasr uh. Kom ac esam tahfonglac kom oraclah, pacl ma kom puhtatyang nuh ke mwe sruhf, ma kom finsrak kom in tiac oraclah—kuh finsrakkihn kom in oruh wo meet.

Mwet Lahngo elac motko na, ac nga luhlahlfongi muh Elac ahkweye kom ke kahs El fahk ke ma suhmuhslah ah:

“Nimet sangeng.”¹

“Tia alolo.”²

“Akkeye [kom].”³

“Nikowos fosrnga ku inse toasr.”⁴

Nga tiac nuhnkuh muh Elac fahk wona ke ma tahfonglac lom ngan. Elac tiac srwelah. Moh, Elac siyuck kom in auliyak—in fihliyac ma koluk lom tukum, in eklac, tuh Elan kuh in nuhnak muhnahs nuh sum. Elac ahkacsmakihnye kom lah yac 2,000 tari ah El eis ma koluk ingacn nuh Facl tuh kom in kuh in auliyak. Pa ingacn sie mwe sang ke ipin plwacn in engan utuckuh nuh sesr yurin Pahpah luhngse Inkuhsrao.

Jisus elac fahk pac lah wuhlweacng lom nuh Sel—oreklac ke kom pacptaislac ac ahksasucyeyuck ke pacl kom eis kuhfa luhn Leum—usot kuhpahsr na fokoko se nuh Sel. Kain kuhpahsr se ke ma suhmuhslah ma ahkuhtweyac ke srenenuh uh orekeni nuh sie, in muh ke kahsruh Lal, kom kuh in us ma toasr nuh kwewa.⁵

Nga luhlahlfongi muh Mwet Lahngo Jisus Kraist elac luhngse kom in liye, puhla, ac etuh lah El pa kuhiyom. Lah ke kahsruh Lal, wacngihn sahflahiyacn ma kom kuh in oraclah. Lah ma kom finsrakkihn uh wacngihn sahflahiyac. Elac luhngse kom in liye kom oacna ke El liye kom uh. Ac yohk eklac nuh ke atac se facluh liye kom uh.

Mwet Lahngo elac fahkwelihk, wacngihn ma kuh in kutong, lah kom pa tuhlihk muhtwacn ac tuhlihk mukul nuhtin God Kuhlacna. Pahpah Tomom Inkuhsrao El pa kahlwem luhn facluh, seseslah ke luhngse, engan, nwacsnwacs, muhtahl, kahlwem, luhng kuhlwacng, ac pwacye. Ac sie lwen El luhngse kom in eis ma nuh kwewa El eis uh.⁶

Pa srihpac se oruh kom oasr fin facluh uh—in eis etwacack, in kapwack, ac eklac ac in kuh in ma nuh kwewa ma Pahpah Inkuhsrao El oraclah nuh sum.

In oruh in kuh in sikyak, El suhpwaclma Jisus Kraist Elan Mwet Lahngo lom. Pa inge srihpac se an tukun plwacn in engan Lal, Alu Lal, pristut Lal, ma suhmuhslah—ma nuh kwewa.

Pa ingacn sahflahiyom. Pa ingacn pacl fahsruh lom uh. Pa ingacn sulaclah lom uh!

Pwacye ac Sulaclah

Luhngse ke plwacn luhn God nuh ke engan lom an pa kuh se yurum in sulaclah.⁷ Pwacyena, Pahpah Tomom Inkuhsrao El luhngse kom in sulaclah engan ma pahtpaht Yohrohl, ac Elac kahsre kom in sun finsrak sacn, tuhsruhk Elac tiac sap kuh nuh sum.

Pwacnwacng El usot kom in sulaclah: Kahlwem kuh lohsr? Wo kuh koluk? Engan kuh suhpwacr? Moul ma pahtpaht kuh misac ma pahtpaht?⁸

Kuht lohng oacna in fihsrwacsr ke sulaclah uh, pwacye ac? Tuhsruhk ke kuhtuh srihpac, fin facluh se inge, upac in oreklac oacna ke kuht liye uh.

Elyah se nuh kac uh pac kuht tiacna liye ma uh kahlwem oacna ke kuht ke liye uh. Mwet Sap Paul el kapsra nuh ke ngwetwacng nuh ke “selngun ohk.”⁹ Puhkantwen mwe ahkfohs fin facluh ke ma pwacye ac ma stuhuh. Ma wo uh tuh oacna in ma koluk ac ma koluk uh tuh oacna in wo.¹⁰

Tuhsruhk ke kom kampare in suk ke ma pwacye uh—ma wacngihn sahflahiyac, ma pwacye tiac eklac—sulaclah lom an ac tuhkuh kahlwemi. Ahok, ac srackna oasr mwe sruhf ac mwe tikuclkucl. Ma koluk uh srackna sikyak. Ma fohs. Ma elyah. Tuhsruhk kom kuh in sokwack inek lom fin kom etuh lah suc kom an, efuh kom oasr inge, ac ke kom luhlahlfongi ke God.

Na kom sokwack oyac ma pwacye?

Oasr lin wosasuc luhn Jisus Kraist. Ac fohnlahiyacn wosasuc se inge lutiyuck ke Alu luhn Jisus Kraist luhn Mwet Luhlahlfongi ke Lwen-sahflah.

Jisus Kraist El fahk, “Nga pa inkanek, pwaye, ac moul: wangin mwet som nuh yurin Papa fin tia ke nga.”¹¹

Ke oasr sulaclah yohk srihpac kom enenuh in oruh, Jisus Kraist ac wosasuc fohlohkihnyuckyak Lal pa acn se emeet kom suk uh. Ke oasr kihsensiyuck lom uh, Jisus Kraist ac wosasuc fohlohkihnyuckyak Lal pa top wowo nuh kac uh. Ke kom puhla muhnahs, Jisus Kraist pa kahsruh lom uh.

El sang kuh nuh selos suc muhnahs; ac nuh selos suc tohtohlah, El ahkfokokoye kuh.

Elos suc tuhpan Leum fah ahksasucyeyuck ke kuh Lal.¹²

Mwe Ahkkweye Mwet Fuhsr

In kahsre kom sokwack ma Pwacye ac in kahsre kom oruh mwe luti luhn Kraist in pwen kom ke moul lom, Alu luhn Jisus Kraist luhn Mwet Luhlahlfongi Lal ke Lwen-sahflah oraclah mwe kahsruh sasuc se, sifil ahkwoyeyuck Mwe Ahkkweye Mwet Fuhsr.

Ke lusen yac 50, Mwe Ahkkweye Mwet Fuhsr sie ma sang kol fihlin tuhlihk fuhsr ke Mwet Luhlahlfongi ke Lwen-sahflah. Nga muhta us puk se intihk ke pakiht luhk uh, ac nga akacsruhi kac nuh sin mwet ma ke etuh ke ohiyac lasr uh. Ingena ahkwoyeyuck ac ahksasucyeyuck in tuhkuh fal nuh ke elyah ac mwe sruhf ke pacl misenge uh. Ahkwoyeyuck sasuc se ke Mwe Ahkkweye Mwet Fuhsr oasr ingena online ke kahs 50 ac e fah kuh in printiyucki. E kahsruh na yohk srihpac nuh ke sulaclah kom oruh in moul lom an. Nuhnak muhnahs sruokyac muh ma lom ac akacsruhi nuh sin kawuck lom an.

Atac sasuc se ke Mwe Ahkkweye Mwet Fuhsr inge sihmlac pacna kahs ah kac Mwe Kolyuck se in Oraclah Sulaclah.

In oruh in kahlwem, mwe kolyuck se ma wo emeet ke sulaclah lom an pa Jisus Kraist. Jisus Kraist pa kuhiyacn mwet fuhsr.

Na oruh srihpen Mwe Ahkkweye Mwet Fuhsr pa in kol kom nuh Yohrohl. El luti kom ke ma pwacye ma pahtpaht ke wosasuc fohlohkihnyuckyak Lal—ma pwacye ma ahkuhtweyac lah suc kom an, suc El uh, ac meac kom kuh in oraclah ke kuh Lal. El luti kom in oraclah sulaclah pwacye fal nuh ke ma pwacye ma pahtpaht ingoh.¹³

Yohk pac nuh sum in etuh lah meac Mwe Ahkkweye Mwet Fuhsr tiac oruh uh. El tiac oraclah sulaclah uh nuh sum. El tiac usot nuh sum “ahok” kuh “moh” ke sulaclah nuh kwewa kom ac sun uh. Mwe Ahkkweye Mwet Fuhsr som yohk nuh ke pwelucng ke sulaclah lom. Lohacng yohk nuh ke ma yohk srihpac, ip yohk, ac mwe luti liki na elah.

Leum, yurin mwet pahluh Lal, kol kuht pacl nuh kwewa nuh ke inkacnek soko ingacn. El ngihsre kuht in “ahkyohkye kuhiyacn nguhn [lasr] in eis fwackyuck.”¹⁴ El suli kuht in “Porongel.”¹⁵ El pahngon kuht in Ukwacl nuh ke inkacnek fuhlwact ac muhtahl.¹⁶ Ac kuht lutlutkihn ohiyac se inge ke wik nuh kwewa ke Fahsruh, Fahsr Tukuk.

Nga etuh muh mwe kol se inge usot ma puhkantwen ke nuknuk ma kom tiac enenuh in nukum, kahs ma kom tiac enenuh in fahk, ac petsac mukwikwi ma kom tiac enenuh in liye. Tuhsruhk ma ingacn ac kahsruh alu facluh nohfohn? Kuh ma ingacn kwewa ac kuh in ahkoekomlac nuh ke moul lom facluh ekihn mwet fahsr tukun Kraist?

Joseph Smith el fahk, “Nga lotweltahl akwuck pwacye, ac elos sifacna liyacltahlwacng.”¹⁷

Ac Tohkohsrah Benjamin el fahk nuh sin mwet lal ke Puk luhn Mormon, “Nga tiac kuh in sruhmuhn nuh suwos ke ma nuhkwewa ma kowos ac muh oraclah ma koluk; tuh oasr kain in inkacnek ac ohiyac, finne puhkantwen pwacnwacng nga tiac kuh in oacklah nohfohn.”¹⁸

Tohkohsrah Benjamin el tahfwelah in fahk, “Tuhsruhk nga kuh in fahk nuh suwos ma inge, … karihngihn kowos sifacna, ac nuhnak lowos, ac kahs lowos, ac orekma lowos, ac liyacacng masap luhn God, ac tahfwelah in luhlahlfongi ke … Leum, finne nuh ke sahflahiyacn moul lowos.”¹⁹

Kuh koluk in oasr masap uh? Tiacna. Kuht nohfohn enenuh ke lwen nuh kwewa. Tuhsruhk tahfonglac in lohacng muhkwena nuh ke masap liki na in lohacng sin Mwet Lahngo. Kom enenuh in etuh ke efuh ac fuhkah ac nuhnkuh ke ma ac sikyak tok ke sulaclah lom an. Kom enenuh in sang luhlahlfongi lom kacl Jisus Kraist. Elac kol kom nuh ke inkacnek pwacye. El pa kuh lom.²⁰

Kuh ke Mwe Luti Pwacye

Mwe Ahkkweye Mwet Fuhsr tuhkuh kahlwem ke fahkwelihk mwe luti kacl Jisus Kraist uh. El tuhkuh kahlwem ke suli kom in oruh sulaclah lom ke mwe luti luhn Kraist. Ac tuhkuh ahkuhtweyac kahlwem mwe insewowo Jisus Kraist El olwelah nuh selos suc ma ukwe Inek Lal.²¹

Prestuhn Russell M. Nelson el luti: “Ke kena se lom emeet ac in lwelah God Elan kuhtanglah [in moul lom], … sulaclah puhs lom ac fah fihsrwacsrlah. … Mwe elyah pucspucs lom ac fah eklac tilac elyah! Kom ac etuh lah kom ac nahwe kom fuhkah. Kom ac etuh lah meac kom ac liye ac riti, kom ac sislah pacl lom oyac, ac lah suc kom ac asruoki nuh se. Kom ac etuh lah meac kom ke ahksahfyelah. Kom etuh lah kain in mwet fuhkah se kom … ke eklac nuh kac uh.”²²

Ohiyac Fuhlwact

Oasr ohiyac fuhlwact lal Jisus Kraist nuh sin mwet fahsr Tohkohl. Ac nguhsr se in sikalweni in suk kena Lal ac moulkihn ma pwacye Lal pa ohiyac fuhlwact se emeet uh.

Sulaclah yohk srihpac ke moul kawihl ac nguhn tiac solac ke ahkuhtweyacn kais sie, kuh lah meac sasuc kuh pwengpweng uh.²³ Leum El tiacna fahk, “Oruh oacna sie ma kom luhngse.”

El fahk, “Lwelah God Elan kuhtanglah.”

El fahk, “Fahsruh, Fahsr Tukuk.”²³

El fahk, “Muhta ke acn muhtahl, fuhlwact, ac inkacnek.”

El fahk, “Ahkos masap Luhk.”

Jisus Kraist pa srihkasrak pwacye se lasr uh, ac kuht kampare ke kuhiyacn nguhnasr kwewa in Ukwacl.

Kawuck sacohklacna luhk, nga in sifil kalweni, fin Mwet Lahngo El tu inse inge misenge, Elac elakihn luhngse pwacye Lal nuh sum, luhlahlfongi yohk Lal keim. Elac fahk nuh sum lah kom kuh in oruh ma se inge. Kom kuh in muhsaheack moul pwacr, engan ke srihpen Jisus Kraist pa kuh lom uh. Kom kuh in sokwack luhlahlfongi, mihs, engan, ac puhla oasr lom ingena ac nuh tok ma pahtpaht, ke srihpen kom ac sokwack nohfohnna yurin Jisus Kraist, ke wosasuc Lal, ac ke Alu Lal.

Ke ma inge nga fahkwack luhlahlfongi luhk ekihn Mwet Sap se luhn Leum Jisus Kraist ac fihliyac yuruwos mwe insewowo ke kaksak ac luhngse pwacye nuh sum, ke inen Jisus Kraist, amen.

Mwe Kahsruh

1. Luke 5:10; 8:50; 12:7; Doctrine and Covenants 38:15; 50:41; 98:1.

2. Doctrine and Covenants 6:36.

3. Matthew 14:27; John 16:33; Doctrine and Covenants 61:36; 68:6; 78:18.

4. John 14:1, 27.

5. Liye Matthew 11:28–30.

6. Liye Doctrine and Covenants 84:38.

7. Kom ac kuh in fahk muh plwacn lal Pahpah oreklac kom in kuh in fahk ma kom luhngse ke sulaclah lom kom in kuh in eis kwewa ma tuhkuh kac ke luhngse lom. Oacna ke Elder Dale G. Renlund el luti ah, “Finsrak luhn Pahpah Tuhmasr Inkuhsrao in ekihn pahpah se tiac pa in sap tuhlihk nahtuhl in oruh ma wo; pa in liye tuhlihk nahtuhl in sulaclah in oruh ma wo ac sahflahiyac eklac oacna El” (“Kowos Sulaclah Misenge Lwen,” Liahona, Nohfuhmpuh 2018, 104).

8. Liye 2 Nephi 2:26–27.

9. Sie Corinth 13:12.

10. Liye Isaiah 5:20.

11. John 14:6

12. Liye Isaiah 40:29–31.

13. Ekihn Mwet Luhlahlfongi Lal ke Lwen-sahflah, kuht kwacna etweyuck ke ma kuht oruh ac tiac oruh uh—elah lasr uh. Wo ma se inge, tuhsruhk kuh in wo liki na nge fin etweyuck ma kuht etuh (ma pwacye ma kol elah lasr uh) ac lah suc kuht etuh (Mwet Lahngo—ac fuhkah luhngse lasr nuh Sel mokle elah lasr uh).

14. Russell M. Nelson, “Fwackyuck nuh ke Alu, Fwackyuck nuh ke Moul Lasr,” Liahona, May 2018, 96.

15. Liye Russell M. Nelson, “Porongel,” Liahona, Mei 2020, 88–92.

16. Mwe luti se ma tuhkuh sasuc inge Mwe Ahkkweye Mwet Fuhsr mwe kol se inge oacpacna mwe luti sasuc ma ituckyang nuh ke Alu luhn Mwet Lahngo, suc pa nuh ke Preach My Gospel, karihngihn, lohm se Fahsruh, Fahsr Tukuk tahkiyacn mwe luti, Tuhlihk Srihsrihk ac Toeni luhn Mwet Fuhsr, Teaching in the Savior’s Way, ac General Handbook sasuc sac. Kahlwem, lah Leum El muhsahi kuhiyacn nguhnasr. El ahkfahsrye luhlahlfongi Lal nuh sin mwet wuhlweacng Lal ke lwen sahflah inge.

17. Teachings of Presidents of the Church: Joseph Smith (2007), 284.

18. Mosiah 4:29. Ke ohiyac, pa inge ma mwet Pharisee ke pacl lal Jisus ah srihke in oruh ah. Ke kena lalos in tulokihnyac mwet uh in tiac kuhnaoslah masap, elos oracni masap siofok ma elos kahlwem ke mwe sihm muhtahl. Ma se mwet Pharisee inge tahfonglac kac ah pac elos nuhnkuh muh masap inge kuh in molweloslac. Na, ke Mwet Lahngo el sikme, elos tiacna akihlen lah El.

19. Mosiah 4:30; ahkuhtweyac wo ituckyang.

20. Sie pac srihpac ma oruh enenweyuck mwe luti eklac inge nuh misenge uh pa yohk eklac ke facsin ke Alu luhn Leum. Mwe luti uh ma ne tok ac ma nuh yen nuh kwewa. Kuhtuh masap kuh ma enenweyuck ke mwe luti inge kuh in orek ke kuhtuh acn uh ac tiac ke kuhtuh acn uh. Ma se orekuhteni nuh sie uh pa Jisus Kraist ac ma pwacye ma pahtpaht ma El luti uh, finne srihklac, orekmakihnyac ma ne tok ac yurin facsin puhkantwen. Pwacnwacng elyah se in suhmuhslah kwewa ma enenweyuck in orek ac tiac orek uh sahp kuh in tiac orekmakihnyuck ac tiac pahtokyuck. Elyah kac uh pa ac kohsraclah lohacng lasr nuh ke Ma Pwacye se nuh ke kuhiyacsr, suc pa Mwet Lahngo, Jisus Kraist.

21. Ke yac puhs somlah ah, Prestuhn Boyd K. Packer el fahk kahs na fokoko inge: “Mwe luti pwacye, kahlwem, ekuhlah ohiyac ac elah. Lutlutkihn mwe luti pwacye ke wosasuc uh kuh in ahkwoyelah elah se sa liki na in lutlutkihn elah in ahkwoyelah elah” (“Do Not Fear,” Liahona, Mei 2004, 79).

    Prestuhn Ezra Taft Benson el ahkuhtweyac ma pwacye se pacna inge ohinge: “Leum El orekma ke loac nuh luhkuh. Facluh orekma ke luhkuh nuh loac. … Facluh ac tuhfahlah mwet uh, tuhsruhk Kraist El ekuhllah mwet uh” (“Born of God,” Ensign, Nohfuhmpuh. 1985, 6).

    Ke mwet pahluh se ke Puk luhn Mormon ah Alma el liye ma koluk fin facluh, el ngwet nuh ke kahs luhn God ke srihpen el etuh lah “ma inge moklweack yohk nuhnak luhn mwet uh liki na katlas, kuh kuhtwena ma sahyac, ma sikyak nuh selos—ke ma inge Alma el nuhnkuh muh fal tuh elos enenuh in srihke ma wo ke kahs luhn God” (Alma 31:5).

22. Russell M. Nelson, “Lwelah tuh God Elan Kuhtanglah,” Liahona, Nohfohmpuh. 2020, 94. Prestuhn Nelson el ahkuhtweyac ke ohiyac se inge ke el luti kuht in ahkmuhtahlye lwen Sahpuht: “Ke pacl nga fuhsr ah, nga lutlutkihn orekma luhn mwet sahyac uh ke elos suhmuhslah ma puhkantwen ma elos ac oruh ac ma elos ac tiac oruh ke lwen Sahpuht. Tok kuhtuh fah nga etwacack ke ma suhmuhslah ah lah ma nga oruh ah ac elah luhk ke lwen Sahpuht ma ke akucl se inmahsrlok ac Pahpah tuhmasr Inkuhsrao. Ke nga eis mwe kahlwem se inge, nga tilac enenuh sie tahk nuh ke ma ngacn oruh ac tiac oruh. Ke nga enenuh in sulaclah lah ma se inge fal nuh ke Sahpuht kuh tiac, nga siyuck na nuh sihk sifacna, ‘Akucl fuhkah nga ke sang nuh sel God uh?’ Kihsen siyuck se ingacn use sulaclah se luhk nuh ke lwen Sahpuht arulacna kahlwem” (“The Sabbath Is a Delight,” Liahona, Mei 2015, 130).

23. Elder David A. Bednar el luti kuht lah “akwuck ke ohiyac wo … kahsre kuht pac in liye pal liki kena lasr ke el use nuh sesr in liye ma pwacye ma pahtpaht ke kuht fahsr ke kain in ma sikyak nuh sesr, ma upac, sulaclah, ac ma kuht puhlakihn ke moul lasr fin facluh se inge” (“The Principles of My Gospel,” Liahona, Mei 2021, 123–24).

24. Luke 18:22.