Ni Karokoa Ae Ti A Manga Kaitiboaki
Aki kitanaki
Ana kariaia te Tia Kamaiu nakon koroboki aika a tabu a kakoaua nakoiu bwa tiaki kona ni kitanaki.
Inanon Ana mwakuri ni mitinare e aki toki te Uea ni manga taekin taeka man koroboki aika a tabu. Aingaia are ti na aki mimii ni kunei kiibu man te O Tetemanti ngkai te Tia Kamaiu e manga taekinii inanon te Nu Tetemanti. Ma I a tounako n te bong teuana ngke I a wareka te moan kibu man Taian Areru 22: “Atuau, Atuau, Ko aera ngkai Ko kitanai?”
I aki bae ni iangoia ngkai te Tia Kamaiu e na kona ni manga taekin koroboki aika a tabu ngkai e taekin taeka akanne inanon Marakina iaon te kaibangaki (tara Mataio 27:46). Te iango anne e kairiri nakon te atatai ae rangin nano ibukin te maiu n tamnei.
E kuri n angiina maibuakora n taai tabetai ao ti mimii, O te Atua, ko mena ia? D&C 121:1). Te titiraki anne e roko inanon au iango angin te tai rinanon taai n raraoma ke ni kanganga n te maiu n tamnei.
Ibukin anne ana taeka te Tia Kamaiu e taraa n ae riki bwa te bubuti ibukin te titiraki: E koaua ae tangina e roko naba man te aki kakoauaki?—inanon naba taai n nanououa? E nanonaki bwa iai te titiraki ibukin au Tia Kamaiu ae mwaaka ao n kinaaki akea ana kaeka inanon te tai are I katan iaon mwaakana ni karekei kaeka ni kabane ao n tokanikai iaon bwaai ni kabane?
Warekan te areru aei e reireinai bwa, e ngae ngke taeka aikai aanga raoi te kamatata ae matoatoa ibukin te tamnei nakon “te tabeaianga ibukin te kararoaaki,” are E bon kantaningaia ma e aki bwanin raoi kamatatakina, bon tiaki kanikinaa ibukin te nanououa.1
Te mwakuri ni koaua ni wewete nakon Tamana inanon aoa aika korakora ibukin kainnanona ni kabonganaakin taeka man koroboki aika a tabu bon tiaki te kakoaua ibukin te onimaki ma bon te tai naba n reirei ae nano. E ngae ngke Taian Areru 22 e moanaki man te titiraki, bon te kamatata ibukin te onimaki ae nano ngkai te Atua e aki kitaniira:
“A onimakiniko ara bakatibu: A onimaki, ao Ko kamaiuia.
“A tang nako Im, ao a kamaiuaki: A onimakiniko, ao a aki maneang.” (kiibu 4–5).
Kabonganaan te bwai are e rinanona te tia korea te areru kanga te taratara ibukin marakin te Tia Kamaiu, te areru e taekina te kakaniko (kiibu 7–8), te kataaki ae aki koaua ao te maraki ae e roko.(kiibu 11–13), Marakina ao korakaina (te kibu 14), Takana (te kibu 15), boobitiakin baina ma waena (te kibu 16), te kaiwa ao kanakoan ana kamente (verse 18).
E ngae ngke e taekin taeka te Tia Kamaiu man te moan kibu, nikiran te areru e tei bwa te kakoaua bwa bon Ngaia te Mesia ae beritanaki, bwa Marakina e kakoroi taetae ni burabeti, ao E onimakina raoi Tamana.
Te atatai aei e kaira tamneiu nakon te kakoaua ae korakora bwa au onimaki e bon aki bua. Ma e a korakora riki nakon reiakinana bwa Iesu bon akea ana nanououa ao e bon kamaiuaki bon te kakoaua inanon te areru arei ibukin taai ngkana I mimi ngkana te Atua e a tia ni kitanai ke ngkana I raraoma ngkai e a tia n aki ongo au tang.
“Ngkami aika kam maaka Iehova, kam na kamoamoa; Ngkami aika tibun Iakoba, kam na bane n neboia; Ao kam na bane ni maku I rouna, ngkami aika tibun Iteraera.
“Bwa E aki riba rawawatan ke n riba te bwainikiriinaki ni bwainikiirinan[Iesu]; ke e a tia [Tamana] Ao E aki karaba naba matana nako ina; Ma ngke e tang [Iesu] nako Ina, ao E ongo” (kiibu 23–24; e katuruturuaki taekana).
Te Rotongtong n tain te Tauraki n te Kaibangaki, iroun Gustave Doré