Man te Tabo ni Mwakuri n te Aro
Imataia Anera
Ngke I kaokoroaki bwa te mitinare, e berita nakoiu au titeiki beretitenti bwa n taai nako N na namakina rokoia anera ao a na kamanoai.
Inanon 2003 I weteaki bwa N na mitinare i Ivory Coast, i Aberika Maeao. Ngke I kakaea, I kunea bwa te aba e bon rekereke ma te buaka n aba ae bon wakinako, ma E karauaki nanou n atakina bwa a tia ni boraraoi itera aika uoua bwa a na katoka te buaka n te tai anne. A manga roko karauan nanou ngke I a kaokoroaki. Te beretitenti n te titeiki e berita nakoiu bwa ngkana I mwakuri, N na namakina rokoia anera n tainako ao ana kamanoai. A berita naba nakoiu bwa ngkana I ongeaba, N na okira mweengau ma te kamanoaki raoi.
Inanon moan namwakaina n au tai ni mwakuri, te beretitenti n te mition e reireiniira bwa ti na tatauraoi. Inanon ara tabo ni maeka n te kaawa ae Abijan, ti kawakina te amwarake ao te ran ibukin teniua te bong, ao n taai ni bootaki ti reiakinaki iaon arora are ti na karaoia ngkana e a roko te buaka.
Ti bon raraoma naba, ngke taan iowawa a manga buaka n Nobembwa 4, 2004. Ara tia kairiri n te mition ngke kauringira n aki nakonako n te aoa 6 n te tairiki. Inanon ara kabanea n reirei n te bong are imwiina, ti karina n ongo te rebwetaua. Ti waetata ni kainira n te tataro, ti anganiia te utu te mwakoro man ana Boki Moomon bwa a na warekia, ao ti kawaetata n nakon mweengara. Te koraki ake te korakina inanon ara tabo ni maeka a roko imwiira n te tai ae kimototo. Taan ibuobuoki a tareboon n tuangira bwa ti na aki kitana ara tabo ni maeka n aekaki nako bwaai aika riki—tiaki ibukin e ekaretia ke te amwarake. Ti a ataia bwa taan kawakina te rau mai Buranti a tia ni mate ni buakanakiia n aia tai ni kiba, ma ngaia are Buranti e buakana maraen te tanga ni buaka, ni kamwaukua ana taanga ni kiba Ivory ae uarereke. Ni kaitarana, mwakuri ni kakeru aika mwaiti e a wakinako inanon kautuun te kawa.
Tebwina tengaa taan totoko ni kaoni nanoni kawai, n taui aia taaba, ni urui titoan Buranti, ao n rin nakon mweenga are a kanamakinna bwa a maeka iai kaain Buranti. Man ara winto, ti kona n noori mwakuri ni iowawa ake a karaoaki. Ti ataia bwa ti a mena inanon te kanganga ibukina bwa a mainaina kunra
N tanimaeaon taai n te Tabati ni 7 bongin Nobembwa, ibuakon karongoaan te tatakarua, kakatii, ao rebwetaua, ti karaoa botakin te toa n ara tabo ni maeka ma ti aman taan taromauri. Imwiin kakabwaian ao kabutakin te kariki ma te ran man karara n tatabui ibukin tenibong, ngaira n tatabemaniira ti taetae ao ni kaoti ara koaua. I wareka Doctrine ao Covenants 84:88: are e kangai bwa te Uea e na nako n rimoara ao e na mena i angataira ao i angamaingira, ao Tamneina e na mena inanora ao ana anera a na katobibira, ni uotiira rake (tara D&C 84:88) Ngke I warekia, ao I a iangoa te kakabwaia are e a tia n anganai au titeiki beretitenti, ao I a ataia bwa N na kamanoaki raoi.
Ti kainaki inanon ara tabo ni maeka inanon teuana te wiki. Taan kairiri n te uoote ao membwa a kakawarira ao a uoti kanara. Temanna te membwa e karekei ara rongorongo ao e kanakoi n te e-meeri nakoia ara utu, ni kaongoia bwa ti bon mano raoi ngkai. Aia ibuobuoki membwa aikai moan te kamimi! N te tai aio ao ara utu ao kaain te Ekaretia ni katobibia te aonnaba a tataro ibukin kawakinara. Ngke a tataro au utu, a namakina karauan nanoia bwa N na bon aki reke n te kanganga.
N te Kanimabong, Nobembwa 12, e a moanaki kamwawaakira. Membwa n te Ekaretia Ivory a kairira rinanon kawain Abijian, ao e ngae ngke ti ongo rongorongoia taan birinako tabeman bwa a kaikoakaki, ti otinako ma te kamanoaki raoi Ti rinanon te O n totoko nakon mweengan te Tia Tei mai Buritan. Ao ngkanne ana taanga Buritan a uotiira nako man te aba, ao e a kaekaaki aia tataro au utu ngke a noorai ma uoman unimwane iaon te kaongora ibukin te kananako. N roon te bong, membwa a kairia mitinare aika tiaki mitinaren Aberika nakon mweengan te aro. Ma ikekei ao ana taanga ni kiba Itare e katokaia n nako Ghana, ike ti a kaitiboaki iai.
E ngae ngke tebwi ma uoua buakanakiia aika tiaki kaain te aba inanon te aba, akea mitinare aika ikoaki n tain te kiriwe, ao akea mweengaia mitinare aika a niniaki. Bukina bwa ti ongeaaba nakon ana reirei te mition beretitenti, ti kamaiuaki ni mweengara ngke e waaki te kiriwe ao iai naba karara ae tau ibukin maiura. Ao e moamoa riki ataakin ana kakawakin te Uea nakon aia kakawakin kaain te taanga ni buaka.
Ngke ti a tia n nako, I a kunea bwa inanon tanimaeaon taai n te Tabati imwiin ara botaki n toa, kurubu n totoko a tia ni katauraoi ni buakana ara tabo ni maeka. Temanna mai buakoia kaain rarikira e takarua, “Tiaki kaain Buranti!” ma aki nako. N tokina, temanna kaain rarikira e tang, “Taian mitinare!” ao taan kiriwe a uamaenako. I a manga uring naba ana taeka bwa Tamneina E na mena inanora, ao a na katobibiira ana anera, ao I a ataia bwa I a tia ni maiuakina te berita man ana kakabwaia au titeiki beretitenti. I a tia n nora te taetae ni burabeti ae kakoroaki bukina.
Tamnei iroun Richard Hull