Engan ac Ne Tok Ma Pahtpaht

Sel Elder Gerrit W. Gong

Ke U luhn Mwet Sap Singucul Luo

Pwacye, muhtwacnglah ke engan ac ne tok ma pahtpaht yurin elos suc kuht luhngse pa kuhiyen plwacn in engan luhn God.

Kawuck, tamuhlwel ac tahmtahel sacohk wiyuck, yac kom esam ke kom luhlahlfongi, kuh kena luhlahlfongi, ke engan ne tok?

Na moul uh sikyak. Kuht “mahtuhlah.” Kuhpahsr lasr uh upaclah. Facluh se inge orahru, iktoklac, ahkkohs, ke luhmah ac nuhnkuh kac sifacna. Tuh, “ac lun nuhnak luhn insiacsr,”¹ kuht luhlahlfongi, kuh kena luhlahlfongi, lah oyac, kuh fuhkah, engan ac ne tok ma pahtpaht el pwacye ac kuh in sikyak.

“Engan ac ne tok ma pahtpaht” uh tiac ma kihneyuckyak oacna ke pihlengfong ma uh. Pwacye, muhtwacnglah ke engan ac ne tok ma pahtpaht yurin elos suc kuht luhngse pa kuhiyen plwacn in engan luhn God. Inkacnek luhngse Lal pa kuh in oraclah fuhfahsryucsr engan ac ne tok ma pahtpaht.

Puhs ma kuht ac ahkfuhlwact ac kaksak kac. Tuh, wacngihn sie sesr, kuh oacna sie sucu suwohs. Oasr luhngse, akohnohki, ac kais sie sifacna tuhsruhk oasr pac fohs, ahkngal, kuh finne kweok yohk ke akuhpahsri lasr uh.

“Tuh oana ke mwet nukwewa misa ke sripen kupasr lalos nuh sel Adam, in lumah sacna mwet e nukwewa fah akmoulyeyukyak ke sripen kupasr lalos nu sin Christ.”² Tiac sifil misac—mwe sang se Lal ke sifil moulyak luhn mahno—pa moul in Jisus Kraist. Ke kuht moul ke luhlahlfongi ac ahkostwen, kuh pac in oasr sesseslah luhn engan ke moul ma pahtpaht yurin God ac yurin elos suc kuht luhngse ke kuht moul in Kraist.

Ke sie ohiyac utuftuf, mwet pahluh luhn Leum el ahkfototoye kuht nuh yurin Mwet Lahngo, wi pac ke akwuck muhtahl lun tempuhl ac olwelah suc ma fototome nuh sesr ke kain in acn, Oasr pacl na yohk srihpac se lasr ac mwe sang in konwacack kahlwem sasuc ke ma luhn nguhn, luhngse, auliyak, ac nuhnakmuhnahs nuh sin sie sin sie ac sucu, ke pacl ac ne tok ma pahtpaht.

Ke lwelah, nga akacsruhi ke ohiyac na oa luo3suc ma sruhmuhnyuck sin kawuck kacl Jisus Kraist ke El oracni sucu ke El unwelah finne nuh ke elyah luhn kuhpahsr luhn fihl.³ “Wacngihn sahflahiyac ac ne tok ma pahtpaht,”⁴ fokoko liki mwe kapihr luhn misac,”⁵ Iwaclah luhn Jisus Kraist kuh in kahsrwe kuht use mislac nuh ke moul somlah lasr ac finsrak nuh ke moul lasr ke pacl fahsruh uh.

Ke elos welah Alu luhn Jisus Kraist luhn Mwet Luhlahlfongi ke Lwen-sahflah, kawuck luhk ac mukul tuhmwacl elos engan in lutlut ke kuhpahsr luhn sucu suc ma tiac enenuh in ukwe fahk se inge “nekena misac oruh kuht fahsrwelihk.” Lun lohm sin Leum, sucu uh kuh in tuhkweni ne tok ma pahtpaht (siliyucki).

Tuhsruhk kawuck se luhk inge tiac ke sil nuh sin pahpah tuhmwacl. “El tiac mukul wowo se nuh sin ninac kiyuck. “El tiac pahpah wowo se nuh sin tuhlihk nahtuh,” el fahk. “Tari pahpah elac tuhpan wihn. Wacngihn kena luhk in orekma kacl lun tempuhl ac in sil nuh sel ne tok ma pahtpaht.”

Lusen yac se, el lalo, pruhe, ac sramsram na yohk nuh sin Leum ke pahpah tuhmwacl. Sahflahiyac ah, el ahkolah. Ahksahfyeyucklac orekma ke tempuhl nuh sin pahpah tuhmwacl. Tohkoh, el fahk, “Ke mutul luhk pahpah tuhmuhk el sikme nuh sihk ke sie mwemwe, nukum sie nuknuk na fasrfasr. El eklac. El fahk, ‘Ngwetma. Nga nwacsnwacslah. Kuloh nuh sum ke kom orekma ke inek lun tempuhl.’” Pahpah tuhmwacl el fahk pac, “Tuhkahkwek ac fohlohklac nuh tempuhl; tamuhlwel wiyom el tuhpan elan pacptaislac.”

Kawuck luhk el fahk, “Mwet mahtuh luhk ac elos suc somlah elos tuhpan ac kena tuh orekma ma orek kaclos in sahflah.”

“Ac nuh sihk,” el fahk, “tempuhl uh acn in unwelah, lutlut, ac akihlen Iwaclah luhn Jisus Kraist.”

Puhla ahk luo Sie pac kawuck el insacnweacng oruh sramsram mahtuh ke sucu lal. El kena sokwack pahpah tuhmwacn pahpah mahtuh tuhmwacl.

Toang ke sie lwen ah, kawuck luhk ah fahk muh el puhla ke nguhn muh oasr sie mukul ke rum lal ah. Mukul sac kena in sukokyak el ac sucu lal in etuh kacl. Mukul sac puhla koluk ke ma tahfonglac lal suc ma el inge auliyak kac. Mukul sac kahsruh kawuck luhk in etuh lah wacngihn kuhpahsr laltahl ke sucu suc ma kawuck luhk el nuhnkuh muh mukul sac pa pahpah tuhmwacn pahpah mahtuh tuhmwacl. “Kalmac an pa,” kawuck luhk el fahk, “nga konwacack pahpah tuhmwacn pahpah mahtuh tuhmuhk ac etwacack lah tiac el pa fwack ke sramsram mahtuh luhn sucu lasr uh muh el pa pahpah tuhmwacn pahpah mahtuh tuhmuhk uh.”

Ke fwellac kuhpahsr in sucu lal ah, kawuck luhk ah fahk, “Nga puhla sukohsohklah, ac mihs. Ac oraclah ma na yohk se in etuh lah suc sucu luhk uh.” Kawuck luhk ah nuhnak ac fahk, “Lah se fin kaptuhlihk tiac kalmac pa sahk soko an koluk. Ohiyacn tuhkuh lasr nuh facluh el tiac yohk srihpac oacna ke kuht ekihn sie mwet ke kuht som liki facl se inge.”

Ma suhmuhslah muhtahl ac ma muhtahl suc ma kuht puhlakihn ke kuht sifacna unweyucklac ac mislac lasr, wi elos suc moul ke facluh luhn nguhn, lihksreni ahkyohkye mwe luti yohk lihmekohsr.

Ma se met: Kuhiyen plwacn in molwelah ac engan luhn God, Jisus Kraist, ke Iwaclah lal, olwelah in oracni nguhnasr ac mahnosr, ac fah tiac sifil fahsrwelihk, [kuht] in muh eis engan pwacye”⁶

Ahk luo: Iwaclah—iwaclah in Kraist—tuhkuh ke kuht ahkyohkye luhlahlfongi ac use fahko nuh ke auliyak.⁷ Oacna ke moul suhkawihl uh, ac sikyak oacyacpacna ke moul kawihl lasr. Akwuck in tempuhl tiac sifacna ikihlkuhtlac kuh elos suc muhta ke facluh luhn nguhn. Tuhsruhk akwuck muhtahl inge ikacslah olwelah muhtahl nuh sin Leum, suc muh kuh in use ma sefanna nuh Sel ac nuh sin sie sin sie.

Engan lasr eklac pwacye ke kuht puhla pahkomuhta ac nuhnakmuhnahs luhn Jisus Kraist nuh sesr. Ac ke kuht sang usrnguck luhn pahkomuhta ac nuhnakmuhnahs Lal nuh sin sie sin sie, pahkomuhta ma kuht eis ac pahkomuhta ma kuht kuh in sang kuh in oruh ma sesuwohs luhn facluh se inge in eklac suwohs.⁸

Ahk tolu: God El etwekuht ac luhngse kuht na pwacye. “God El tiac mwe ahksruhksruhk,”⁹ ac tiac kuh in kiyacpweyucklac El. Ke pahkomuhta ac suwohs pwacye, El oracni elos suc puhsisacl ac auliyak nuh in Pahol in sef.

Lun Kirtland Tempuhl, Mwet Pahluh Joseph Smith el liye ke aruhruhma Alvin tamuhlwel wiyacl suc moullac ke tohkohsrahi celestial. Mwet Pahluh Joseph el fwefwelac, ke Alvin el misac met liki el eis akwuck nuh ke molwelah ke pacptais.¹⁰ Wo ohiyac, Leum El ahkuhtwelah lah efuh: Leum “El ac nuhnuhnkwe kuht fal nuhke orekma [lasr], ac fal nuhke kena luhn [insiyacsr].”¹¹ Nguhnasr fahkwack orekma ac kena lasr.

Kuht srui, ke kuht etuh muh mwet moul ac “mwet misac ma auliyak fah moliyucklac, ke ahkostwen nuh ke akwuck ke lohm sin God”¹² ac ke Iwaclah luhn Kraist. Ke facluh luhn nguhn, finne nuh selos suc muhta ke ma koluk ac seahkostwen lalos ac fah oasr pacl lalos in auliyak.¹³

Tuhsruhk, nuh selos suc etuh na ac sulaclah ma koluk, suc puhlpuhla kotwaclah auliyak la, kuh suc nuhnkwaclah kuh etuh kuhnahoslah masap, ac plwacni inkacnek fihsrwacsr in auliyak, ac fah nuhnuhnkweyuck sin God ac “puhla koluk nuhkwewa lalos ac fah fohlohkyak ac elos fah puhlakihn.”¹⁴ Kuht tiac kuh in etuh oraclah ma koluk ke Sactte, na nuhnkuh in nuhnakmuhnahsyeyuck kuht na ke Sacnri ke kuht ipeis ke sackruhmacn. Nuh sin misinacri ac mwet sahyac ma fahk muh fahsr tukun Nguhn pa in tiac ahkos akwuck luhn misin kuh masap, nuhnakmuhnahs esam lah ahkos akwuck ke misin ac masap el suli Nguhn. Tiac sie fanna sesr enenuh in kotwaclah auliyak lasr. Mwe insewowo luhn auliyak muhtwacwacack ke kuht muhtwacwacack auliyak uh.

Ahk ahkosr: Leum El use pacl wowo muhtahl nuh sesr in eklac oacna El ke kuht eiskuhtyang ahol elos suc ma enenuh ac tiac kuh in oruh ke kuht oruh akwuck luhn moullac lalos ke tempuhl. Kuht eklac fas ac suwohs¹⁵ ke kuht eklac “mwet in molwelah fin finohl Zion.”¹⁶ Ke kuht kuhlwacnsuhpuh mwet sahyac uh, Nguhn Muhtahl luhn Olwelah ac kuh in ahkkweyelah akwuck ac ahkmuhtahlyelah kwewana mwet in sang ac mwet in eis an. Kwewana mwet in sang ac mwet in eis uh kuh in oraclah ac ahkyohkye olwelah in eklac, ke pacl uh fahfahlac elos ac eis mwe insewowo ma olweacng nuh sel Abraham, Isaac, ac Jacob.

Sahflah, ahk lihmekohsr: Oacna ke Masap Sacohk¹⁷ luti, tuhkweni ahkmuhtahlyeyuck fahsr luhn auliyak ac nuhnakmuhnahs uh suli kuht kais sie in sang nuh sin mwet sahyac ma kuht sifacna enenuh ac kena.

Kuhtuh pacl uh kena lasr in nuhnakmuhnahs nuh sin sie oraclah elos ac kuht in kwewana luhlahlfongi lah kuht kuh in auliyak ac eis nuhnakmuhnahs. Kuhtuh pacl uh kena in auliyak ac kuh in nuhnakmuhnahs tiac sikyak ke pacl se fanna. Mwet Lahngo lasr pa Mwet Iwaclah lasr nuh sin God, tuhsruhk El oacyacpac kahsre kuht in sifacna etwe kuht ac mwet sahyac ke kuht tuhkuh nuh Yohrohl. Yohk na ke pacl ma ngal ac kweok uh upac, ahkwo luhn kuhpahsr ac ahkwo luhn insiacsr uh upac, sahp upac nuh sesr ke kuht sifacna,. Tuhsruhk inkuhsrao kuh in use kuh ac lahlmwetmwet yohk liki na ma kuht etuh muh kuht in eis ac ma kuht kuh in fuhlwelah.

Srihk muhkahimtacl lasr ke kuht etwacack lah kuht tiac muhkwena. Mwet Lahngo lasr El kahlwem kac pacl nuhkwewa.¹⁸ Ke kahsruh luhn Mwet Lahngo, kuht kuh in fuhlweack insefuhlwact, ngal, ac ma koluk lasr nuh sin God, Oacna sie ma kuht puhlakihn ke muhtwacwacackiyac an, kuht eklac fasi ke kuht luhlahlfongi in El in ahkfasye kuhpahsr lasr.

Leum, suc liye ac kahlwem ke ma nuhkwewa, ac nuhnakmuhnahs nuh selos ma El nuhnakmuhnahs nuh se, kuht (ke kuht sesuwohs) in nuhnakmuhnahs nuh sin mwet nuhkwewa. Ke kuht fahsr nuh sin Mwet Lahngo lasr, srihkeni lohacng lasr nuh kacsr sifacna. Srihkeni nuhnuhnkuh lasr ac yohkwaclihk nuhnakmuhnahs lasr. Luhlahlfongi ke wo, pahkotwen, ac luhngse pwacye Lal¹⁹ kuh in ahksukohsohkye kuhtlac liki fohs, ahngyahng, ahkngal, sisilac, tiac oruh in fal, ac mwe ahktikuclkuclye mahno ac nuhnak ma sun mahno luhn facl se inge ke kuhtuh pacl. Engan ac Ne Tok Ma Pahtpaht tiac kalmac pa kuhpahsr nuh kwewa ac fah engan ac ne tok ma pahtpaht. Tuhsruhk yac tausin ke milwacniuhm ke Setuhn el ac kapihri²⁰ ac use nuh sesr pacl kuht enenuh ac kuhtuh ohiyac in luhngse, kahlwem, ac ahkwoyelah fohs ke kuht ahkolah nuh ke moul ma pahtpaht.

Kuht konwacack akuhpahsri luhn inkuhsrao sin sie sin sie.²¹ Orekma ac wolacna luhn God wi pac oruh in sikyak engan ac ne tok ma pahtpaht.²² Moul ma pahtpaht ac moul yurin God pa in etuh God ac Jisus Kraist, ke kuh luhn god, ke acn Elos oasr we kuht ac oasr we pac.²³

Tamuhlwel ac tahmtahel sacohk wiyuck, God Pahpah Tuhmasr Inkuhsrao ac Wen Kuloh Nahtuhl moul. Elos use mislac, engan, ac unwelah nuh sin mwet ac kahs nuh kwewa, nuh sesr kais sie. Mwet pahluh luhn Leum pa kol inkacnek uh. Fwackyuck ke lwen-sahflah fahsr na nuh met. Lwelah tuh kuht in fototoyang nuh sin Mwet Lahngo lasr ke lohm muhtahl sin Leum, ac lwelah tuh elan ahkfototoye kuht nuh sin God ac kais sie, ke kuht oracni insiacsr nuh sie ke pahkotwen, pwacye, ac pahkomuhta ke fihl nuh kwewa lasr—ke pacl ac ne tok ma pahtpaht, engan ac ne tok ma pahtpaht. ke Jisus Kraist, kuh in oreklac; ke Jisus Kraist, pwacye. Nga fahkwack luhlahlfongi, ke ine muhtahl Lal, Jisus Kraist, amen.

Mwe Kahsruh

1. William Butler Yeats, “The Lake Isle of Innisfree,” ke The Norton Anthology of English Literature, 5th ed. (1986), 1936.

2. Sie Corinth 15:22.

3. Puhkantwen ma muhtahl puhlakihnyuck ke finsrak ac olwelah nuh ke eklac ke kuht ac elos suc kuht luhngse fahsr nuh sin Jisus Kraist ke akwuck ac wuhlweacng lun tempuhl ke kwewana facluh ac facluh luhn nguhn.

4. Alma 34:10.

5. Doctrine and Covenants 121:44

6. Doctrine and Covenants 138:17.

7. Liye Matthew 3:8 (or Joseph Smith Translation, Matthew 3:35 [in the Bible appendix]); Luke 3:8; Alma 5:15; 12:15; 13:11–13; 34:30–33; Moroni 6:1–4; 7:25; 8:25.

8. Liye Alma 42:13–15; liye pac Robert Frost, “A Masque of Mercy,” Complete Poems of Robert Frost, ed. sel Edward Connery Lathem (1969), 521, acn ma Frost el suhmuhslah, “Nothing can make injustice just but mercy.”

9. Galatia 6:7.

10. Liye Doctrine and Covenants 137:1–6.

11. Doctrine and Covenants 137:9; liye pac verses 7–8, 10. Pwacyena, “elos nuhkwewa suc misac tiac etuh ke wosasuc se inge, suc kuh in eis fuhnuh lwelah elos in muhta paht kuhtuh, fah mwet in usrui tohkohsrahi luhn Celestial luhn God.” Weacng pac, Leum El tahfwelah, “Elos nuhkwewa ma misac ingenalac ac tiac etuh kac, fuhnuh eis ke insiaclos kwewa, ac fah mwet in usrui tohkohsrahi se ingoh.”

12. Doctrine and Covenants 138:58.

13. Liye Doctrine and Covenants 138:32.

14. Alma 11:43.

15. Liye Doctrine and Covenants 128:15 ac footnote b ke Matthew 5:48, ma ahkkahlwemye ke lwenglah luhn kahs Greek suwohs oacna “fas, sahflah, kapwack fohnlah.”

16. Obadiah 1:21.

17. Liye Matthew 7:12.

18. “Kut srungal ac sisella; El mutangla keok ac waiok” (Isaiah 53:3), tuhsruhk sie pac Mukul suc ma oracni tuhlihk srihsrihk ac tuhng ke engan lal fohnlah (liye 3 Nephi 17:20–24).

19. Liye 2 Nephi 2:8.

20. Liye Doctrine and Covenants 43:30–31. 1 Nephi 22:26 ahkacsmakihnye kuht lah ac fah wacngihn kuh lal Setuhn ke Milwacniuhm “ke srihpen suwohswohs luhn mwet luhn [Leum].”

21. Liye Doctrine and Covenants 130:2.

22. Liye Moses 1:39.

23. Liye Doctrine and Covenants 132:23–24; liye pac Doctrine and Covenants 29:29, ma fahk, “Tuh yen nga oasr we elos tiac kuh in tuhkuh, tuh wacngihn kuh lalos.”