Tieminari- N te Karangaina Bukamaru n te Tieminari 60 te Ririki

Te tieminari n te kaarangaina e kona ni kanganga, ma riaon 60 ririki n nako e raka iaon mirion te roronrikirake aika membwa n te Ekaretia a tia n reiakinna bwa te uti imwain otantaai ao ni kataia ni kabotoa tiaki tii ni mataia ma n aia iango iaon koroboki aika a tabu bon te waaki ae boongana.

“Kabanean tabeua te miniti ni katoabong, kaotan te koaua, ao namakinan te Tamnei e aki tii kakorakoraira ngaira ataein te reirei n nako n reirei, ma iai korakoran kamaoan ana Mwakuri ni Kamaiu Iesu Kristo inanon maiuia,” e taku Kelly Haws, te tia ibuobuoki n tararua n te Intitiute n te Tieminari n taekan te aro. “Bon te tibwanga ae korakora ibukiia kairake.”

Moan Bungian te Tieminari n te Karangaina

Te moan kiraati n tieminarii e karaoaki n aoan te reirei n 1912 n te tieminari ni kaitara ma te Granite High School I Salt Lake City, Utah, USA. E ngae n anne, ngkai e wakinako ririki, a mwaiti riki roronrikirake n te Ekaretia a karin n ana tititem reirein te botannaomata ma aki reke rokoia nakon te tieminari kiraati n aroia ataein te reirei n te Granite High.

Ngkai kaain te Ekaretia e waekoa rikirakena i Maiakin California imwiin te 1940, kainanoan te reirei irouia te roronrikirake n te euangkerio e kaunga te kurubu n titeiki beretitenti ni bubuti katean te tieminari n ana burokuraem te tieminari n te Ekaretia n aonon Californina Maiaki.

N tain te reirei n ririki aika 1948–49, Marion D. Hanks, are e a manga riki imwiina n te Beretitentii n te Kaitingaun, a tia n tokanikai n reirei n te karangaina n te tieminari n te kiraati n te West High School i Salt Lake City. Karaoan kiraati n te tieminari e tara n riki ni kakoroaki bukin aia kanganga aomata Aika Itiaki i California, ao 11 titeiki a kariaia bwa a na karaoaki 13 te kiraati n te karangaina.

Boowi E Kakaokoro Kainnanoaia

Man te burokuraem are e bwainaki e moanaki n 1950–51 te ririki n reirei, te tieminarii n te karangaina e kabuta aon te United States ao ni kabuta te aonaaba, ni buokiia te roronrikirake n taabo nako n reiakini koroboki aika a tabu ao ni karaoi reirei n te euangkerio. Arana ae kinaaki e bitaki nakon “tieminarii ni katoabong,” ibukina bwa tiaki ni kabane te kiraati ae karaoaki n te karangaina.

Mwakoron te bwai are e karika te tieminarii bwa e na nakoraoi bon ibukin bibitakina. Burokuraem a barongaaki n te titeiki ao mwakoro, ao kiraati a kona ni baireaki n te uoote teuana ke te mwaanga ke uoote aika a mwaiti ke boowi ni mwaanga ni bootaki ni kaineti nakon kainanoan bwaai aika a karaoaki n te roronrikirake, kaaro, ao taan kairiiri n te nakoanibonga.

Ngkai te mwaiti ae nakon 115,000 ataein te reirei a bon kabwaia ni katoa ririki man kanakoan tain te tieminari are e karaoaki n tain aoan te reirei irouia membwa n te Ekareita aika a mwaiti, e kaniia 217,000 ataein te reirei n te tieminarii ni kabutaa te aonaaba ake a kona n ira te tieminarii ni katoabonga.

Ibukina tabeman te roronrikirake n te Ekaretia a maeka n raroa ma kain te Ekaretia n ira tain te tieminari ke kiraati n te tieminarii ni katoa bong, te burokuraem n te tieminarii e karaoaki. Te kamatebwai n te mweenga a kabanea aua te bong ni katoa wiiki ni kamatebwai bwaai ake a anganaki ibon irouia, imwiina a bootaki ma ataei ake tabeman ake a kamataebwai naba ni mwengaia teuana te tai n te wiiki ni maroroakina te bwai are a tia n reiakinna.

Te Atiibu Ae Koreaki tiaki n te Bai

N te bong aei, a karaoaki kiraati n te tieminari ni katoa titeiki n te United States ao n 140 aaba ni katobibia te aonaaba. N 1948 I Canada e riki bwa te moan aba I tinanikun te United States ni karaoa te tieminari. N ikotaki ma butinakona te tieminarii n te karangaina, Mexico e rimwi n 1958, Finland ao Tiaman n 1962, Tiaban n 1963, Panama n 1964, ao aba riki aika mwaiti inanon ririki. A tibwa wakinaki, kiraati n te tieminarii are a kateaki n 2008 n aban Benin, Georgia, ao Morocco.

Ngkai e a butanako te tieminarii ni kabuta te aonaaba, te komiunitii irouia ataein te reirei ni kabuta te aonaaba e a rikirake. N aki warekaki bwa taabo ra aika a maeka iai ataein te reieri, a kamamatei matitarii ni koroboki aika a tabu aika titebo, kiibu ao nikamatebwai rongorongo man koroboki aika a tabu aika titebo, n namakina te Tamnei ae titebo ngkai a karikirakei aia koaua, ao ni mwakuri ni katea te abanuea ae titebo.

Kakabwaia man Anganano

Ataein te tieminarii, e ngae ngkana a ira aia tai ni motirawa, ni katoabong, ke ni kamatebwai n te tieminarii, karaoi anganano are e uotiia ni kaaniia riki nakon Tamaia are i Karawa.

“Ngke te teei ae 15-ana ririki e iangoia, ‘N na kautimwaakai n te aoa 5:00 n te moaningabong ibukin te tieminarii,’ tiaki tii anne ana anganano, ma anne ana rinerine ae kabongana bon te rongorongo nakon Tamara are I Karawa are e okirikaaki ma te kakabwaia,” Tari Haw e taku.

Kakabwaia akanne a bon koaua ni boong aikai n aroia n 60 ririki n nako, ao tieminarii n aroia nako e waakinako ni kakabwaia maiuia te roronrikirake ni kabuta te aonaabaa.

E riaon te mirion kairake irouia Aika itiaki ni Boong Aika Kaitira ae a tia n reke kabwaiaia man te tieminarii n te karangaina ma ngke e moan waaki 60 te ririki n nako.