2011
Booki Aika Tabu a Reirei ao a Kakoaua Iesu Kristo
Tianuare 2011

Tera Ae Ti Kakoaua

Booki Aika Tabu A reirei ao a Kakoaua Iesu Kristo

Iai inanon booki aika tabu reirei mairouia burabeti, rongorongon ana mwakuri ni buokiia aomata te Atua, ao kaotioti mairoun te Atua nakoia Ana burabeti. E reireiniira koroboki aika tabu bwa ngaira bon natin Tamara are i Karawa, ae tangiriira. Ngkai bon mwakoron Ana baire ibukin kukureira ae akea tokina, ngaia ae ti a roko iai nakon te aonaaba. Ngkai ti a mena ikai, koroboki aika tabu bon kairan mauira n tamnei nakon Tamara are i Karawa ao Iesu Kristo.

Te kantaninga ibukin koroboki aika tabu bwa a na kakoaua Kristo, ni buokiira n Nakoina ao ni karekea te maiu ae akea tokina (tara Ioane 5:39). Ngaia are Aomata Aika Itiaki ni Boong Aika Kaitira a reireiniira bwa ti na reiakin koroboki aika a tabu ni katoa bong, iroura n tatabemaniira ke ma ara utu. Beretitenti Thomas S. Monson e taku: “Irii reirei ni koroboki aika tabu ni katoabong. Kooti ake a kakaraoaki aki rangi n nakoraoi riki nakon te wareware ni katoabong ao maiuakinan nanon koroboki inanon maiura. Karekean atatai ma reirei ake a reiakinaki ni booki aika tabu. … Kamatebwaia n aron ae kanga a taetae nakoim, ibukina bwa a bon koaua.”1

Rinanon taeka man koroboki aika tabu, ti kona ni karekea ataakin ao tangiran Tamara are I Karawa ao te Tia Kamaiu Iesu Kristo. Ti kona ni wareka Aia tua ao, ibukin aei, reiakinna bwa ko aonga ni kona n ata te kaokoro imarenan te eti ao te bure. Ti karekea te korakora n te aro bwa ti na karekea te korakora ni kaitara ana kariiri te bure. Ti karikirakea nanora n ongotaeka nakon ana tua te Atua. Koroboki aika a tabu a anganiira te rau a reireiniira ngkai ti mena i aon te aba, ao a kaota nakoira te kawai n oki nakon mweengara i karawa.

Kaain Ana Ekaretia Iesu Kristo Ibukiia Aika Itiaki Ni Boong Aika Kaitira a butimwaai koroboki aika tabu aikai:

  1. Te Baibara bon ikoikotan koroboki aika tabu aika iai inanona Ana kaotioti te Atua nakoia burabeti n taai ake ngkoa n te Aba ae Tabu. Ara kawanuua n taekan te onimaki e kangai, “Ti kakoaua te Baibara bwa e na riki bwa ana taeka te Atua ti ngkana e eti rairakina.”

  2. Ana Boki Moomon: Teuana naba ana Kakoaua Iesu Kristo aika iai inanona Ana kaotioti te Atua nakoia burabeti ngkoa n aban America. Iai inanona bwaninin ana euangkerio Iesu Kristo (tara D&C 20:9).

  3. Te Doctrine ao Covenants bon te boki ibukin kaotioti ni kaineti ma Kaokan ana euangkerio Iesu Kristo, ae a anganaki burabeti n taai aikai ni moa mairoun Iotebwa Timiti.

  4. Te Pearl of Great Price iai inanona kaotioti riki mairoun te Atua nakon Moote, Aberaam, ao Iotebwa Timiti.

  5. E teimatoa te Atua ni kaoki koaua nakoia burabeti aika maiu rinanon ana kairi te Tamnei ae Raoiroi. Koaua aika atongaki bwa booki aika a tabu (tara D&C 68:4). A roko nakoira rinanon maungatabu ni kabuta, aika karaoaki ni maon wiikin te motirawa n Eberi ao Okitobwa, ike membwa ni kabuta te aonaaba a ongo taeka mairouia ara burabeti ao taan kairiiri n te Ekaretia.

Bwaai aika a na taraaki

  1. Thomas S. Monson, “Riiki bwa te Kabanea n Tamaroa n Arom,” Riaona, Meei 2009, 68.

Kiraokiwaaiti man te maing ma ieta: kamataata n te korotamnei iroun Derek Israelsen © 2002; Kristo i Ketemwane, iroun Harry Anderson © IRI; Teniman Nibwaite, iroun Gary Kapp © 1996 IRI; Iesu Kristo E Kaoti nakon te Burabeti Iotebwa Timiti ao Oliver Cowdery, iroun Walter Rane, ana mwamwannano te Church History Museum; Te Moan Kaotioti, iroun Del Parson © 1987 IRI; rawetamnei iroun Craig Dimond © IRI; KAMATAATA n te tamnei iroun Christina Smith © IRI