Te Kabanea an Tamaroa ni Brigham Young
Brigham Young [e] kawakinaki n roko nako nanon bwaninin taai ni mwakuri inanon kawenean aan mwakuri aika kakanato ni boong aika kaitira (D&C 138:53).
E kakauongo Kathy ngke e kabwarabwara Mr. Sodeberg bwa a kanga aomata n mwananga nakon te United States. E rangi ni ingarake ibukin ana kiraati ae boou n rongorongo ngkoa. E kibeuri baan ana boki ae boou ni karakin rongorongo ni kawai. E toki Kathy n tamnein Brigham Young. E aki ataa bonganan Brigham Young inanon rongrongon te United States mai imwaaina.
E kabanea ana reirei Mr. Sodeberg “A na iai te kamatebwai n te mweenga ni katoa bong,” e taku. “Ami moan mwakuri e na roko ningabong.”
Ni mweengana ao Kathy e ikerake ngke e tarai titiraki ni kabane are anga mwioko iai Mr Sodoberg.
“Te bong ae matoa n te reirei?” E titiraki tinana.
“Kamatebwai n te mweenga ni katoa bong,” e taku Kathy. E uringa te tamnei inanon ana boki ibukin rongorongon rimoa. “Tinau, Brigham Young inanon au boki Tera ae karika kakannatona inanon rongorongon te United States?”
“E kaira karokoaia ngaa Aika Itiaki Ni Boong Aika Kaitira nako Salt Lake Valley. Ao ngkanne e kaira kamaekaakiia.” E taku Tinana. “E kabanea te tai ae mwaiti n iangoia. Bon mwakoron te mwaing ni wairio ae kakanato inanon te aba.”
E katanoataa n te bong are imwiina Mr. Sodeberg ,“Te wiki are imwiina ti na karaoa ana kaotioti te tia wareware kam na karaoa tamnein te mwaing ni wairio. Ami karo ao ataein reirei ake tabeman ana kainnaoaki ni ira karaoakina.”
Mr. Sodeberg E moana korean araia aomata ake n te karaki ao e tibwatibwai aia taeka n te koroboki. Ngke e titiraki bwa antai ae tangira ana mwakoro Brigham Young, E a waetata ni katea baina Kathy.
“Nakon te tairiki aio kam na waakina kamatean ami mwakoro n te mweenga e na waaki ni uringi baika kam na kamatenanoi.” E taku Mr. Sodeberg. “Kam riai ni karaoia raoi. Ami bwii e na baireaki mai iai.”
E wareka ana mwakoro Kathy ngaia ao raona are Laura ngke a kitana te kiraati. E roko irouna te namakin ae kakamaaku. “E kairua aio ana taeka Laura. E karika Brigham Young n taraa ni kewe.”
“Ko ti noori bwaai ni kaokoroi bukin am ekaretia,” ana taeka Laura.
“I aki kona n atong aikai,” ana taeka Kathy
“Ko na ururingii raoi,” E kauringa Laura.
A bwaro rikaki ranimata iaon taban Kathy ngke biri nakon mweengana ao n rinako n te mataroa are mai moa.
“A mwaiti riki kamatebwai n te mweenga?” E titiraki Tinana.
“Buakaka,” e taku Kathy, ao e anganna te koroboki. “Wareka aio.”
E wareka te taeka Tinana ao e ioioa atuna. “Te koroboki aei e aki ataa aron Brigham Young ae bati.”
E taku Kathy. “Tera ae N na karaoia?”
“Te moan ti na kakaea ana kunikai Brigham Young,” E taku Tinana.
Kathy e kataa ana kooti ae roro man abwabwaki tibuna te mwaane ao e rukum ni waerake bain ana kabaraaki mwanena ae mainaina. E kaota aron te nakonako Mr. Grandi ae kaain rarikina Kathy ma ana kai ae te oko.
E kunea te bwara ae ananau man roro Tinana inanon te kabwate ao e karinna iaon atun Kathy. Ko na kakukureia Brigham Young,” E taku Tinana. “Ngkai ko na tangira taekana ae boou.”
Kathy e kakaea rongorongon Brigham Young inanon ana boki n rongorongon te Ekaretia ao iaon ana Webu tiaite. N te tai ae waetata e a manga moan koreaki taekana.
“Te karaki ae koaua ibukin Brigham Young,” e taku Kathy.
N te bong are karaoaki iai, ana kiraati Kathy a bootaki iaon te tabo ni kamataku. Kaaro ao ataei n te reirei tabeman a tataninga n aia kai n tekateka. E a kabwarabwara te burokuraem; ngkanne e a kitana te tabo ni kamataku ngke a kamatei aia mwakoro ataein te reirei.
E kamatea raoi ana mwakoro Alex, ma Randall e kamangaoa ana taeka. Mr. Sodeberg e a manga tuanga bwa e na karaoia riki. Kathy e koona ana kai. Ngke e a roko ana tai, Kathy e a taekina karakinan ni koaua Brigham Young.
“Ko bita taekan am bebwa?” E titiraki Laura imwiin te kamataku.
“Eng.”I taekina te koaua,” e taku Kathy.
“E a roko Mr. Sodeberg,” e taku Laura.
“E nako raoi, aine,” ana taeka Mr. Sodeberg. “Kathy, e reitianako, boni ngkoe te kabanea n tamaroa n Brigham Young ae I a tibwa nooria.”
Korotamnei iroun Julie F. Young