Talafaasolopito o le Ekalesia
Mataupu 2: Tago Mai, Savali Mai

Mataupu 2

Tago Mai, Savali Mai

talafatai o le motu mafanafana

A o latalata atu le latou vaa i Niue, sa vaaia e Mosese ma Salavia Muti se apitaogalu lafulafua e i lea itu ma lea itu nofoaga e i ai ni ana e tuese ma ni alavaa. I le faamaoni ai o le miti a Mosese, o nuu e sefulutolu o le motu sa i ai i talafatai o vai. O Alofi, o le nuu sili ona telē o Niue, e taoto i le talafatai i sisifo ma sa avea ma se nofoaga tutotonu mo ni nai auala e ui atu i le togavao mafanafana ma amu ia na ufitia ai totonu o le motu. O se nofoaga tuufua, o aiga o tagata e itiiti ifo ma le lima afe tagata.

Na muamua o mai faifeautalai i Niue i le 1952. I le taimi nei, i le fa tausaga mulimuli ane, ua tusa ma le tolu selau le Au Paia i le motu. O le peresitene o le itu o se faifeautalai Amerika e luasefulu-tolu tausaga le matua e igoa ia Chuck Woodworth. Pe a latou le o faasoaina atu ma isi faifeautalai le talalelei pe o vaaia paranesi e ono o le motu, latou te galulue i se falesa fou ma le ofisa o le misiona i Alofi. Sa leai se supavaisa o le fauina o fale i Niue, o lea sa lei amataina ai e faifeautalai ona eliina faavae pe faatuina i luga puipui. Nai lo lena, latou te faaaluina le tele o itula e nuti ai maa amu malo o le motu ia gaosi ai sima mo le galuega faatino.

Sa sili ona fiafia Chuck i le taunuu atu o le au Muti. O ia o se faifeautalai faamaoni, galue malosi, ae sa masani ona ia lotovaivai pe a le fesoasoani le Au Paia Niue i faifeautalai pe ola e tusa ai ma la latou tapuaiga e pei ona ia manatu e tatau ona latou faia. Sa sili atu le onosai ma le agaalofa o Salavia ma Mosese. Sa malamalama le ulugalii o tagata uma o le ekalesia i le motu sa fou i le faatuatua, o loo aoao pea ma tuputupu ae.

Aua le popole, o le tala lea a Mosese ia Chuck. O le a lelei mea uma i le iuga.

Sa vave ona manumalo Mosese i le faauoga a le Au Paia Niue ma faatuatuaina i lona alofa i le talalelei ma le malamalama i le aganuu o le lotoifale. Sa ia vaaia le polokalama a Tama Sikauti a le Ekalesia, aoao atu lesona o le talalelei, ma nuti amu faatasi ma isi faifeautalai. O le taimi lea, sa vaavaaia lelei ai e Salavia le soifua manuia o faifeautalai ma tagata o le Ekalesia. Sa ia kukaina meaai, tata ma sui lavalava, ma faalogo ma tuuina atu fautuaga pe a manaomia e se tasi le talanoa. Sa ia aoao atu foi lesona a le Peraimeri ma le Aoga Sa ma tuuina atu ni lauga.

Ia Setema 1956, na faatulaga ai e Chuck le uluai Aualofa i Niue ma valaauina Salavia e avea ma o latou faiaoga. I le taimi muamua, o nisi o tamaitai i le Aualofa sa foliga mai e le faaaloalo ia te ia pe faaalia le le fiafia tele e auai i sauniga. O aafiaga o Salavia i le galulue ai ma tamaitai i le Ekalesia na aoaoina ai o ia ina ia nofouta i o latou manaoga. O le iloaina o le toatele o tagata i Niue e leai ni meaafale o umukuka faaonaponei, sa ia fesili atu ai ia Langi Fakahoa, le peresitene o le Aualofa, pe mafai ona ia faia se gaoioiga e aoao ai tamaitai i se auala faigofie e kuka ai se puligi Toga e aunoa ma se ogaumu.

A o lei faia le fonotaga, sa talosagaina e Salavia ia sui auai o le Aualofa e aumai ni mea e manaomia ina ia mafai ai ona latou faia sa latou lava puligi. Peitai, mai tamaitai e toa sefululima o e na o mai, e na o le toatolu na aumaia mea e manaomia. O isi sa na ona tilotilo atu ma le le talitonu.

I le le faavaivai ai, sa faaalia ai e Salavia le ala e saunia ai le puligi ma faapupuna i le vai i luga o se ta’inafi. O tamaitai na aumaia sapalai na mulimuli atu ia te ia i faatonuga uma, o lea laasaga ma lea laasaga, seia oo ina lelei foi le kukaina o a latou lava puligi. Ona aumai lea e Salavia se puligi sa ia faia a o lei amataina le fonotaga ma ofoina atu i a i latou uma ni nai fasi puligi.

A o tofoina e tamaitai le puligi, sa faapuputetele o latou mata. “Oka,” sa latou fai mai ai. E leai se tasi na tofo i se mea faapena muamua. Ina ua maea le fonotaga, sa faasoa atu e tamaitai e toatolu o e na o mai ma mea e manaomia, sa latou puligi i isi, o e na o atu i le fale ma le naunautai e o mai saunia lelei mo le isi gaoioiga a le Aualofa.

Na salalau le upu e uiga i le puligi, ma suia le faaaloalo mo Salavia. O tamaitai o e sa lei faaalia se fiafia i le Aualofa na amata ona auai i fonotaga. Sa valaaulia e nisi o tagata o le ekalesia a latou uo ma aiga i le isi gaoioiga kuka, ma sa amata ona faaigoa e Salavia po o le Aualofa o Po Fiafia—o le Po o Fiafia.

Sa iloa e Salavia o le aoao atu o le kuka ma isi tomai o se meafaigaluega maoae faafaifeautalai. Ina ua faapotopoto tamaitai o se vaega, sa latou fefaasoaai tala, tausua, ma usuina pese. O fonotaga na aumaia faatasi ai tamaitai ia vavalalata, ma fatuina ai faauoga ma le faamalolosia o agaga. Ua alualu i luma le auai i le Ekalesia, ma sa foliga mai ua sili atu le fiafia ma sili atu le lotogatasi o aiga ona o tomai sa aoaoina e tamaitai i le Aualofa.

I le faaiuga o le 1956, sa tulimatai atu ai sui o le Aualofa i le lalolagi atoa i le faapaiaga o se fale fou mo la latou faalapotopotoga i le Aai o Sate Leki. Ua tusa nei ma le 110,000 le faitauaofai o le Aualofa, ma sa manao le peresitene aoao o Belle Spafford ia i latou uma, e tusa lava po o fea o le lalolagi sa latou nonofo ai, ia lagona se vaega o se usoga tuufaatasi.

Sa lei avea foi o ia i taimi uma ma se sui naunautai o le Aualofa. I lena taimi, sa lei otometi ona lesitala tamaitai i le Ekalesia i le Aualofa i le taimi lava latou te taunuu ai i le tulaga faatagata matua, o lea sa tolusefulu tausaga o lona matua a o lei auai soo o ia i fonotaga a le Aualofa. Ina ua valaauina o ia e lona epikopo e auauna atu o se fesoasoani i le au peresitene o le Aualofa a lana uarota, sa faate’ia o ia. “O lena faalapotopotoga e mo lo’u tina,” na fai atu ai Belle ia te ia, “e le mo a’u.”

I le tolusefulu tausaga mulimuli ane, sa i ai o ia i le lona sefulutasi o tausaga o lana au peresitene, ma o le faatuina o se laumua tumau mo le Aualofa o se tasi lea o ana sini autu. Sa manao o ia ia avea le laumua fou ma se fale matagofie e mafai ai e tamaitai o le Ekalesia ona ulu atu i ai ma lagonaina le i ai i le aiga.

Ina ua faatoa faatulagaina le Aualofa i le 1842, sa fono ona sui auai i le fogafale i luga o le faleoloa o Iosefa Samita o Navu. Mulimuli ane, sa fausia e Aualofa a uarota i sisifo o le Iunaite Setete ia fale faafiafia o le Aualofa lea e mafai ona latou feiloai ai, faatautaia pisinisi, auauna atu ia i latou e le tagolima, ma faasoa atu o latou manatu, aafiaga, ma molimau. Pe tusa o le faaiuga o le seneturi, na faamaopoopoina ai e au peresitene aoao o le Aualofa, Asosi o le Alualu i Luma o Tamaitai Talavou, ma le Peraimeri se aofaiga tele o tupe e fausia ai se laumua mo a latou faalapotopotoga. Peitai, i lo latou le fiafia, sa le’i faatinoina lea fuafuaga. Na faatonuina mai e le Au Peresitene Sili le fausiaina o se fale o ofisa e faaaoga fefaasoaai e faalapotopotoga e tolu ma isi faalapotopotoga, e aofia ai le Au Epikopo Pulefaamalumalu.

Sa faagaoioia le Aualofa mai le fogafale lona lua o lenei fale talu mai lena taimi. O se avanoa feoma’i, pisapisao e i ai ma ofisa, o se potu fono, ma se eria mo le su’iina o laei o le malumalu. E lei leva ona maua lona valaauga i le 1945, ae fautuaina loa e Peresitene Spafford le fausiaina o se fale fou mo le faalapotopotoga. Sa malilie le Au Peresitene Sili i le fuafuaga ma talosagaina le Aualofa e saili le $500,000, o le afa o le tau o le fale.

Ona fuafuaina lea e Peresitene Spafford ma ona fesoasoani, o Marianne Sharp ma Velma Simonsen, se suegatupe, ma valaaulia tagata uma o le Aualofa e foai atu le tele e pei o le lima talā agai i le fauga o le fale—o se aofaiga tele pe a faatusa le tau o se pa falaoa i le sefululua sene i le Iunaite Setete. Ina ua mavae ni nai masina o suegatupe, sa matua fiafia Lava Peresitene Spafford i le iloaina ua uma ona foai atu e tamaitai o le Ekalesia le $20,000. Sa vave ona ia siiina le telefoni ma valaau atu ia J. Reuben Clark, le fesoasoani lua i le Au Peresitene Sili, e ta’u atu ia te ia le tala fiafia.

“Aua le lotovaivai,” na ia fai atu ai, na mautinoa lava le le iloa o lona fiafia. “Ou te iloa o le $20,000 e le telē tele pe afai e tatau ona e sailia maia se afa miliona.”

Sa le’i lotovaivai Peresitene Spafford, ma sa le’i faapea sa le’i tali mai le usoga ia te ia. Mo le tele o tausaga, sa faatupeina ai e le Aualofa ana faalapotopotoga i le lotoifale e ala i le aoina mai o seleni faaletausaga ma le faia o suegatupe masani. Ina ia faia a latou saofaga, sa faia ai e tamaitai ni taumafataga o le afiafi lea na sau ai le tagata lava ia ma lana kuka, su’isu’i ma faatau atu ie soosoo, ma fai siva. I totonu o se tausaga, sa faatupeina atoa ai le fale.

Sa maua e le Aualofa se fanua i le isi itu o le auala mai le Malumalu o Sate Leki, ma sa galulue vavalalata Peresitene Spafford ma ona fesoasoani ma le tusiata e mamanu le fale. Sa i ai se avanoa o le ofisa mo le au peresitene aoao o le Aualofa, le fono faatonu aoao, ma le aufaigaluega e lagolagoina le tele o galuega faatino a le faalapotopotoga, e aofia ai le Mekasini a le Aualofa, auaunaga o le uelefea ma agafesootai, ma le gaosiga ma le faatauina atu o laei o le malumalu.

Talu ai sa manao Peresitene Spafford i le maota ia pei o se fale [o se aiga] nai lo se avanoa o le ofisa, sa i ai se potu malolo manaia lea e mafai ai e tamaitai ona feiloai ma uo, tusi se tusi, pe olioli i le agaga lelei o le nofoaga. I le fogafale lona tolu, sa i ai se potu tele faaagafesootai e i ai se tulaga ma se umukuka, lea e mafai e Aualofa a le siteki ona faapolopolo mo mea faapitoa e fai.

O meaalofa mai tagata o le Aualofa i le salafa o le lalolagi, e pei o se moli teuteu mai Ausetalia ma se laulau na vaneina mai Samoa, na teuteuina ai potu ma falefaafiafia o le fale. I Viena, Auseteria, sa tuufaatasi ai e le peresitene o le Aualofa o Hermine Cziep ma isi Au Paia a latou tupe e faatau ai se mea tuuteu felanulanuai ma auina atu i le vaa i le Aai o Sate Leki. Ina ua latou iloa sa gaosia le ipu i le 1830, o le tausaga na faatulagaina ai le Ekalesia, sa latou lagonaina na taitai atu latou i ai e le Alii.

“Tau lava o le mafaufau,” na fai mai ai se tamaitai i le Misiona a Suisi-Auseteria, “o i matou o se vaega o se fale matagofie faapena, ma e ui atonu matou te le vaai lava i ai, ae matou te iloa o le a fesoasoani i le faafiafiaina o le toatele o tamaitai.”

O le Maota o le Aualofa, e pei ona faaigoaina ai le laumua fou, sa saunia mo le faapaiaga ia Oketopa 1956. O lona mamanu o se siuleo faaonaponei o le fausaga anamua, e faaatoatoa ai le sitaili o le Maota o le Pulega o le Ekalesia na lata ane, lea na faamaeaina i le 1917 e fai ma ofisa o le Au Peresitene Sili ma isi pulega aoao. Ina ia faamamaluina le talafaasolopito umi o le Aualofa o le teuina o saito, o au teuteu o saito auro na teuteuina ai fafo o le fale fou.

I le aso 3 o Oketopa, sa tu ai Peresitene Spafford i le pulelaa o le Tapeneko i Sate Leki, ma tilotilo atu i se aofia na suitulaga i se vaega o le toatele o tamaitai o e sa ositaulaga ina ia faataunuuina le faamaeaina o le Maota o le Aualofa. Sa talitonu o ia o taumafaiga o le faatupeina ma le fausiaina sa avea o se malosiaga autasi i totonu o le faalapotopotoga.

“Ua faamauina faatasi ua tasi le usoga a le Aualofa,” na ia saunoa ai. “Matou te tatalo o mea uma e alu atu mai lo tatou fale o le Aualofa ia faaoaina ai soifuaga ma taitai atu ai e agai i le manuia e faavavau o afafine o lo tatou Tama Faalelagi.”

Ina ua amata lana suesuega o le O se Galuega Taua ma le Ofoofogia, sa amata ona auai atu Hélio da Rocha Camargo i se paranesi lata ane O Le Ekalesia a Iesu Keriso o le Au Paia o Aso e Gata Ai. E lei umi ae faaalia foi e lona toalua o Nair, le fiafia i le talalelei toefuataiina. “Ou te le toe fia alu i le lotu Metotisi,” sa ia fai atu ai i se tasi Aso Sa. Nai lo lena, sa manao o ia e o faatasi ma ia i le lotu.

Sa faaauau pea ona suesue e Hélio le Tusi a Mamona, ma faitauina mai le isi faavaa i le isi faavaa i aso e tolu. Ona ia faitauina lea o le Mataupu Faavae ma Feagaiga, le Penina Tau Tele, ma isi vaega uma o tusitusiga sa mafai ona ia maua e uiga i le Au Paia. Sa ia feiloai soo ma faifeautalai, totogi sefuluai i lana paranesi i le lotoifale, ma faaauau pea ona maua tali i ana fesili e uiga i le Atua ma Lana fuafuaga.

Sa lava foi sauniga a le Ekalesia na ia auai na ia iloa ai e mafai e le Au Paia ona faaaoga lana fesoasoani. Sa naunau Asael Sorensen, le peresitene o le misiona, mo le Ekalesia ina ia faalautele atu i Pasila, ma sa ia talitonu o taitai perisitua malolosi o le a avea ma se vaega autu o lena tuputupu ae. O le taimi nei ua tusa ma le lua afe tagata o le ekalesia i Pasila, ae e itiiti ifo ma le fitusefulu o i latou ua umia le Perisitua Mekisateko.

O le a le auai Hélio i le Ekalesia, pe tauaveina ni tiutetauave faaleperisitua, seia oo ina ia iloaina le finagalo o le Atua mo ia. Sa amatalia e Peresitene Sorensen se faasologa o lesona e fitu a faifeautalai i autu e pei “O Le Manaomia o se Perofeta Soifua,” “O Le Upu o le Poto,” ma le “O Le Faamoemoega o le Olaga Faitino.” Sa matuai auiliiliina lava e Hélio nei lesona taitasi, ae sa tele pea ana fesili mo faifeautalai.

Sa faapitoa ona faateia i laua ma Nair i le iloa e uiga i le faiga muamua e le Au Paia o faaipoipoga autaunonofo. Sa fesiligia foi e Hélio le mafuaaga na faasa ai e le Ekalesia ia alii e tupuga mai i Aferika Uli mai le umiaina o le perisitua. E pei o le Iunaite Setete, ua leva ona faatoilaloina e Pasila le faiga o le faapologaina o tagata Aferika ma e tupuga mai ia i latou. Peitai, e le pei o le Iunaite Setete, e lei faaauauina e Pasila ona faatagaina tulafono e tuueseeseina ai Tagata Uli ma tagata papae, o lea sa itiiti ai ni faailoga lanu i tagata Pasila.

O Hélio, o ona lava tuaa o ni tagata Europa, e lei fetaiai lava ma se tapu o tagatanuu i lana lotu sa i ai muamua, ma o lea faiga sa faaletonu ai o ia. Ae o ana fesili sa le o mea ia sa taofia ai o ia mai le auai i le Ekalesia. A o ia suesue faatasi ma faifeautalai, sa ia moomoo ia maua se aafiaga e pei o Paulo i le Feagaiga Fou—o se liua faavavega, e mamana ma faafuasei e pei o se emo o le uila.

Sa tonu ia te ia e tatalo atili ma toe faitau le Tusi a Mamona, ma le faamoemoe i taimi uma e maua ai le faamautinoaga sa ia sailia. Sa leai se mea maoae na tupu, ma sa foliga mai sa tuputupu ae le lē onosai o faifeautalai ia te ia. “E te iloa e moni le Ekalesia,” na tau atu ai e se tasi o i latou ia Hélio, “ma ua oo i le taimi mo oe i le taimi nei e fai ai se faaiuga.”

Sa sa’o le faifeautalai, sa iloa e Hélio. O le talalelei toefuataiina sa atoatoa lona uiga. Ae o le iloaina e lei lava lena mo ia.

I le amataga o le 1957, i le Aai o Sate Leki, sa galulue malosi ai Naomi Randall e fasefulu-valu tausaga le matua ma sui auai o le fono faatonu aoao o le Peraimeri i se polokalama mo taitai o le Peraimeri i le lalolagi atoa. Na filifilia e le komiti le “O Le Talosaga a se Tamaitiiti” e fai ma autu mo le polokalama. Sa latou talitonu e toatele matua ma tagata faigaluega o le Peraimeri sa lei malamalama i le taua o la latou matafaioi i le aoaoina o fanau a le Ekalesia. O le autu o le auauna atu o se faamanatu o lo latou valaauga paia.

Sa manao le peresitene aoao o le Peraimeri o LaVern W. Parmley e faalauiloa atu le polokalama i le konafesi faaletausaga a le faalapotopotoga ia Aperila, o lea sa na o ni nai masina na faamaea ai e Naomi ma lana komiti. Sa latou anapopogi ma tatalo e uiga i le polokalama ma talitonu o le a latou saunia i le taimi e tatau ai. Ona valaau atu lea o Peresitene Parmley ia Naomi e sau i lona ofisa.

“Tatou te manaomia se pese fou e o faatasi ma le polokalama,” o lana tala lea.

“O fea tatou te maua mai ai?” Na fesili atu ai Naomi.

“E mafai ona e faia,” na tali atu ai le peresitene, i le iloaina o Naomi ua leva ona avea ma se tusisolo lauiloa i le Ekalesia. Sa ia tuuina atu ia te ia le numera telefoni o Mildred Pettit, o se tagata musika talenia ma se fatupese sa auauna atu i le fono faatonu aoao o le Peraimeri. “Fesootai o ia,” o le tala lea a Peresitene Parmley. “O oulua e toalua e mafai ona galulue i se pese fou.”

Sa manatunatu lava i ai Naomi a o ia tuua le fonotaga. Sa manao o ia i tagata matutua i le polokalama ia manatua le autu ma ia iloa e manaomia e tamaiti laiti la latou fesoasoani e toe foi atu ai i le afioaga o le Atua. Ae e mafai faapefea ona ia faailoa atu lena savali i se pese?

Ina ua taunuu i le fale, sa la talanoa ma Mildred i luga o le telefoni. “Tusi i lalo soo se upu, fasifuaitau, po o se savali e te mafaufau i ai,” na fautua atu ai Mildred ia te ia. “E taua le i ai o le savali a o lei tusia le musika.”

I lena po, na ole atu ai Naomi i le Tama Faalelagi e musuia o ia i upu sao mo le pese. Ona alu lea o ia e moe ma moe filemu mo sina taimi.

I le ta o le lua, sa ala a’e o ia. Na filemu lona potu. “O a’u o se atalii o le Atua,” sa ia mafaufau ai, “ma ua Ia auina mai au iinei.” O upu o laina amata o se pese. Sa ia mafaufau i nisi laina, ma e lei umi ae maua sana fuaiupu muamua ma le lona lua. “E le leaga,” sa ia mafaufau ai. “Ou te talitonu ua lelei lea.”

E lei umi, ae tolu ana fuaiupu ma se tali, o fuaiupu taitasi i le leo o se tamaitiiti o aioi atu mo se taitaiga faaleagaga mai se matua po o se faiaoga. Sa oso i lalo Naomi mai le moega ma tusi i lalo ia upu, ma le te’i i le vave ona oo mai ia te ia. E masani lava ona ia galue malosi i upu uma na te tusia. Na faapau ifo i ona tulivae, ma ia faafetai atu i lona Tama Faalelagi.

I le taeao, sa ia valaau atu ia Arta Hale, o se fesoasoani i le au peresitene aoao o le Peraimeri. “Ua ia te a’u ni nai upu,” na ia fai atu ai. “Vaai pe i ai so latou taua.”

“Oka, teine, ua tutu ai o’u mone,” o le tala lea a Arta ina ua uma ona faitau atu i ai e Naomi ia upu. “Auina atu loa!”

I le itiiti ifo ma se vaiaso, na maua ai e Naomi se tusi mai ia Mildred. Na aumaia faatasi ai ma nota mo le pese ma ni nai faafouga i le tali. Talu mai le auina atu o upu ia Mildred, sa taumafai Naomi e vaai faalemafaufau pe faape’i le fati o le pese. Ina ua ia faalogoina le fati, sa fiafia o ia. Sa sa’o lelei lava.

I le aso 4 o Aperila, 1957, sa lagiina ai e se tagata pese toatasi ma se au faipese a tamaiti Peraimeri le “O A’u o se Atalii o le Atua” i le konafesi faaletausaga a le Peraimeri. E ese mai le fesoasoani a Mildred i upu o le tali, o le pese sa pei lava ona sa tusia ai e Naomi i le tuneva o le po. Sa aoaoina e taitai o le Peraimeri i le konafesi ina ia latou aoao atu i tamaiti i a latou lava uarota ma paranesi.

I se taimi mulimuli ane, i le valaaulia a aposetolo Harold B. Lee, sa saunoa ai le fono faatonu aoao o le Peraimeri i se taumafataga o le afiafi mo le au pulega aoao i le Maota o le Aualofa. O la latou folasaga sa faaalia ai se aufaipese o tamaiti mai atunuu ma ituaiga eseese o loo laei i ofu masani o o latou atunuu—o se faamanatu o le faatupulaia o tulaga eseese o le Ekalesia. A o usuina e tamaiti le tali o le “O A’u o se Atalii o le Atua,” sa pa’i atu lana savali aoao i loto o le faapotopotoga:

Tago mai, savali mai, i ou tafatafa,

Ina ne’i o’u sese.

Aoao mai mea e ao ona fai

Ia ou toe foi atu ai.

Ina ua uma le pese, sa faalatalata atu Peresitene Tavita O. MaKei i tamaiti. “O le a matou faalogo i la outou aioiga,” na ia folafola atu ai. “O le a matou savavali i o outou tafatafa.” Ona ia liliu atu lea i le au pulega aoao ma faapea atu, “E tatau ona tatou taliaina le lu’i e aoao atu nei fanau.”

Sa faapena foi ona siitia lagona o Elder Lee. “Naomi,” na ia fai atu ai ina ua uma le taumafataga o le afiafi, “o se tasi lenei o pese o le a tumau e oo i le faavavau.”

E oo atu ia Me 1957, ua lelava Hélio da Rocha Camargo i le suesueina o aoaoga a le Ekalesia e leai se iuga po o se faamoemoega. Mo ana aoaoga uma, sa leai sana molimau paia i lona moni. A aunoa ma lena molimau, ua na ona tutu o ia ua minoi.

Mulimuli ane, sa ia liliu atu ia Peresitene Asael Sorensen ma lona faletua, o Ida, mo se fesoasoani. Sa avea le ulugalii ma se lagolago maoae ia te i laua ma Nair ina ua la tuua le lotu Metotisi. Sa faapitoa le fiafia o Sister Sorensen ia Nair, ma sa laua feiloai soo ina ia mautinoa sa ia aoaoina ma malamalama i le talalelei. Sa ia vaaia foi tauiviga a Hélio ma manao e ofo atu le fautuaga na te mafaia.

“Hélio,” sa ia fai atu ai i se tasi aoauli, “Ou te manatu o le mafuaaga e te lei mauaina ai se molimau ona o loo e sailia ni feteenaiga i le aoaoga faavae.”

O le lagonaina o le moni o ana upu, na filifili ai Hélio e vaai i faamoemoega patino o ona talitonuga faalelotu. Sa ia fuatia ma le faaeteete mea uma sa ia aoaoina e uiga i le talalelei toefuataiina ma maua ai le aoaoga faavae e talafeagai ma ogatusa ma le Tusi Paia. Sa i ai pea ni ana fesili e uiga i faaipoipoga autaunonofo ma le tapulaa o le perisitua, ae o lenei ua naunau o ia e talia tapulaa o lona malamalama. Sa ia te ia le faatuatua o le a taitai e le Atua le Ekalesia e ala i faaaliga.

Na iloa foi e Hélio na te le manaomia se emo o le uila e faamautu ai le moni o mea sa ia aoaoina. Sa faasolosolo malie ona oo mai se molimau ia te ia i nai masina ua tuanai— sa filemu ma faalenatura na te lei iloaina o le malamalama o le upumoni e faavavau ua siomia ai o ia. Ina ua ia malamalama i lenei mea, sa ia faapau ifo i ona tulivae ma faafetai atu i le Atua mo le faaalia mai o le upumoni ia te ia.

Sa talosagaina e Hélio faifeautalai e o mai i lona fale i se po o se Aso Gafua i se taimi puupuu mulimuli ane. “O le a se mea e tatau ona ou faia nei ina ia papatiso ai?” sa ia fesili ai.

Na otooto mai e Elder Harold Hillam ia laasaga. “O le a faatalanoaina oe ona saini lea o au pepa o le papatisoga e le peresitene o le misiona,” na ia fai atu ai. “O le a tatou faia le papatisoga i le Aso Toonai.”

Sa vave ona faatalanoaina o ia e Elder Hillam ma maua ai—e leai se mea na faateia ai—sa tausia e Hélio poloaiga ma sa i ai se malamalama mausali o le talalelei.

I le aso o le papatisoga, 1 Iuni, 1957, na alu ai Hélio i le fale o le misiona, na o le pau lea o le nofoaga i São Paulo sa i ai se faatanoa mo papatisoga a le Au Paia. Sa la talanoa muamua ma Nair e uiga i lona lava manao ina ia papatisoina, ae sa ia manao e suesue atili a o lei auai o ia i le Ekalesia. E mafai ona malamalama Hélio i lena manao.

O le faatanoa o le vai papatisoga sa i tuafale o le fale o le misiona. O se aso malulu tele, ma ina ua laa atu Hélio i totonu o le vaipapatiso, sa faateia o ia i le vai malulu. Ae ina ua alu ae o ia i fafo mai le vai, na faatoa papatisoina, sa aui o ia i se mafanafana faamafanafanaina. Sa faatumulia lona tagata i le olioli, ma sa tumau pea ia te ia mo le aso atoa.

  1. Charles Woodworth to Marsha Davis, July 15, 1957, Charles J. Woodworth Papers, CHL; New Zealand Official Year-Book, 57:925; Mortensen, “Serving in Paradise,” 19–22; see also Smith, Niue, 1–10; and Woodworth, Mission Journal, May 29, 1956.

  2. Mortensen, “Serving in Paradise,” 21, 24–26, 28, 47–48; Goodman, Niue of Polynesia, chapter 2; Woodworth, Mission Journal, Dec. 21, 1955; May 17–18 and 29, 1956; June 26, 1956; Mar. 2, 13, and 16, 1957; “Comparative Report,” 3.

  3. Mortensen, Mission Journal, Aug. 27, 1955; June 6, 9, and 24–30, 1956; July 1–24, 1956; Mar. 28, 1957; Woodworth, Mission Journal, Oct. 10, 1956; Jan. 29, 1957; Feb. 11, 1957; Mar. 2 and 5, 1957; May 27–June 10, 1957; Muti and Muti, Man of Service, 154–55; Muti, “Mosese Lui Muti,” 172.

  4. Woodworth, Mission Journal, Jan. 14, 29, and 31, 1956; May 23–29, 1956; July 10, 1956; Jan. 21, 1957; Woodworth, Oral History Interview, 55–56; Price, “History of the Church of Jesus Christ of Latter Day Saints on Niue Island,” 1–2; Muti and Muti, Man of Service, 164.

  5. Muti and Muti, Man of Service, 154–55, 164–69, 171–72, 175–76, 179–80; Woodworth, Mission Journal, May 30, 1956; June 3 and 26, 1956; Aug. 28, 1956; Sept. 30, 1956; Dec. 9, 1956; Feb. 17, 1957; July 7, 1957; Mortensen, Mission Journal, May 30, 1956; June 3, 1956; Aug. 22, 1956; May 5, 1957; Mortensen, “Serving in Paradise,” 28; Muti, Interview Notes [2012]; Niue District, Tongan Mission, Minutes, Sept. 29–30 and Nov. 24, 1956, 3:36–37, 40.

  6. Woodworth, Mission Journal, June 27, 1956; Sept. 30, 1956; Mar. 17, 1957; Charles Woodworth to Marsha Davis, Oct. 9, 1956; June 15, 1957, Charles J. Woodworth Papers, CHL; “District News,” 3; Muti and Muti, Man of Service, 163–64, 167. Autu: Valaauga faale-Ekalesia; Aualofa

  7. Peterson and Gaunt, Elect Ladies, 151; Spafford, Oral History Interview, 107–8, 115, 122; Derr, Cannon, and Beecher, Women of Covenant, 309, 345–46. Autu: Belle S. Spafford

  8. Derr and others, First Fifty Years, 24–25; Reeder, “To Do Something Extraordinary,” 150–75; Saints, volume 2, chapter 24; Derr, Cannon, and Beecher, Women of Covenant, 174–76; “Rooms Are Assigned in Bishop’s Building,” Deseret Evening News, Oct. 30, 1909, 5; “Physical Needs Met by Vast Construction,” Deseret News, Apr. 6, 1951, C2.

  9. Relief Society General Presidency to First Presidency, Aug. 6, 1945, Relief Society Building Files, CHL; First Presidency to Belle S. Spafford and Counselors, Sept. 16, 1947, First Presidency, Letterpress Copybooks, volume 139; Belle S. Spafford, Marianne Sharp, and Velma Simonsen to Relief Society Presidents, Oct. 21, 1947, in Relief Society, General Board Minutes, volume 26, Oct. 22, 1947, 354A–54B; Spafford, Oral History Interview, 108–11, 115; Retail Food Prices by Cities, 10.

  10. Coral Webb to Belle S. Spafford, Dec. 10, 1947; Genevieve C. Hickison to Relief Society General Board, Feb. 19, 1948; Marena Grigsby to Hilda Richards, May 31, 1948; Holly Fisher to Marianne Sharp, Nov. 5, 1948, Relief Society Building Fund Files, CHL; Spafford, Oral History Interview, 112–17, 119; Derr, Cannon, and Beecher, Women of Covenant, 309, 319; “Relief Society Building One-Sixth Completed,” Church News, July 3, 1954, 1; “Builders Complete Relief Society’s Center,” Salt Lake Tribune, Aug. 11, 1956, 8.

  11. Spafford, Oral History Interview, 115, 122; Belle S. Spafford, “A Relief Society Building to Be Erected,” Relief Society Magazine, Dec. 1945, 752; “Builders Complete Relief Society’s Center,” Salt Lake Tribune, Aug. 11, 1956, 8; “A Home of Our Own,” Church History website, history.ChurchofJesusChrist.org.

  12. Spafford, Oral History Interview, 123; “Relief Society Building Gifts,” 1:19, 24, Photographs of Artifacts Donated to the Relief Society Building Fund, CHL; Relief Society Building Inventory, circa 1956, CHL; “Relief Society General Presidency with Gifts for the Relief Society Building,” Relief Society Magazine, Aug. 1956, 511.

  13. Heidi S. Swinton and LaRene Gaunt, “The Relief Society Building: A Symbol of Service and Sacrifice,” Ensign, Sept. 2006, 56–57; Lenora Bringhurst to Marianne Sharp, June 14, 1949; Marianne Sharp to Lenora Bringhurst, June 22, 1949, Relief Society Building Fund Files, CHL; Collette, Hermine Weber, [40]; Hatch, Cziep Family History, 201. Autu: Auseteria

  14. Lenora Bringhurst to Marianne Sharp, May 6, 1949, Relief Society Building Fund Files, CHL.

  15. Smith, Journal, Oct. 3, 1956; “Handsome Church Office Building Near Completion,” Deseret Evening News, Mar. 24, 1917, section 2, 3; “Grain Saving in the Relief Society,” Relief Society Magazine, Feb. 1915, 50–58; Young, Oral History Interview, 33; Spafford, Oral History Interview, 122–23; Belle S. Spafford, “We Built as One,” Relief Society Magazine, Dec. 1956, 801. Autu: Laumua o le Ekalesia

  16. Camargo, Oral History Interview, 13–15; Camargo, Reminiscences, 44–45; Rodriguez, From Every Nation, 132–33.

  17. Hélio da Rocha Camargo, “Meu testemunho,” Liahona (São Paulo, Brazil), Mar. 1959, 76; Camargo, Oral History Interview, 14; Sorensen, “Personal History,” 173; de Queiroz, Oral History Interview [2011], 13.

  18. Sorensen, “Personal History,” 139; “Estatistica da area brasileira,” 1955–56, Brazil South Area, Statistical Reports, CHL; Missionary Department, Full-Time Mission Monthly Progress Reports, Jan.–May 1957.

  19. Hélio da Rocha Camargo, “Meu testemunho,” Liahona (São Paulo, Brazil), Mar. 1959, 76; Camargo, Oral History Interview, 14; de Queiroz, Oral History Interview [1982], 4–6; Sorensen, “Personal History,” 139, 363.

  20. Camargo, Oral History Interview, 16–18; de Queiroz, Oral History Interview [2011], 13–14; de Queiroz, Oral History Interview [1982], 12–14; Grover, “Mormon Priesthood Revelation and the São Paulo, Brazil Temple,” 40–41; Lovell, “Development and the Persistence of Racial Inequality in Brazil,” 397–400. Autu: Priesthood and Temple Restriction [Perisitua ma le Tapulaa i le Malumalu]; Racial Segregation [Tuueseeseina Faalelanu]

  21. De Queiroz, Oral History Interview [1982], 12–14; Spencer W. Kimball, Journal, May 1, 1966; Hélio da Rocha Camargo, “Meu testemunho,” Liahona (São Paulo, Brazil), Mar. 1959, 75–76; Hillam, Oral History Interview, 6–7, emphasis in original.

  22. Oakes, “Life Sketch of Naomi W. Randall,” 11; Randall, “Heavenly Truth in Words and Music,” 2–3; Randall, Interview [1989], [00:02:36]–[00:04:40]; Naomi Randall to Mildred Pettit, Jan. 29, 1957, Collection of Materials pertaining to the Song “I Am a Child of God,” CHL; Fifty-First Annual Conference of the Primary Association, 27, [62]–[64]. Autu: Viiga; Peraimeri

  23. Oakes, “Life Sketch of Naomi W. Randall,” 11; Randall, “Heavenly Truth in Words and Music,” 2–3; Randall, Interview [1989], [00:03:30]–[00:03:45]; Naomi Randall to Mildred Pettit, Jan. 29, 1957, Collection of Materials pertaining to the Song “I Am a Child of God,” CHL.

  24. Oakes, “Life Sketch of Naomi W. Randall,” 11; Randall, “Heavenly Truth in Words and Music,” 3.

  25. Oakes, “Life Sketch of Naomi W. Randall,” 11–12; Randall, “Heavenly Truth in Words and Music,” 3; Randall, Interview [1976], 1.

  26. Oakes, “Life Sketch of Naomi W. Randall,” 11–12; Randall, “Heavenly Truth in Words and Music,” 4; Randall, Interview [1976], 1; Primary Association, General Board Minutes, Jan. 31, 1957.

  27. Naomi Randall to Mildred Pettit, Jan. 29, 1957; Feb. 5, 1957, Collection of Materials pertaining to the Song “I Am a Child of God,” CHL.

  28. Fifty-First Annual Conference of the Primary Association, 27; Randall, “Heavenly Truth in Words and Music,” 2, 4–5; Naomi Randall to Mildred Pettit, Jan. 29, 1957; Feb. 5, 1957, Collection of Materials pertaining to the Song “I Am a Child of God,” CHL.

  29. Randall, “Heavenly Truth in Words and Music,” 5–6; Lee, Diary, Apr. 7, 1959; Spencer W. Kimball, Journal, Apr. 7, 1959; Lucile Reading to Robert D. Hales, Sept. 14, 1976, Collection of Materials pertaining to the Song “I Am a Child of God,” CHL. Mulimuli ane, o le laina “Aoao mai ia te au mea uma e tatau ona ou iloa” sa suia ina ia “Aoao mai mea e ao ona fai” i le fautuaga a Spencer W. Kimball. (Davidson, Our Latter-day Hymns, 303–4.)

  30. Hélio da Rocha Camargo, “Meu testemunho,” Liahona (São Paulo, Brazil), Mar. 1959, 76; Hillam, Oral History Interview, 5–7.

  31. Sorensen, “Personal History,” 173.

  32. Hélio da Rocha Camargo, “Meu testemunho,” Liahona (São Paulo, Brazil), Mar. 1959, 76; Camargo, Oral History Interview, 16–18.

  33. Hillam, Oral History Interview, 6; Hillam, Missionary Journal, May 27, 1957. Ua faasaoina upusii mo le faitauina; “o le a ia” i le uluai suiga i le “O le a e faia,” “o ana pepa o le papatisoga” na suia i “au pepa o le papatisoga,” ma na suia le “peresitene” i le “peresitene o le misiona.”

  34. Camargo, Reminiscences, 45; Hillam, Oral History Interview, 6; Camargo, Oral History Interview, 14–15; Helio da Rocha Camargo entry, Vila Mariana Branch, São Paulo District, Brazilian Mission, Record of Members, 1957, 330, in Brazil (Country), part 3, Record of Members Collection, CHL.