Dikesel a Ducherreng
Bol meduch a rengmiu el molemolm el melasem me bol sebechemiu el lmuut el mora Demad ra Babeluades ma Jesus Kristo.
Rodam me a rodos er a ngak, ng dmeu a renguk el me bengkemiu er tial klou el ongdibel er a Ikelesia er a Jesus Kristo er a Uriul-klebesei el Santo. Aki melchesuar ra klaumerang ma beltik el reng er kemiu ra ikel basio el omngar ngii. Aki mlamo sisechakl lokiu a ikal ulekrael el suobel, mesisiich el klaumerang, ma klebokel el chelitakl.
Bol meduch a rengmiu el molemolm el melasem me bol sebechemiu el lmuut el mora Demad ra Babeluades ma Jesus Kristo. Ma omngara omerolem er a rael ra telbiil, e kemo metik er a ongarem el kirel rengelel a klechad malechub eng ngultekengel a Diablong.
Meng ua sera le du er ngak a delak sel kumondai el kirel a meringel el tekoi, “A chedil e Hal, ng kirel meringel. Ng kirel. A klengar a dolasem er ngii.”
Ng sebechel melekoi el uaisei el mekekokil e mengimer ra cheril, leng ngarngii a lodengei. Meng diak el ior er tial longarm, sel lorechudel el tekoi a sel mo remei el mobengkel a Demal ra Babeluades. E ngii a mle medengei el sebechel kutmeklii tiang sel lultuil ra klaumerang er ngii er a Osobel.
Ng melchesaur el kmo Ngii a kmeed er ngii. Sel taem ra lodengei el kmong metkung, eng mechiuaiu ra dukellel e mengedecheduch er ngak el kirel a Osobel. Ng mla er ngii a chesimer el mora ruum el kmeed ra bet er ngii. Ng mengimer er a cheril e omes er ngii el chesimer sel longedecheduch el mekekokil leng di kmedung eng mo mesang. Ak direk medengei ra kumes er ngii el chesimer e omtab er ngii el ruum el ngara bitang.
Chelechal taem eng ngara belurir a re deleb. Ng mlo sebechel lomelemii sel mlara rengul el kirel sel nguked el mle soal el mlokiu a betok el rak el charm ra rengelel a bedengel ma klechad.
Sel lulekrael el ducherreng el ngii a dilemii er kemam a ungil lulecholt er a Moroni 7, el Mormon a melisiich er a rengul a ngelekel ra Moroni ma rechedal. Tiang a ulekrael el ducherreng el mora telecherool el di uai sel mlara delak el mora delengcheklel. A Mormon a uldersii tiaikid el dikesel a ducherreng el mora rokui el chad el ngarngii ra rengrir el ngoriakl, el mokiu a bek el skeng ra klechad, el kirel a diak a ulebengelel klengar.
A Mormon a omuchel er sel kot el bades er a Moroni 7 el loba klaumerang ra Jesus Kristo, ma re anghel, mesel Reng er a Kristo, me kede mo medengelii a ungil ra mekngit me bol sebeched el ngiltii a ungil.
Ngii a nguu a Jesus Kristo elmo kot, eldi ua rokui el chad el mlo sebecherir el smisicheterir tirkel meringel el louedikel el bedul sel rael el mora blirir ra babeluades:
“Leng diak a chad elmo suobel, sel doltirakl a tekingel a Kristo, dil le merkmo bo loumerang er ngii; ma le uaisei, alsekum a ikal tekoi a diak, ma klaumerang meng dirrek el diak; meng kmal metacherbesul a klechad er a chad, le te ua lak el luchul mel blo rengii a okisel a kodall.
“E mesang, a re betik er a rengul el rodam er ngak, I judge better things of you, for I judge that ye have faith in Christ because of your meekness; for if ye have not faith in him then ye are not fit to be numbered among the people of his church.”1
A Mormon a milsa delmedemk el reng el lochotel a klisichel a klaumerang er tir. Ng milsterir el kmo te ousbech er a Osobel. Ng millisiich er tir el lokiuer ngii el klaumerang. A Mormon a millemolm el melisiich a rengrir el olngeseu er tir me lesang el kmo a klaumerang ma kle ngariou el reng er tir a mo metechebelii e smisicheterir elmo ungil er a ongarem:
“E dirrek, betik er a renguk el rodam, ak mo mengedecheduch er kemiu el kirel a dourreng. Ng mekerang a sebechiu el nguu a klaumerang, a lak el sebechiu el lourreng?
“Me ngera se el omsal kmal moureng er ngii? Kid a ngarngii a urunguled lokiu a Tngakireng er a Kristo me a klisichel a Okisel er a Kodall, el mo ngar el mo cherechar, e le a uchul a klaumerang er kid er Ngii lokiu a telbiil.”
“Ma le uaisei, alsekum a chad a ngarngii a klaumerang er ngii eng kirel ngarngii a urungulel; le lak a klaumerang eng diak a urunguled.
“Ma lmuut el tang, mesang ak kmu er kemiu el kmo ng diak el sebechel ngarngii a klaumerang er ngii ma urungulel, a lak el medemdemk el ngariou a rengul.”2
A Mormon a mocha melisiich er tir el louchais er tir el kmo te ngara omrolir elmo nguu sel sengk er a reng el mui ersel klikiid el beltik el reng er a Kristo. Ng oldak a tekoi ra klaumerang el ngara Jesus Kristo, delmedemk el reng, ngariou el reng, ma Chedaol Reng, me sel urungulir el mo nguu a diak a ulebengelel el klengar. Ng melisiich er tir lokiu tiakid el teletael:
“Ng diak a sebechel ngara bita ra Dios, a lak el medemdemk el ngariou a rengul; e alsekum a chad a medemdemk e ngariou a rengul, e kongei lokiu ra klisichel a Chedao Reng el kmo a Jesus a Kristo, ng kirel dirrek el loba diak a ulebengelel beltik el reng; le alsekum eng diak el lou beltik el reng eng diak a belkul; ma le uasiei eng kirel lou beltik el reng.”3
Mak mlo melbedebek ra ngara mong, e ak mocha mesa el kmo sel sengk er a diak a ulebengelel beltik el reng—sel klikiid el beltik el reng er a Kristo—a smilsichii, milkrolii, metebechelii, e mileltii a delak ersel longarem ra omerolel el mo remei.
“Ma dmolech el beltik el reng a chuarm el meketeket, e chubechubechad, e diak el mechechei, e diak el kedidai a rengul, e diak el dil losiik er a klungiolel, diak el bekengesengasach a rengul, diak lomdasu a mekngit, diak el loldeu ra rengul ra mekngit ngdi bai soal a klemerang, otekangel a bekl el tekoi, oumerang a rokui el tekoi, ourreng a rokui el tekoi, e outekangel ra rokui el tekoi.
“Ma le uaisei, betik er a renguk el rodam, alsekum eng diak a beltik el reng ra rengmiu, eng diak a ultuteliu, le a dmolech el beltik el reng a diak el bol lak. Ma le uaisei, e murrekodel er a diak a ulebengelel el beltik el reng, el ngii e a kot el lungil ra bek el tekoi, le rokui el tekoi a mo nguemd—
“Ngdi a dmolech el beltik el reng a klikiid el beltik el reng er a Kristo, e ngii a melemolm el mo cherechar; e ngkel le betik er ngii lobang er sel ulebongel el sils, a ngeltengat.
“Ma le uaisei, e betik er a renguk el rodam, moluluuch el mo er a Chedam loba rokir el klisichel a rengum, me bo mui er tial beltik el reng, el ngii a mla odersii el mo er tirkel rokui el meral oltirakl er a Ngelekel, el Jesus Kristo; me bo meral ngelekel a Dios; me sel dum e ke de mo uai Ngii, le ke de mo mesang er sel teletelel; me bo mo ba urungulel; e bom klikiid el uai ngii el klikiid.”4
Ng dmeu a renguk el kirel sel klisichel a Mormon ra okesiul ma osisecheklel. Ak mla mukngeltengat el dirrek lokiu sel ulekrael el mlara delak. A re profet el mlara Adam el me re chelechal taem, e lokiu osisechakl ma okesiu, a mla smisichak.
Meng ngokiu omenguul el kirir tirkel kudengelterir ma re telungalk er tir, eng diak bo kusaod elmo komakai ra ongarem el blal ebangel malechub e kulekoi el kirel a ikel lungil sengk er tir el mora buai. Engdi a ikel blak ues a silsichak e mileltak elmo ungil.
Me ak bekikl el dimlak kulturk er ngii, e ak mo dochelii a kekedeb el teletelel a lomekduch ra reng a bechik. Me ak mo melasem e kerekikl. Ng kmal di lmuuk el chad el diak losiik malechub eng soal a chetengakl.
Aki mla kaubuch el okolm el rak. Ngokiu er seikid el blekeradel mak medengei a belkul a ikal tekoi ra chedaol lechukl: klaumerang, ourreng, delmedemk el reng, outekangel, diak di dosiik a soad, dmeu a rengud ra klemerang, diak ke domdasu a mekngit, e sel ngarbab er a rokui el tekoi, a dmolech el beltik el reng.5 5Ng dimlak kulturek er ngii mebol sebechek louchais el kmo a rechad a sebechir el ngmai a ikel bek lungil luldasu e ngmai el mora klengar er tir ra bek el sils sel louedikel el soiiseb ra ikel longarem er a klechad.
Te milion el uai kemiu e lorenges a medengelterir a rechad el uaisei. Betok er kemiu are a uaise el chad. Kid el rokui lousbech er a re uaisei el chad el lokesiu e lomekduch a rengud e ou beltik el reng el sechelid.
Sel mdengchokl ra bita er a tara chad el mesiou el odos a lechub e odam; e kau a omtechei er a Rubak. Momdasu er a kmo Ngii ngerang mo meruul malechub eng melekoi. Ngii a mo mengemedaol er tir elmo er Ngii. Ngii a mo omekduch a rengrir. Ngii a mo omes e chemat er a ikel bocha lomuchel el kirir el melodech ra klengar er tir. E Ngii e a mo cherrungel lokesiu el kirir el moltirakl er Ngii.
Ng diak a chad el sebechel urrengelii tiang, ng di sel morrenges er tial ongdibel, e kemo sebechem el medengei el kmo kau a ngara omrolem. A Osobel a medengei a ikel ongarem el omngar ngii el rokui. Ngii a medengei a klisichem el mukeroul er a klaumerang, urungulem, ma diak dmolech el beltik el reng.
A ikel llach ma telbiil el Ngii a oldars lekor kau a diak el skeng elmo oderderau. A ikang a sengk elmo dersau el kirel a omeliul a rokui el sengk er a Dios meke lmuut elmo remei ra blim el mora Demam ra Babeluades ma Rubak, el betik a rengrir er kau.
A Jesus Kristo a chilitii a klenagr er ngii el kirel a kengtid. Kid a sebeched el nguu seikid el klengeltengat er a diak a ulebengelel klengar alsekum e kid a oumerang er Ngii el mui elmo ouchul a rengud er a kengtid e mo ua kekerei el ngalk, el klikiid e keltmokl elmo melai er sel kot el ngarbab el sengk er a Dios.
Ak meluluuch me kom kongei el nguu a siotai er Ngii e kemiu a mo dersii el mora re bebil er a re ngelekel a Demad ra Babeluades.
Ak meluluuch el kirir a re misionari er kid el meliuekl ra beluulechad. Bol sebechir el mukrael el mo dertal chad el sorir emengelechel er a derta el chad el mo oumerang el kmo sel siotai a ngara Jesus Kristo lokiu a re mesiungel el mla nguu a ngklel el mo oltirakl er Ngii.
Ak ouchais el kmo Ngii a kiei e mengedereder er a Ikelesia er Ngii. Ngak a sioning er Ngii. A President Russell M. Nelson ea ngar el profet er a Dios er tial beluulechad el rokir. Ak medengei el kmo ng klemerang. El ngara chedaol ngklel a Jesus Kristo, amen.