Iango Ibukin te Kainutu n te Tairiki

Te bwai ae taekinaki aio kanoana bwaai ao mwakuri ake ana kona ni kamanenaaki ibukin te bootaki ni utu n te tairiki. Aikai taiani kakairi aika oti imwiina.

“Te kabaeaki ni Mwakuria Rongorongon te Utu,” iteraniba 8: Ko kona ni katoaia utu n anganiia te bwaoki bwa a na katikiraoi ao ni kabonganai ni kawakin tamnei, tienoo, ao rekooti tabeua.

Tera ae boou n Rikirakem I Bon Iroum ae Boou?, iteraniba 34, ao “Te Nakoanibonga ae te Aaron—Korakora Riki Nakon Are Ko Kona n Iangoia,” iteraniba 37: Rikirakem I Bon Iroum ae Boou ao te Beku Ibukin te Atua burokuraem e kaungaia te roronrikirake n tarai ao n tibwa te bwai are a tia n reiakinna. Ngkana iai et roronrikirake n am utu, ko kona n tuangiia bwa a na katauraoa te reirei n te kai n Utu are e boboto iaon te Beku Ibukin te Atua ke te mwakuri n Rikirakem Ibon Iroum are a tibwa tia ni karaoi.

N na Kanga ni Katea Aana ae Iai te Tamnei Iai?, iteraniba 62: Inanon teuana te kaonteina ae aki mooi n te ran, katikui atiibu aika uarereke ni karinanii. N te kaoteina teuana ae aki mooi n te ran, kabuta nanona n te tao. Kakaai bwaai aika uarereke bwa a na tei ibukin auti. Katuka te “auti” iaon te atibu ao teuana iaon te tano. Ngkanne kanoai kaonteina n te ran. Te “auti” iaon te tano e na bwaka, ao te auti iaon atibu e na tei. Maroroakina matoan aan te maiu n tamnei are e teimatoa inanon angibuaka n te maiu (tara Ereman 5:12).

Te Reirei n te Kamea e Reiakinaki

Ngke a rangi ni uarereke natira, I uotiia nakon te titooa ni man ni kabongana te kubaon ibukin te ikakoora ae aki kaboaki. Uoua te aoa imwiina ti noora te kamea ae uarereke, kabooa n aia mwane ataei. N te tairiki anne ti katuka te kamea n te ruu ni uaati bwa e na matu. N te ingabong e a kammaira te ruu. Ataei a kantaningaaki bwa a na kaitiakia, ma a namakinna bwa e a rangi ni korakora. “Ti aki kona!” a tang.

N te tairiki anne ti karaoa ara kainutu n tokin te bwai are e riki. “Ngke kam kabooa te kamea,” e taku te karo, “ko iangoa mwiina. Ngkai te kamea e riki bwa kain te utu, ao kam riai ni karaoa tibwangami ibukina.” Ti maroroakina aon bwaai aika a na riki n tainako n rimwiin te rinerine are ti karaoia, ao ti kaungaia bwa a na karaoi rinerine aika eti.

E a tibwa mate te kamea 14 te ririki imwiina ae e a tia n riki bwa kain ara utu, ma te reirei are e buokia n reireiniira e teimatoa n tiku.

Jill Grant, Victoria, Australia