Vaaia o le Aiga o le Atua e ala i Tioata Vaaiga Aoao
Ou te talitonu tatou te mafaia, e ala i le mata o le faatuatua, e vaai mamao ai ma vaai ai ia i tatou lava ma o tatou aiga i le faamoemoe ma le olioli.
A o laitiiti le ma tama teine laitiiti o Berkeley, sa amata ai ona ou faaaogaina tioata faitautusi―le ituaiga lea e vaai latalata ai ma e lapopoa ai mea uma. I se tasi aso, a o ma saofafai faatasi e faitau se tusi, sa ou tilotilo atu ia te ia ma le alofa faapea foi ma le faanoanoa ona, sa faafuasei ona foliga mai ua teine matua lava. Sa ou mafaufau, “O fea ua alu i ai le taimi? “Ua matua lava o ia!”
A o ou aveesea la’u tioata faitautusi e solo ese sina loimata, na ou iloaina ai, “Oi faatali—e le’i matua; ae ona o tioata nei! Aua le popole!”
O ni isi taimi na pau mea tatou te vaaia o le vaaiga lata mai, ma lapopoa o i latou tatou te alolofa i ai. O le po nei, ou te valaaulia outou e vaai mamao ma vaai atu i ni tioata ese—ni tioata e faavavau lea e taulai atu i le ata atoa telē, lau tala telē atu.
I le vaitaimi tau amata o le taumafai o le tagata soifua i le vateatea, o loketi na leai ni tagata na faafoeina sa leai ni faamalama. Ae e oo ane i le misiona a le Apolo 8 i le masina, ua i ai le faamalama e tasi a tagata malaga i le vateatea. A o faaopeopea ai i le vateatea, sa faateia i latou i le malosi o le iloa mai o le tatou lalolagi ma pueina ai le ata mataina lenei, ua maofa ai le lalolagi atoa! Na oo i na tagata malaga i le vateatea se lagona matuai mamana o lea na faaigoa ai: o le aafiaga vaaiga aoao
NASA
O le vaai mai i se tulaga fou faapitoa e suia ai mea uma. Fai mai se tasi o tagata malaga i le vateatea mai i lenei vaaiga e na te “faaitiitia mea i se telē e te manatu e mafai ona taulimaina. … E mafai ona tatou faia lenei mea. Filemu i le lalolagi—leai se faafitauli. E tuu atu ai i tagata lena ituaiga o malosiaga … lena ituaiga o mana.”1
I le avea ai ma tagata ola, o loo ia i tatou se tulaga o le vaaiga e gata lava i le lalolagi, peitai e silasila le Atua i le vaaiga aoao lautele o le atulaulau. E silafia e Ia foafoaga uma, i tatou uma, ma ua faatumulia i le faamoemoe.
Pe mafai ea ona amata vaai e pei ona silasila le Atua e tusa lava pe o ola ai i lenei paneta—ia lagona lenei faalogona o le vaaiga aoao ? Ou te talitonu tatou te mafaia, e ala i le mata o le faatuatua, e vaai mamao ai ma vaai ai ia i tatou lava ma o tatou aiga i le faamoemoe ma le olioli.
E ioe i ai tusitusiga paia. O loo tautala Moronae e uiga ia i latou o o latou faatuatua sa “matua malosi tele lava” sa latou “vaai moni … ma se mata o le faatuatua, ma sa latou fiafia.”2
Ma se vaai na taulai atu i le Faaola, na latou lagonaina ai le olioli ma iloa ai le upumoni lenei: Ona o Keriso, e manuia ai mea uma. O mea uma o loo faapopoleina ai oema oema oeo le a LELEI mea uma! Ma o i latou o e vaai atu ma se mata o le faatuatua e mafai ona lagonao le a Lelei mea uma i le taimi nei
Sa ou oo i se taimi faigata i lo’u tausaga mulimuli i le aoga maualuga ona ou te lei faia ni filifiliga lelei. Ou te manatua le vaaia o lo’u tina o tagi ma manatunatu ai pe ua ou faaitaina o ia. I le taimi lea, sa ou popole e faapea, o le uiga o ona loimata ua leai sona faamoemoe mo au, ma afai na te le’i lagonaina le faamoemoe mo au, atonu e le o i ai se auala e toe foi ai.
Peitai sa faataitaia e lo’u tamā le vaai mamao ma faaaoga le vaaiga umī. Sa ia aoaoina mai aafiaga o le popole e tai pei uma lava o le alofa, peitai e le tutusa.3 Sa ia faaaogaina le mata o le faatuatua e vaai ai o le a lelei nei mea uma, o lana faiga e tumu i le faamoemoe na suia ai a’u.
Ina ua ou faauu mai le aoga maualuga ma alu i le BYU, na auina mai e lo’u tama ni tusi, e faamanatu mai ai po o ai a’u. Sa avea o ia ma a’u tagata tapuai, ma e manaomia e tagata uma se tagata tapuai--o se tasi e le o fai atu ia te oe, “E le o lava lou tamoe vave”; o loo latou faamanatu atu ma le alofa ia te oe e mafai ona e faia.
Sa faataitai e Tamā le miti a Liae. E pei o Liae, sa ia iloa e te lē tuliloaina ē e pele ia te oe o ē ua lagona le leiloloa. “E tu i le mea o loo e i ai ma valaau atu ia i latou. E te alu atu i le laau, tu ai i le laau, tausami pea i le fua o le laau ma, se ataata i ou foliga, e faaauau ai ona e augani atu ia i latou e te alofa i ai ma faaali atu e ala i le faataitaiga o le aai i le fua o le laau o se mea fiafia!”4
O lenei vaaiga faalemafaufau na fesoasoani ia te a’u i ou taimi faigata pe a ou i ai i le laau, e ai i le fua ma tagi ai ona sa ou popole; o le mea moni, o le a le aoga o lena mea? Nai lo lena, sei o tatou filifilia le faamoemoe—faamoemoe i lo tatou Foafoa ma i le tasi ma le isi, e faaosofia lo tatou gafatia ia avea ma tagata lelei atu nai lo o tagata o tatou i ai i le taimi nei.
E lei leva atu ona maliu Elder Neal A. Maxwell, ae fesiligia e se fai lipoti ia lona atalii po o le a se mea e sili ona ia misia. Sa ia fai mai o taumafataga i afiafi i le fale o ona matua, aua o taimi uma e aluese ai o ia ma le lagona e pei sa talitonuina o ia e lona tamā.
O le vaitaimi lea na amata ai ona o mai le ma fanau matutua ma o latou taitoalua i le fale mo taumafataga i afiafi o Aso Sa. I le aluga o le vaiaso, na ou faia ai ni lisi i lo’u mafaufau o mea e mafai ona ou faamanatu atu ia i latou i le Aso Sa, e pei o le “Taumafai e fesoasoani atili i tamaiti pe a e i ai i le fale,” po o le “Aua nei galo ia avea ma se tagata faalogo lelei.”
Ina ua ou faalogo i le manatu faaalia o Brother Maxwell, sa ou tiai ese le lisi ma faafilemu i lena leo faitio, ma ina ua ou vaai i la’u fanau matutua mo na o sina taimi puupuu o vaiaso taitasi, sa ou taulai atu i le tele o mea lelei o loo latou faia. Ina ua maliu le ma atalii matua o Ryan i ni nai tausaga mulimuli ane, ou te manatua le faafetai i lo matou taimi faatasi sa fiafia ma sili atu ona lelei.
Ae tatou te lei fegalegaleai ma sē pele, e mafai ona tatou fesili ifo ia i tatou lava i le fesili “Pe o le mea o le a ou fai atu ai pe faia e aoga pe faatiga?” O a tatou upu o se tasi lea o a tatou paoa malosi, ma o tagata o le aiga e pei o ni laupapa tusitusi ola, e tutu i o tatou luma ma fai mai, “Tusi lou manatu e uiga ia te au!” O nei savali, e tusa pe fuafuaina pe le fuafuaina, e tatau ona i ai le faamoemoe ma faamalosiau.5
O la tatou galuega e lē o le aoao o se tagata o loo feagai ma se taimi faigata e faapea, o i latou e leaga pe faaoso le lē fiafia. I tulaga e seāseā ona tupu, atonu tatou te lagona ai le uunaia e faasa’o, ae e masani lava ia tatou ta’u atu i e pele ia i tatou i ni auala tautalagia ma lē tautalagia ia savali ua leva ona latou fia faalogo i ai: “Ua atoa ma atoatoa lo tatou aiga ona o lou i ai.” “O le a alofaina oe i aso uma o totoe o lou olaga—e tusa lava po o le a.”
O nisi taimi, o mea tatou te manaomia e sili atu le agaalofa nai lo fautuaga; faalogo e sili atu nai lo se lauga; o se tasi e faalogo ma mafaufau, “O a ni o’u lagona e tatau ona ou ta’u atu i mea na faatoa latou fai mai ai?”
Manatua, o aiga o le falesuesue ua tuuina mai e le Atua lea tatou te tau fuafuaina ai mea, o lea la, o laa sese ma faitauga sese e le na ona mafai, ae e ono tupu foi. Ma pe le malie ea pe afai, i le iuga o o tatou olaga, e mafai ona tatou vaaia ai o na sootaga, e oo lava i na taimi luitauina, o mea tonu ia na fesoasoani ia i tatou ia avea atili e faapei o lo tatou Faaola? O fegalegaleaiga faigata taitasi o se avanoa e aoao ai le ala e alofa ai i se tulaga loloto atu—o se tulaga faaleatua.6
Sei o tatou vaai mamao atu e tagai ai i sootaga faaleaiga e fai ma auala mamana e aoao ai i tatou i lesona na tatou o mai iinei e aoao ai ao tatou liliu atu i le Faaola.
Tatou te ioeina, i se lalolagi pa’u, e leai se auala e avea ai ma se toalua, matua, atalii po o se afafine, fanau a se fanau, faufautua, po o se uo atoatoa—ae e faitau miliona auala e avea ai ma se tagata lelei.7 Sei o tatou tutu i le laau, aai i le alofa o le Atua, ma faasoa atu. E ala i le sii ae o tagata o siomia i tatou, tatou te o ae faatasi ai.
O le mea e faanoanoa ai, o le manatua ai o le aai i le fua o le laau ua le lava lea; e manaomia ona tatou toe aai ma toe aai ai i ni auala e toe faatulaga ai o tatou tioata ma fesootai ai i tatou i le vaaiga aoao faalelagi e ala i le suesueina o tusitusiga paia, lea o loo faatumulia i le malamalama, e tafi ese ai le pogisa, tumau i o tatou tulivae seia oo ina liua i le malosi a tatou tatalo faasamasamanoa. O le taimi lea e faamaluluina ai loto, ma amata ai ona tatou vaai e silasila mai le Atua.
I nei aso e gata ai, atonu o la tatou galuega aupito silisili o le i ai faatasi ma ē pele ia i tatou—o tagata lelei o loo ola i se lalolagi amioleaga. O lotatou faamoemoe e suia ai le ala latou te vaai ai ia i latou lava ma tagata moni ua avea ai i latou. Ma e ala i lenei tioata o le alofa o le a latou vaai ai i le tagata o le a avea ai i latou.
Peitai e le manao le fili ia i tatou po o e pele ia i tatou ia toe foi faatasi atu i le aiga. Ma ona o loo tatou nonofo i se paneta e saisaitia i le taimi ma se numera faitaulia o tausaga,8 na te faaauauina se lagona e sili ona moni o le lē to’a i totonu o tatou. Pe a tatou vaai latalata tele mai, e faigata ona vaaia, o lo tatou ala e sili atu le taua nai lo lo tatou televave.
Manatua, “Afai e te fia alu saoasaoa, alu toatasi. Afai e te fia alu mamao, ō faatasi.”9 O le mea e faafetai ai, o le Atua o loo tatou tapuai ai e le saisaitia i le taimi. Na te silafia pe o ai moni lava i tatou.10 O lea e onosai ai o Ia ia i tatou, ma le faamoemoe o le a tatou onosai i le tasi ma le isi.
O le a ou tautino e i ai taimi e pei ai le lalolagi, lo tatou aiga le tumau, o se motu o faanoanoaga—o taimi e tasi ai lo’u mata o le faatuatua ma le isi mata o loo tagi.11 Tou te silafia lea faalogona?
Sa oo ia te au i le Aso Lua.
Nai lo o lena, e mafai ona tatou filifilia le uiga auaumama o le perofeta pe a ia folafola mai vavega i o tatou aiga? Afai tatou te faia, o le a faateleina lo tatou olioli, e tusa lava pe faateleina le faaletonu. Ua Ia folafola mai o se aafiaga vaaiga aoao e mafai ona maua i le taimi neie tusa lava po o a o tatou tulaga.12
O le i ai o lenei mata o le faatuatua i le taimi nei o se toe pu’eina, po o se siuleo, o le faatuatua sa ia i tatou muamua ae tatou te le’i o mai i lenei paneta. E vaai i tua atu o le le mautonu o se taimi, e mafai ai ona tatou “faia ma le fiafia mea uma ua i ai i lo tatou mana; ona mafai lea ona … tutulai.”13
O i ai se mea faigata i lou olaga i le taimi nei, se mea o loo e popole e le mafai ona foia? A aunoa ma le mata o le faatuatua, o lena mea e ono foliga mai ua sopoloa ai le silasila a le Atua i mea, pe o sao lea?
Pe atonu foi o lou popolega tele lava o le, o le a e uia lenei taimi faigata na o oe lava, ae o lona uiga ua tuulafoai oe e le Atua, ma pe o sao lea?
O la’u molimau o loo i ai i le Faaola le gafatia, ona o Lana Togiola e liliu ai soo se mea taufaafefe o loo feagai nei ma oe i se faamanuiaga. Ua Ia folafola mai ai “se feagaiga e lē masuia” e faapea a o tatou taumafai malosi e alofa ma mulimuli ia te Ia, “omea uma sa [tatou] puapuagatia ai o le a galulue faatasi mo lo [tatou] lelei.”14 O meauma .
Ma talu ai o i tatou o fanau o le feagaiga, e mafai ona tatou talosaga mo lenei lagona o le faamoemoe i le taimi nei!
E ui e le atoatoa o tatou aiga, e mafai ona tatou faaatoatoaina lo tatou alofa mo isi seia oo ina avea o se ituaiga alofa e tumau, e le fesuisuiai, e tusa lava po o le a—le ituaiga alofa e lagolago i suiga ma faataga le tuputupu ae ma le toe foi mai.
O le galuega a le Faaola le toe aumai o e pele ia i tatou. O Lana galuega ma o Lana taimi. O la tatou galuega o le tuuina atu o le faamoemoe ma se loto e mafai ona latou o mai i ai i le aiga. “E le o ia i tatou le pule a le [Atua] e ta’usala ai pe o lona mana e togiola ai, ae ua faatagaina i tatou e faaali atu Lona alofa.”15 Ua aoao mai foi Peresitene Nelson, e sili atu ona manaomia e isi lo tatou alofa nai lo la tatou faamasinoga. “Latou te manaomia ona iloa le alofa mama o Iesu Keriso o atagia atu i a [tatou] upu ma faatinoga.”16
O le alofa o le mea lea e suia loto. O le mafuaaga aupito mama lea o mafuaaga uma, ma e mafai e isi ona lagonaina. Sei o tatou pipiimau i nei upu faaperofeta na ofoina mai i le 50 tausaga ua mavae: “E leai se aiga e toilalo sei vagana ua musuā e taumafai.”17 E mautinoa lava, o i latou e sili ona alolofa ma umi ona alolofa atu e manumalo!
I aiga faalelalolagi, o loo tatou faia le mea na faia e le Atua ia i tatou—o le faasino o le ala ma le faamoemoe o le a o atu ē pele ia i tatou i lena faasinoga, ma le iloa o le ala latou te malaga ai e filifili lava e i latou.
Ma a latou pasi atu i le isi itu o le veli ma latalata atu i lena toso faafeiloai mai o se aiga faalelagi,18 Ou te talitonu o le a lagonaina lava le masani ai ona o le ala na alofaina ai i latou iinei.
Se’i o tatou faaaogaina na tioata vaaiga aoao ma vaai atu ai i tagata tatou te alolofa i ai ma nonofo faatasi o ni soa vavalalata i lo tatou paneta matagofie.
O oe ma a’u? E mafai ona tatou faia lenei mea! E mafai ona tatou pipiimau ma faamoemoe pea! E mafai ona tatou tutu i le laau, aai i fua o le laau ma se ataata i o tatou foliga, ma avea le Malamalama o Keriso i o tatou mata e avea o se mea e mafai ona latou tapa i ai i o latou taimi faigata. Ma a o latou vaaia le faaalia o le malamalama i o tatou foliga, o le a latou tosina mai i ai. Ona mafai lea ona tatou fesoasoani e toe faamanino lo latou taulaiga i le punavai muamua o le alofa ma le malamalama, “o le fetu ao pupula,” o Iesu Keriso.19
E tuuina atu lau molimau o nei—o nei mea uma—o le a liua i mea e sili ona lelei atu nai lo o mea e mafai ona tataou vaai faalemafaufau i ai! Faatasi ma se mata o le faatuatua ia Iesu Keriso, tau ina ia tatou vaai ai o le a manuia mea uma i le iuga ma lagona o le a manuia i le taimi nei. I le suafa o Iesu Keriso, amene.