Fakakofuʻi ʻi he ʻOfá

Uolotā Silo Kalataloni R., Pokotā, Kolomupia

Ko Tīsema, ʻa e faʻahitaʻu ʻoku ongoʻi ʻofa ai ʻa e kakaí ʻi heʻenau manatu ki he ʻaloʻi ʻo Sīsū Kalaisí mo e meʻa naʻá Ne fai maʻatautolu ʻo fakafou ʻi Heʻene Fakalelei taʻengatá.

ʻI heʻeku aʻu mai ki ʻapi mei he ngāué, ne vahevahe mai ʻe heʻeku fānau ʻe toko tolú mo hoku uaifí fakaʻofoʻofá ha fili ne nau fai fekauʻaki mo e Kilisimasí: Naʻa nau pehē, “He ʻikai fie maʻu ia ke fai ha fakatau meʻaʻofa he taʻú ni.”

Naʻá ku ʻohovale peá u fehuʻi ange, “Pea ko e hā ne mou fai ai ʻa e filí ni?” Ko hono ʻuhingá ʻe feilaulauʻi ʻe heʻeku fānaú ha meʻa ne nau nofo ʻo ʻamanaki ki ai he taʻú kakato.

Ne vave ʻenau ō atu ʻo ʻomi ʻa hoku ongo suti motuʻa mo kamata mahaehaé. Naʻa nau pehē mai, “Tangataʻeiki, ko e paʻanga ko ia ne ʻai ke kumi ʻaki e ngaahi meʻaʻofa Kilisimasí, ʻoku mau fie maʻu ke ke fetongi e ongo suti motuʻá ni ʻaki ha suti foʻou. ʻOku mau fakaʻamu ke mau sio ʻokú ke ʻalu ki he ngāué ʻokú ke tui ha suti foʻou!”

Ne u ʻilo ko e laumālie moʻoni ʻeni ʻo e Kilisimasí. ʻI he taimi ʻoku tau feilaulauʻi ai ha meʻa maʻa ha taha kehe, ʻoku tau maʻu ai ha mahino ki he ʻuhinga ʻo e Fakalelei ʻa Kalaisí.

ʻI heʻeku tui kimui ange ʻa e suti foʻou ne u maʻu he Kilisimasí, ne u ongoʻi kuo fakakofuʻi au ʻi he ʻofa.

Naʻe pehē mai ʻeku fānaú, “He ʻikai toe fie maʻu ia ke fai mai ha fakatau meʻaʻofa maʻa mautolu he taʻú ni.”