Ko Ha Kilisimasi ʻi he Temipale Sikueá
ʻOku saiʻia ha tokolahi ke nau ʻaʻahi ki he Temipale Sikueá ʻi he taimi Kilisimasí. ʻOku tuongaʻane ʻaki ʻe Laisa, taʻu 11 ʻa Hailame, taʻu 1 pea ʻokú na haʻu mei Keisivila ʻi ʻIutā, pea naʻá na omi ke mamata ʻi he ngaahi maama fakaʻofoʻofá mo e ngaahi meʻa ko ia ʻi he Temipale Sikueá.
ʻE lava pē ke faingataʻa hono fili e meʻa ko ia ke ʻuluaki mamataʻí. ʻOku teuteuʻi ʻa e ngaahi ʻakau ʻi he feituʻu kotoa pē ʻaki ha ngaahi maama takemokemo lanu pingikī, engeenga, pulū mo lanu mata. Kae māʻolunga kotoa hake ʻia nautolú, ʻoku ulo ngingila ʻa e Temipale Sōlekí ʻi he ngaahi maama lanu hinehina pea ngingila e tā tongitongi lanu koula ʻo Molonaí ʻi ʻolunga.
Ne fiefia ʻa e Laisa mo Hailame he mamata ki he niʻihi ʻo e ngaahi tā tongitongi iiki ʻo e ʻaloʻí ʻa ia ne ngaohi makehe pē ia maʻá e fānau ko ia ne omi ki he ʻOlimipiki ʻo e Faʻahitaʻu Momoko ʻo e 2002 ʻi Sōleki Sití.
Ne faʻu ʻe he kau ʻaati mei he ngaahi fonua kehekehe ʻa e ngaahi meʻá ni ke talitali lelei ʻaki ʻa e fānau mei he ngaahi feituʻu kehekehe ʻo e māmaní pea tokoniʻi kinautolu ke nau fakakaukau ki he Fakamoʻuí. ʻOku kei fakaʻaliʻali pē ʻa e ngaahi meʻá ni he taimi Kilisimasí ʻi he Temipale Sikueá. ʻOku ʻi ai ha seti mei Siapani, Mekisikou, Nuʻu Sila pea mo Pōlani Kapau te ke sio fakalelei ki ai, te ke lava ʻo mamata ki ha ngaahi meʻaʻofa makehe maʻá e pēpē ko Sīsuú!
ʻOlungá: Ko e tuʻu ʻa Laisa mo Hailame ke sio ki ha tā tongitongi lahi ʻo e ʻaloʻí ne tuʻu ʻo ofi ki he Tāpanekalé pea mo fanongo ki he talanoa ʻo e Kilisimasí ʻi hono fakaongo mai ʻi ha meʻa fakaleʻolahi.
ʻOlungá: Ko ha seti hinehina ʻataʻatā ʻo e fakatātā ʻo e ʻaloʻí ʻi muʻa ʻi he temipalé. Ko ha kiʻi vai ʻoku hā ai ʻa e ʻata ʻo e temipalé mo Mele, Siosefa mo Sīsū. Ko ha meʻa fakaholomamata moʻoni.
Faitā ʻa Craig Dimond